ਗੈਜੇਟ ਡੈਸਕ - ਵਟਸਐਪ ਆਪਣੇ ਲੱਖਾਂ ਯੂਜ਼ਰਸ ਨੂੰ ਇਕ ਨਵਾਂ ਅਤੇ ਹੁਣ ਤੱਕ ਦਾ ਸਭ ਤੋਂ ਵਧੀਆ ਫੀਚਰ ਤੋਹਫ਼ਾ ਦੇ ਸਕਦਾ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਇਕ ਰਿਪੋਰਟ ’ਚ ਖੁਲਾਸਾ ਹੋਇਆ ਹੈ ਕਿ ਵਟਸਐਪ ਜਲਦੀ ਹੀ ਵਟ੍ਹਸਐਪ ਲਾਗਆਊਟ ਫੀਚਰ ਲਾਂਚ ਕਰਨ ਜਾ ਰਿਹਾ ਹੈ ਜਿਸ ਦਾ ਫਾਇਦਾ ਫਾਇਦਾ ਇਹ ਹੋਵੇਗਾ ਕਿ ਜੇਕਰ ਤੁਹਾਡਾ ਵਟਸਐਪ ਵਰਤਣ ਦਾ ਮਨ ਨਹੀਂ ਕਰਦਾ, ਤਾਂ ਤੁਸੀਂ ਲੌਗਆਉਟ ਕਰ ਸਕੋਗੇ। ਅਜਿਹਾ ਕਰਨ ਨਾਲ, ਵਟਸਐਪ ਤੁਹਾਡਾ ਡੇਟਾ ਸੁਰੱਖਿਅਤ ਰੱਖੇਗਾ ਅਤੇ ਤੁਸੀਂ ਕਿਸੇ ਵੀ ਗਰੁੱਪ ਤੋਂ ਬਾਹਰ ਨਹੀਂ ਰਹੋਗੇ।
ਹਾਲਾਂਕਿ WhatsApp 'ਤੇ ਫਿਲਹਾਲ ਕੋਈ ਲਾਗਆਉਟ ਆਪਸ਼ਨ ਨਹੀਂ ਹੈ। ਦੱਸ ਦਈਏ ਕਿ ਯੂਜ਼ਰਸ ਨੂੰ ਅਕਾਊਂਟ ਮਿਟਾਉਣ ਦਾ ਆਪਸ਼ਨ ਦਿੱਤਾ ਜਾਂਦਾ ਹੈ, ਜਿਸ ਦੀ ਚੋਣ ਕਰਨ 'ਤੇ ਯੂਜ਼ਰਸ ਦਾ ਸਾਰਾ ਡੇਟਾ ਡਿਲੀਟ ਹੋ ਜਾਂਦਾ ਹੈ। ਹਾਲਾਂਕਿ ਲੌਗਆਉਟ ਕਰਨ ਦਾ ਆਪਸ਼ਨ WhatsApp ਵੈੱਬ 'ਤੇ ਉਪਲਬਧ ਹੈ, ਪਰ ਇਹ ਵੈੱਬ ਵਰਜਨ ਭਾਵ ਕੰਪਿਊਟਰ ਤੋਂ ਲੌਗਆਉਟ ਹੋ ਜਾਂਦਾ ਹੈ।
ਰਿਪੋਰਟ ਦੇ ਅਨੁਸਾਰ, WhatsApp ਲੌਗਆਉਟ ਫੀਚਰ ਲੋਕਾਂ ਨੂੰ ਆਪਣੇ ਪ੍ਰਾਇਮਰੀ ਡਿਵਾਈਸ 'ਤੇ ਐਪ ਬੰਦ ਕਰਨ ਦੀ ਇਜਾਜ਼ਤ ਦੇਵੇਗਾ ਅਤੇ ਇਸਦਾ ਫਾਇਦਾ ਇਹ ਹੋਵੇਗਾ ਕਿ ਤੁਹਾਡਾ ਅਕਾਊਂਟ ਚੱਲਦਾ ਰਹੇਗਾ ਪਰ ਤੁਸੀਂ ਇਸ ਤੋਂ ਬਾਹਰ ਹੋਵੋਗੇ। ਮੌਜੂਦਾ ਸਮੇਂ ’ਚ ਭਾਵੇਂ ਕੁਝ ਵੀ ਹੋਵੇ, ਯੂਜ਼ਰਸ ਇੰਟਰਨੈੱਟ ਚਾਲੂ ਹੋਣ 'ਤੇ WhatsApp ਨਾਲ ਜੁੜਿਆ ਰਹਿੰਦਾ ਹੈ। WhatsApp ਫ਼ੋਨ 'ਤੇ ਸਿਰਫ਼ ਉਦੋਂ ਹੀ ਕੰਮ ਕਰਨਾ ਬੰਦ ਕਰ ਦਿੰਦਾ ਹੈ ਜਦੋਂ ਜਾਂ ਤਾਂ ਖਾਤਾ ਡਿਲੀਟ ਹੋ ਜਾਂਦਾ ਹੈ ਜਾਂ WhatsApp ਫ਼ੋਨ ਤੋਂ ਅਨਇੰਸਟੌਲ ਕੀਤਾ ਜਾਂਦਾ ਹੈ। ਦੋਵੇਂ ਸਥਿਤੀਆਂ ਲੋਕਾਂ ਲਈ ਸੰਭਵ ਨਹੀਂ ਹਨ।
