ਗੈਜੇਟ ਡੈਸਕ - Meta Ray-Ban ਸਮਾਰਟ ਗਲਾਸ ਬਾਰੇ ਇੱਕ ਵੱਡੀ ਅਪਡੇਟ ਸਾਹਮਣੇ ਆਈ ਹੈ। ਦੱਸ ਦਈਏ ਕਿ ਹੁਣ ਇਹ ਹਾਈ-ਟੈਕ AI ਗਲਾਸ ਜਲਦੀ ਹੀ ਭਾਰਤ ’ਚ ਆਉਣ ਵਾਲੇ ਹਨ, ਇਸ ਜਾਣਕਾਰੀ ਦੀ ਪੁਸ਼ਟੀ ਖੁਦ ਕੰਪਨੀ ਨੇ ਕੀਤੀ ਹੈ। ਇਹ ਗਲਾਸ ਪਹਿਲਾਂ ਹੀ ਅਮਰੀਕਾ ਸਮੇਤ ਕਈ ਦੇਸ਼ਾਂ ’ਚ ਵੇਚੇ ਜਾਂਦੇ ਹਨ। ਇਸ ’ਚ ਕੈਮਰਾ, ਸਪੀਕਰ ਅਤੇ AI ਵਰਗੀਆਂ ਕਈ ਹਾਈ-ਟੈਕ ਫੀਚਰ ਹਨ। ਆਓ ਇਸ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ।
ਫੇਸਬੁੱਕ ਦੀ ਮੂਲ ਕੰਪਨੀ ਮੇਟਾ ਨੇ ਬੁੱਧਵਾਰ ਨੂੰ ਇਕ ਵੱਡਾ ਐਲਾਨ ਕੀਤਾ ਹੈ। ਕੰਪਨੀ ਨੇ ਕਿਹਾ ਹੈ ਕਿ ਰੇ-ਬੈਨ ਮੇਟਾ ਏਆਈ ਵੱਲੋਂ ਬਣਿਆ ਗਲਾਸ ਜਲਦੀ ਹੀ ਭਾਰਤ ’ਚ ਲਾਂਚ ਕੀਤੇ ਜਾਣਗੇ। ਇਹ ਗਲਾਸ, ਜੋ ਕਿ ਕਲਾਸਿਕ ਰੇ-ਬੈਨ ਸ਼ੈਲੀ ’ਚ ਆਉਂਦੇ ਹਨ, ਬਹੁਤ ਸਾਰੀਆਂ ਉੱਚ-ਤਕਨੀਕੀ ਫੀਚਰਜ਼ ਦੇ ਨਾਲ ਆਉਂਦੇ ਹਨ। ਹਾਲਾਂਕਿ , ਕੰਪਨੀ ਨੇ ਅਜੇ ਤੱਕ ਇਸਦੀ ਲਾਂਚ ਟਾਈਮਲਾਈਨ ਦਾ ਜ਼ਿਕਰ ਨਹੀਂ ਕੀਤਾ ਹੈ।
ਕੀ ਹਨ ਫੀਚਰ?
ਰੇ-ਬੈਨ ਮੈਟਾ ਏਆਈ ਪਾਵਰਡ ਐਨਕਾਂ ਦੀ ਮਦਦ ਨਾਲ, ਯੂਜ਼ਰਸ ਹੈਂਡਸ ਫ੍ਰੀ ਤਰੀਕੇ ਨਾਲ ਰੀਅਲ ਟਾਈਮ ਕਾਲਾਂ ਪ੍ਰਾਪਤ ਕਰ ਸਕਦੇ ਹਨ ਅਤੇ ਕੁਝ ਮਹੱਤਵਪੂਰਨ ਜਾਣਕਾਰੀ ਦਾ ਜਵਾਬ ਵੀ ਦੇ ਸਕਦੇ ਹਨ। ਇੱਥੇ ਐਨਕਾਂ ਦੀ ਮਦਦ ਨਾਲ, ਕੋਈ ਵੀ ਵਿਅਕਤੀ ਆਸਾਨੀ ਨਾਲ ਸੰਗੀਤ ਸੁਣ ਸਕੇਗਾ, ਭਾਵੇਂ ਉਸ ਦਾ ਸਮਾਰਟਫੋਨ ਜੇਬ ’ਚ ਰੱਖਿਆ ਗਿਆ ਹੋਵੇ।
ਕੈਮਰਾ
