ਹੈਲਥ ਡੈਸਕ- ਗੁੜ ਨੂੰ ਅਕਸਰ ਖੰਡ ਦਾ ਹੈਲਦੀ ਅਤੇ ਕੁਦਰਤੀ ਵਿਕਲਪ ਮੰਨਿਆ ਜਾਂਦਾ ਹੈ। ਇਹ ਸਾਡੇ ਰੋਜ਼ਾਨਾ ਖਾਣ-ਪੀਣ ਦਾ ਇਕ ਅਹਿਮ ਹਿੱਸਾ ਹੈ। ਖਾਸ ਕਰਕੇ ਸਰਦੀਆਂ 'ਚ ਇਸ ਦੀ ਗਰਮ ਤਾਸੀਰ ਕਾਰਨ ਲੋਕ ਇਸ ਨੂੰ ਆਪਣੀ ਡਾਇਟ 'ਚ ਜ਼ਰੂਰ ਸ਼ਾਮਲ ਕਰਦੇ ਹਨ। ਗੁੜ ਆਇਰਨ, ਪੋਟੈਸ਼ੀਅਮ, ਮੈਗਨੀਸ਼ੀਅਮ ਅਤੇ ਫਾਸਫੋਰਸ ਵਰਗੇ ਤੱਤਾਂ ਨਾਲ ਭਰਪੂਰ ਹੁੰਦਾ ਹੈ। ਇਹ ਪਾਚਨ ਤੰਤਰ ਨੂੰ ਮਜ਼ਬੂਤ ਕਰਨ, ਖੂਨ ਦੀ ਕਮੀ ਦੂਰ ਕਰਨ ਅਤੇ ਸਰੀਰ ਨੂੰ ਗਰਮ ਰੱਖਣ 'ਚ ਮਦਦਗਾਰ ਹੈ। ਪਰ ਜੇ ਤੁਸੀਂ ਗੁੜ ਨੂੰ ਜ਼ਿਆਦਾ ਮਾਤਰਾ 'ਚ ਖਾ ਰਹੇ ਹੋ, ਤਾਂ ਇਹ ਫਾਇਦੇ ਦੀ ਬਜਾਏ ਸਿਹਤ ਲਈ ਨੁਕਸਾਨਦਾਇਕ ਵੀ ਹੋ ਸਕਦਾ ਹੈ।
ਜ਼ਿਆਦਾ ਗੁੜ ਖਾਣ ਦੇ ਨੁਕਸਾਨ
ਸ਼ੂਗਰ ਦੀ ਵੱਧ ਮਾਤਰਾ
ਗੁੜ 'ਚ 70–75% ਤੱਕ ਕੁਦਰਤੀ ਸ਼ੂਗਰ ਹੁੰਦੀ ਹੈ। ਇਸ ਕਾਰਨ ਡਾਇਬਟੀਜ਼ ਮਰੀਜ਼ਾਂ ਜਾਂ ਜਿਨ੍ਹਾਂ ਦਾ ਸ਼ੂਗਰ ਲੈਵਲ ਤੇਜ਼ੀ ਨਾਲ ਘੱਟਦਾ-ਵਧਦਾ ਹੈ, ਉਨ੍ਹਾਂ ਲਈ ਇਸ ਦੀ ਅਧਿਕ ਮਾਤਰਾ ਖਤਰਨਾਕ ਹੈ।
ਭਾਰ ਵਧਣ ਦਾ ਖਤਰਾ
100 ਗ੍ਰਾਮ ਗੁੜ 'ਚ ਲਗਭਗ 380 ਕੈਲੋਰੀ ਹੁੰਦੀ ਹੈ। ਇਸ ਨੂੰ ਬੇਹਿਸਾਬ ਖਾਣ ਨਾਲ ਕੈਲੋਰੀ ਇੰਟੇਕ ਵਧਦਾ ਹੈ, ਜਿਸ ਨਾਲ ਭਾਰ ਤੇਜ਼ੀ ਨਾਲ ਵੱਧ ਸਕਦਾ ਹੈ।
ਬਲੱਡ ਸ਼ੂਗਰ ਸਪਾਈਕ
