ਜਲੰਧਰ - ਅਕਸਰ ਅਸੀਂ ਨੀਂਦ 'ਚ ਖਰਾਟੇ ਲੈਣ ਵਾਲੇ ਵਿਅਕਤੀ ਨੂੰ ਦੇਖ ਕੇ ਕਹਿੰਦੇ ਹਾਂ ਕਿ ਉਹ "ਘੋੜੇ ਵੇਚ ਕੇ ਸੌ ਰਿਹਾ ਹੈ" ਜਾਂ ਬਹੁਤ ਗੂੜ੍ਹੀ ਨੀਂਦ 'ਚ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜੋਤਿਸ਼ ਜਾਂ ਮਨੋਰੰਜਨ ਦੇ ਨਜ਼ਰੀਏ ਤੋਂ ਹਟ ਕੇ ਜੇਕਰ ਵਿਗਿਆਨਕ ਪੱਖੋਂ ਦੇਖਿਆ ਜਾਵੇ, ਤਾਂ ਖਰਾਟੇ ਆਉਣਾ ਸਿਹਤ ਲਈ ਬਹੁਤ ਘਾਤਕ ਸਿੱਧ ਹੋ ਸਕਦਾ ਹੈ। ਮਾਹਿਰਾਂ ਅਨੁਸਾਰ, ਖਰਾਟੇ ਲੈਣਾ ਕੋਈ ਚੰਗੀ ਨੀਂਦ ਦੀ ਨਿਸ਼ਾਨੀ ਨਹੀਂ, ਸਗੋਂ ਸਰੀਰ 'ਚ ਪੈਦਾ ਹੋ ਰਹੀਆਂ ਕਈ ਗੰਭੀਰ ਬੀਮਾਰੀਆਂ ਦਾ ਅਗਾਊਂ ਸੰਕੇਤ ਹੈ।
ਖਰਾਟੇ ਕਿਉਂ ਆਉਂਦੇ ਹਨ?
ਜਦੋਂ ਅਸੀਂ ਸੌਂਦੇ ਹਾਂ ਤਾਂ ਸਾਡੇ ਗਲੇ ਅਤੇ ਜੀਭ ਦੀਆਂ ਮਾਸਪੇਸ਼ੀਆਂ ਆਰਾਮ ਦੀ ਸਥਿਤੀ 'ਚ ਹੁੰਦੀਆਂ ਹਨ। ਜੇਕਰ ਸਾਹ ਲੈਣ ਵਾਲੀ ਨਲੀ 'ਚ ਕੋਈ ਰੁਕਾਵਟ ਆ ਜਾਵੇ ਜਾਂ ਉਹ ਸੌੜੀ ਹੋ ਜਾਵੇ, ਤਾਂ ਹਵਾ ਦੇ ਟਕਰਾਉਣ ਨਾਲ ਇੱਕ ਆਵਾਜ਼ ਪੈਦਾ ਹੁੰਦੀ ਹੈ, ਜਿਸ ਨੂੰ ਅਸੀਂ 'ਖਰਾਟੇ' ਕਹਿੰਦੇ ਹਾਂ।
ਸਿਹਤ ਲਈ ਕਿਉਂ ਹਨ ਖ਼ਤਰਨਾਕ?
