ਗੈਜੇਟ ਡੈਸਕ- ਮਾਰੁਤੀ ਸੁਜ਼ੂਕੀ ਇੰਡੀਆ ਲਿਮਟਿਡ ਨੇ ਅਕਤੂਬਰ ਮਹੀਨੇ ਲਈ ਆਪਣੀ ਪ੍ਰੀਮੀਅਮ ਅਤੇ ਲਗਜ਼ਰੀ SUV ਗ੍ਰੈਂਡ ਵਿਟਾਰਾ ‘ਤੇ ਖਾਸ ਆਫ਼ਰਾਂ ਦਾ ਐਲਾਨ ਕੀਤਾ ਹੈ। ਕੰਪਨੀ ਗਾਹਕਾਂ ਨੂੰ ਇਸ SUV ‘ਤੇ 1.80 ਲੱਖ ਰੁਪਏ ਤੱਕ ਦਾ ਲਾਭ ਦੇ ਰਹੀ ਹੈ। ਸਟ੍ਰੌਂਗ ਹਾਈਬ੍ਰਿਡ ਵੈਰੀਐਂਟ ‘ਤੇ 1.80 ਲੱਖ ਰੁਪਏ ਤੱਕ, ਜਦਕਿ ਪੈਟਰੋਲ ਵੈਰੀਐਂਟ ‘ਤੇ 1.50 ਲੱਖ ਰੁਪਏ ਤੱਕ ਦੀ ਛੂਟ ਮਿਲ ਰਹੀ ਹੈ, ਜਿਸ 'ਚ ਐਕਸਟੈਂਡਡ ਵਾਰੰਟੀ ਵੀ ਸ਼ਾਮਲ ਹੈ। ਇਸ ਦੇ ਨਾਲ ਹੀ, CNG ਵੈਰੀਐਂਟ ‘ਤੇ 40,000 ਰੁਪਏ ਤੱਕ ਦੀ ਛੂਟ ਦਿੱਤੀ ਜਾ ਰਹੀ ਹੈ।
27.97 ਕਿਲੋਮੀਟਰ ਪ੍ਰਤੀ ਲੀਟਰ ਦਾ ਸ਼ਾਨਦਾਰ ਮਾਈਲੇਜ
ਗ੍ਰੈਂਡ ਵਿਟਾਰਾ 'ਚ 1462cc ਦਾ K15 ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ, ਜੋ 6,000 RPM ‘ਤੇ 100 BHP ਪਾਵਰ ਅਤੇ 4,400 RPM ‘ਤੇ 135 Nm ਟਾਰਕ ਪੈਦਾ ਕਰਦਾ ਹੈ। ਇਹ ਇੰਜਣ ਮਾਈਲਡ ਹਾਈਬ੍ਰਿਡ ਸਿਸਟਮ ਨਾਲ ਲੈੱਸ ਹੈ ਅਤੇ 5-ਸਪੀਡ ਮੈਨੁਅਲ ਜਾਂ 6-ਸਪੀਡ ਆਟੋਮੈਟਿਕ ਟ੍ਰਾਂਸਮਿਸ਼ਨ ਦੇ ਵਿਕਲਪਾਂ ਨਾਲ ਉਪਲੱਬਧ ਹੈ। ਸਟ੍ਰੌਂਗ ਹਾਈਬ੍ਰਿਡ ਵੈਰੀਐਂਟ 27.97 ਕਿਲੋਮੀਟਰ ਪ੍ਰਤੀ ਲੀਟਰ ਦਾ ਮਾਈਲੇਜ ਦਿੰਦਾ ਹੈ, ਜਿਸ ਨਾਲ ਪੂਰੇ ਟੈਂਕ 'ਤੇ ਲਗਭਗ 1,200 ਕਿਲੋਮੀਟਰ ਤੱਕ ਦੀ ਰੇਂਜ ਮਿਲ ਸਕਦੀ ਹੈ।
ਦੋ ਮੋਟਰ ਵਾਲਾ ਹਾਈਬ੍ਰਿਡ ਸਿਸਟਮ
