ਨਵੀਂ ਦਿੱਲੀ- ਬਦਲਦੇ ਮੌਸਮ ਦੇ ਕਾਰਨ ਛੋਟੇ ਬੱਚਿਆਂ ਨੂੰ ਖੰਘ-ਜ਼ੁਕਾਮ ਹੋਣਾ ਆਮ ਗੱਲ ਹੈ ਪਰ ਇਹ ਸਮੱਸਿਆ ਬੱਚਿਆਂ ਨੂੰ ਬਹੁਤ ਪ੍ਰੇਸ਼ਾਨ ਕਰਦੀ ਹੈ ਤੇ ਉਨ੍ਹਾਂ ਦੀ ਸਮੱਸਿਆ ਨੂੰ ਵੇਖਦਿਆਂ, ਮਾਪੇ ਵੀ ਬਹੁਤ ਪਰੇਸ਼ਾਨ ਹੋਣ ਲੱਗਦੇ ਹਨ। ਇਕ ਪਾਸੇ ਮਾਂ-ਪਿਓ ਖੰਘ ਤੇ ਜ਼ੁਕਾਮ ਵਰਗੀ ਬਿਮਾਰੀ ਲਈ ਬੱਚੇ ਨੂੰ ਡਾਕਟਰ ਕੋਲ ਨਹੀਂ ਲਿਜਾਣਾ ਚਾਹੁੰਦੇ, ਦੂਜੇ ਪਾਸੇ ਉਹ ਬੱਚੇ ਨੂੰ ਅੰਗਰੇਜ਼ੀ ਦਵਾਈ ਪਿਲਾਉਣ ਤੋਂ ਵੀ ਪਰਹੇਜ਼ ਕਰਦੇ ਹਨ। ਅਜਿਹੀ ਸਥਿਤੀ 'ਚ ਬੱਚਿਆਂ ਨੂੰ ਇਸ ਸਮੱਸਿਆ ਤੋਂ ਬਚਾਉਣ ਦਾ ਸਭ ਤੋਂ ਉੱਤਮ ਢੰਗ ਹੈ ਘਰੇਲੂ ਨੁਸਖ਼ਿਆਂ ਨੂੰ ਅਪਣਾਉਣਾ। ਆਓ ਅੱਜ ਅਸੀਂ ਤੁਹਾਨੂੰ ਬੱਚਿਆਂ ਦੇ ਖੰਘ ਤੇ ਜ਼ੁਕਾਮ ਤੋਂ ਰਾਹਤ ਪਾਉਣ ਦੇ ਘਰੇਲੂ ਤਰੀਕਿਆਂ ਬਾਰੇ ਦੱਸਾਂਗੇ।
ਅਜਵੈਣ ਦਾ ਪਾਣੀ
ਸਰਦੀ-ਜ਼ੁਕਾਮ ਤੋਂ ਛੁਟਕਾਰਾ ਪਾਉਣ ਲਈ ਛੋਟੇ ਬੱਚੇ ਨੂੰ ਦੋ ਤੋਂ ਚਾਰ ਚਮਚੇ ਅਜਵੈਣ ਦਾ ਪਾਣੀ ਦਿਓ। ਇਸ ਦੇ ਲਈ ਇਕ ਗਲਾਸ ਪਾਣੀ 'ਚ ਇਕ ਚਮਚਾ ਅਜਵੈਣ ਪਾ ਕੇ ਚੰਗੀ ਤਰ੍ਹਾਂ ਪਕਾਓ। ਜਦੋਂ ਪਾਣੀ ਅੱਧਾ ਰਹਿ ਜਾਵੇ ਤਾਂ ਬੱਚੇ ਨੂੰ ਦਿਨ 'ਚ ਤਿੰਨ ਤੋਂ ਚਾਰ ਵਾਰ ਦਿੰਦੇ ਰਹੋ। ਜੇ ਬੱਚਾ ਵੱਡਾ ਹੈ ਤਾਂ ਤੁਸੀਂ ਅਜਵੈਣ ਦੇ ਪਾਣੀ ਦਾ ਅੱਧਾ ਕੱਪ ਪਿਲਾ ਸਕਦੇ ਹੋ। ਇਹ ਸਰਦੀ-ਜ਼ੁਕਾਮ ਤੋਂ ਰਾਹਤ ਦਿਵਾਏਗਾ।
ਹਲਦੀ ਵਾਲਾ ਦੁੱਧ
ਸਰਦੀ-ਜ਼ੁਕਾਮ ਤੋਂ ਛੁਟਕਾਰਾ ਪਾਉਣ ਲਈ ਹਲਦੀ ਨੂੰ ਦੁੱਧ 'ਚ ਮਿਲਾ ਕੇ ਪੀਓ। ਇਸ ਦੇ ਲਈ ਦੁੱਧ 'ਚ ਹਲਦੀ ਨੂੰ ਮਿਲਾ ਕੇ ਗਰਮ ਕਰੋ ਅਤੇ ਗਰਮ ਹੋਣ 'ਤੇ ਬੱਚੇ ਨੂੰ ਪਿਲਾਓ ਜੇ ਤੁਸੀਂ ਇਸ ਲਈ ਕੱਚੀ ਹਲਦੀ ਦੀ ਵਰਤੋਂ ਕਰਦੇ ਹੋ ਤਾਂ ਇਹ ਹੋਰ ਵੀ ਵਧੀਆ ਹੋਵੇਗਾ।
