ਗੈਜੇਟ ਡੈਸਕ - ਸੈਮਸੰਗ Galaxy Unpacked 2025 'ਚ ਇਕ ਵੱਡਾ ਐਲਾਨ ਕਰਨ ਦੀ ਤਿਆਰੀ ਕਰ ਰਿਹਾ ਹੈ, ਜਿੱਥੇ ਇਹ ਆਪਣੇ ਆਗੂਮੈਂਟੇਡ ਰਿਐਲਿਟੀ (AR) ਗਲਾਸ ਦੇ ਪ੍ਰੋਟੋਟਾਈਪਾਂ ਦਾ ਖੁਲਾਸਾ ਕਰੇਗਾ। ਕਈ ਸਾਲਾਂ ਦੀਆਂ ਅਫਵਾਹਾਂ ਤੋਂ ਬਾਅਦ ਤਕਨੀਕੀ ਦਿੱਗਜ ਦੇ AR ਮਾਰਕੀਟ ’ਚ ਦਾਖਲ ਹੋਣ ਦੀ ਆਸ ਹੈ। ਹਾਲਾਂਕਿ ਐਨਕਾਂ ਬਾਰੇ ਕੋਈ ਖਾਸ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਸ਼ੁਰੂਆਤੀ ਰਿਪੋਰਟਾਂ ਨੇ ਇਸ ਬਾਰੇ ਕੁਝ ਖਾਸ ਜਾਣਕਾਰੀ ਦਿੱਤੀ ਹੈ ਕਿ ਸੈਮਸੰਗ ਡਿਵਾਈਸਾਂ ’ਚ ਕੀ ਪਾਇਆ ਜਾ ਸਕਦਾ ਹੈ। ਆਓ ਜਾਣਦੇ ਹਾਂ ਸੈਮਸੰਗ AR ਗਲਾਸ ਬਾਰੇ।
ਇਕ ਨਿਊਜ਼ ਏਜੰਸੀ ਅਨੁਸਾਰ, ਸੈਮਸੰਗ ਇਲੈਕਟ੍ਰਾਨਿਕਸ ਇਕ ਫੋਟੋ ਜਾਂ ਵੀਡੀਓ ਦੇ ਜ਼ਰੀਏ 2025 ਦੇ ਸ਼ੁਰੂ ’ਚ AR ਗਲਾਸ ਪ੍ਰੋਟੋਟਾਈਪ ਨੂੰ ਪੇਸ਼ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਇਹ ਜਾਣਕਾਰੀ ਕਈ ਸਾਲਾਂ ਦੀਆਂ ਅਫਵਾਹਾਂ, ਲੀਕ ਅਤੇ ਪੇਟੈਂਟ ਆਨਲਾਈਨ ਹੋਣ ਤੋਂ ਬਾਅਦ ਆਈ ਹੈ, ਜਿਸ ਨਾਲ ਕੰਪਨੀ ਦੇ ਸਮਾਰਟ ਗਲਾਸ ਪ੍ਰੋਜੈਕਟ ਬਾਰੇ ਉਮੀਦਾਂ ਵਧ ਗਈਆਂ ਹਨ। ਇਹ ਸਪੱਸ਼ਟ ਹੈ ਕਿ ਸੈਮਸੰਗ ਵਧ ਰਹੀ AR ਸਪੇਸ ’ਚ ਮੁਕਾਬਲਾ ਕਰਨ ਲਈ ਆਪਣੇ ਆਪ ਨੂੰ ਤਿਆਰ ਕਰ ਰਿਹਾ ਹੈ, ਇਸ ਦੇ ਪ੍ਰੋਟੋਟਾਈਪ ਦੇ ਨਾਲ ਆਉਣ ਵਾਲੇ ਫੀਚਰਜ਼ ਦੀ ਇਕ ਝਲਕ ਦੇਣ ਦੀ ਉਮੀਦ ਹੈ।
Samsung AR Glasses Price
Samsung AR Glasses ਦੀ ਕੀਮਤ ਬਾਰੇ ਅਜੇ ਕੋਈ ਜਾਣਕਾਰੀ ਨਹੀਂ ਹੈ ਪਰ ਸੈਮਸੰਗ ਏਆਰ ਗਲਾਸ ਦੀ ਕੀਮਤ ਮੇਟਾ ਡਿਵਾਈਸ ਦੇ ਸਮਾਨ ਹੋਣ ਦੀ ਉਮੀਦ ਹੈ, ਜੋ ਕਿ ਭਾਰਤ ’ਚ ਲਗਭਗ 35 ਹਜ਼ਾਰ ਰੁਪਏ ’ਚ ਉਪਲਬਧ ਹੈ। ਉਮੀਦ ਕੀਤੀ ਜਾਂਦੀ ਹੈ ਕਿ ਸੈਮਸੰਗ ਅਧਿਕਾਰਤ ਪ੍ਰੋਟੋਟਾਈਪ ਪੇਸ਼ ਕਰਕੇ ਹੋਰ ਜਾਣਕਾਰੀ ਪ੍ਰਦਾਨ ਕਰੇਗਾ।
