ਹੈਲਥ ਡੈਸਕ - ਅੱਜ-ਕੱਲ੍ਹ ਦੇ ਗਲਤ ਖਾਣ-ਪੀਣ, ਪ੍ਰਦੂਸ਼ਣ ਅਤੇ ਭੱਜ-ਦੌੜ ਭਰੀ ਜ਼ਿੰਦਗੀ 'ਚ ਸਰੀਰ ਨੂੰ ਤੰਦਰੁਸਤ ਰੱਖਣਾ ਇਕ ਵੱਡੀ ਚੁਣੌਤੀ ਬਣ ਗਿਆ ਹੈ। ਮਾਮੂਲੀ ਕੰਮ ਕਰਦਿਆਂ ਹੀ ਥਕਾਵਟ ਹੋਣਾ, ਅੱਖਾਂ ਦੀ ਰੌਸ਼ਨੀ ਘਟਣਾ ਅਤੇ ਪੇਟ ਦੀਆਂ ਖ਼ਰਾਬੀਆਂ ਹੁਣ ਆਮ ਸਮੱਸਿਆਵਾਂ ਬਣ ਚੁੱਕੀਆਂ ਹਨ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਕੁਦਰਤ ਨੇ ਸਾਨੂੰ ਇਕ ਅਜਿਹਾ ਫਲ ਦਿੱਤਾ ਹੈ, ਜੋ ਦੇਖਣ 'ਚ ਜਿੰਨਾ ਛੋਟਾ ਹੈ, ਇਸ ਦੇ ਫਾਇਦੇ ਉੱਨੇ ਹੀ ਮਿਸਾਲੀ ਹਨ? ਜੀ ਹਾਂ, ਅਸੀਂ ਗੱਲ ਕਰ ਰਹੇ ਹਾਂ 'ਖੁਰਮਾਨੀ' ਦੀ।
ਬਹੁਤ ਸਾਰੇ ਲੋਕ ਇਸ ਨੂੰ ਸਿਰਫ਼ ਇਕ ਆਮ ਡ੍ਰਾਈ ਫਰੂਟ ਸਮਝ ਕੇ ਇਗਨੋਰ ਕਰ ਦਿੰਦੇ ਹਨ, ਪਰ ਆਯੁਰਵੇਦ ਅਤੇ ਆਧੁਨਿਕ ਮੈਡੀਕਲ ਸਾਇੰਸ ਮੁਤਾਬਕ ਖੁਬਾਨੀ ਸਿਹਤ ਲਈ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਹੈ। ਆਓ ਜਾਣਦੇ ਹਾਂ ਇਸ ਛੋਟੇ ਜਿਹੇ ਫਲ ਦੇ 4 ਵੱਡੇ ਚਮਤਕਾਰ :-
ਖੂਨ ਦੀ ਕਮੀ ਨੂੰ ਜੜ੍ਹ ਤੋਂ ਖ਼ਤਮ ਕਰੇ
- ਜੇਕਰ ਤੁਹਾਡੇ ਸਰੀਰ 'ਚ ਹਿਮੋਗਲੋਬਿਨ ਦਾ ਪੱਧਰ ਘੱਟ ਹੈ ਅਤੇ ਹਮੇਸ਼ਾ ਸੁਸਤੀ ਰਹਿੰਦੀ ਹੈ, ਤਾਂ ਸੁੱਕੀ ਖੁਰਮਾਨੀ ਤੁਹਾਡੇ ਲਈ ਸਭ ਤੋਂ ਵਧੀਆ ਇਲਾਜ ਹੈ। ਇਸ 'ਚ ਭਰਪੂਰ ਮਾਤਰਾ 'ਚ ਆਇਰਨ ਅਤੇ ਕਾਪਰ ਹੁੰਦਾ ਹੈ, ਜੋ ਸਰੀਰ 'ਚ ਬਹੁਤ ਤੇਜ਼ੀ ਨਾਲ ਨਵਾਂ ਖੂਨ ਬਣਾਉਣ 'ਚ ਮਦਦ ਕਰਦਾ ਹੈ।
ਅੱਖਾਂ ਲਈ ਬੇਹੱਦ ਗੁਣਕਾਰੀ
- ਅੱਜ-ਕੱਲ੍ਹ ਮੋਬਾਈਲ ਅਤੇ ਲੈਪਟਾਪ ਦੀ ਜ਼ਿਆਦਾ ਵਰਤੋਂ ਕਾਰਨ ਬੱਚਿਆਂ ਤੋਂ ਲੈ ਕੇ ਵੱਡਿਆਂ ਤੱਕ ਸਭ ਦੀਆਂ ਅੱਖਾਂ ਕਮਜ਼ੋਰ ਹੋ ਰਹੀਆਂ ਹਨ। ਖੁਰਮਾਨੀ 'ਚ ਵਿਟਾਮਿਨ 'A' (ਬੀਟਾ-ਕੈਰੋਟੀਨ) ਦਾ ਭੰਡਾਰ ਹੁੰਦਾ ਹੈ, ਜੋ ਅੱਖਾਂ ਦੇ ਰੇਟਿਨਾ ਨੂੰ ਮਜ਼ਬੂਤ ਕਰਦਾ ਹੈ ਅਤੇ ਲੰਬੇ ਸਮੇਂ ਤੱਕ ਅੱਖਾਂ ਦੀ ਰੌਸ਼ਨੀ ਬਰਕਰਾਰ ਰੱਖਦਾ ਹੈ।
ਪੁਰਾਣੀ ਤੋਂ ਪੁਰਾਣੀ ਕਬਜ਼ ਤੋਂ ਛੁਟਕਾਰਾ
- ਖੁਰਮਾਨੀ 'ਚ ਡਾਇਟਰੀ ਫਾਈਬਰ ਬਹੁਤ ਜ਼ਿਆਦਾ ਹੁੰਦਾ ਹੈ। ਜੇਕਰ ਤੁਹਾਨੂੰ ਪੇਟ ਸਾਫ਼ ਨਾ ਹੋਣ, ਐਸਿਡਿਟੀ ਜਾਂ ਪੁਰਾਣੀ ਕਬਜ਼ ਦੀ ਸਮੱਸਿਆ ਹੈ, ਤਾਂ ਇਹ ਫਲ ਪਾਚਨ ਤੰਤਰ ਨੂੰ ਮੁੜ ਸੁਰਜੀਤ ਕਰ ਦਿੰਦਾ ਹੈ ਅਤੇ ਮੈਟਾਬੋਲਿਜ਼ਮ ਨੂੰ ਵਧਾਉਂਦਾ ਹੈ।
ਚਮੜੀ 'ਤੇ ਆਵੇਗਾ ਕੁਦਰਤੀ ਗਲੋਅ
- ਮਹਿੰਗੇ ਬਿਊਟੀ ਪ੍ਰੋਡਕਟਸ ਦੀ ਬਜਾਏ ਰੋਜ਼ਾਨਾ ਖੁਰਮਾਨੀ ਨੂੰ ਆਪਣੀ ਖੁਰਾਕ 'ਚ ਸ਼ਾਮਲ ਕਰੋ। ਇਸ 'ਚ ਮੌਜੂਦ ਵਿਟਾਮਿਨ 'C' ਅਤੇ 'E' ਸ਼ਕਤੀਸ਼ਾਲੀ ਐਂਟੀ-ਆਕਸੀਡੈਂਟ ਵਜੋਂ ਕੰਮ ਕਰਦੇ ਹਨ, ਜੋ ਚਿਹਰੇ ਤੋਂ ਝੁਰੜੀਆਂ ਅਤੇ ਦਾਗ-ਧੱਬੇ ਹਟਾ ਕੇ ਚਮੜੀ ਨੂੰ ਜਵਾਨ ਰੱਖਦੇ ਹਨ।
ਖਾਣ ਦਾ ਸਹੀ ਤਰੀਕਾ ਕੀ ਹੈ?
ਸਿਹਤ ਮਾਹਿਰਾਂ ਮੁਤਾਬਕ, 3 ਤੋਂ 4 ਸੁੱਕੀਆਂ ਖੁਰਮਾਨੀ ਨੂੰ ਰਾਤ ਨੂੰ ਪਾਣੀ 'ਚ ਭਿਓਂ ਕੇ ਰੱਖ ਦਿਓ। ਸਵੇਰੇ ਉੱਠ ਕੇ ਖਾਲੀ ਪੇਟ ਇਸ ਦਾ ਸੇਵਨ ਕਰੋ ਅਤੇ ਉਹ ਪਾਣੀ ਵੀ ਪੀ ਲਓ। ਇਹ ਤਰੀਕਾ ਸਰੀਰ ਨੂੰ ਸਭ ਤੋਂ ਜ਼ਿਆਦਾ ਅਤੇ ਤੇਜ਼ੀ ਨਾਲ ਫਾਇਦਾ ਪਹੁੰਚਾਉਂਦਾ ਹੈ।
ਜ਼ਰੂਰੀ ਚੇਤਾਵਨੀ
- ਖੁਰਮਾਨੀ ਦੇ ਅੰਦਰੋਂ ਨਿਕਲਣ ਵਾਲੀ ਗਿਰੀ ਨੂੰ ਖਾਣ ਤੋਂ ਬਚਣਾ ਚਾਹੀਦਾ ਹੈ, ਕਿਉਂਕਿ ਉਸ 'ਚ ਕੁਝ ਅਜਿਹੇ ਕੁਦਰਤੀ ਤੱਤ ਹੁੰਦੇ ਹਨ ਜੋ ਸਿਹਤ ਲਈ ਨੁਕਸਾਨਦੇਹ ਹੋ ਸਕਦੇ ਹਨ। ਫਲ ਦਾ ਬਾਹਰੀ ਗੁੱਦਾ ਬਿਲਕੁਲ ਸੁਰੱਖਿਅਤ ਹੈ।
21 ਦਿਨਾਂ ਤੱਕ ਲਾਲ ਮਿਰਚ ਤੋਂ ਬਣਾਈ ਦੂਰੀ ਤਾਂ ਸਰੀਰ 'ਚ ਦੇਖਣ ਨੂੰ ਮਿਲੇਗਾ ਇਹ ਵੱਡਾ ਚਮਤਕਾਰ
NEXT STORY 
