ਵੈੱਬ ਡੈਸਕ- ਅੱਜ-ਕੱਲ੍ਹ ਸਿਹਤ ਪ੍ਰਤੀ ਵਧਦੀ ਜਾਗਰੂਕਤਾ ਕਾਰਨ ਬਹੁਤ ਸਾਰੇ ਲੋਕ ਘਰਾਂ ਵਿੱਚ ਹੀ ਵਾਰ-ਵਾਰ ਆਪਣਾ ਬਲੱਡ ਪ੍ਰੈਸ਼ਰ ਚੈੱਕ ਕਰਦੇ ਰਹਿੰਦੇ ਹਨ। ਹਾਲਾਂਕਿ, ਡਾਕਟਰਾਂ ਅਨੁਸਾਰ ਬੀ.ਪੀ. ਮਾਪਣਾ ਆਪਣੇ ਆਪ ਵਿੱਚ ਨੁਕਸਾਨਦੇਹ ਨਹੀਂ ਹੈ ਪਰ ਬਿਨਾਂ ਵਜ੍ਹਾ ਅਤੇ ਲੋੜ ਤੋਂ ਵੱਧ ਜਾਂਚ ਕਰਨਾ ਚਿੰਤਾ ਦਾ ਕਾਰਨ ਬਣ ਸਕਦਾ ਹੈ।
ਜਾਣਕਾਰੀ ਅਨੁਸਾਰ, ਬਲੱਡ ਪ੍ਰੈਸ਼ਰ ਦੀ ਨਿਯਮਤ ਮਾਨੀਟਰਿੰਗ ਸਿਰਫ਼ ਉਹਨਾਂ ਲੋਕਾਂ ਲਈ ਫਾਇਦੇਮੰਦ ਹੈ ਜੋ ਪਹਿਲਾਂ ਹੀ ਹਾਈ ਬਲੱਡ ਪ੍ਰੈਸ਼ਰ, ਸ਼ੂਗਰ (ਡਾਇਬੀਟੀਜ਼), ਗੁਰਦੇ ਜਾਂ ਦਿਲ ਨਾਲ ਸਬੰਧਤ ਬਿਮਾਰੀਆਂ ਤੋਂ ਪੀੜਤ ਹਨ। ਜਦੋਂ ਮਰੀਜ਼ ਦੀਆਂ ਦਵਾਈਆਂ ਦੀ ਖੁਰਾਕ ਬਦਲੀ ਜਾਂਦੀ ਹੈ, ਤਾਂ ਡਾਕਟਰ ਅਕਸਰ ਕੁਝ ਦਿਨਾਂ ਲਈ ਸਵੇਰੇ-ਸ਼ਾਮ ਬੀ.ਪੀ. ਚੈੱਕ ਕਰਨ ਦੀ ਸਲਾਹ ਦਿੰਦੇ ਹਨ।
ਇਹ ਵੀ ਪੜ੍ਹੋ- ਮਾਤਾ ਵੈਸ਼ਨੋ ਦੇਵੀ ਦੇ ਭਗਤਾਂ ਲਈ ਖੁਸ਼ਖਬਰੀ: ਇਸ ਦਿਨ ਖੁਲ੍ਹੇਗੀ ਪ੍ਰਾਚੀਨ ਗੁਫਾ
ਕਦੋਂ ਹੋ ਸਕਦਾ ਹੈ ਨੁਕਸਾਨ?
ਸਮੱਸਿਆ ਉਦੋਂ ਪੈਦਾ ਹੁੰਦੀ ਹੈ ਜਦੋਂ ਸਿਹਤਮੰਦ ਲੋਕ ਬਿਨਾਂ ਕਿਸੇ ਡਾਕਟਰੀ ਸਲਾਹ ਦੇ ਦਿਨ ਵਿੱਚ ਕਈ ਵਾਰ ਬੀ.ਪੀ. ਮਾਪਣ ਲੱਗ ਪੈਂਦੇ ਹਨ। ਹਰ ਹਲਕੇ ਸਿਰ ਦਰਦ, ਤਣਾਅ ਜਾਂ ਬੇਚੈਨੀ 'ਤੇ ਬੀ.ਪੀ. ਚੈੱਕ ਕਰਨ ਨਾਲ 'ਮੇਜ਼ਰਮੈਂਟ ਐਂਜ਼ਾਈਟੀ' (Measurement Anxiety) ਹੋ ਸਕਦੀ ਹੈ। ਇਸ ਚਿੰਤਾ ਕਾਰਨ ਬੀਪੀ ਦੀ ਰੀਡਿੰਗ ਅਸਥਾਈ ਤੌਰ 'ਤੇ ਅਸਲ ਨਾਲੋਂ ਜ਼ਿਆਦਾ ਆ ਸਕਦੀ ਹੈ, ਜੋ ਮਰੀਜ਼ ਨੂੰ ਬੇਲੋੜਾ ਡਰਾ ਸਕਦੀ ਹੈ।
ਕਿੰਨੀ ਵਾਰ ਜਾਂਚ ਕਰਨਾ ਹੈ ਸਹੀ?