ਭਾਵੇਂ ਇਸ ਦਾ ਗਲਾਇਸੈਕਮਿਕ ਇੰਡੈਕਸ ਖੰਡ ਨਾਲੋਂ ਘੱਟ ਹੈ, ਪਰ ਇਹ ਤੁਰੰਤ ਬਲੱਡ ਸ਼ੂਗਰ ਵਧਾ ਸਕਦਾ ਹੈ, ਖ਼ਾਸਕਰ ਉਨ੍ਹਾਂ 'ਚ ਜਿਨ੍ਹਾਂ ਨੂੰ ਇੰਸੁਲਿਨ ਰਜ਼ਿਸਟੈਂਸ ਦੀ ਸਮੱਸਿਆ ਹੈ।
ਪੇਟ ਦੀਆਂ ਸਮੱਸਿਆਵਾਂ
ਬਹੁਤ ਜ਼ਿਆਦਾ ਗੁੜ ਖਾਣ ਨਾਲ ਗੈਸ, ਪੇਟ ਫੁੱਲਣਾ, ਦਸਤ ਆਦਿ ਦੀਆਂ ਤਕਲੀਫ਼ਾਂ ਹੋ ਸਕਦੀਆਂ ਹਨ, ਕਿਉਂਕਿ ਇਹ ਅੰਤੜੀਆਂ 'ਚ ਪਾਣੀ ਖਿੱਚਦਾ ਹੈ।
ਐਲਰਜੀ ਦਾ ਖਤਰਾ
ਕਈ ਲੋਕਾਂ ਨੂੰ ਗੁੜ ਨਾਲ ਸਕਿਨ ਰੈਸ਼, ਖੁਜਲੀ ਜਾਂ ਸਾਹ ਲੈਣ 'ਚ ਮੁਸ਼ਕਲ ਹੋ ਸਕਦੀ ਹੈ।
ਦੰਦਾਂ ਦਾ ਨੁਕਸਾਨ
ਗੁੜ ਦੀ ਚਿਪਚਿਪੀ ਬਣਾਵਟ ਅਤੇ ਵੱਧ ਸ਼ੂਗਰ ਦੰਦਾਂ 'ਚ ਕੀੜੇ ਅਤੇ ਕੈਵਿਟੀ ਦਾ ਖਤਰਾ ਵਧਾਉਂਦੇ ਹਨ।
ਇਨਫੈਕਸ਼ਨ ਦਾ ਖਤਰਾ
ਬਾਜ਼ਾਰ 'ਚ ਮਿਲਣ ਵਾਲਾ ਗੰਦਾ ਜਾਂ ਮਿਲਾਵਟੀ ਗੁੜ ਸਿਹਤ ਲਈ ਹਾਨੀਕਾਰਕ ਹੋ ਸਕਦਾ ਹੈ, ਕਿਉਂਕਿ ਕਈ ਵਾਰੀ ਇਹ ਗੈਰ-ਸਫ਼ਾਈ 'ਚ ਤਿਆਰ ਹੁੰਦਾ ਹੈ ਜਾਂ ਰੰਗ ਮਿਲਾਇਆ ਜਾਂਦਾ ਹੈ।
ਗੁੜ ਖਾਣ ਦੀ ਸਹੀ ਮਾਤਰਾ ਅਤੇ ਤਰੀਕਾ
- ਮਾਹਿਰਾਂ ਮੁਤਾਬਕ, ਇਕ ਸਿਹਤਮੰਦ ਵਿਅਕਤੀ ਰੋਜ਼ 10–15 ਗ੍ਰਾਮ ਤੋਂ ਵੱਧ ਗੁੜ ਨਹੀਂ ਖਾਣਾ ਚਾਹੀਦਾ।
- ਸਰਦੀਆਂ 'ਚ ਇਸ ਨੂੰ ਖਾਣੇ ਤੋਂ ਬਾਅਦ ਦੁੱਧ, ਚਾਹ ਜਾਂ ਲੱਡੂ ਦੇ ਰੂਪ 'ਚ ਖਾਣਾ ਫਾਇਦੇਮੰਦ ਮੰਨਿਆ ਜਾਂਦਾ ਹੈ।
ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।
ਅਲਟਰਾਸਾਊਂਡ ਦੌਰਾਨ ਕਿਉਂ ਲਗਾਇਆ ਜਾਂਦਾ ਹੈ ਜੈੱਲ? ਕੀ ਹੈ ਇਸ ਦਾ ਕਾਰਨ ਤੇ ਫ਼ਾਇਦੇ
NEXT STORY 