Samsung AR Glasses Specifications
ਸੈਮਸੰਗ ਏਆਰ ਗਲਾਸਾਂ ਦੇ ਭਾਰ ਦੇ ਲਿਹਾਜ਼ ਨਾਲ ਰੇ-ਬੈਨ ਮੈਟਾ ਸਮਾਰਟ ਗਲਾਸ ਜਿੰਨਾ ਲਾਈਟ ਹੋਣ ਦੀ ਆਸ ਹੈ, ਜਿਸ ਦਾ ਭਾਰ ਲਗਭਗ 50 ਗ੍ਰਾਮ ਹੈ। ਇਹ ਗਲਾਸ ਸਿਰਫ਼ ਇਕ ਸਟਾਈਲਿਸ਼ ਐਕਸੈਸਰੀ ਤੋਂ ਵੱਧ ਲਈ ਤਿਆਰ ਕੀਤੇ ਗਏ ਹਨ, ਜਿਸ ’ਚ ਸੰਕੇਤ ਪਛਾਣ, ਚਿਹਰੇ ਦੀ ਪਛਾਣ ਅਤੇ ਏਕੀਕ੍ਰਿਤ ਭੁਗਤਾਨ ਫੰਕਸ਼ਨ ਵਰਗੇ ਫੀਚਰਜ਼ ਸ਼ਾਮਲ ਹਨ। ਇਹ ਅੰਦਾਜ਼ਾ ਹੈ ਕਿ ਸੈਮਸੰਗ ਏਆਰ ਗਲਾਸ ਮੇਟਾ ਗਲਾਸਾਂ ਨਾਲੋਂ ਬਿਹਤਰ ਫੰਕਸ਼ਨ ਪ੍ਰਦਾਨ ਕਰੇਗਾ, ਖਾਸ ਤੌਰ 'ਤੇ ਉਪਭੋਗਤਾਵਾਂ ਦੀ ਗੱਲਬਾਤ ਦੇ ਮਾਮਲੇ ’ਚ। ਸੈਮਸੰਗ AR ਗਲਾਸ ਬਣਾਉਣ ਲਈ ਫਰਵਰੀ 2023 ਤੋਂ Qualcomm ਅਤੇ Google ਵਰਗੀਆਂ ਕੰਪਨੀਆਂ ਨਾਲ ਸਾਂਝੇਦਾਰੀ ਕਰ ਰਿਹਾ ਹੈ। ਅਫਵਾਹ ਹੈ ਕਿ ਇਨ੍ਹਾਂ ਗਲਾਸਾਂ 'ਚ 155mAh ਦੀ ਬੈਟਰੀ ਹੈ। ਇਨ੍ਹਾਂ ਗਲਾਸਾਂ 'ਚ 12 ਮੈਗਾਪਿਕਸਲ ਦਾ ਪ੍ਰਾਇਮਰੀ ਕੈਮਰਾ ਹੈ। ਹਾਲਾਂਕਿ, ਇਹ ਧਿਆਨ ਦੇਣ ਯੋਗ ਹੈ ਕਿ ਸੈਮਸੰਗ ਏਆਰ ਗਲਾਸ ’ਚ ਇਕ ਡਿਸਪਲੇਅ ਹੋਣ ਦੀ ਉਮੀਦ ਨਹੀਂ ਹੈ, ਜੋ ਡਿਵਾਈਸ ਨੂੰ ਹਲਕਾ ਅਤੇ ਵਧੇਰੇ ਕੰਪੈਕਟ ਰੱਖੇਗਾ। ਜਦੋਂ ਕਿ ਮੇਟਾ ਦੇ ਗਲਾਸ 'ਚ ਡਿਸਪਲੇ ਦਿੱਤੀ ਗਈ ਹੈ। Google ਦਾ Gemini AI ਸਹਾਇਕ ਭੁਗਤਾਨ, QR ਕੋਡ ਪਛਾਣ, ਸੰਕੇਤ ਪਛਾਣ ਅਤੇ ਚਿਹਰੇ ਦੀ ਪਛਾਣ ਵਰਗੇ ਕੰਮਾਂ ਦਾ ਸਮਰਥਨ ਕਰ ਸਕਦਾ ਹੈ, ਜੋ ਰੋਜ਼ਾਨਾ ਵਰਤੋਂ ਲਈ ਗਲਾਸ ਨੂੰ ਇਕ ਬਿਹਤਰ ਡਿਵਾਈਸ ਬਣਾ ਦੇਵੇਗਾ।
ਕੀਮਤ ਘੱਟ ਤੇ ਸ਼ਾਨਦਾਰ ਫੀਚਰ! ਇਹ ਲੈਪਟਾਪ ਪੜ੍ਹਾਈ 'ਚ ਕਰਨਗੇ ਤੁਹਾਡੀ ਮਦਦ
NEXT STORY 