- ਹਾਈ ਬੀਪੀ ਦੇ ਮਰੀਜ਼ਾਂ ਲਈ: ਸ਼ੁਰੂਆਤ ਵਿੱਚ ਦਿਨ ਵਿੱਚ ਇੱਕ ਜਾਂ ਦੋ ਵਾਰ ਜਾਂਚ ਕਾਫ਼ੀ ਹੁੰਦੀ ਹੈ। ਲੰਬੇ ਸਮੇਂ ਲਈ, ਹਫ਼ਤੇ ਵਿੱਚ ਕੁਝ ਵਾਰ ਰੀਡਿੰਗ ਲੈਣਾ ਹੀ ਕਾਫ਼ੀ ਮੰਨਿਆ ਜਾਂਦਾ ਹੈ।
-ਖਾਸ ਹਾਲਤਾਂ ਵਿੱਚ: ਜੇਕਰ ਲਗਾਤਾਰ ਸਿਰ ਦਰਦ, ਚੱਕਰ ਆਉਣੇ, ਛਾਤੀ ਵਿੱਚ ਭਾਰੀਪਨ, ਅਸਧਾਰਨ ਥਕਾਵਟ ਜਾਂ ਦਿਲ ਦੀ ਧੜਕਣ ਤੇਜ਼ ਮਹਿਸੂਸ ਹੋਵੇ, ਤਾਂ ਬੀਪੀ ਜ਼ਰੂਰ ਚੈੱਕ ਕਰਨਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ- 13, 14, 15, ਜਨਵਰੀ ਨੂੰ ਇਨ੍ਹਾਂ ਸੂਬਿਆਂ 'ਚ ਪਵੇਗਾ ਭਾਰੀ ਮੀਂਹ! IMD ਵਲੋਂ ਅਲਰਟ ਜਾਰੀ
ਘਰ ਵਿੱਚ ਬੀ.ਪੀ. ਮਾਪਦੇ ਸਮੇਂ ਰੱਖੋ ਇਹ ਸਾਵਧਾਨੀਆਂ:
1. ਜਾਂਚ ਤੋਂ ਪਹਿਲਾਂ 5 ਮਿੰਟ ਸ਼ਾਂਤੀ ਨਾਲ ਬੈਠੋ।
2. ਬੀ.ਪੀ. ਚੈੱਕ ਕਰਨ ਤੋਂ ਅੱਧਾ ਘੰਟਾ ਪਹਿਲਾਂ ਕੈਫੀਨ (ਚਾਹ/ਕੌਫੀ), ਸਿਗਰਟਨੋਸ਼ੀ ਜਾਂ ਕਸਰਤ ਨਾ ਕਰੋ।
3. ਬਾਂਹ ਨੂੰ ਹਮੇਸ਼ਾ ਦਿਲ ਦੇ ਪੱਧਰ (heart level) 'ਤੇ ਰੱਖੋ।
4. ਭਰੋਸੇਯੋਗ ਡਿਜੀਟਲ ਮਸ਼ੀਨ ਦੀ ਵਰਤੋਂ ਕਰੋ ਅਤੇ ਸਹੀ ਨਤੀਜੇ ਲਈ ਦੋ ਰੀਡਿੰਗਾਂ ਦੀ ਔਸਤ ਕੱਢੋ।
ਡਾਕਟਰਾਂ ਦਾ ਕਹਿਣਾ ਹੈ ਕਿ ਸਮਝਦਾਰੀ ਨਾਲ ਕੀਤੀ ਗਈ ਮਾਨੀਟਰਿੰਗ ਫਾਇਦੇਮੰਦ ਹੈ ਪਰ ਮਕਸਦ ਸਿਰਫ਼ ਸਿਹਤ ਪ੍ਰਤੀ ਸੁਚੇਤ ਰਹਿਣਾ ਹੋਣਾ ਚਾਹੀਦਾ ਹੈ, ਨਾ ਕਿ ਡਰਨਾ।
ਇਹ ਵੀ ਪੜ੍ਹੋ- iPhone 17 ਅੱਧੀ ਕੀਮਤ 'ਚ ਖਰੀਦਣ ਦਾ ਸੁਨਹਿਰੀ ਮੌਕਾ!
ਸਾਵਧਾਨ! ਪੁਰਸ਼ਾਂ ਲਈ ਖ਼ਤਰੇ ਦੀ ਘੰਟੀ, ਵਾਰ-ਵਾਰ ਪਿਸ਼ਾਬ ਆਉਣਾ ਹੋ ਸਕਦਾ ਹੈ ਕੈਂਸਰ ਦਾ ਸੰਕੇਤ
NEXT STORY 