ਇਸ SUV 'ਚ 2 ਮੋਟਰਾਂ ਵਾਲਾ ਹਾਈਬ੍ਰਿਡ ਸਿਸਟਮ ਹੈ — ਇਕ ਪੈਟਰੋਲ ਇੰਜਣ ਅਤੇ ਇਕ ਇਲੈਕਟ੍ਰਿਕ ਮੋਟਰ। ਇੰਜਣ ਚੱਲਣ ਦੌਰਾਨ ਬੈਟਰੀ ਖੁਦ ਚਾਰਜ ਹੁੰਦੀ ਹੈ ਅਤੇ ਜ਼ਰੂਰਤ ਪੈਣ 'ਤੇ ਵਾਧੂ ਪਾਵਰ ਦਿੰਦੀ ਹੈ। EV ਮੋਡ 'ਚ ਗੱਡੀ ਸਿਰਫ਼ ਇਲੈਕਟ੍ਰਿਕ ਮੋਟਰ ਨਾਲ ਚਲਦੀ ਹੈ, ਜੋ ਬਿਲਕੁਲ ਸ਼ਾਂਤ ਅਤੇ ਸਮੂਥ ਡ੍ਰਾਈਵਿੰਗ ਅਨੁਭਵ ਦਿੰਦੀ ਹੈ। ਹਾਈਬ੍ਰਿਡ ਮੋਡ 'ਚ ਇਲੈਕਟ੍ਰਿਕ ਮੋਟਰ ਪਹੀਏ ਚਲਾਉਂਦੀ ਹੈ ਜਦਕਿ ਪੈਟਰੋਲ ਇੰਜਣ ਜਨਰੇਟਰ ਦੀ ਤਰ੍ਹਾਂ ਕੰਮ ਕਰਦਾ ਹੈ।
ਸੁਰੱਖਿਆ ਤੇ ਆਧੁਨਿਕ ਫੀਚਰ
ਗ੍ਰੈਂਡ ਵਿਟਾਰਾ 'ਚ ਟਾਇਰ ਪ੍ਰੈਸ਼ਰ ਮਾਨੀਟਰਿੰਗ ਸਿਸਟਮ, ਪੈਨੋਰਾਮਿਕ ਸਨਰੂਫ਼, 360 ਡਿਗਰੀ ਕੈਮਰਾ, ਵਾਇਰਲੈੱਸ ਚਾਰਜਿੰਗ, ਵੈਂਟੀਲੇਟਡ ਫਰੰਟ ਸੀਟਾਂ, ਅਤੇ ਡਿਜ਼ਿਟਲ ਇੰਸਟਰੂਮੈਂਟ ਕਲਸਟਰ ਵਰਗੇ ਕਈ ਆਧੁਨਿਕ ਫੀਚਰ ਮਿਲਦੇ ਹਨ। ਸੁਰੱਖਿਆ ਪੱਖੋਂ, ਇਸ 'ਚ ਮਲਟੀਪਲ ਏਅਰਬੈਗਜ਼, ABS ਨਾਲ EBD, ਇਲੈਕਟ੍ਰਾਨਿਕ ਸਟੇਬਿਲਿਟੀ ਐਸਿਸਟ (ESA), ਹਿੱਲ ਹੋਲਡ ਐਸਿਸਟ, ਸਪੀਡ ਅਲਰਟ, ਸੀਟ ਬੈਲਟ ਰਿਮਾਈਂਡਰ, ਅਤੇ ਪਾਰਕਿੰਗ ਸੈਂਸਰ ਜਿਹੀਆਂ ਸਹੂਲਤਾਂ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
PhonePe, Paytm, ਅਤੇ GPay ਉਪਭੋਗਤਾਵਾਂ ਲਈ ਰਾਹਤ, 31 ਦਸੰਬਰ ਤੋਂ UPI 'ਚ ਹੋ ਰਹੇ ਵੱਡੇ ਬਦਲਾਅ
NEXT STORY 
