ਜਲੰਧਰ - ਨਿੰਮ ਦੀਆਂ ਪੱਤੀਆਂ ਜਿਵੇਂ ਸਾਡੀ ਸਿਹਤ ਲਈ ਫਾਇਦੇਮੰਦ ਹਨ, ਉਸੇ ਤਰ੍ਹਾਂ ਨਿੰਮ ਦਾ ਤੇਲ ਵੀ ਸਾਡੇ ਲਈ ਬਹੁਤ ਲਾਭਦਾਇਕ ਹੈ। ਨਿੰਮ ਦੇ ਪੇੜ 'ਤੇ ਲੱਗਣ ਵਾਲੇ ਫਲ ਨਿਬੋਲਿਆਂ 'ਚੋਂ ਨਿੰਮ ਦਾ ਤੇਲ ਨਿਕਲਦਾ ਹੈ। ਨਿੰਮ 'ਚ ਐਂਟੀ-ਬੈਕਟੀਰੀਆ, ਐਂਟੀ-ਫੰਗਲ, ਐਂਟੀਪਰਾਇਟਿਵ, ਐਂਟੀ-ਓਕਸਡੈਂਟ ਤੇ ਐਂਟੀਪਰੋਟੋਜੋਅਲ ਦੀਆਂ ਵਿਸ਼ੇਸ਼ਤਾਵਾਂ ਮਿਲਦੀਆਂ ਹਨ। ਆਯੂਵੈਦ 'ਚ ਨਿੰਮ ਨੂੰ ਦਵਾਈ ਦੇ ਰੂਪ ਵਜੋਂ ਵਰਤਿਆ ਜਾਂਦਾ ਹੈ। ਬਹੁਤ ਸਾਰੀਆਂ ਆਯੂਰਵੈਦਿਕ ਦਵਾਈਆਂ ਤੇ ਬਿਊਟੀ ਉਤਪਾਦਾਂ 'ਚ ਨਿੰਮ ਦੇ ਤੇਲ ਦੀ ਵਰਤੋਂ ਕੀਤੀ ਜਾਂਦੀ ਹੈ।
ਖਾਰਸ਼ ਦੀ ਸਮੱਸਿਆ
ਨਿੰਮ ਦਾ ਤੇਲ ਚਮੜੀ ਲਈ ਬਹੁਤ ਫਾਇਦੇਮੰਦ ਹੈ। ਇਹ ਚਮੜੀ ਦੀਆਂ ਕਈ ਸਮੱਸਿਆ ਜਿਵੇਂ ਮੁਹਾਸੇ, ਰੋਸੇਸੀਆ, ਖੁੱਜਲੀ, ਸੁਰਾਇਸਿਸ ਨੂੰ ਠੀਕ ਕਰ ਦਿੱਤਾ ਹੈ। ਚਮੜੀ 'ਤੇ ਖਾਰਸ਼ ਹੋ ਜਾਣ 'ਤੇ ਨਿੰਮ ਦੇ ਤੇਲ ਦੀ ਮਾਲਸ਼ ਕਰੋ, ਇਸ ਨਾਲ ਤੁਹਾਨੂੰ ਰਾਹਤ ਮਿਲੇਗੀ।
ਮੁਹਾਸਿਆਂ ਤੋਂ ਛੁਟਕਾਰਾ
ਮੁਹਾਸਿਆਂ ਤੋਂ ਛੁਟਕਾਰਾ ਪਾਉਣ ਲਈ ਦੋ ਤੋਂ ਤਿੰਨ ਨਿੰਮ ਦੇ ਤੇਲ ਦੀਆਂ ਬੂੰਦਾਂ ਨੂੰ ਪਾਣੀ 'ਚ ਮਿਲਾ ਕੇ ਰੂ ਨਾਲ ਚਿਹਰੇ ਦੇ ਮੁਹਾਸਿਆਂ ਵਾਲੀ ਥਾਂ 'ਤੇ ਲਗਾਓ। ਅਜਿਹਾ ਕਰਨ ਨਾਲ ਤੁਹਾਨੂੰ ਰਾਹਤ ਮਿਲੇਗੀ ਅਤੇ ਚਿਹਰਾ ਸਾਫ ਹੋ ਜਾਵੇਗਾ।
ਸਿੱਕਰੀ ਤੋਂ ਛੁਟਕਾਰਾ
