ਨਿਊਯਾਰਕ (ਭਾਸ਼ਾ)- ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਈਡੇਨ ਨੇ ਭਾਰਤੀ-ਅਮਰੀਕੀ ਅਦਾਕਾਰਾ-ਨਿਰਮਾਤਾ ਮਿੰਡੀ ਕਲਿੰਗ ਨੂੰ ਸਰਕਾਰ ਵੱਲੋਂ ਕਲਾਕਾਰਾਂ ਅਤੇ ਕਲਾ ਸਰਪ੍ਰਸਤਾਂ ਨੂੰ ਦਿੱਤੇ ਜਾਣ ਵਾਲੇ ਸਰਵਉੱਚ ਪੁਰਸਕਾਰਾਂ ਵਿੱਚੋਂ ਇੱਕ ਵੱਕਾਰੀ 2021 ਨੈਸ਼ਨਲ ਮੈਡਲ ਆਫ਼ ਆਰਟਸ ਨਾਲ ਸਨਮਾਨਿਤ ਕੀਤਾ। 43 ਸਾਲਾ ਕਲਿੰਗ, ਜਿਸਨੂੰ ਵੇਰਾ ਮਿੰਡੀ ਚੋਕਲਿੰਗਮ ਵੀ ਕਿਹਾ ਜਾਂਦਾ ਹੈ, ਨੂੰ ਮੰਗਲਵਾਰ ਨੂੰ ਫਸਟ ਲੇਡੀ ਜਿਲ ਬਾਈਡੇਨ ਅਤੇ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਦੀ ਹਾਜ਼ਰੀ ਵਿੱਚ ਇੱਕ ਸਮਾਰੋਹ ਵਿੱਚ ਅਮਰੀਕਾ ਵਿੱਚ ਕਲਾ ਨੂੰ ਅੱਗੇ ਵਧਾਉਣ ਲਈ ਸਨਮਾਨਿਤ ਕੀਤਾ ਗਿਆ।
ਵੱਕਾਰੀ ਨੈਸ਼ਨਲ ਮੈਡਲ ਆਫ਼ ਆਰਟਸ ਅਮਰੀਕੀ ਸਰਕਾਰ ਦੁਆਰਾ ਕਲਾਕਾਰਾਂ, ਕਲਾ ਸਰਪ੍ਰਸਤਾਂ ਅਤੇ ਸਮੂਹਾਂ ਨੂੰ ਦਿੱਤਾ ਜਾਣ ਵਾਲਾ ਸਭ ਤੋਂ ਉੱਚਾ ਪੁਰਸਕਾਰ ਹੈ। ਇਹ ਉਨ੍ਹਾਂ ਮਿਸਾਲੀ ਲੋਕਾਂ ਅਤੇ ਸੰਸਥਾਵਾਂ ਨੂੰ ਦਿੱਤਾ ਜਾਂਦਾ ਹੈ ਜਿਨ੍ਹਾਂ ਨੇ ਅਮਰੀਕਾ ਵਿੱਚ ਕਲਾ ਨੂੰ ਅੱਗੇ ਵਧਾਇਆ ਹੈ ਅਤੇ ਆਪਣੀਆਂ ਵਿਲੱਖਣ ਪ੍ਰਾਪਤੀਆਂ ਨਾਲ ਦੂਜਿਆਂ ਨੂੰ ਪ੍ਰੇਰਿਤ ਕੀਤਾ ਹੈ। ਅਭਿਨੇਤਰੀ ਨੂੰ ਤਗਮਾ ਭੇਂਟ ਕਰਦੇ ਹੋਏ, ਬਾਈਡੇਨ ਨੇ ਕਿਹਾ ਕਿ ਕਲਿੰਗ "ਪ੍ਰਾਈਮਟਾਈਮ ਸਿਟਕਾਮ" ਬਣਾਉਣ, ਲਿਖਣ ਅਤੇ ਅਦਾਕਾਰੀ ਕਰਨ ਵਾਲੀ ਪਹਿਲੀ ਗੈਰ ਗੋਰੀ ਔਰਤ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਕੈਨੇਡਾ 'ਚ ਵੱਸਦੇ ਪੰਜਾਬੀਆਂ ਲਈ ਵੱਡੀ ਖ਼ੁਸ਼ਖ਼ਬਰੀ, ਸਰਕਾਰ ਨੇ ਕੀਤਾ ਇਹ ਐਲਾਨ
