ਸਿਡਨੀ- ਆਸਟ੍ਰੇਲੀਆ ਯੁੱਧ ਪ੍ਰਭਾਵਿਤ ਯੂਕ੍ਰੇਨ ਦੀ ਮਦਦ ਲਈ ਇਕ ਵਾਰ ਫਿਰ ਅੱਗੇ ਆਇਆ ਹੈ। ਇਸ ਦੇ ਤਹਿਤ ਆਸਟ੍ਰੇਲੀਆ ਯੂਕ੍ਰੇਨ ਨੂੰ ਹਮਲਾਵਰ ਰੂਸੀ ਫੌਜਾਂ ਖ਼ਿਲਾਫ਼ ਲੜਾਈ ਵਿੱਚ ਮਦਦ ਲਈ ਹੋਰ ਆਰਥਿਕ ਅਤੇ ਫੌਜੀ ਸਹਾਇਤਾ ਭੇਜੇਗਾ। ਕੈਬਨਿਟ ਨੇ ਯੂਕ੍ਰੇਨ ਲਈ 110 ਮਿਲੀਅਨ ਡਾਲਰ ਦੀ ਮਦਦ ਦੇਣ ਦਾ ਐਲਾਨ ਕੀਤਾ ਹੈ ਅਤੇ ਫੰਡ ਕਈ ਖੇਤਰਾਂ ਨੂੰ ਕਵਰ ਕਰਨਗੇ, ਜਿਸ ਨਾਲ ਆਸਟ੍ਰੇਲੀਆ ਦਾ ਕੁੱਲ ਯੋਗਦਾਨ 790 ਮਿਲੀਅਨ ਡਾਲਰ ਹੋ ਜਾਵੇਗਾ, ਜਿਸ ਵਿੱਚ 610 ਮਿਲੀਅਨ ਡਾਲਰ ਫੌਜੀ ਸਹਾਇਤਾ ਵੀ ਸ਼ਾਮਲ ਹੈ।
ਪ੍ਰਧਾਨ ਮੰਤਰੀ ਐਂਥਨੀ ਅਲਬਾਨੀਜ਼ ਨੇ ਪੁਸ਼ਟੀ ਕੀਤੀ ਕਿ ਬਖਤਰਬੰਦ ਵਾਹਨ, ਵਿਸ਼ੇਸ਼ ਆਪ੍ਰੇਸ਼ਨ ਵਾਹਨ, ਟਰੱਕ ਅਤੇ ਤੋਪਖਾਨੇ ਦਾ ਅਸਲਾ ਤਾਜ਼ੇ ਪੈਕੇਜ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਉਸ ਨੇ ਕਿਹਾ ਕਿ “ਇਹ ਇੱਕ ਮਹੱਤਵਪੂਰਨ ਵਚਨਬੱਧਤਾ ਹੈ ਪਰ ਇਹ ਇੱਕ ਜ਼ਰੂਰੀ ਹੈ,”। ਅਲਬਾਨੀਜ਼ ਨੇ ਕਿਹਾ ਕਿ ਸਮਰਥਨ ਦੀ ਇਹ ਨਵੀਨਤਮ ਕਿਸ਼ਤ ਅਤੇ ਦਰਜਨਾਂ ਮਿਲਟਰੀ ਵਾਹਨ ਯੂਕ੍ਰੇਨ ਦੇ ਲੋਕਾਂ ਲਈ ਮਦਦ ਕਰਨਗੇ, ਜੋ "ਰੂਸ ਦੇ ਗੈਰ-ਕਾਨੂੰਨੀ ਅਤੇ ਅਨੈਤਿਕ ਯੁੱਧ ਸਾਹਮਣੇ ਬਹੁਤ ਹਿੰਮਤ ਦਿਖਾਉਣਾ" ਜਾਰੀ ਰੱਖੇ ਹੋਏ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ-ਰੂਸ ਨੂੰ ਝਟਕਾ, ਆਸਟ੍ਰੇਲੀਆਈ ਅਦਾਲਤ ਨੇ ਦੂਤਘਰ ਸਬੰਧੀ ਪਟੀਸ਼ਨ ਕੀਤੀ ਖਾਰਿਜ
ਜੰਗ ਦੇ ਮੈਦਾਨ ਵਿੱਚ ਭੇਜੇ ਜਾਣ ਵਾਲੇ ਹਾਰਡਵੇਅਰ ਵਿੱਚ 28 ਬਖਤਰਬੰਦ ਟਰੱਕ, 28 ਐਮ 113 ਬਖਤਰਬੰਦ ਵਾਹਨ ਅਤੇ 14 ਵਿਸ਼ੇਸ਼ ਆਪਰੇਸ਼ਨ ਵਾਹਨ ਸ਼ਾਮਲ ਹਨ। ਇਹ ਫੰਡ ਯੂਕ੍ਰੇਨ ਦੇ ਲੋਕਾਂ ਨੂੰ ਆਸਰਾ, ਸਿਹਤ ਸੇਵਾਵਾਂ, ਸਾਫ਼ ਪਾਣੀ ਅਤੇ ਸੈਨੀਟੇਸ਼ਨ ਦੇ ਨਾਲ ਮਦਦ ਕਰਨ ਲਈ ਜਾਵੇਗਾ। ਹਫ਼ਤੇ ਦੇ ਅੰਤ ਵਿੱਚ ਰੂਸ ਵਿੱਚ ਅਸਾਧਾਰਨ ਘਟਨਾਵਾਂ ਦੇ ਬਾਵਜੂਦ ਆਸਟ੍ਰੇਲੀਆਈ ਸਰਕਾਰ ਨੇ ਕਿਹਾ ਕਿ ਉਹ ਯੂਕ੍ਰੇਨ ਵਿੱਚ ਲੰਬੇ ਸੰਘਰਸ਼ ਦੀ ਉਮੀਦ ਕਰ ਰਹੀ ਹੈ। ਅਲਬਾਨੀਜ਼ ਨੇ ਕਿਹਾ ਕਿ ਅੱਜ ਦੀ ਘੋਸ਼ਣਾ ਅਤੇ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੇ ਵਿਰੁੱਧ ਅਚਾਨਕ ਬਗਾਵਤ ਵਿਚਕਾਰ ਕੋਈ ਸਬੰਧ ਨਹੀਂ ਹੈ। ਉੱਧਰ ਵਿਦੇਸ਼ ਮਾਮਲਿਆਂ ਦੇ ਮੰਤਰੀ ਪੈਨੀ ਵੋਂਗ ਨੇ ਕਿਹਾ ਕਿ ਵੈਗਨਰ ਸਮੂਹ ਦੇ ਮਾਸਕੋ ਲਈ ਅਧੂਰੇ ਮਾਰਚ ਨੇ ਦਿਖਾਇਆ ਕਿ "ਰੂਸ ਵਿੱਚ ਵੰਡ" ਸੀ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
13 ਸਾਲ ਪਹਿਲਾ ਬੰਦ ਕੀਤੀ ਅਫ਼ੀਮ ਤਿਆਰ ਕਰਨ ਵਾਲੀ ਫੈਕਟਰੀ ਪਾਕਿ ਸਰਕਾਰ ਨੇ ਫਿਰ ਚਾਲੂ ਕਰਨ ਦਾ ਲਿਆ ਫੈਸਲਾ
NEXT STORY 