ਸਲੀਪ ਐਪਨੀਆ
- ਇਹ ਸਭ ਤੋਂ ਵੱਡਾ ਖ਼ਤਰਾ ਹੈ। ਇਸ ਬੀਮਾਰੀ 'ਚ ਸੌਣ ਵੇਲੇ ਸਾਹ ਕੁਝ ਸੈਕਿੰਡਾਂ ਲਈ ਵਾਰ-ਵਾਰ ਰੁਕਦਾ ਹੈ, ਜਿਸ ਨਾਲ ਸਰੀਰ 'ਚ ਆਕਸੀਜਨ ਦੀ ਮਾਤਰਾ ਅਚਾਨਕ ਘਟ ਜਾਂਦੀ ਹੈ।
ਦਿਲ ਦੇ ਰੋਗ
- ਲਗਾਤਾਰ ਖਰਾਟੇ ਲੈਣ ਨਾਲ ਦਿਲ ਦੀਆਂ ਧਮਣੀਆਂ 'ਤੇ ਦਬਾਅ ਪੈਂਦਾ ਹੈ, ਜਿਸ ਨਾਲ ਹਾਈ ਬਲੱਡ ਪ੍ਰੈਸ਼ਰ ਅਤੇ ਹਾਰਟ ਅਟੈਕ ਦਾ ਖ਼ਤਰਾ ਕਈ ਗੁਣਾ ਵੱਧ ਜਾਂਦਾ ਹੈ।
ਮਾਨਸਿਕ ਸਿਹਤ 'ਤੇ ਅਸਰ
- ਨੀਂਦ ਪੂਰੀ ਨਾ ਹੋਣ ਕਾਰਨ ਦਿਨ ਭਰ ਥਕਾਵਟ, ਚਿੜਚਿੜਾਪਨ, ਯਾਦਾਸ਼ਤ ਦੀ ਕਮੀ ਅਤੇ ਡਿਪਰੈਸ਼ਨ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਬ੍ਰੇਨ ਸਟ੍ਰੋਕ
- ਖੋਜਾਂ ਮੁਤਾਬਕ ਭਾਰੀ ਖਰਾਟੇ ਲੈਣ ਵਾਲੇ ਲੋਕਾਂ 'ਚ ਬ੍ਰੇਨ ਸਟ੍ਰੋਕ ਹੋਣ ਦੀ ਸੰਭਾਵਨਾ ਆਮ ਲੋਕਾਂ ਨਾਲੋਂ ਜ਼ਿਆਦਾ ਹੁੰਦੀ ਹੈ।
ਮੁੱਖ ਕਾਰਨ :-
- ਵਧਦਾ ਹੋਇਆ ਮੋਟਾਪਾ (ਗਰਦਨ ਦੇ ਆਲੇ-ਦੁਆਲੇ ਵਾਧੂ ਚਰਬੀ)।
- ਨੱਕ ਦੀ ਹੱਡੀ ਦਾ ਟੇਢਾ ਹੋਣਾ ਜਾਂ ਸਾਇਨਸ ਦੀ ਸਮੱਸਿਆ।
- ਸ਼ਰਾਬ ਜਾਂ ਨਸ਼ੀਲੀਆਂ ਚੀਜ਼ਾਂ ਦਾ ਸੇਵਨ।
- ਪਿੱਠ ਦੇ ਭਾਰ ਸਿੱਧਾ ਸੌਣਾ।
ਬਚਾਅ ਦੇ ਆਸਾਨ ਉਪਾਅ :-
- ਸਿਹਤਮੰਦ ਖੁਰਾਕ ਅਤੇ ਕਸਰਤ ਰਾਹੀਂ ਵਧਦੇ ਭਾਰ ਨੂੰ ਕਾਬੂ ਕਰੋ।
- ਸਿੱਧਾ ਪਿੱਠ ਦੇ ਭਾਰ ਸੌਣ ਦੀ ਬਜਾਏ ਕਰਵਟ ਲੈ ਕੇ ਸੌਣ ਦੀ ਆਦਤ ਪਾਓ।
- ਸੌਣ ਤੋਂ ਘੱਟੋ-ਘੱਟ 4-5 ਘੰਟੇ ਪਹਿਲਾਂ ਸ਼ਰਾਬ ਦਾ ਸੇਵਨ ਨਾ ਕਰੋ।
- ਜੇਕਰ ਖਰਾਟੇ ਬਹੁਤ ਜ਼ਿਆਦਾ ਹਨ, ਤਾਂ ਤੁਰੰਤ ਕਿਸੇ ਨੱਕ, ਕੰਨ ਅਤੇ ਗਲੇ ਦੇ ਮਾਹਿਰ ਨੂੰ ਦਿਖਾਓ।
ਅਜਵਾਇਨ ਖਾਣ ਦੇ ਹੈਰਾਨੀਜਨਕ ਫਾਇਦੇ ਜਾਣ ਹੋ ਜਾਓਗੇ ਹੈਰਾਨ! ਜਾਣੋ ਸਿਹਤ 'ਤੇ ਕੀ ਹੁੰਦੈ ਅਸਰ
NEXT STORY 