ਰੇ-ਬੈਨ ਮੈਟਾ ਗਲਾਸ ਦੇ ਅੰਦਰ, ਯੂਜ਼ਰਸ ਨੂੰ 12-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਕੈਮਰਾ ਮਿਲਦਾ ਹੈ। ਇਸ ਦੀ ਮਦਦ ਨਾਲ, ਉੱਚ ਰੈਜ਼ੋਲਿਊਸ਼ਨ ਵਾਲੀਆਂ ਤਸਵੀਰਾਂ ਅਤੇ ਫੋਟੋਆਂ ਖਿੱਚੀਆਂ ਜਾ ਸਕਦੀਆਂ ਹਨ। ਇੱਥੇ ਤੁਸੀਂ ਵਾਇਸ ਕਮਾਂਡਾਂ ਦੀ ਮਦਦ ਨਾਲ ਜਾਂ ਟੱਚਪੈਡ ਦੀ ਮਦਦ ਨਾਲ ਵੀ ਫੋਟੋਆਂ ਅਤੇ ਵੀਡੀਓ ਕੈਪਚਰ ਕਰ ਸਕਦੇ ਹੋ।
ਬਾਕੀ ਫੀਚਰਜ਼
ਰੇ-ਬੈਨ ਮੈਟਾ ਗਲਾਸ ਦੇ ਅੰਦਰ ਪੰਜ ਮਾਈਕ੍ਰੋਫੋਨ ਵਰਤੇ ਗਏ ਹਨ, ਜੋ ਬਿਹਤਰ ਆਡੀਓ ਅਤੇ ANC ਨਾਲ ਕੰਮ ਕਰਦੇ ਹਨ। ਇਸ ਦੀ ਮਦਦ ਨਾਲ, ਤੁਸੀਂ ਕਾਲਿੰਗ, ਸੰਗੀਤ, ਪੋਡਕਾਸਟ ਆਦਿ ਦਾ ਅਨੁਭਵ ਕਰ ਸਕਦੇ ਹੋ।
Meta AI ਦਾ ਸਪੋਰਟ
ਰੇ-ਬੈਨ ਮੈਟਾ ਗਲਾਸ ਯੂਜ਼ਰਸ ਨੂੰ ਵਾਇਸ ਐਕਟੀਵੇਟਿਡ ਅਸਿਸਟੈਂਟ ਦੀ ਸਹੂਲਤ ਦਿੰਦੇ ਹਨ, ਜਿਸ ਨੂੰ 'ਹੇ ਮੈਟਾ' ਕਹਿ ਕੇ ਐਕਟੀਵੇਟ ਕੀਤਾ ਜਾ ਸਕਦਾ ਹੈ। ਇਸ ਦੀ ਹੈਂਡਸ ਫ੍ਰੀ ਸਹੂਲਤ ਦਾ ਲਾਭ ਉਠਾਇਆ ਜਾ ਸਕਦਾ ਹੈ। ਇਸ ਦੀ ਮਦਦ ਨਾਲ ਤੁਸੀਂ ਮੈਸੇਜ ਭੇਜ ਸਕਦੇ ਹੋ।
ਪਰਫਾਰਮੈਂਸ
ਰੇ-ਬੈਨ ਮੈਟਾ ਗਲਾਸ ’ਚ ਕੁਆਲਕਾਮ ਸਨੈਪਡ੍ਰੈਗਨ AR1 Gen1 ਪ੍ਰੋਸੈਸਰ ਦੀ ਵਰਤੋਂ ਕੀਤੀ ਗਈ ਹੈ। ਇਸਦੀ ਮਦਦ ਨਾਲ, ਯੂਜ਼ਰਸ ਨੂੰ ਇਕ ਸੁਚਾਰੂ ਅਨੁਭਵ ਮਿਲਦਾ ਹੈ। ਇਸ ਦੀ ਮਦਦ ਨਾਲ, ਤੁਸੀਂ ਤੇਜ਼ੀ ਨਾਲ ਫੋਟੋਆਂ ਕਲਿੱਕ ਕਰ ਸਕਦੇ ਹੋ ਅਤੇ ਵੀਡੀਓ ਬਣਾ ਸਕਦੇ ਹੋ। ਇਹ ਇਕ ਪਤਲੇ ਚਾਰਜਿੰਗ ਕੇਸ ਦੇ ਨਾਲ ਆਉਂਦਾ ਹੈ।
ਕਨੈਕਟੀਵਿਟੀ ਆਪਸ਼ਨ
ਰੇ-ਬੈਨ ਮੈਟਾ ਗਲਾਸ ਕੁਨੈਕਟੀਵਿਟੀ ਲਈ ਬਲੂਟੁੱਥ 5.0 ਦਾ ਸਮਰਥਨ ਕਰਦੇ ਹਨ। ਇਹ ਮੈਟਾ ਵਿਊ ਐਪ ਨਾਲ ਅਨੁਕੂਲਤਾ ਰੱਖਦਾ ਹੈ।
WhatsApp ਯੂਜ਼ਰਸ ਲਈ ਵੱਡੀ ਖਬਰ! ਆ ਗਿਆ ਇਹ ਸ਼ਾਨਦਾਰ ਫੀਚਰ, ਜਾਣੋ ਵਰਤਣ ਦਾ ਤਰੀਕਾ ਤੇ ਫਾਇਦੇ
NEXT STORY 
