ਜਲੰਧਰ—ਕੇਲਾ ਨਾ ਸਿਰਫ ਇਕ ਅਥਲੀਟ ਜਾਂ ਜਿਮ ਜਾਣ ਵਾਲਿਆਂ ਲਈ ਇਕ ਚੰਗਾ ਆਹਾਰ ਹੈ ਸਗੋਂ ਇਹ ਸਾਧਾਰਣ ਵਿਅਕਤੀ ਲਈ ਵੀ ਕਾਫੀ ਫਾਇਦੇਮੰਦ ਹੁੰਦਾ ਹੈ। ਕੇਲਾ ਨਾ ਸਿਰਫ ਸਰੀਰ 'ਚ ਐਨਰਜੀ ਦਾ ਲੈਵਲ ਵਧਾਉਣਾ ਹੈ ਸਗੋਂ ਇਸ 'ਚ ਫਾਈਬਰ ਦੇ ਨਾਲ ਵਿਟਾਮਿਨ ਅਤੇ ਆਇਰਨ ਦੀ ਵੀ ਕਾਫੀ ਮਾਤਰਾ ਪਾਈ ਜਾਂਦੀ ਹੈ। ਲੋਕਾਂ ਨੂੰ ਲੱਗਦਾ ਹੈ ਕਿ ਕੇਲੇ ਦੇ ਨਾਲ ਵਰਕਆਊਟ ਕਰਨਾ ਬਹੁਤ ਹੀ ਜ਼ਰੂਰ ਹੁੰਦਾ ਹੈ ਪਰ ਜੇਕਰ ਤੁਸੀਂ ਵਰਕਆਊਟ ਘੱਟ ਕਰਦੇ ਹੋ ਅਤੇ ਤੈਅ ਮਾਤਰਾ 'ਚ ਜ਼ਿਆਦਾ ਕੇਲੇ ਦੀ ਵਰਤੋਂ ਕਰਦੇ ਹੋ ਤਾਂ ਸਰੀਰ 'ਚ ਚਰਬੀ ਦੀ ਮਾਤਰਾ ਵਧਦੀ ਹੈ।
ਕੇਲੇ ਖਾਣ ਦੇ ਫਾਇਦੇ
ਪਾਚਨ ਕਿਰਿਆ ਰਹਿੰਦੀ ਹੈ ਠੀਕ
ਕੇਲੇ 'ਚ ਰੇਸ਼ੇ ਦੀ ਕਾਫੀ ਮਾਤਰਾ ਪਾਈ ਜਾਂਦੀ ਹੈ ਜੋ ਕਿ ਪੇਟ ਨੂੰ ਸਾਫ ਕਰਕੇ ਪਾਚਨ ਕਿਰਿਆ ਠੀਕ ਰੱਖਣ 'ਚ ਕਾਫੀ ਮਦਦ ਕਰਦਾ ਹੈ। ਗੈਸ, ਬਦਹਜ਼ਮੀ ਦੀ ਸਮੱਸਿਆ 'ਚ ਕੇਲਾ ਖਾਣਾ ਕਾਫੀ ਫਾਇਦੇਮੰਦ ਹੁੰਦਾ ਹੈ। ਇਸ 'ਚ ਐਂਟੀਐਸਿਡ ਪਾਏ ਜਾਂਦੇ ਹਨ ਜੋ ਦਿਲ ਦੀ ਸੜਨ ਨੂੰ ਸ਼ਾਂਤ ਕਰਦਾ ਹੈ।
ਡਿਪ੍ਰੈੱਸ਼ਨ 'ਚ ਫਾਇਦੇਮੰਦ
ਕੇਲੇ ਦੀ ਵਰਤੋਂ ਡਿਪ੍ਰੈੱਸ਼ਨ ਦੇ ਰੋਗੀਆਂ ਨੂੰ ਕਾਫੀ ਆਰਾਮ ਦਿੰਦੀ ਹੈ। ਇਸ 'ਚ ਪਾਏ ਜਾਣ ਵਾਲੇ ਪ੍ਰੋਟੀਨ ਨਾਲ ਤੁਸੀਂ ਕਾਫੀ ਰਿਲੈਕਸਨ ਫੀਲ ਕਰਦੇ ਹੋ।