ਨਿੰਮ ਦਾ ਤੇਲ ਵਾਲਾ ਲਈ ਕਾਫੀ ਫਾਇਦੇਬੰਦ ਹੈ, ਜੋ ਤੁਹਾਨੂੰ ਸਿੱਕਰੀ ਦੀ ਸਮੱਸਿਆ ਤੋਂ ਛੁਟਕਾਰਾ ਦਿਵਾਉਂਦਾ ਹੈ। ਨਿੰਮ ਦੇ ਤੇਲ ਨੂੰ ਨਾਰੀਅਲ ਦੇ ਤੇਲ, ਨਿੰਬੂ ਦੇ ਰੱਸ ਅਤੇ ਪਾਣੀ 'ਚ ਮਿਲਾ ਕੇ ਇਕ ਮੋਟਾ ਪੇਸਟ ਬਣਾ ਲਵੋ। ਪੇਸਟ ਨੂੰ ਵਾਲਾਂ ਦੀਆਂ ਜੜ੍ਹਾਂ 'ਚ ਲਗਾਉਣ ਤੋਂ ਬਾਅਦ ਕੁਝ ਸਮਾਂ ਰੱਖ ਕੇ ਇਸ ਨੂੰ ਧੋ ਲਓ। ਹਫਤੇ 'ਚ ਅਜਿਹਾ 3 ਵਾਰ ਕਰਨ ਨਾਲ ਵਾਲਾਂ ਚੋਂ ਸਿੱਕਰੀ ਘੱਟ ਹੋ ਜਾਵੇਗੀ।
ਦੋ ਮੂੰਹੇ ਵਾਲਾ ਦੀ ਸਮੱਸਿਆ
ਸਿਰ 'ਤੇ ਨਿੰਮ ਦੇ ਤੋਲ ਦੀ ਵਰਤੋਂ ਕਰਨ ਨਾਲ ਵਾਲਾਂ 'ਚ ਨਮੀ ਬਣੀ ਰਹਿੰਦੀ ਹੈ। ਇਸ ਨਾਲ ਦੋ ਮੂੰਹੇ ਵਾਲਾਂ ਦੀ ਸਮੱਸਿਆ ਤੋਂ ਬਹੁਤ ਜਲਦ ਛੁਟਕਾਰਾ ਮਿਲ ਜਾਂਦਾ ਹੈ।
ਦਾਣਿਆਂ ਤੋਂ ਛੁਟਕਾਰਾ
ਜੇਕਰ ਤੁਹਾਡੇ ਸਰੀਰ 'ਤੇ ਦਾਣੇ ਹੋ ਰਹੇ ਹਨ ਤਾਂ ਨਿੰਮ ਦੇ ਤੇਲ ਦੀਆਂ ਕੁਝ ਬੂੰਦਾ ਆਪਣੇ ਨਹਾਉਣ ਵਾਲੇ ਗਰਮ ਪਾਣੀ 'ਚ ਪਾਓ। ਨਿੰਮ ਦੇ ਤੇਲ ਵਾਲੇ ਪਾਣੀ ਨਾਲ ਨਹਾਉਣ ਨਾਲ ਤੁਹਾਨੂੰ ਦਾਣਿਆਂ ਦੀ ਸਮੱਸਿਆ ਤੋਂ ਛੁਟਕਾਰਾ ਮਿਲ ਜਾਵੇਗਾ।
ਜ਼ਖਮ ਦੀ ਸਮੱਸਿਆ
ਨਿੰਮ ਦੇ ਤੇਲ 'ਚ ਐਂਟੀ-ਸਾਪਟਿੰਗ ਗੁਣ ਪਾਏ ਜਾਂਦੇ ਹਨ, ਜੋ ਤੁਹਾਡੇ ਸਰੀਰ 'ਤੇ ਹੋਣ ਵਾਲੇ ਜ਼ਖਮਾਂ ਨੂੰ ਠੀਕ ਕਰਨ 'ਚ ਮਦਦ ਕਰਦੇ ਹਨ। ਜ਼ਖਮ ਵਾਲੀ ਜਗ੍ਹਾ ਨੂੰ ਐਂਟੀ-ਸੈਪਟਿੰਗ ਸਾਬੁਣ ਨਾਲ ਧੋ ਕੇ ਉਸ 'ਤੇ ਨਿੰਮ ਦਾ ਤੇਲ ਲਗਾ ਲਓ। ਇਸ ਨਾਲ ਜ਼ਖਮ ਜਲਦੀ ਠੀਕ ਹੋ ਜਾਵੇਗਾ।
ਦਮਾ ਸਣੇ ਕਈ ਬੀਮਾਰੀਆਂ ਨੂੰ ਦੂਰ ਕਰਦੈ ਸਿੰਘਾੜਾ, ਜਾਣੋ ਲਾਜਵਾਬ ਫਾਇਦੇ
NEXT STORY 