ਕਈ ਵਾਰ ਛੁੱਟੀਆਂ ਵਾਲੇ ਦਿਨ, ਲੋਕ ਆਪਣੇ ਪਰਿਵਾਰ ਨਾਲ ਸਮਾਂ ਬਿਤਾਉਣਾ ਚਾਹੁੰਦੇ ਹਨ ਪਰ ਜਿਵੇਂ ਹੀ ਉਹ ਆਪਣਾ ਫ਼ੋਨ ਅਨਲੌਕ ਕਰਦੇ ਹਨ ਤਾਂ ਉਨ੍ਹਾਂ ਨੂੰ ਬਹੁਤ ਸਾਰੇ WhatsApp ਮੈਸੇਜ ਮਿਲਦੇ ਹਨ। ਉਨ੍ਹਾਂ ਨੂੰ ਨਾ ਚਾਹੁੰਦਿਆਂ ਵੀ ਐਪ ਦੇਖਣੀ ਪੈਂਦੀ ਹੈ। ਇਸ ਨਵੇਂ ਫੀਚਰ ਦੇ ਨਾਲ, ਲੋਕ ਜਦੋਂ ਵੀ ਚਾਹੁਣ ਇਸ ਦੀ ਵਰਤੋਂ ਬੰਦ ਕਰ ਸਕਦੇ ਹਨ। ਇਹ ਬਿਲਕੁਲ ਉਸੇ ਤਰ੍ਹਾਂ ਹੋ ਸਕਦਾ ਹੈ ਜਿਵੇਂ ਲੋਕ ਆਪਣੇ ਫੇਸਬੁੱਕ ਖਾਤੇ ਜਾਂ ਜੀਮੇਲ ਤੋਂ ਲੌਗ ਆਊਟ ਕਰਦੇ ਹਨ।
ਮਿਲੇਗਾ ਇਹ ਫਾਇਦਾ
ਤੁਹਾਨੂੰ ਇਹ ਦੱਸਣਾ ਜ਼ਰੂਰੀ ਹੈ ਕਿ ਇਹ ਫੀਚਰ ਉਨ੍ਹਾਂ ਲੋਕਾਂ ਨੂੰ ਵੀ ਫਾਇਦਾ ਪਹੁੰਚਾਏਗਾ ਜੋ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਇਕ ਫੋਨ 'ਤੇ ਦੋ WhatsApp ਚਲਾਉਣਾ ਚਾਹੁੰਦੇ ਹਨ। ਇਕ ਖਾਤੇ ਤੋਂ ਲੌਗ ਆਊਟ ਕਰਨ ਤੋਂ ਬਾਅਦ, WhatsApp ਨੂੰ ਦੂਜੇ ਖਾਤੇ ਤੋਂ ਬਿਨਾਂ ਕਿਸੇ ਰੁਕਾਵਟ ਦੇ ਵਰਤਿਆ ਜਾ ਸਕਦਾ ਹੈ। ਜ਼ਿਕਰਯੋਗ ਹੈ ਕਿ ਕੰਪਨੀ WhatsApp ’ਚ ਲਗਾਤਾਰ ਨਵੇਂ ਅਪਡੇਟ ਲਿਆ ਰਹੀ ਹੈ। ਹਾਲ ਹੀ ’ਚ, ਆਈਪੈਡ ਯੂਜ਼ਰਸ ਲਈ ਇਕ ਸਮਰਪਿਤ ਐਪ ਲਿਆਂਦਾ ਗਿਆ ਹੈ ਤਾਂ ਜੋ ਉਹ WhatsApp ਦੀ ਵਰਤੋਂ ਕਰ ਸਕਣ। ਕਿਹਾ ਜਾ ਰਿਹਾ ਹੈ ਕਿ ਲੌਗ ਆਊਟ ਦੌਰਾਨ, ਯੂਜ਼ਰਸ ਨੂੰ ਦੋ ਵਿਕਲਪ ਮਿਲਣਗੇ। ਪਹਿਲਾ, ਉਹ ਆਪਣਾ ਡੇਟਾ ਸੁਰੱਖਿਅਤ ਰੱਖਣਾ ਚਾਹੁੰਦੇ ਹਨ ਅਤੇ ਦੂਜਾ, ਉਹ ਸਾਰਾ ਡੇਟਾ ਡਿਲੀਟ ਕਰਨਾ ਚਾਹੁੰਦੇ ਹਨ। ਦੋਵੇਂ ਵਿਕਲਪ ਮਿਲਣ ਨਾਲ, ਕਿਸੇ ਵੀ ਯੂਜ਼ਰਸ ਲਈ ਖਾਤਾ ਡਿਲੀਟ ਕਰਨ ਦੀ ਜ਼ਰੂਰਤ ਵੀ ਖਤਮ ਹੋ ਜਾਵੇਗੀ।
ਬੰਪਰ ਡਿਸਕਾਊਂਟ 'ਤੇ ਮਿਲਣਗੇ Pixel ਫੋਨ, ਭਾਰਤ 'ਚ ਲਾਂਚ ਹੋਇਆ Google Store
NEXT STORY 
