ਸਿਡਨੀ (ਭਾਸ਼ਾ): ਆਸਟ੍ਰੇਲੀਆ ਦੇ ਸਭ ਤੋਂ ਵੱਧ ਅਬਾਦੀ ਵਾਲੇ ਰਾਜ ਨਿਊ ਸਾਊਥ ਵੇਲਜ਼ (ਐਨ.ਐਸ.ਡਬਲਊ.) ਵਿਚ ਰੋਜ਼ਾਨਾ ਕੋਵਿਡ-19 ਮਾਮਲਿਆਂ ਵਿਚ ਵਾਧਾ ਹੋਇਆ ਹੈ ਪਰ ਅਧਿਕਾਰੀਆਂ ਨੇ ਤਾਜ਼ਾ ਪ੍ਰਕੋਪ ਦੇ ਬਾਵਜੂਦ ਕਿਹਾ ਕਿ ਉਹ “ਗ੍ਰੀਨ ਜ਼ੋਨ” ਵਿਚ ਹਨ। ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਮੁਤਾਬਕ, ਰਾਜ ਵਿਚ ਸ਼ਨੀਵਾਰ ਨੂੰ ਸਥਾਨਕ ਤੌਰ 'ਤੇ ਕੋਵਿਡ-19 ਦੇ 35 ਨਵੇਂ ਕੇਸ ਦਰਜ ਕੀਤੇ ਗਏ, ਜੋ ਪਿਛਲੇ ਸਾਲ ਦਾ ਸਭ ਤੋਂ ਵੱਧ ਇਕ ਦਿਨ ਦਾ ਵਾਧਾ ਹੈ, ਜਿਨ੍ਹਾਂ ਵਿਚੋਂ 29 ਪਹਿਲਾਂ ਪੁਸ਼ਟੀ ਕੀਤੀ ਲਾਗ ਨਾਲ ਜੁੜੇ ਹੋਏ ਸਨ। ਮੌਜੂਦਾ ਪ੍ਰਕੋਪ ਦੇ ਕੁੱਲ ਕੇਸਾ ਦੀ ਗਿਣਤੀ 261 ਤੱਕ ਪਹੁੰਚ ਗਈ।
35 ਨਵੇਂ ਮਾਮਲਿਆਂ ਵਿਚੋਂ, 23 ਆਪਣੇ ਛੂਤਕਾਰੀ ਦੌਰ ਵਿਚ ਆਈਸੋਲੇਸ਼ਨ ਵਿਚ ਸਨ।ਐਨ.ਐਸ.ਡਬਲਊ. ਹੈਲਥ ਅਨੁਸਾਰ, ਕਮਿਊਨਿਟੀ ਵਿਚ 9 ਕੇਸ ਛੂਤਕਾਰੀ ਕਾਲ ਦੇ ਸਨ। ਐਨ.ਐਸ.ਡਬਲਊ. ਦੇ ਪ੍ਰੀਮੀਅਰ ਗਲੇਡਜ਼ ਬੇਰੇਜਿਕਲਿਅਨ ਨੇ ਸ਼ਨੀਵਾਰ ਨੂੰ ਕਿਹਾ,"ਇਹ ਇਕ ਚੰਗਾ ਨਤੀਜਾ ਹੈ।" ਉਹਨਾਂ ਨੇ ਕਿਹਾ,“ਜਿਵੇਂ ਕਿ ਭਵਿੱਖਬਾਣੀ ਕੀਤੀ ਗਈ ਹੈ ਕਿ ਕੇਸਾਂ ਦੀ ਗਿਣਤੀ ਵੱਧਦੀ ਜਾ ਰਹੀ ਹੈ, ਅਸੀਂ ਉਨ੍ਹਾਂ ਮਾਮਲਿਆਂ ਦਾ ਆਈਸੋਲੇਸ਼ਨ ਵਿਚ ਇਕ ਵੱਡਾ ਅਨੁਪਾਤ ਵੇਖ ਰਹੇ ਹਾਂ, ਜੋ ਬਿਲਕੁਲ ਉਹੀ ਹੈ ਜਿਸ ਨੂੰ ਅਸੀਂ ਦੇਖਣਾ ਚਾਹੁੰਦੇ ਹਾਂ।”
ਪੜ੍ਹੋ ਇਹ ਅਹਿਮ ਖਬਰ- ਆਸਟ੍ਰੇਲੀਆਈ ਖੋਜੀਆਂ ਦਾ ਦਾਅਵਾ, ਕੋਵਿਡ ਦੇ ਰਵਾਇਤੀ ਲੱਛਣਾਂ ਤੋਂ ਵੱਖਰੇ ਹਨ ਡੈਲਟਾ ਵੈਰੀਐਂਟ ਦੇ ਲੱਛਣ
ਉਹਨਾਂ ਮੁਤਾਬਕ ਇਹ "ਹਰੇ ਰੰਗ ਦੀਆਂ ਨਿਸ਼ਾਨੀਆਂ ਹਨ ਅਤੇ ਇਹ ਪ੍ਰਦਰਸ਼ਿਤ ਕਰ ਰਹੀਆਂ ਹਨ ਕਿ ਤਾਲਾਬੰਦ ਹੋਣ ਨਾਲ ਲੋੜੀਂਦਾ ਪ੍ਰਭਾਵ ਪੈ ਰਿਹਾ ਹੈ। ਬੇਰੇਜਿਕਲਿਅਨ ਨੇ ਇਹ ਨਹੀਂ ਦੱਸਿਆ ਕਿ 9 ਜੁਲਾਈ ਤੋਂ ਬਾਅਦ ਦੋ ਹਫ਼ਤਿਆਂ ਦੇ ਬੰਦ ਨੂੰ ਹੋਰ ਵਧਾ ਦਿੱਤਾ ਜਾਵੇਗਾ ਜਾਂ ਨਹੀਂ।ਉਸੇ ਸਮੇਂ, ਗੁਆਂਢੀ ਰਾਜ ਕੁਈਨਜ਼ਲੈਂਡ ਨੇ ਅੱਠ ਨਵੇਂ ਮਾਮਲਿਆਂ ਦੇ ਬਾਵਜੂਦ ਇਸ ਦੀ ਰਾਜਧਾਨੀ ਬ੍ਰਿਸਬੇਨ ਅਤੇ ਹੋਰ ਦੋ ਸਥਾਨਕ ਸਰਕਾਰੀ ਖੇਤਰਾਂ ਵਿਚ ਤਾਲਾਬੰਦੀ ਖ਼ਤਮ ਕਰ ਦਿੱਤੀ।ਪੱਛਮੀ ਆਸਟ੍ਰੇਲੀਆ ਦਾ ਰਾਜ ਕੋਈ ਨਵਾਂ ਕੇਸ ਦਰਜ ਕੀਤੇ ਬਿਨਾਂ ਚਾਰ ਦਿਨਾਂ ਦੇ ਬੰਦ ਤੋਂ ਬਾਹਰ ਆ ਗਿਆ।
ਆਸਟ੍ਰੇਲੀਆਈ ਖੋਜੀਆਂ ਦਾ ਦਾਅਵਾ, ਕੋਵਿਡ ਦੇ ਰਵਾਇਤੀ ਲੱਛਣਾਂ ਤੋਂ ਵੱਖਰੇ ਹਨ ਡੈਲਟਾ ਵੈਰੀਐਂਟ ਦੇ ਲੱਛਣ
NEXT STORY 
