ਜਲੰਧਰ— ਪਿਛਲੇ ਹਫਤੇ ਮਾਈਕ੍ਰੋਸਾਫਟ ਨੇ ਸਕਾਈਪ 'ਚ ਗਰੁੱਪ ਵੀਡੀਓ ਕਾਲਿੰਗ ਦਾ ਵਾਅਦਾ ਕੀਤਾ ਸੀ ਅਤੇ ਹੁਣ ਕੰਪਨੀ ਨੇ ਇਸ ਵਾਅਦੇ ਨੂੰ ਪੂਰਾ ਕਰਦੇ ਹੋਏ ਸਕਾਈਪ ਗਰੁੱਪ ਵੀਡੀਓ ਕਾਲ ਫੀਚਰ ਪੇਸ਼ ਕਰ ਦਿੱਤਾ ਹੈ। ਸਕਾਈਪ ਗਰੁੱਪ ਕਾਲਿੰਗ ਫੀਚਰ ਨੂੰ ਆਈ.ਓ.ਐੱਸ. ਅਤੇ ਐਂਡ੍ਰਾਇਡ ਲਈ ਲਾਂਚ ਕੀਤਾ ਗਿਆ ਹੈ। ਸਾਫਟਵੇਅਰ ਮੇਕਰ ਨੇ ਯੂਰਪ ਅਤੇ ਅਮਰੀਕਾ 'ਚ ਇਸ ਫੀਚਰ ਦੀ ਆਪਸ਼ਨ ਆਨ ਕਰ ਦਿੱਤਾ ਹੈ। ਇਸ ਨੂੰ ਅਗਲੇ ਹਫਤੇ ਤਕ ਪੂਰੀ ਤਰ੍ਹਾਂ ਨਾਲ ਰੋਲ ਆਊਟ ਕਰਨ ਦੀ ਸੰਭਾਵਨਾ ਹੈ। ਮਾਈਕ੍ਰੋਸਾਫਟ ਮੁਤਾਬਕ ਸਕਾਈਪ ਦੇ ਇਸ ਫੀਚਰ ਨੂੰ ਮਾਰਚ 'ਚ ਵਰਲਡ-ਵਾਈਡ ਉਪਲੱਬਧ ਕਰਵਾਇਆ ਜਾਵੇਗਾ।
ਸਕਾਈਪ ਗਰੁੱਪ ਕਾਲਿੰਗ 'ਚ 25 ਲੋਕ ਇਕੱਠੇ ਗੱਲ ਕਰ ਸਕਦੇ ਹਨ ਅਤੇ ਜੋ ਵਿਅਕਤੀ ਗੱਲ ਕਰ ਰਿਹਾ ਹੈ ਉਹ ਵਿਚ ਦਿਖਾਈ ਦੇਵੇਗਾ। ਇੰਟੈਲ ਨੇ ਮਾਈਕ੍ਰੋਸਾਫਟ ਦੇ ਨਾਲ ਕੰਮ ਕਰਦੇ ਹੋਏ SILK Super Wide Band ਆਡੀਓ ਕੋਡ ਨੂੰ Azure ਕਲਾਊਡ ਸਰਵਿਸ ਦੇ ਸਮਰਥ ਕੀਤਾ ਹੈ। ਇੰਨੀ ਵੱਡੀ ਗਿਣਤੀ 'ਚ ਲੋਕਾਂ ਦੇ ਆਪਸ 'ਚ ਇਕੱਠੇ ਗੱਲ ਕਰਨ ਲਈ ਮਾਈਕ੍ਰੋਸਾਫਟ ਇਸੇ ਨੂੰ ਪਾਵਰ ਦਿੰਦਾ ਹੈ। ਗਰੁੱਪ ਕਾਲਿੰਗ ਤੋਂ ਇਲਾਵਾ ਮਾਈਕ੍ਰੋਸਾਫਟ ਨੇ ਐਂਡ੍ਰਾਇਡ ਅਤੇ ਆਈ.ਓ.ਐੱਸ. ਸਕਾਈਪ ਚੈਟ ਇਨਵੀਟੇਸ਼ਨ ਫੀਚਰ ਨੂੰ ਐਕਸਪੈਂਡ ਕੀਤਾ ਹੈ।
ਹਰੇਕ ਲਈ ਹੈ ਕੁਝ ਨਾ ਕੁਝ ਖਾਸ
NEXT STORY 