ਸਰੀਰ ਦਾ ਵਿਕਾਸ
ਰੋਜ਼ ਕੇਲੇ ਖਾਣ ਨਾਲ ਸਰੀਰ ਅਤੇ ਦਿਮਾਗ ਦੋਵਾਂ ਨੂੰ ਲਾਭ ਮਿਲਦਾ ਹੈ। ਜੇਕਰ ਸਰੀਰ 'ਚ ਕਮਜ਼ੋਰੀ ਰਹਿੰਦੀ ਹੈ ਜਾਂ ਬੱਚਿਆਂ ਦੇ ਸਰੀਰ ਦਾ ਸਹੀ ਵਿਕਾਸ ਨਹੀਂ ਹੋ ਰਿਹਾ ਹੈ ਤਾਂ ਉਨ੍ਹਾਂ ਰੋਜ਼ ਇਕ ਕੇਲੇ ਦੇ ਨਾਲ ਦੁੱਧ ਪੀਣ ਲਈ ਦਿਓ। ਕੁਝ ਹੀ ਦਿਨਾਂ 'ਚ ਸਰੀਰ ਮਜ਼ਬੂਤ ਬਣ ਜਾਵੇਗਾ।
ਸਟ੍ਰੋਕ ਦਾ ਖਤਰਾ ਹੁੰਦਾ ਹੈ ਘੱਟ
ਰਿਸਰਚ ਮੁਤਾਬਕ ਰੋਜ਼ ਕੇਲੇ ਦੀ ਵਰਤੋਂ ਕਰਨ ਨਾਲ ਸਟ੍ਰੋਕ ਦਾ ਖਤਰਾ 40 ਫੀਸਦੀ ਤੱਕ ਘੱਟ ਹੋ ਜਾਂਦਾ ਹੈ।
ਅਮੀਨੀਆ ਦੀ ਸਮੱਸਿਆ 'ਚ ਫਾਇਦੇਮੰਦ
ਕੇਲੇ 'ਚ ਕਾਫੀ ਮਾਤਰਾ 'ਚ ਆਇਰਨ ਪਾਇਆ ਜਾਂਦਾ ਹੈ ਇਸ ਲਈ ਅਮੀਨੀਆ ਰੋਗੀ ਨੂੰ ਇਸ ਦੀ ਵਰਤੋਂ ਕਰਨ ਨਾਲ ਕਾਫੀ ਫਾਇਦਾ ਹੁੰਦਾ ਹੈ। ਖੂਨ 'ਚ ਹੀਮੋਗਲੋਬਿਨ ਦੀ ਮਾਤਰਾ ਦਾ ਪੱਧਰ ਕਾਫੀ ਵਧਦਾ ਹੈ ਅਤੇ ਹੌਲੀ-ਹੌਲੀ ਸਰੀਰ 'ਚ ਆਇਰਨ ਦੀ ਕਮੀ ਨੂੰ ਪੂਰਾ ਕਰਦਾ ਹੈ।
ਸ਼ੂਗਰ ਦੀ ਮਾਤਰਾ ਨੂੰ ਰੱਖਦਾ ਹੈ ਕੰਟਰੋਲ
ਇਸ 'ਚ ਤਿੰਨ ਤਰ੍ਹਾਂ ਦੀ ਸੂਕਰੋਜ਼, ਫਰੂਕਟੋਜ਼ ਅਤੇ ਗਲੂਕੋਜ਼ ਸ਼ਰਕਰਾ ਪਾਈ ਜਾਂਦੀ ਹੈ। ਜੋ ਕਿ ਸਰੀਰ 'ਚ ਸ਼ੂਗਰ ਦੀ ਮਾਤਰਾ ਲੋਅ ਹੋਣ ਨਾਲ ਖੂਨ 'ਚ ਸ਼ਰਕਰਾ ਦਾ ਪੱਧਰ ਸਹੀ ਰੱਖਣ 'ਚ ਮਦਦ ਕਰਦੇ ਹਨ।
ਇਹ ਘਰੇਲੂ ਨੁਸਖਾ ਕਰੇਗਾ ਸਰੀਰ ਦੀ ਹਰ ਨਾੜ ਦੀ ਸਫਾਈ
NEXT STORY