ਇਸਲਾਮਾਬਾਦ— ਭਾਰਤ 'ਚ ਪਾਕਿਸਤਾਨ ਦੇ ਸਾਬਕਾ ਹਾਈ ਕਮਿਸ਼ਨਰ ਅਬਦੁੱਲ ਬਾਸਿਤ ਨੇ ਕਸ਼ਮੀਰ ਮਸਲੇ 'ਤੇ ਇਕ ਟਵੀਟ ਨੂੰ ਰੀਟਵੀਟ ਕਰਕੇ ਆਪਣਾ ਮਜ਼ਾਕ ਉਡਵਾ ਲਿਆ। ਜਾਣਕਾਰੀ ਮੁਤਾਬਕ ਬਾਸਿਤ ਨੇ ਸੋਮਵਾਰ ਨੂੰ ਇਕ ਅਜਿਹੇ ਟਵੀਟ ਨੂੰ ਰੀਟਵੀਟ ਕਰ ਦਿੱਤਾ, ਜਿਸ 'ਚ ਇਕ ਪੋਰਨ ਸਟਾਰ ਨੂੰ ਕਸ਼ਮੀਰੀ ਨੌਜਵਾਨ ਦੱਸਿਆ ਗਿਆ ਸੀ। ਟਵੀਟ 'ਚ ਲਿਖਿਆ ਸੀ ਕਿ ਕਸ਼ਮੀਰੀ ਨੌਜਵਾਨ ਪੈਲੇਟ ਗਨ ਨਾਲ ਜ਼ਖਮੀ ਹੋ ਗਿਆ ਹੈ।
ਅਸਲ 'ਚ ਬਾਸਿਤ ਨੇ ਜਿਸ ਟਵੀਟ ਨੂੰ ਰੀਟਵੀਟ ਕੀਤਾ ਸੀ ਉਸ ਨੂੰ ਅਮਰ ਨਾਂ ਦੇ ਸੋਸ਼ਲ ਮੀਡਆ ਯੂਜ਼ਰ ਨੇ ਟਵੀਟ ਕੀਤਾ ਸੀ। ਅਮਰ ਨੇ ਐਡਲਟ ਸਟਾਰ ਦੀ ਫੋਟੋ ਸ਼ੇਅਰ ਕਰਦੇ ਹੋਏ ਲਿਖਿਆ ਕਿ ਇਹ ਅਨੰਤਨਾਗ ਦੇ ਰਹਿਣ ਵਾਲੇ ਯੂਸੁਫ ਹਨ। ਪੈਲੇਟ ਗਨ ਦੇ ਕਾਰਨ ਇਨ੍ਹਾਂ ਦੀ ਅੱਖਾਂ ਦੀ ਰੌਸ਼ਨੀ ਚਲੀ ਗਈ ਹੈ। ਕਿਰਪਾ ਕਰਕੇ ਆਵਾਜ਼ ਚੁੱਕੋ।
ਪਾਕਿਸਤਾਨੀ ਪੱਤਰਕਾਰ ਨਾਇਲਾ ਇਨਾਇਤ ਨੇ ਅਬਦੁੱਲ ਬਾਸਿਤ ਦੀ ਗਲਤੀ ਨੂੰ ਸਾਹਮਣੇ ਲਿਆਉਂਦੇ ਹੋਏ ਸਕ੍ਰੀਨਸ਼ਾਟ ਸ਼ੇਅਰ ਕੀਤਾ। ਨਾਇਲਾ ਨੇ ਲਿਖਿਆ ਕਿ ਸਾਬਕਾ ਹਾਈ ਕਮਿਸ਼ਨਰ ਨੇ ਜਾਨੀ ਸਿੰਸ (ਐਡਲਟ ਸਟਾਰ) ਨੂੰ ਕਸ਼ਮੀਰੀ ਵਿਅਕਤੀ ਸਮਝ ਲਿਆ।
ਬਾਅਦ 'ਚ ਬਾਸਿਤ ਨੇ ਇਸ ਟਵੀਟ ਨੂੰ ਡਿਲੀਟ ਕਰ ਦਿੱਤਾ। ਹਾਲਾਂਕਿ ਇਹ ਪਹਿਲਾ ਮੌਕਾ ਨਹੀਂ ਕਿ ਜਦੋਂ ਕਸ਼ਮੀਰ ਨੂੰ ਲੈ ਕੇ ਪਾਕਿਸਤਾਨੀ ਅਧਿਕਾਰੀਆਂ ਜਾਂ ਨੇਤਾਵਾਂ ਨੇ ਗਲਤ ਜਾਣਕਾਰੀ ਸ਼ੇਅਰ ਕੀਤੀ ਹੋਵੇ। ਜਦੋਂ ਤੋਂ ਭਾਰਤ ਸਰਕਾਰ ਨੇ ਜੰਮੂ-ਕਸ਼ਮੀਰ ਨੂੰ ਧਾਰਾ 370 ਦੇ ਤਹਿਤ ਮਿਲੇ ਵਿਸ਼ੇਸ਼ ਅਧਿਕਾਰ ਨੂੰ ਖਤਮ ਕੀਤਾ ਹੈ ਉਦੋਂ ਤੋਂ ਪਾਕਿਸਤਾਨ ਸੋਸ਼ਲ ਮੀਡੀਆ 'ਤੇ ਲਗਾਤਾਰ ਭਾਰਤ ਦੇ ਇਸ ਫੈਸਲੇ ਦਾ ਵਿਰੋਧ ਕਰ ਰਿਹਾ ਹੈ।
ਚੀਨ 'ਚ ਵਿਅਕਤੀ ਨੇ ਚਾਕੂ ਮਾਰ ਕੇ 8 ਬੱਚਿਆਂ ਦੀ ਕੀਤੀ ਹੱਤਿਆ, ਹੋਇਆ ਗ੍ਰਿਫਤਾਰ
NEXT STORY