ਸਿਡਨੀ/ਬੀਜਿੰਗ (ਬਿਊਰੋ): ਆਸਟ੍ਰੇਲੀਆ ਦੀ ਸੈਨਾ ਨੇ ਅਗਲੇ 5 ਸਾਲਾਂ ਵਿਚ ਚੀਨ ਦੇ ਤਾਇਵਾਨ 'ਤੇ ਹਮਲਾ ਕਰਨ ਦੇ ਖਤਰੇ ਨੂੰ ਦੇਖਦੇ ਹੋਏ ਡ੍ਰੈਗਨ ਨਾਲ ਜੰਗ ਦੀ ਤਿਆਰੀ ਤੇਜ਼ ਕਰ ਦਿੱਤੀ ਹੈ। ਸੂਤਰਾਂ ਮੁਤਾਬਕ ਆਸਟ੍ਰੇਲੀਆ ਦੀ ਸੈਨਾ ਚੀਨ ਨਾਲ ਯੁੱਧ ਲਈ ਰਣਨੀਤੀ ਬਣਾ ਰਹੀ ਹੈ। ਸੈਨਾ ਦੇ ਅਧਿਕਾਰੀ ਉਸ ਸਥਿਤੀ ਲਈ ਖੁਦ ਨੂੰ ਤਿਆਰ ਕਰ ਰਹੇ ਹਨ ਜਿਸ ਦੇ ਤਹਿਤ ਯੁੱਧ ਹੋਣ ਦੀ ਸਥਿਤੀ ਵਿਚ ਕੋਲਿਨਸ ਸ਼੍ਰੇਣੀ ਦੀ ਪਣਡੁੱਬੀ ਅਤੇ ਸੁਪਰ ਹਾਰਨੇਟ ਫਾਈਟਰ ਜੈੱਟ ਨੂੰ ਅਮਰੀਕੀ ਸੈਨਾ ਅਤੇ ਹੋਰ ਸਾਥੀ ਦੇਸ਼ਾਂ ਦੀ ਮਦਦ ਲਈ ਤਾਇਵਾਨ ਸਟ੍ਰੇਟ ਵਿਚ ਭੇਜਿਆ ਜਾ ਸਕੇ।
ਡੇਲੀ ਮੇਲ ਦੀ ਰਿਪੋਰਟ ਮੁਤਾਬਕ ਲਗਾਤਾਰ ਵੱਧਦੇ ਤਣਾਅ ਵਿਚ ਆਸਟ੍ਰੇਲੀਆ ਅਤੇ ਹੋਰ ਕਵਾਡ ਦੇਸ਼ਾਂ-ਜਾਪਾਨ, ਭਾਰਤ ਅਤੇ ਅਮਰੀਕਾ 'ਤੇ ਦਬਾਅ ਵੱਧ ਰਿਹਾ ਹੈ ਕਿ ਉਹ ਚੀਨੀ ਡ੍ਰੈਗਨ ਦੀ ਸੈਨਾ 'ਤੇ ਲਗਾਮ ਲਗਾਏ। ਹਾਲ ਹੀ ਦੇ ਦਿਨਾਂ ਵਿਚ ਚੀਨੀ ਸੈਨਾ ਪੂਰੇ ਇਲਾਕੇ ਵਿਚ ਬਹੁਤ ਹਮਲਾਵਰ ਹੋ ਗਈ ਹੈ। ਉਸ ਨੇ ਹਾਂਗਕਾਂਗ ਵਿਚ ਲੋਕਤੰਤਰ ਸਮਰਥਕਾਂ ਅਤੇ ਉਇਗਰਾਂ ਨੂੰ ਕੁਚਲ ਦਿੱਤਾ ਹੈ। ਹੁਣ ਇਹ ਡਰ ਜਤਾਇਆ ਜਾ ਰਿਹਾ ਹੈ ਕਿ ਚੀਨ ਤਾਇਵਾਨ 'ਤੇ ਆਪਣੀ ਮਿਲਟਰੀ ਤਾਕਤ ਦੀ ਵਰਤੋਂ ਕਰ ਸਕਦਾ ਹੈ ਤਾਂ ਜੋ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦੇ ਸ਼ਾਸਨ ਕਾਲ ਵਿਚ ਤਾਇਵਾਨ ਦਾ ਚੀਨ ਨਾਲ ਏਕੀਕਰਨ ਕੀਤਾ ਜਾ ਸਕੇ।