ਕਾੜ੍ਹਾ ਪਿਲਾਓ
ਬੱਚੇ ਨੂੰ ਦਿਨ 'ਚ ਘੱਟੋ-ਘੱਟ ਦੋ ਵਾਰ ਕਾੜਾ ਦੇਣਾ ਚਾਹੀਦਾ ਹੈ। ਜੇ ਬੱਚਾ ਛੋਟਾ ਹੈ, ਇਕ ਤੋਂ ਦੋ ਚਮਚੇ ਕਾੜ੍ਹਾ ਪੀਣ ਲਈ ਦਿਓ। ਜੇ ਬੱਚਾ ਵੱਡਾ ਹੈ ਤਾਂ ਇਕ ਛੋਟਾ ਜਿਹਾ ਅੱਧਾ ਕੱਪ ਪੀਣ ਲਈ ਦਿੱਤਾ ਜਾ ਸਕਦਾ ਹੈ। ਇਸ ਦੇ ਲਈ ਤੁਹਾਨੂੰ ਮਾਰਕੀਟ ਤੋਂ ਇਕ ਚੰਗੀ ਕੰਪਨੀ ਦਾ ਕਾੜਾ ਖਰੀਦਣਾ ਚਾਹੀਦਾ ਹੈ। ਜੇ ਇਹ ਸੰਭਵ ਨਹੀਂ ਤਾਂ ਤੁਸੀਂ ਘਰ 'ਚ ਤੁਲਸੀ, ਦਾਲਚੀਨੀ, ਲੌਂਗ, ਕਾਲੀ ਮਿਰਚ ਅਤੇ ਅਦਰਕ ਦਾ ਕਾੜ੍ਹਾ ਬਣਾ ਸਕਦੇ ਹੋ।
ਭਾਫ ਦੇਵੋ
ਭਾਫ ਦੇਣ ਨਾਲ ਬੱਚੇ ਨੂੰ ਜ਼ੁਕਾਮ ਤੇ ਸਰਦੀ ਤੋਂ ਵੀ ਰਾਹਤ ਮਿਲਦੀ ਹੈ। ਇਸ ਲਈ ਦਿਨ 'ਚ ਘੱਟੋ-ਘੱਟ ਇਕ ਵਾਰ ਬੱਚੇ ਨੂੰ ਭਾਫ ਦਿਓ। ਜੇ ਤੁਸੀਂ ਸੌਣ ਤੋਂ ਪਹਿਲਾਂ ਭਾਫ ਦਿੰਦੇ ਹੋ ਤਾਂ ਇਹ ਵਧੀਆ ਰਹੇਗਾ। ਜੇ ਬੱਚਾ ਭਾਫ ਨਹੀਂ ਲੈਂਦਾ ਜਾਂ ਤੁਹਾਨੂੰ ਡਰ ਹੈ ਕਿ ਉਹ ਪਾਣੀ ਨਾ ਡੋਲ ਦੇਵੇ ਤਾਂ ਇਸ ਦੇ ਲਈ ਪਾਣੀ ਦਾ ਬਰਤਨ ਜਾਂ ਵੈਪੋਰਾਈਜ਼ਰ (ਭਾਫ਼ ਦੇਣ ਵਾਲੀ ਮਸ਼ੀਨ) ਜ਼ਮੀਨ 'ਤੇ ਰੱਖੋ ਅਤੇ ਬੱਚੇ ਨੂੰ ਢਿੱਡ ਦੇ ਭਾਰ ਬਿਸਤਰੇ 'ਤੇ ਲਿਟਾ ਦੇਵੋ। ਬੱਚੇ ਦਾ ਸਾਰਾ ਸਰੀਰ ਬਿਸਤਰੇ 'ਤੇ ਰਹਿਣ ਦਿਓ ਅਤੇ ਉਸ ਦਾ ਮੂੰਹ ਬੈੱਡ ਦੇ ਕਿਨਾਰੇ ਤੋਂ ਬਾਹਰ ਰੱਖੋ। ਬੱਚੇ ਨੂੰ ਚੰਗੀ ਤਰ੍ਹਾਂ ਫੜੋ ਤਾਂ ਜੋ ਇਹ ਡਿੱਗ ਨਾ ਜਾਵੇ, ਇਹ ਭਾਫ ਨੂੰ ਆਸਾਨੀ ਨਾਲ ਉਸ ਤੱਕ ਪਹੁੰਚਣ ਦੇਵੇਗਾ।
ਸ਼ੂਗਰ ਦੇ ਮਰੀਜ਼ਾਂ ਲਈ ਲਾਹੇਵੰਦ ਹੁੰਦੈ ‘ਜਿਮੀਕੰਦ’, ਖਾਣ ’ਤੇ ਹੋਣਗੇ ਹੋਰ ਵੀ ਕਈ ਫ਼ਾਇਦੇ
NEXT STORY 
