ਨਵੀਂ ਦਿੱਲੀ- ਯੂਕੇ ਦੇ ਸਟੋਰਾਂ ਤੋਂ ਕੈਡਬਰੀ ਚਾਕਲੇਟ ਦਾ ਸਟਾਕ ਵਾਪਸ ਮੰਗਵਾਇਆ ਗਿਆ ਹੈ। ਇਸ ਚਾਕਲੇਟ ਵਿੱਚ ਲਿਸਟੇਰੀਆ ਬੈਕਟੀਰੀਆ ਹੋਣ ਦੀ ਸੰਭਾਵਨਾ ਹੈ। ਕੈਡਬਰੀ ਨੇ ਸਟੋਰਾਂ ਤੋਂ 6 ਵੱਖ-ਵੱਖ ਉਤਪਾਦ ਵਾਪਸ ਮੰਗਵਾਏ ਹਨ। ਲੋਕਾਂ ਨੂੰ ਚਿਤਾਵਨੀ ਦਿੱਤੀ ਗਈ ਹੈ ਕਿ ਉਹ ਫਿਲਹਾਲ ਇਨ੍ਹਾਂ ਨੂੰ ਨਾ ਖਾਣ। ਇਸ ਦੇ ਨਾਲ ਹੀ ਸਟੋਰ ਸੰਚਾਲਕਾਂ ਨੂੰ ਕਿਹਾ ਗਿਆ ਹੈ ਕਿ ਉਹ ਲੋਕਾਂ ਨੂੰ ਚਾਕਲੇਟ ਦੇ ਪੈਸੇ ਵਾਪਸ ਕਰ ਦੇਣ। ਸਟਾਕ ਦੀ ਜਾਂਚ ਕਰਨ ਤੋਂ ਬਾਅਦ ਇਹ ਸਪੱਸ਼ਟ ਹੋਵੇਗਾ ਕਿ ਕੈਡਬਰੀ ਦੀਆਂ ਚਾਕਲੇਟਾਂ ਵਿੱਚ ਲਿਸਟੇਰੀਆ ਬੈਕਟੀਰੀਆ ਹੈ ਜਾਂ ਨਹੀਂ। ਦਰਅਸਲ, ਹਾਲ ਹੀ ਵਿੱਚ, ਯੂਰਪੀਅਨ ਫੂਡ ਸੇਫਟੀ ਅਥਾਰਟੀ (ਈਐਫਐਸਏ) ਨੇ ਮਸ਼ਹੂਰ ਚਾਕਲੇਟ ਬ੍ਰਾਂਡ ਦੇ ਕੁਝ ਉਤਪਾਦਾਂ ਵਿੱਚ ਇੱਕ ਖਤਰਨਾਕ ਬੈਕਟੀਰੀਆ ਦੀ ਮੌਜੂਦਗੀ ਦਾ ਖੁਲਾਸਾ ਕੀਤਾ ਸੀ, ਜਿਸ ਵਿੱਚ ਕੈਡਬਰੀ ਦਾ ਨਾਮ ਵੀ ਸੀ। EFSA ਦੇ ਅਨੁਸਾਰ, ਮਸ਼ਹੂਰ ਚਾਕਲੇਟ ਬ੍ਰਾਂਡ ਦੇ ਕੁਝ ਉਤਪਾਦਾਂ ਵਿੱਚ ਭੋਜਨ ਤੋਂ ਪੈਦਾ ਹੋਣ ਵਾਲੇ ਲਿਸਟੇਰੀਆ ਬੈਕਟੀਰੀਆ ਪਾਏ ਗਏ ਹਨ, ਜੋ ਸਿਹਤ ਲਈ ਬਹੁਤ ਨੁਕਸਾਨਦੇਹ ਹਨ।
ਇਹ ਵੀ ਪੜ੍ਹੋ : Health Tips: ਗਰਮੀਆਂ ਦੇ ਮੌਸਮ 'ਚ ਸਰੀਰ ਨੂੰ ਫਿੱਟ ਰੱਖਣ ਲਈ ਜ਼ਰੂਰ ਖਾਓ ਇਹ ਚੀਜ਼ਾਂ, ਮਿਲੇਗੀ ਠੰਡਕ
ਕੀ ਹੈ ਲਿਸਟੇਰੀਆ ਬੈਕਟੀਰੀਆ
ਲਿਸਟੇਰੀਆ ਇੱਕ ਬੈਕਟੀਰੀਆ ਹੈ ਜੋ ਮਨੁੱਖਾਂ ਸਮੇਤ ਕਈ ਥਣਧਾਰੀ ਜੀਵਾਂ ਵਿੱਚ ਪਾਇਆ ਜਾਂਦਾ ਹੈ। ਇਸ ਵਾਇਰਸ ਕਾਰਨ ਹੋਣ ਵਾਲੀ ਇਨਫੈਕਸ਼ਨ ਨੂੰ ਲਿਸਟੇਰਿਓਸਿਸ ਕਿਹਾ ਜਾਂਦਾ ਹੈ। ਇਸ ਇਨਫੈਕਸ਼ਨ ਦਾ ਅਸਰ ਸਿੱਧਾ ਹੱਡੀਆਂ, ਜੋੜਾਂ, ਛਾਤੀ ਅਤੇ ਪੇਟ 'ਤੇ ਦੇਖਿਆ ਜਾਂਦਾ ਹੈ। ਇਹ ਬੈਕਟੀਰੀਆ ਆਮ ਤੌਰ 'ਤੇ ਮਿੱਟੀ, ਪਾਣੀ ਅਤੇ ਜਾਨਵਰਾਂ ਦੀਆਂ ਅੰਤੜੀਆਂ ਵਿੱਚ ਪਾਇਆ ਜਾਂਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਾਲ 1998 ਵਿੱਚ ਵੀ ਇਹ ਵਾਇਰਸ ਕਈ ਦੇਸ਼ਾਂ ਵਿੱਚ ਫੈਲ ਗਿਆ ਸੀ। ਉਸ ਸਮੇਂ ਇਹ ਮੀਟ ਅਤੇ ਹਾਟ ਡਾਗ 'ਚ ਪਾਇਆ ਗਿਆ ਸੀ, ਜਿਸ ਕਾਰਨ 21 ਲੋਕਾਂ ਦੀ ਜਾਨ ਚਲੀ ਗਈ ਸੀ।
ਲਿਸਟੇਰੀਆ ਬੈਕਟੀਰੀਆ ਦੇ ਲੱਛਣ
ਇਹ ਵਾਇਰਸ ਭੋਜਨ ਰਾਹੀਂ ਫੈਲਦਾ ਹੈ। ਖਾਸ ਕਰਕੇ ਇਸ ਵਾਇਰਸ ਨਾਲ ਸੰਕਰਮਿਤ ਜਾਨਵਰਾਂ ਦਾ ਮਾਸ ਖਾਣ ਨਾਲ ਤੁਸੀਂ ਇਸ ਦਾ ਸ਼ਿਕਾਰ ਹੋ ਸਕਦੇ ਹੋ। ਇਕ ਨਜ਼ਰ ਇਸ ਦੇ ਲੱਛਣਾਂ 'ਤੇ
ਉਲਟੀ
ਬੁਖ਼ਾਰ
ਦਸਤ
ਥਕਾਵਟ
ਮਾਸਪੇਸ਼ੀਆਂ 'ਚ ਦਰਦ
ਇਹ ਵੀ ਪੜ੍ਹੋ : ਚਾਹ, ਸਨੈਕਸ, ਪਾਸਤਾ...ਮਜ਼ਾ ਜਾਂ ਸਜ਼ਾ? Depression ਦਾ ਸ਼ਿਕਾਰ ਬਣਾ ਰਹੇ ਹਨ ਤੁਹਾਨੂੰ ਇਹ 5 ਫੂਡਸ
ਕਿਨ੍ਹਾਂ ਲੋਕਾਂ ਨੂੰ ਹੈ ਜ਼ਿਆਦਾ ਖਤਰਾ
ਹਾਲ ਹੀ ਦੇ ਖੁਲਾਸਿਆਂ ਨਾਲ, ਇਹ ਚਰਚ ਤੇਜ਼ ਹੋ ਗਈ ਹੈ ਕਿ ਇਹ ਬੈਕਟੀਰੀਆ ਕਿਸ ਲਈ ਖਤਰਨਾਕ ਹੈ। ਮਾਹਿਰਾਂ ਮੁਤਾਬਕ ਚਾਕਲੇਟ 'ਚ ਪਾਇਆ ਜਾਣ ਵਾਲਾ ਇਹ ਵਾਇਰਸ ਗਰਭਵਤੀ ਔਰਤਾਂ, ਬੱਚਿਆਂ ਅਤੇ ਬਜ਼ੁਰਗਾਂ ਲਈ ਜ਼ਿਆਦਾ ਖਤਰਨਾਕ ਹੈ ਕਿਉਂਕਿ ਇਨ੍ਹਾਂ ਲੋਕਾਂ ਦੀ ਇਮਿਊਨਿਟੀ ਕਮਜ਼ੋਰ ਹੁੰਦੀ ਹੈ। ਇਸ ਤੋਂ ਇਲਾਵਾ ਇਹ ਬੈਕਟੀਰੀਆ ਗਰਭ ਵਿਚ ਪਲ ਰਹੇ ਬੱਚੇ ਲਈ ਵੀ ਹਾਨੀਕਾਰਕ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਆਖਿਰ ਕਦੋਂ ਤਕ ਛੁਪਾਉਂਦੇ ਰਹੋਗੇ ਆਪਣੀ ਬੈੱਡਰੂਮ ਵਾਲੀ ਕਮਜ਼ੋਰੀ?
NEXT STORY 
