ਵਾਸ਼ਿੰਗਟਨ/ਜਲੰਧਰ : ਖੋਜਕਾਰਾਂ ਨੇ ਇਕ ਨਵਾਂ ਸਿਸਟਮ ਬਣਾਇਆ ਹੈ, ਜੋ ਸੈਕੰਡ ਤੋਂ ਵੀ ਘੱਟ ਸਮੇਂ ਵਿਚ ਸਾਕਰ ਗੇਮ ਦੀ 2ਡੀ ਵੀਡੀਓ ਨੂੰ 3ਡੀ ਵਿਚ ਕਨਵਰਟ ਕਰ ਦਿੰਦਾ ਹੈ, ਜਿਸ ਨੂੰ ਕਿਸੇ ਵੀ 3ਡੀ ਡਿਵਾਈਜ਼ ਵਿਚ ਵੇਖਿਆ ਜਾ ਸਕਦਾ ਹੈ ।
ਅਮਰੀਕਾ ਵਿਚ ਮੈਸਾਚੂਸੇਟਸ ਇੰਸਟੀਚਿਊਟ ਆਫ ਟੈਕਨੋਲਾਜੀ (ਐੱਮ. ਆਈ. ਟੀ.) ਵਿਚ ਸਾਥੀ-ਪ੍ਰਾਧਿਆਪਕ ਅਤੇ ਇਸ ਸਿਸਟਮ ਨੂੰ ਬਣਾਉਣ ਵਾਲਿਆਂ 'ਚੋਂ ਇਕ ਕੋ-ਫਾਊਂਡਰ ਵੋਜਸੀਏਕ ਮਾਤੁਸਿਕ (Vojsiac Matusik) ਨੇ ਕਿਹਾ ਕਿ ਅੱਜਕਲ ਜੋ ਟੀ. ਵੀ. ਆ ਰਹੇ ਹਨ, ਉਹ 3ਡੀ ਕੰਟੈਂਟ ਵਿਖਾਉਣ ਵਿਚ ਸਮਰਥ ਹਨ ਪਰ ਇਨ੍ਹਾਂ ਟੈਲੀਵਿਜ਼ਨਾਂ 'ਤੇ ਜ਼ਿਆਦਾ 3ਡੀ ਕੰਟੈਂਟ ਉਪਲਬਧ ਨਹੀਂ ਹੈ, ਇਸ ਲਈ ਉੱਚ ਗੁਣਵੱਤਾ ਦੀ ਸਮੱਗਰੀ ਦਾ ਉਤਪਾਦਨ ਹੋਣਾ ਮੁੱਖ ਗੱਲ ਹੈ।
ਇਸ ਸਿਸਟਮ ਦਾ ਨਤੀਜਾ ਕਤਰ ਕੰਪਿਊਟਿੰਗ ਰਿਸਰਚ ਇੰਸਟੀਚਿਊਟ (ਕਿਊ. ਸੀ. ਆਰ. ਆਈ.), ਐੱਮ. ਆਈ. ਟੀ. ਕੰਪਿਊਟਰ ਸਾਇੰਸ ਅਤੇ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਲੈਬਾਰਟਰੀ ਦੇ ਮੇਲ ਤੋਂ ਆਇਆ ਹੈ ।
ਪਿਛਲੇ ਕੁਝ ਸਾਲਾਂ ਵਿਚ ਖੋਜਕਾਰਾਂ ਨੇ 2ਡੀ ਵੀਡੀਓ ਕੰਟੈਂਟ ਨੂੰ 3ਡੀ ਵਿਚ ਬਦਲਣ ਲਈ ਇਕ ਪ੍ਰਣਾਲੀ ਵਿਕਸਿਤ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ ਪਰ ਇਸ ਦਾ ਨਤੀਜਾ ਕੁਝ ਚੰਗਾ ਨਹੀਂ ਸੀ ਅਤੇ ਅਜੀਬ ਦ੍ਰਿਸ਼ ਕਲਾਕ੍ਰਿਤੀਆਂ ਦਾ ਉਤਪਾਦਨ ਹੋਣ ਕਾਰਨ ਖੋਜਕਾਰਾਂ ਨੇ ਆਪਣੇ ਅਨੁਭਵ ਨੂੰ ਵੀ ਦੱਸਣ ਤੋਂ ਇਨਕਾਰ ਕੀਤਾ ਹੈ ।
