ਵੈੱਬ ਡੈਸਕ- ਅੱਜਕੱਲ ਫੈਸ਼ਨ ਦੀ ਦੁਨੀਆ ’ਚ ਸਲਿੱਪ ਡਰੈੱਸ ਨੇ ਮੁਟਿਆਰਾਂ ਅਤੇ ਔਰਤਾਂ ਵਿਚਾਲੇ ਕਾਫੀ ਲੋਕਪ੍ਰਿਯਤਾ ਹਾਸਲ ਕਰ ਲਈ ਹੈ। ਵੈਸਟਰਨ ਡਰੈੱਸ ਦੀ ਸ਼੍ਰੇਣੀ ’ਚ ਇਹ ਸਟਾਈਲ ਹੋਰ ਡਰੈੱਸਾਂ ਦੇ ਮੁਕਾਬਲੇ ਕਾਫੀ ਵੱਖਰਾ ਹੈ। ਲੰਬੀ ਲੰਬਾਈ ਵਾਲੀ ਇਹ ਡਰੈੱਸ ਵੱਖ-ਵੱਖ ਤਰ੍ਹਾਂ ਦੇ ਕੱਟ, ਵਰਕ, ਲਾਈਨ ਅਤੇ ਡਿਜ਼ਾਈਨ ਦੇ ਨਾਲ ਉਪਲਬਧ ਹੁੰਦੀ ਹੈ, ਜੋ ਇਸ ਨੂੰ ਹੋਰ ਵੀ ਖਾਸ ਬਣਾਉਂਦੀ ਹੈ। ਸਲਿੱਪ ਡਰੈੱਸ ਆਪਣੀ ਯੂਨੀਕ ਅਪੀਲ ਕਾਰਨ ਰਵਾਇਤੀ ਡਰੈੱਸ ਤੋਂ ਵੱਖਰੀ ਪਛਾਣ ਰੱਖਦੀ ਹੈ। ਸਲਿੱਪ ਡਰੈੱਸ ਇਕ ਕਲਾਸਿਕ, ਸਾਫਟ ਅਤੇ ਵਰਸੇਟਾਈਲ ਪਹਿਰਾਵਾ ਹੈ। ਇਹ ਹਲਕਾ, ਬਾਡੀ-ਸਕਿਮਿੰਗ (ਸਰੀਰ ਦੇ ਨਾਲ ਚਿਪਕਣ ਵਾਲਾ) ਅਤੇ ਆਸਾਨੀ ਨਾਲ ਪਹਿਨਿਆ ਜਾਣ ਵਾਲਾ ਹੁੰਦਾ ਹੈ। ਸਲਿੱਪ ਡਰੈੱਸ ’ਚ ਵੰਨ-ਸੁਵੰਨਤਾ ਵੇਖਣ ਨੂੰ ਮਿਲਦੀ ਹੈ। ਕੁਝ ਡਰੈੱਸਾਂ ’ਚ ਲੰਬਾ ਕੱਟ ਦਿੱਤਾ ਗਿਆ ਹੁੰਦਾ ਹੈ, ਜਦੋਂ ਕਿ ਕੁਝ ’ਚ ਕਾਊਲ ਨੈੱਕਲਾਈਨ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਹ ਡਰੈੱਸ ਫੁੱਲ ਸਲੀਵਜ਼ ਤੋਂ ਲੈ ਕੇ ਹਾਫ ਸਲੀਵਜ਼ ਅਤੇ ਡਿਜ਼ਾਈਨਰ ਸਲੀਵਜ਼ ਤੱਕ ਉਪਲਬਧ ਹੈ।