ਇਨਾਮ ਵੰਡ ਸਮਾਰੋਹ ਵਿੱਚ ਫਸਟ ਲੇਡੀ ਡਾਕਟਰ ਜਿਲ ਬਾਈਡੇਨ, ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਅਤੇ ਉਨ੍ਹਾਂ ਦੇ ਪਤੀ ਮੌਜੂਦ ਸਨ। ਉਸਨੇ ਅੱਗੇ ਕਿਹਾ ਕਿ 43 ਸਾਲਾ ਅਭਿਨੇਤਰੀ ਆਪਣੀ ਕਹਾਣੀਆਂ ਨੂੰ ਸਪੱਸ਼ਟਤਾ ਅਤੇ ਇਮਾਨਦਾਰੀ ਨਾਲ ਸੁਣਾ ਕੇ ਨਵੀਂ ਪੀੜ੍ਹੀ ਨੂੰ ਸ਼ਕਤੀ ਪ੍ਰਦਾਨ ਕਰਦੀ ਹੈ। ਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ, “ਭਾਰਤੀ ਪ੍ਰਵਾਸੀਆਂ ਦੀ ਧੀ, ਅਸੀਂ ਉਨ੍ਹਾਂ ਬਾਰੇ ਜਾਣਦੇ ਹਾਂ। ਸਾਡੀ ਉਪ ਰਾਸ਼ਟਰਪਤੀ ਵੀ ਇੱਕ ਭਾਰਤੀ ਪ੍ਰਵਾਸੀ ਦੀ ਧੀ ਹੈ। ਹੈਰਿਸ ਦੀ ਮਾਂ ਇੱਕ ਮਹਾਨ ਵਿਗਿਆਨੀ ਸੀ।ਕਲਿੰਗ ਦਾ ਜਨਮ ਇੱਕ ਆਰਕੀਟੈਕਟ ਪਿਤਾ ਅਤੇ ਇੱਕ ਪ੍ਰਸੂਤੀ-ਗਾਇਨੀਕੋਲੋਜਿਸਟ ਮਾਂ ਦੇ ਘਰ ਹੋਇਆ ਸੀ ਜੋ 1979 ਵਿੱਚ ਨਾਈਜੀਰੀਆ ਤੋਂ ਅਮਰੀਕਾ ਆਏ ਸਨ। ਉਸਨੇ ਕਈ ਫਿਲਮਾਂ ਦੀਆਂ ਕਾਮੇਡੀਜ਼ ਲਈ ਆਪਣੀ ਅਦਾਕਾਰੀ ਦੀ ਕਾਬਲੀਅਤ ਦਿੱਤੀ ਅਤੇ ਕਿਰਦਾਰਾਂ ਨੂੰ ਆਵਾਜ਼ ਦਿੱਤੀ। ਇਸ ਦੇ ਇਲਾਵਾ ਐਨੀਮੇਟਡ ਫਿਲਮਾਂ 'ਡੇਸਪੀਕੇਬਲ ਮੀ' (2010), 'ਰੇਕ-ਇਟ ਰਾਲਫ਼' (2012), ਅਤੇ 'ਇਨਸਾਈਡ ਆਊਟ' (2015) ਲਈ ਵੀ ਕੰਮ ਕੀਤਾ। ਨੈਸ਼ਨਲ ਮੈਡਲ ਆਫ਼ ਆਰਟਸ 12 ਹੋਰ ਕਲਾਕਾਰਾਂ ਨੂੰ ਦਿੱਤੇ ਗਏ, ਜਿਨ੍ਹਾਂ ਵਿੱਚ ਕਲਾਕਾਰ-ਕਾਰਕੁਨ ਜੂਡਿਥ ਫਰਾਂਸਿਸਕਾ ਬਾਕਾ, ਪਰਉਪਕਾਰੀ ਫਰੇਡ ਆਇਚਨੇਰ, ਪੋਰਟੋ ਰੀਕਨ ਸੰਗੀਤਕਾਰ ਜੋਸ ਫੈਲੀਸਿਆਨੋ, ਪੋਰਟੋ ਰੀਕਨ ਚਿੱਤਰਕਾਰ ਐਂਟੋਨੀਓ ਮਾਰਟੋਰੇਲ-ਕਾਰਡੋਨਾ ਅਤੇ ਫਿਲਮ ਨਿਰਮਾਤਾ ਜੋਨ ਸ਼ਿਗੇਕਾਵਾ ਸ਼ਾਮਲ ਸਨ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਉੱਤਰੀ ਕੋਰੀਆ ਨੇ ਕਰੂਜ਼ ਮਿਜ਼ਾਈਲ ਦਾ ਕੀਤਾ ਪ੍ਰੀਖਣ : ਦੱਖਣੀ ਕੋਰੀਆ
NEXT STORY 
