ਜਲੰਧਰ- ਟੈਲੀਕਾਮ ਰੈਗੂਲੇਟਰ (TRAI) ਦੀ ਨਵੀਂ ਰਿਪੋਰਟ ਤੋਂ ਪਤਾ ਲੱਗਾ ਹੈ ਕਿ ਡਾਊਨਲੋਡਿੰਗ ਸਪੀਡ ਦੇ ਲਿਹਾਜ ਨਾਲ ਮਾਰਚ ਮਹੀਨੇ 'ਚ ਰਿਲਾਇੰਸ ਜਿਓ ਟਾਪ 'ਤੇ ਰਹੀ। ਮਾਰਚ ਮਹੀਨੇ 'ਚ ਰਿਲਾਇੰਸ ਜਿਓ ਦੀ ਡਾਊਨਲੋਡਿੰਗ ਸਪੀਡ 18.48 Mbps ਰਹੀ। ਇਹ ਹੁਣ ਤੱਕ ਦਾ ਕੰਪਨੀ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਹੈ। ਰਿਲਾਇੰਸ ਜਿਓ ਦੇ ਨੈੱਟਵਰਕ 'ਤੇ ਐਵਰੇਜ ਡਾਊਨਲੋਡ ਸਪੀਡ ਇਕ ਅਪ੍ਰੈਲ ਨੂੰ 18.48 Mbps ਦੇ ਨਾਲ ਟਾਪ 'ਤੇ ਰਹੀ ਜੋ ਇਕ ਮਹੀਨੇ ਪਹਿਲਾਂ 16.48 Mbps ਸੀ।
ਟਰਾਈ ਦੇ ਅੰਕੜਿਆਂ ਮੁਤਾਬਕ ਇਸ ਮਹੀਨੇ ਭਾਰਤੀ ਏਅਰਟੈੱਲ ਦੇ ਨੈੱਟਵਰਕ 'ਤੇ ਡਾਊਨਲੋਡ ਸਪੀਡ 1 Mbps ਘੱਟ ਕੇ 6.57Mbps ਰਹੀ। ਇਸ ਦੌਰਾਨ ਵੋਡਾਫੋਨ ਤੀਜੀ ਸਭ ਤੋਂ ਤੇਜ਼ ਮੋਬਾਇਲ ਨੈੱਟਵਰਕ ਕੰਪਨੀ ਰਹੀ ਜਿਸ ਦੇ ਨੈੱਟਵਰਕ 'ਤੇ ਡਾਊਨਲੋਡ ਸਪੀਡ 6.14 Mbps ਆਂਕੀ ਗਈ। ਇਸ ਦੌਰਾਨ ਆਈਡੀਆ ਦੇ ਨੈੱਟਵਰਕ ਦੀ ਡਾਊਨਲੋਡ ਸਪੀਡ 2.34 Mbps ਤੋਂ ਘੱਟ ਕੇ 5.9 Mbps ਰਹੀ। ਇਸ ਲਿਹਾਜ ਨਾਲ ਏਅਰਟੈੱਲ ਦੀ ਡਾਊਨਲੋਡ ਸਪੀਡ 2.01 Mbps ਰਹੀ। ਪਬਲਿਕ ਸੈਕਟਰ ਦੀ ਕੰਪਨੀ ਬੀ.ਐੱਸ.ਐੱਨ.ਐੱਲ. ਦੀ ਡਾਊਨਲੋਡ ਸਪੀਡ 1.99 Mbps ਰਹੀ।
ਜਿਓ ਦੇ ਆਉਣ ਨਾਲ ਟੈਲੀਕਾਮ ਸੈਕਟਰ 'ਚ ਮੁਕਾਬਲੇਬਾਜ਼ੀ ਵਧ ਗਈ ਹੈ। ਕੁਝ ਸਮਾਂ ਪਹਿਲਾਂ ਇਕ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਰਿਲਾਇੰਸ ਜਿਓ ਕਾਰਨ ਮਿਲਣ ਵਾਲੇ ਸਖਤ ਮੁਕਾਬਲੇ ਦੇ ਚੱਲਦੇ ਟਾਪ ਤਿੰਨ ਟੈਲੀਕਾਮ ਕੰਪਨੀਆਂ 'ਚੋਂ ਦੋ ਨੂੰ ਜ਼ਿਆਦਾ ਸੰਘਰਸ਼ ਕਰਨਾ ਹੋਵੇਗਾ। ਦੂਰਸੰਚਾਰ ਕੰਪਨੀਆਂ ਨੂੰ ਫਾਇਨੈਂਸ਼ੀਅਲ ਯੀਅਰ 2017-18 'ਚ ਵੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਵੇਗਾ।
Dual Selfie ਕੈਮਰਾ ਅਤੇ 4GB ਰੈਮ ਨਾਲ ਲਾਂਚ ਹੋਇਆ Oppo ਦਾ ਇਹ ਸਮਾਰਟਫੋਨ
NEXT STORY 