ਕਈ ਡਰੈੱਸਾਂ ਸਲੀਵਲੈੱਸ, ਸਟ੍ਰੈਪ ਜਾਂ ਸਟ੍ਰੈਪਲੈੱਸ ਡਿਜ਼ਾਈਨ ’ਚ ਵੀ ਆਉਂਦੀਆਂ ਹਨ, ਜੋ ਇਨ੍ਹਾਂ ਨੂੰ ਹੋਰ ਜ਼ਿਆਦਾ ਆਕਰਸ਼ਕ ਬਣਾਉਂਦੀਆਂ ਹਨ। ਸਲਿੱਪ ਡਰੈੱਸ ਖਾਸ ਤੌਰ ’ਤੇ ਮੁਟਿਆਰਾਂ ਅਤੇ ਔਰਤਾਂ ਦੀ ਪਹਿਲੀ ਪਸੰਦ ਬਣ ਚੁੱਕੀ ਹੈ। ਸਿੰਪਲ ਪਲੇਨ ਸਲਿੱਪ ਡਰੈੱਸ ਜਾਂ ਐਂਬ੍ਰਾਇਡਰੀ ਵਾਲੀ ਸਲਿੱਪ ਡਰੈੱਸ ਨੂੰ ਪਾਰਟੀ, ਈਵਨਿੰਗ ਪਾਰਟੀ, ਬਰਥਡੇ ਸੈਲੀਬ੍ਰੇਸ਼ਨ, ਗੈੱਟ-ਟੂਗੈਦਰ, ਆਫਿਸ ਪਾਰਟੀ ਅਤੇ ਆਫਿਸ ਮੀਟਿੰਗ ’ਚ ਆਸਾਨੀ ਨਾਲ ਪਹਿਨਿਆ ਜਾ ਸਕਦਾ ਹੈ। ਫੈਬਰਿਕ ਦੀ ਗੱਲ ਕਰੀਏ ਤਾਂ ਸੈਟਿਨ ਜਾਂ ਸਿਲਕ ਫੈਬਰਿਕ ਦੀ ਸਲਿੱਪ ਡਰੈੱਸ ਪਹਿਨਣ ਵਾਲੇ ਨੂੰ ਰਾਇਲ ਅਤੇ ਕਲਾਸੀ ਲੁੱਕ ਦਿੰਦੀ ਹੈ। ਅਜਿਹੀ ਡਰੈੱਸ ਦੇ ਨਾਲ ਹਾਈ ਹੀਲਸ ਦਾ ਕੰਬੀਨੇਸ਼ਨ ਬਹੁਤ ਵਧੀਆ ਲੱਗਦਾ ਹੈ।
ਉੱਥੇ ਹੀ, ਪ੍ਰਿੰਟਿਡ ਸਲਿੱਪ ਡਰੈੱਸ ਦੇ ਨਾਲ ਮੁਟਿਆਰਾਂ ਕੋਲ੍ਹਾਪੁਰੀ ਜੁੱਤੀਆਂ, ਫਲੈਟ ਸੈਂਡਲ ਜਾਂ ਕੈਜ਼ੁਅਲ ਸ਼ੂਜ਼ ਪਹਿਨਣਾ ਪਸੰਦ ਕਰਦੀਆਂ ਹਨ। ਹੇਅਰ ਸਟਾਈਲ ਦੇ ਮਾਮਲੇ ’ਚ ਵੀ ਸਲਿੱਪ ਡਰੈੱਸ ਦੇ ਨਾਲ ਕਈ ਆਪਸ਼ਨਜ਼ ਉਪਲਬਧ ਹਨ। ਮੁਟਿਆਰਾਂ ਓਪਨ ਹੇਅਰ, ਵੱਖ-ਵੱਖ ਤਰ੍ਹਾਂ ਦੇ ਜੂੜੇ, ਮੈਸੀ ਫਲਿਕਸ, ਫਰੰਟ ਫਲਿਕਸ, ਹਾਫ-ਅੱਪ ਹਾਫ-ਡਾਊਨ ਨੂੰ ਕਾਫੀ ਪਸੰਦ ਕਰ ਰਹੀਆਂ ਹਨ। ਇਹ ਹੇਅਰ ਸਟਾਈਲ ਡਰੈੱਸ ਦੇ ਨਾਲ ਮੈਚ ਕਰ ਕੇ ਪੂਰੇ ਆਊਟਫਿੱਟ ਨੂੰ ਹੋਰ ਆਕਰਸ਼ਕ ਬਣਾ ਦਿੰਦੇ ਹਨ। ਮੇਕਅੱਪ ਨੂੰ ਹਲਕਾ ਜਾਂ ਗਲੈਮਰਸ ਰੱਖ ਕੇ ਵੀ ਲੁੱਕ ਨੂੰ ਪਰਫੈਕਟ ਬਣਾਇਆ ਜਾ ਸਕਦਾ ਹੈ। ਸਲਿੱਪ ਡਰੈੱਸ ਕੰਫਰਟੇਬਲ ਹੋਣ ਦੇ ਨਾਲ-ਨਾਲ ਟ੍ਰੈਂਡੀ ਵੀ ਹੈ, ਇਸ ਲਈ ਅੱਜਕੱਲ੍ਹ ਹਰ ਫੈਸ਼ਨੇਬਲ ਮੁਟਿਆਰ ਦੀ ਅਲਮਾਰੀ ’ਚ ਸਲਿੱਪ ਡਰੈੱਸ ਨੇ ਆਪਣੀ ਜਗ੍ਹਾ ਬਣਾ ਲਈ ਹੈ।
ਇਸ ਡਰੈੱਸ ਨੂੰ ਅਸੈਸਰੀਜ਼ ਦੇ ਨਾਲ ਸਟਾਈਲ ਕਰਨਾ ਵੀ ਆਸਾਨ ਹੈ। ਛੋਟੇ-ਛੋਟੇ ਨੈੱਕਲੇਸ, ਸਟੱਡ ਈਅਰਰਿੰਗਸ, ਬ੍ਰੈਸਲੇਟ ਜਾਂ ਕਲੱਚ ਬੈਗ ਦੇ ਨਾਲ ਇਸ ਨੂੰ ਹੋਰ ਬਿਹਤਰ ਬਣਾਇਆ ਜਾ ਸਕਦਾ ਹੈ। ਸਲਿੱਪ ਡਰੈੱਸ ਨਾ ਸਿਰਫ ਸਟਾਈਲਿਸ਼ ਹੈ, ਸਗੋਂ ਆਤਮਵਿਸ਼ਵਾਸ ਵੀ ਵਧਾਉਂਦੀ ਹੈ। ਜੋ ਔਰਤਾਂ ਇਸ ਨੂੰ ਪਹਿਨਦੀਆਂ ਹਨ, ਉਹ ਖੁਦ ਨੂੰ ਜ਼ਿਆਦਾ ਖੂਬਸੂਰਤ ਅਤੇ ਆਧੁਨਿਕ ਮਹਿਸੂਸ ਕਰਦੀਆਂ ਹਨ। ਅੱਜ ਦੇ ਤੇਜ਼ ਬਦਲਦੇ ਫੈਸ਼ਨ ਟ੍ਰੈਂਡਸ ’ਚ ਸਲਿੱਪ ਡਰੈੱਸ ਨੇ ਆਪਣਾ ਇਕ ਵੱਖਰਾ ਮੁਕਾਮ ਹਾਸਲ ਕਰ ਲਿਆ ਹੈ। ਇਹ ਡਰੈੱਸ ਉਨ੍ਹਾਂ ਸਾਰੀਆਂ ਮੁਟਿਆਰਾਂ ਅਤੇ ਔਰਤਾਂ ਲਈ ਬੈਸਟ ਚੁਆਇਸ ਹੈ ਜੋ ਸਿੰਪਲ ਪਰ ਸਟਾਈਲਿਸ਼ ਲੁੱਕ ਚਾਹੁੰਦੀਆਂ ਹਨ।
ਮੁਟਿਆਰਾਂ ਦੀ ਮਾਡਰਨ ਪਸੰਦ ਬਣੇ ‘ਫਰੰਟ ਟਾਈ ਅੱਪ ਟਾਪ’
NEXT STORY 