ਚੀਨੀ ਜਹਾਜ਼ਾਂ ਵੱਲੋਂ ਘੁਸਪੈਠ ਦੀ ਕੋਸ਼ਿਸ਼
ਚੀਨ ਨੇ ਇਸ ਹਫ਼ਤੇ ਹੀ ਆਪਣੇ 25 ਲੜਾਕੂ ਜਹਾਜ਼ਾਂ ਦੇ ਬੇੜੇ ਨੂੰ ਤਾਇਵਾਨ ਦੇ ਇਲਾਕੇ ਵਿਚ ਭੇਜਿਆ ਸੀ। ਆਸਟ੍ਰੇਲੀਆ ਦੇ ਕੂਟਨੀਤਕ ਸੂਤਰਾਂ ਨੇ ਕਿਹਾ,''ਕਈ ਘਟਨਾਕ੍ਰਮ ਹੋ ਰਹੇ ਹਨ ਅਤੇ ਸਥਿਤੀਆਂ ਲਈ ਯੋਜਨਾ ਬਣਾਈ ਜਾ ਰਹੀ ਹੈ।'' ਉਹਨਾਂ ਨੇ ਕਿਹਾ ਕਿ ਇਸ ਦਾ ਉਦੇਸ਼ ਇਹ ਦਿਖਾਉਣਾ ਹੈ ਕਿ ਸਾਡੀ ਵਚਨਬੱਧਤਾ ਵਿਚ ਕੋਈ ਕਮੀ ਨਹੀਂ ਹੈ। ਤਾਇਵਾਨ ਅਤੇ ਅਮਰੀਕਾ ਵਿਚਾਲੇ ਵੱਧਦੇ ਰੱਖਿਆ ਸੰਬੰਧਾਂ ਨਾਲ ਗੁੱਸੇ ਵਿਚ ਆਏ ਚੀਨ ਨੇ ਦੱਖਣੀ ਚੀਨ ਸਾਗਰ ਵਿਚ ਆਪਣੇ ਮਿਲਟਰੀ ਮੁਹਿੰਮਾਂ ਦੀ ਗਿਣਤੀ ਨੂੰ ਵਧਾ ਦਿੱਤਾ ਹੈ। ਲੱਗਭਗ ਰੋਜ਼ ਚੀਨ ਦੇ ਲੜਾਕੂ ਜਹਾਜ਼ ਜਾਣਬੁੱਝ ਕੇ ਤਾਇਵਾਨੀ ਹਵਾਈ ਸੀਮਾ ਵਿਚ ਘੁਸਪੈਠ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਗਲੋਬਲ ਟਾਈਮਜ਼ ਦੇ ਐਡੀਟਰ ਨੇ ਕਹੀ ਇਹ ਗੱਲ
ਅਜਿਹਾ ਪਹਿਲੀ ਵਾਰ ਹੋਇਆ ਹੈ ਜਦੋਂ ਡ੍ਰੈਗਨ ਦਾ ਮੁੱਖ ਪੱਤਰ ਕਹੇ ਜਾਣ ਵਾਲੇ ਗਲੋਬਲ ਟਾਈਮਜ਼ ਨੇ ਦੱਸਿਆ ਹੈ ਕਿ ਆਖਿਰ ਚੀਨੀ ਲੜਾਕੂ ਜਹਾਜ਼ ਤਾਇਵਾਨੀ ਏਅਰਸਪੇਸ ਵਿਚ ਬਾਰ-ਬਾਰ ਘੁਸਪੈਠ ਕਿਉਂ ਕਰਦੇ ਹਨ। ਗਲੋਬਲ ਟਾਈਮਜ਼ ਦੇ ਚੀਫ ਐਡੀਟਰ ਹੂ ਸ਼ੀਜਿਨ ਨੇ ਦੱਸਿਆ ਕਿ ਚੀਨ ਦੀ ਮਿਲਟਰੀ ਮੁਹਿੰਮ ਅਸਲ ਵਿਚ ਅਮਰੀਕੀ ਵਿਦੇਸ਼ ਵਿਭਾਗ ਅਤੇ ਤਾਇਵਾਨ ਵਿਚਾਲੇ ਸੰਬੰਧਾਂ ਦੀ ਗਾਈਡਲਾਈਨ ਦੀ ਉਲੰਘਣਾ ਦੇ ਜਵਾਬ ਵਿਚ ਕੀਤੀ ਜਾ ਰਹੀ ਹੈ। ਚੀਨ ਦੀ ਪੀਪਲਜ਼ ਲਿਬਰੇਸ਼ਨ ਆਰਮੀ ਤਾਇਵਾਨ ਅਤੇ ਅਮਰੀਕਾ ਵਿਚਾਲੇ ਵੱਧਦੇ ਸੰਬੰਧਾਂ ਨੂੰ ਦੇਖਦੇ ਹੋਏ ਇਲਾਕੇ ਵਿਚ ਮਿਲਟਰੀ ਦਬਾਅ ਨੂੰ ਹੋਰ ਵਧਾਏਗੀ। ਜੇਕਰ ਤਾਇਵਾਨ ਸਾਡੇ ਜਹਾਜ਼ਾਂ 'ਤੇ ਗੋਲੀਬਾਰੀ ਕਰਦਾ ਹੈ ਤਾਂ ਇਸ ਨੂੰ ਪੂਰਨ ਯੁੱਧ ਮੰਨਿਆ ਜਾਵੇਗਾ ਅਤੇ ਪੂਰੇ ਦਾ ਪੂਰਾ ਤਾਇਵਾਨ ਸਟ੍ਰੇਟ ਸਾਡਾ ਹੋਵੇਗਾ।
ਪੜ੍ਹੋ ਇਹ ਅਹਿਮ ਖਬਰ - ਸਾਊਦੀ ਅਰਬ ਅਤੇ ਈਰਾਨ ਵਿਚਾਲੇ 5 ਸਾਲ ਬਾਅਦ ਹੋਈ ਸਿੱਧੀ ਵਾਰਤਾ
ਤਾਇਵਾਨ ਨੂੰ ਆਪਣਾ ਅਟੁੱਟ ਹਿੱਸਾ ਮੰਨਦਾ ਹੈ ਚੀਨ
ਚੀਨ ਦੀ ਕਮਿਊਨਿਸਟ ਪਾਰਟੀ ਗ੍ਰਹਿ ਯੁੱਧ ਦੇ ਖ਼ਤਮ ਹੋਣ ਦੇ 7 ਦਹਾਕੇ ਬਾਅਦ ਵੀ ਤਾਇਵਾਨ ਨੂੰ ਆਪਣੀ ਜ਼ਮੀਨ ਦਾ ਹਿੱਸਾ ਦੱਸਦਾ ਹੈ। ਇਹ ਗੱਲ ਵੱਖਰੀ ਹੈ ਕਿ ਤਾਇਵਾਨ 'ਤੇ ਅੱਜ ਤੱਕ ਚੀਨ ਦਾ ਸਿੱਧੇ ਤੌਰ 'ਤੇ ਕਦੇ ਸ਼ਾਸਨ ਨਹੀਂ ਰਿਹਾ ਹੈ। ਚੀਨੀ ਸਰਕਾਰ ਅਤੇ ਕਮਿਊਨਿਸਟ ਪਾਰਟੀ ਦੇ ਅਧਿਕਾਰੀ ਕਈ ਵਾਰ ਤਾਇਵਾਨ 'ਤੇ ਹਮਲਾ ਕਰਨ ਦੀ ਧਮਕੀ ਦੇ ਚੁੱਕੇ ਹਨ।ਪਿਛਲੇ ਸਾਲ ਦੇ ਅਖੀਰ ਵਿਚ ਚੀਨੀ ਰੱਖਿਆ ਮੰਤਰਾਲੇ ਦੇ ਬੁਲਾਰੇ ਨੇ ਇੱਥੋਂ ਤੱਕ ਕਿਹਾ ਸੀ ਕਿ ਤਾਇਵਾਨ ਦੀ ਆਜ਼ਾਦੀ ਦਾ ਮਤਲਬ ਹੀ ਜੰਗ ਦਾ ਐਲਾਨ ਹੋਵੇਗਾ।
ਨੋਟ- ਉਕਤ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸਾਊਦੀ ਅਰਬ ਅਤੇ ਈਰਾਨ ਵਿਚਾਲੇ 5 ਸਾਲ ਬਾਅਦ ਹੋਈ ਸਿੱਧੀ ਵਾਰਤਾ
NEXT STORY 
