ਗੈਜੇਟ ਡੈਸਕ - ਭਾਰਤ ’ਚ iQOO ਨੇ ਇਸ ਆਉਣ ਵਾਲੇ ਸਮਾਰਟਫੋਨ iQOO Neo 10 ਨੂੰ ਜਲਦੀ ਲਾਂਚ ਕੀਤਾ ਜਾ ਸਕਦਾ ਹੈ ਤੇ ਇਸ ਦੇ ਨਾਲ ਹੀ ਇਸ ਫੋਨ ਦੇ ਫੀਚਰਜ਼ ਦਾ ਖੁਲਾਸਾ ਹੋਇਆ ਹੈ। ਇਸ ਤੋਂ ਪਹਿਲਾਂ, ਕੰਪਨੀ ਨੇ ਭਾਰਤੀ ਬਾਜ਼ਾਰ ’ਚ iQOO Neo 10R ਲਾਂਚ ਕੀਤਾ ਹੈ। ਇਸ ਫੋਨ ਨੂੰ ਚੀਨੀ ਬਾਜ਼ਾਰ ’ਚ ਲਾਂਚ ਕੀਤੇ ਗਏ iQOO Z10 Turbo Pro ਦੇ ਰੀਬ੍ਰਾਂਡਡ ਮਾਡਲ ਵਜੋਂ ਲਾਂਚ ਕੀਤਾ ਜਾ ਸਕਦਾ ਹੈ। ਫੋਨ ’ਚ 7,000mAh ਬੈਟਰੀ ਸਮੇਤ ਕਈ ਸ਼ਕਤੀਸ਼ਾਲੀ ਫੀਚਰ ਦਿੱਤੇ ਜਾ ਸਕਦੇ ਹਨ।
ਦੱਸ ਦਈਏ ਕਿ iQOO ਇੰਡੀਆ ਨੇ ਆਪਣੇ ਅਧਿਕਾਰਤ X ਹੈਂਡਲ ਰਾਹੀਂ ਭਾਰਤ ’ਚ ਇਸ ਫੋਨ ਦੇ ਲਾਂਚ ਦੀ ਪੁਸ਼ਟੀ ਕੀਤੀ ਹੈ। ਕੰਪਨੀ ਨੇ ਅਜੇ ਤੱਕ ਇਸ ਫੋਨ ਦੀ ਲਾਂਚ ਤਰੀਕ ਦਾ ਖੁਲਾਸਾ ਨਹੀਂ ਕੀਤਾ ਹੈ ਪਰ ਆਪਣੀ ਪੋਸਟ ’ਚ, ਕੰਪਨੀ ਨੇ ਕਿਹਾ ਹੈ ਕਿ ਇਹ ਫੋਨ ਜਲਦੀ ਹੀ ਭਾਰਤ ’ਚ ਲਾਂਚ ਕੀਤਾ ਜਾਵੇਗਾ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਸ ਨੂੰ ਇਸ ਮਹੀਨੇ ਭਾਰਤ ’ਚ ਲਾਂਚ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ, iQOO ਨੇ ਆਪਣੀ ਪੋਸਟ ਵਿੱਚ ਇਸ ਫੋਨ ਦੇ ਡਿਜ਼ਾਈਨ ਦਾ ਵੀ ਟੀਜ਼ ਕੀਤਾ ਹੈ। ਇਸ ਦੇ ਬੈਕ ਪੈਨਲ ’ਚ ਇੱਕ ਡਿਊਲ-ਟੋਨ ਡਿਜ਼ਾਈਨ ਦਿੱਤਾ ਜਾ ਸਕਦਾ ਹੈ। ਇਸ ’ਚ ਸੰਤਰੀ ਅਤੇ ਚਿੱਟੇ ਰੰਗ ਦਾ ਸੁਮੇਲ ਦੇਖਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ, ਫੋਨ ਦੇ ਪਿਛਲੇ ਹਿੱਸੇ ’ਚ ਡਿਊਲ ਕੈਮਰਾ ਸੈੱਟਅੱਪ ਉਪਲਬਧ ਹੋਵੇਗਾ।
ਕੀ ਹਨ ਫੀਚਰਜ਼?
iQOO ਦੇ ਇਸ ਫੋਨ ਨੂੰ ਹਾਲ ਹੀ ’ਚ ਕਈ ਸਰਟੀਫਿਕੇਸ਼ਨ ਸਾਈਟਾਂ 'ਤੇ ਵੀ ਲਿਸਟ ਕੀਤਾ ਗਿਆ ਹੈ। Geekbench ਲਿਸਟਿੰਗ ਦੇ ਅਨੁਸਾਰ, iQOO Neo 10 ’ਚ Qualcomm Snapdragon 8s Gen 4 ਚਿੱਪਸੈੱਟ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ, ਫੋਨ ’ਚ 12GB RAM ਅਤੇ ਐਂਡਰਾਇਡ 15 ਓਪਰੇਟਿੰਗ ਸਿਸਟਮ ਦਿੱਤਾ ਜਾ ਸਕਦਾ ਹੈ। ਫੋਨ ’ਚ 256GB ਤੱਕ ਦੀ ਇੰਟਰਨਲ ਸਟੋਰੇਜ ਦਿੱਤੀ ਜਾ ਸਕਦੀ ਹੈ। ਇਸ ਦੇ ਨਾਲ ਹੀ ਇਸ ’ਚ 6.78 ਇੰਚ FHD + AMOLED ਡਿਸਪਲੇਅ ਹੋ ਸਕਦਾ ਹੈ। ਫੋਨ ਦੀ ਡਿਸਪਲੇਅ 144Hz ਹਾਈ ਰਿਫਰੈਸ਼ ਰੇਟ ਨੂੰ ਸਪੋਰਟ ਕਰੇਗੀ।
ਇਸ ਤੋਂ ਇਲਾਵਾ, ਫੋਨ ’ਚ 7000mAh ਬੈਟਰੀ ਦੇ ਨਾਲ 120W ਫਾਸਟ ਚਾਰਜਿੰਗ ਫੀਚਰ ਦਿੱਤਾ ਜਾ ਸਕਦਾ ਹੈ। ਇਸ iQOO ਫੋਨ ਦੇ ਪਿਛਲੇ ਹਿੱਸੇ ’ਚ ਡਿਊਲ ਕੈਮਰਾ ਸੈੱਟਅਪ ਉਪਲਬਧ ਹੋਵੇਗਾ। ਇਸ ’ਚ 50MP ਮੁੱਖ ਅਤੇ 8MP ਸੈਕੰਡਰੀ ਕੈਮਰਾ ਹੋਵੇਗਾ। ਇਸ ’ਚ ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 16MP ਕੈਮਰਾ ਹੋਵੇਗਾ। iQOO ਇਸ ਫੋਨ ਨੂੰ 35,000 ਰੁਪਏ ਦੀ ਕੀਮਤ ਰੇਂਜ ’ਚ ਲਾਂਚ ਕਰ ਸਕਦਾ ਹੈ।
ਖਰੀਦਣ ਜਾ ਰਹੇ ਹੋ ਪੁਰਾਣਾ iPhone ਤਾਂ ਇਨ੍ਹਾਂ ਗੱਲਾਂ ਦਾ ਰੱਖੋ ਖਾਸ ਧਿਆਨ! ਨਹੀਂ ਤਾਂ...
NEXT STORY 