ਹੁਣ ਦੀਆਂ ਵੀਡੀਓ ਗੇਮਜ਼ ਆਮ ਤੌਰ 'ਤੇ ਵਰਚੂਅਲ ਇਨਵਾਇਰਮੈਂਟ ਵਿਚ ਬਹੁਤ ਸਾਰੇ 3ਡੀ ਮੈਪਸ ਨੂੰ ਸਟੋਰ ਕਰਦੀਆਂ ਹਨ, ਤਾਂ ਕਿ ਗੇਮਰ ਨੂੰ ਨੈਵੀਗੇਸ਼ਨ 'ਚ ਆਸਾਨੀ ਹੋ ਸਕੇ । ਜਦੋਂ ਖਿਡਾਰੀ ਕਦਮ ਹਿਲਾਉਂਦਾ ਹੈ ਤਾਂ ਗੇਮ ਮੈਪਸ ਨੂੰ ਆਪਣੇ-ਆਪ ਐਡਜਸਟ ਕਰਦੀ ਹੈ ਅਤੇ 2ਡੀ ਪ੍ਰੋਜੈਕਸ਼ਨ 3ਡੀ ਸੀਨ ਵਿਚ ਵਿਖਾਉਂਦੀ ਹੈ, ਜੋ ਇਕ ਵਿਸ਼ੇਸ਼ ਐਂਗਲ ਤੋਂ ਦੇਖਣ 'ਤੇ ਮੇਲ ਖਾਂਦੀ ਹੈ ।
ਖੋਜਕਾਰਾਂ ਨੇ ਵਾਰ-ਵਾਰ ਗੇਮ ਖੇਡ ਕੇ ਇਕ ਰੀਅਲਿਸਟਿਕ ਸਾਕਰ ਗੇਮ ਨੂੰ ਸੈੱਟ ਕੀਤਾ ਹੈ ਅਤੇ ਵੀਡੀਓ ਗੇਮ ਐਨਾਲਸਿਸ ਟੂਲ 'ਪਿਕਸ' ਦਾ ਇਸਤੇਮਾਲ ਕਰਦੇ ਹੋਏ ਗੇਮ ਵਿਚ ਹਰ ਐਕਸ਼ਨ ਦੇ ਸਕਰੀਨ ਸ਼ਾਰਟ ਨੂੰ ਸਟੋਰ ਕੀਤਾ ਹੈ । ਹਰ ਇਕ ਸਕਰੀਨ ਸ਼ਾਰਟ ਦੇ ਨਾਲ 3ਡੀ ਮੈਪ ਨੂੰ ਵੀ ਕੱਢਿਆ ਗਿਆ । ਸਾਕਰ ਗੇਮ ਵਿਚ 2ਡੀ ਵੀਡੀਓ ਨੂੰ 3ਡੀ 'ਚ ਪੇਸ਼ ਕਰਨ ਲਈ 'ਪਿਕਸ' ਐਨਾਲਸਿਸ ਟੂਲ ਹਰ ਵਾਰ 10 ਜਾਂ ਉਸ ਤੋਂ ਜ਼ਿਆਦਾ ਫਰੇਮ ਦੇ ਸਕਰੀਨ ਸ਼ਾਰਟਸ ਨੂੰ ਯੂਜ਼ ਕਰਦਾ ਹੈ ਤੇ 3ਡੀ ਮੈਪਸ ਨੂੰ ਐਕਸਟ੍ਰੈਟ ਕਰ ਕੇ ਪੇਸ਼ ਕਰਦਾ ਹੈ।
ਫਿਲਹਾਲ ਖੋਜਕਾਰਾਂ ਦਾ ਕਹਿਣਾ ਹੈ ਕਿ ਇਹ ਸਿਸਟਮ ਵੀਡੀਓ ਦਾ ਇਕ ਫ੍ਰੇਮ ਪ੍ਰੋਸੈੱਸ ਕਰਨ 'ਚ ਇਕ ਸੈਕੰਡ ਦਾ ਤੀਜਾ ਹਿੱਸਾ ਲੈਂਦਾ ਹੈ, ਜਿਸ ਨਾਲ ਮਿਲੀ ਵੀਡੀਓ ਤੁਹਾਨੂੰ ਇਕ ਬਹੁਤ ਹੀ ਇਫੈਕਟਿਵ 3ਡੀ ਐਕਸਪੀਰੀਐਂਸ ਦੇਵੇਗੀ।
WhatsApp ਲਿਆਇਆ ਆਪਣੇ ਯੂਜ਼ਰਜ਼ ਲਈ ਇਹ ਨਵਾਂ ਫੀਚਰ
NEXT STORY 
