ਨਵੀਂ ਦਿੱਲੀ— ਬੀਮਾਰੀਆਂ ਨਾਲ ਲੜਣ ਲਈ ਇਮਿਊਨ ਸਿਸਟਮ ਦਾ ਮਜ਼ਬੂਤ ਹੋਣਾ ਬਹੁਤ ਜ਼ਰੂਰੀ ਹੈ। ਮਜ਼ਬੂਤ ਇਮਿਊਨ ਸਿਸਟਮ ਸਰੀਰ ਨੂੰ ਰੋਗਾਂ ਅਤੇ ਇਨਫੈਕਸ਼ਨ ਨਾਲ ਲੜਣ 'ਚ ਮਦਦ ਕਰਦਾ ਹੈ। ਖਾਣ-ਪੀਣ 'ਚ ਜ਼ਰਾ ਜਿਹੀ ਲਾਪਰਵਾਹੀ ਤੁਹਾਡੀ ਪਾਚਨ ਕਿਰਿਆ ਨੂੰ ਖਰਾਬ ਜਾਂ ਕਮਜ਼ੋਰ ਕਰ ਦਿੰਦੀ ਹੈ, ਜਿਸ ਕਾਰਨ ਤੁਹਾਡਾ ਸਰੀਰ ਹਾਨੀਕਾਰਕ ਬੈਕਟੀਰੀਆ, ਵਾਇਰਸ ਅਤੇ ਬੀਮਾਰੀਆਂ ਤੋਂ ਤੁਹਾਡੀ ਰੱਖਿਆ ਨਹੀਂ ਕਰ ਪਾਉਂਦਾ। ਇਸ ਤੋਂ ਇਲਾਵਾ ਇਮਿਊਨ ਸਿਸਟਮ ਖਰਾਬ ਹੋਣ 'ਤੇ ਵੀ ਤੁਹਾਨੂੰ ਭੁੱਖ ਨਾ ਲੱਗਣਾ, ਪੇਟ 'ਚ ਭਾਰੀਪਨ, ਛਾਤੀ 'ਚ ਜਲਣ ਅਤੇ ਸਰੀਰ ਨਾਲ ਜੁੜੀਆਂ ਸਮੱਸਿਆਵਾਂ ਹੋਣ ਲੱਗਦੀਆਂ ਹਨ। ਅਜਿਹੇ 'ਚ ਅੱਜ ਅਸੀਂ ਤੁਹਾਨੂੰ ਅਜਿਹੀ ਕੁਦਰਤੀ ਡ੍ਰਿੰਕ ਬਾਰੇ ਦੱਸਣ ਜਾ ਰਹੇ ਹਾਂ ਜਿਸ ਨਾਲ ਤੁਹਾਡੀ ਪਾਚਨ ਕਿਰਿਆ ਤੁਰੰਤ ਠੀਕ ਹੋ ਜਾਵੇਗੀ। ਤਾਂ ਚਲੋਂ ਜਾਣਦੇ ਹਾਂ ਇਸ ਡ੍ਰਿੰਕ ਨੂੰ ਬਣਾਉਣ ਦੀ ਵਿਧੀ।
ਡ੍ਰਿੰਕ ਬਣਾਉਣ ਲਈ ਜ਼ਰੂਰੀ ਸਾਮਾਨ
- ਪਾਣੀ 250 ਮਿਲੀਲੀਟਰ
- ਦਾਲਚੀਨੀ ਸਟਿਕ 5-6
- ਕਾਲੀ ਮਿਰਚ 1/8 ਚੱਮਚ
- ਸ਼ਹਿਦ 1/2 ਚੱਮਚ
ਡ੍ਰਿੰਕ ਬਣਾਉਣ ਦਾ ਤਰੀਕਾ
1. ਡ੍ਰਿੰਕ ਬਣਾਉਣ ਲਈ ਸਭ ਤੋਂ ਪਹਿਲਾਂ 250 ਮਿਲੀਲੀਟਰ ਪਾਣੀ 'ਚ 5-6 ਦਾਲਚੀਨੀ ਸਟਿਕ ਨੂੰ 5-7 ਮਿੰਟ ਲਈ ਉਬਾਲ ਲਓ।
2. ਇਸ ਤੋਂ ਬਾਅਦ 1/8 ਚੱਮਚ ਕਾਲੀ ਮਿਰਚ ਅਤੇ 1/2 ਚੱਮਚ ਸ਼ਹਿਦ ਮਿਕਸ ਕਰੋ ਅਤੇ 2 ਮਿੰਟ ਲਈ ਉਬਾਲ ਲਓ।
3. ਫਿਰ ਰਾਤ ਨੂੰ ਭੋਜਨ ਕਰਨ ਦੇ ਕਰੀਬ 30 ਮਿੰਟ ਬਾਅਦ ਇਸ ਡ੍ਰਿੰਕ ਦੀ ਵਰਤੋਂ ਕਰੋ। ਇਸ ਦੀ ਵਰਤੋਂ ਸਵੇਰ ਤਕ ਤੁਹਾਡੀ ਪਾਚਨ ਕਿਰਿਆ ਨੂੰ ਠੀਕ ਕਰ ਦੇਵੇਗਾ।
ਇਸ ਗੱਲ ਦਾ ਧਿਆਨ ਰੱਖੋ
ਜੇ ਤੁਹਾਡਾ ਇਮਿਊਨ ਸਿਸਟਮ ਜ਼ਿਆਦਾ ਖਰਾਬ ਹੈ ਤਾਂ ਇਸ ਨੂੰ ਪੀਣ ਤੋਂ ਪਹਿਲਾਂ ਡਾਕਟਰੀ ਸਲਾਹ ਜ਼ਰੂਰ ਲਓ।
ਸਰੀਰ 'ਚ ਆਇਰਨ ਦੀ ਕਮੀ ਨੂੰ ਪੂਰਾ ਕਰਦੀਆਂ ਹਨ ਇਹ ਚੀਜ਼ਾਂ
NEXT STORY 
