ਬੀਜਿੰਗ : ਚੀਨ ਨੇ ਸ਼ਨੀਵਾਰ ਨੂੰ ਲਗਾਤਾਰ ਦੂਜੇ ਦਿਨ ਸ਼ਕਤੀ ਪ੍ਰਦਰਸ਼ਨ ਕਰਦੇ ਹੋਏ ਤਾਈਵਾਨ ਵੱਲ 39 ਲੜਾਕੂ ਜਹਾਜ਼ ਭੇਜੇ। ਦੋ ਦਿਨਾਂ ਵਿੱਚ ਚੀਨ ਦਾ ਇਹ ਦੂਜਾ ਸ਼ਕਤੀਸ਼ਾਲੀ ਪ੍ਰਦਰਸ਼ਨ ਹੈ। ਤਾਈਵਾਨ ਦੇ ਰੱਖਿਆ ਮੰਤਰਾਲੇ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ 39 ਜਹਾਜ਼ ਸਵੇਰੇ ਅਤੇ ਰਾਤ ਵਿੱਚ ਦੋ ਵਾਰ ਤਾਇਵਾਨ ਦੇ ਹਵਾਈ ਰੱਖਿਆ ਖੇਤਰ ਵਿੱਚ ਦਾਖਲ ਹੋਏ। ਚੀਨ ਨੇ ਇਸੇ ਤਰ੍ਹਾਂ ਸ਼ੁੱਕਰਵਾਰ ਨੂੰ ਸਵੈ-ਸ਼ਾਸਨ ਵਾਲੇ ਟਾਪੂ ਦੇ ਦੱਖਣੀ ਖੇਤਰ ਵਿੱਚ 38 ਜਹਾਜ਼ ਭੇਜੇ। ਚੀਨ ਤਾਇਵਾਨ 'ਤੇ ਆਪਣਾ ਦਾਅਵਾ ਕਰਦਾ ਹੈ। ਘਰੇਲੂ ਯੁੱਧ ਤੋਂ ਬਾਅਦ 1949 ਵਿਚ ਵੰਡ ਤੋਂ ਬਾਅਦ, ਚੀਨ 'ਤੇ 'ਕਮਿਊਨਿਸਟ' ਸਮਰਥਕਾਂ ਦਾ ਕਬਜ਼ਾ ਹੋ ਗਿਆ ਅਤੇ ਇਸ ਦੇ ਵਿਰੋਧੀ 'ਰਾਸ਼ਟਰਵਾਦੀ' ਸਮਰਥਕਾਂ ਨੇ ਤਾਈਵਾਨ ਵਿਚ ਸਰਕਾਰ ਬਣਾਈ ਸੀ।
ਤਾਈਵਾਨ ਦੇ ਰੱਖਿਆ ਮੰਤਰਾਲੇ ਅਨੁਸਾਰ ਚੀਨ ਨੇ 18 ਜੇ -16, 4 ਸੁਖੋਈ -30 ਜਹਾਜ਼ ਅਤੇ ਦੋ ਪਰਮਾਣੂ ਬੰਬ ਸੁੱਟਣ ਦੇ ਸਮਰੱਥ ਐਚ -6 ਬੰਬਾਰ ਜਹਾਜ਼ਾਂ ਨੂੰ ਭੇਜਿਆ ਸੀ। ਇਸ ਦੇ ਜਵਾਬ ਵਿੱਚ ਤਾਈਵਾਨ ਦੀ ਹਵਾਈ ਸੈਨਾ ਨੇ ਵੀ ਆਪਣੇ ਲੜਾਕੂ ਜਹਾਜ਼ਾਂ ਨੂੰ ਉਡਾਇਆ। ਤਾਈਵਾਨ ਨੇ ਚੀਨੀ ਜੈੱਟਾਂ ਦੀ ਨਿਗਰਾਨੀ ਲਈ ਮਿਜ਼ਾਈਲ ਪ੍ਰਣਾਲੀਆਂ ਨੂੰ ਵੀ ਤਾਇਨਾਤ ਕੀਤਾ ਹੈ। ਤਾਈਵਾਨ ਦੇ ਦੱਖਣ-ਪੱਛਮ ਵਿੱਚ ਚੀਨੀ ਘੁਸਪੈਠ ਦੀਆਂ ਲਗਾਤਾਰ ਰਿਪੋਰਟਾਂ ਆ ਰਹੀਆਂ ਹਨ। ਤਾਈਵਾਨ ਪਿਛਲੇ ਇੱਕ ਸਾਲ ਤੋਂ ਚੀਨੀ ਹਵਾਈ ਸੈਨਾ ਦੀ ਘੁਸਪੈਠ ਦੀ ਸ਼ਿਕਾਇਤ ਕਰ ਰਿਹਾ ਹੈ। ਹਾਲਾਂਕਿ, ਚੀਨ ਵੱਲੋਂ ਇਸ ਮਾਮਲੇ ਵਿੱਚ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ।
ਇਹ ਵੀ ਪੜ੍ਹੋ : ਹਵਾਈ ਯਾਤਰੀਆਂ ਲਈ ਖ਼ਾਸ ਖ਼ਬਰ, ਇਹ ਏਅਰਲਾਇਨ ਦੇ ਰਿਹੈ 50 ਫ਼ੀਸਦੀ ਸਸਤੇ 'ਚ ਟਿਕਟ ਬੁੱਕ ਕਰਨ ਦਾ ਮੌਕਾ
ਰੱਖਿਆ ਮੰਤਰਾਲੇ ਨੇ ਚੀਨੀ ਜਹਾਜ਼ਾਂ ਦੇ ਉਡਾਣ ਰੂਟ ਦਾ ਨਕਸ਼ਾ ਵੀ ਜਾਰੀ ਕੀਤਾ ਹੈ। ਇਸ ਦੇ ਅਨੁਸਾਰ ਚੀਨੀ ਜੈੱਟਾਂ ਦਾ ਪਹਿਲਾ ਦਸਤਾ ਪ੍ਰਤਾਸ ਟਾਪੂ ਦੇ ਖੇਤਰ ਵਿੱਚੋਂ ਲੰਘਿਆ। ਦੂਜੇ ਦਸਤੇ ਨੇ ਬਾਸ਼ੀ ਚੈਨਲ ਉੱਤੋਂ ਉੱਡਾਨ ਭਰੀ। ਇਹ ਚੈਨਲ ਤਾਈਵਾਨ ਨੂੰ ਫਿਲੀਪੀਨਜ਼ ਤੋਂ ਵੱਖ ਕਰਦਾ ਹੈ ਅਤੇ ਪ੍ਰਸ਼ਾਂਤ ਮਹਾਂਸਾਗਰ ਅਤੇ ਵਿਵਾਦਤ ਦੱਖਣੀ ਚੀਨ ਸਾਗਰ ਨੂੰ ਜੋੜਦਾ ਹੈ। ਚੀਨ ਪਹਿਲਾਂ ਵੀ ਤਾਈਵਾਨ ਵਿੱਚ ਅਜਿਹੀਆਂ ਘਟਨਾਵਾਂ ਨੂੰ ਦੁਹਰਾ ਚੁੱਕਾ ਹੈ। ਚੀਨ ਤਾਈਵਾਨ ਉੱਤੇ ਪੂਰੀ ਖੁਦਮੁਖਤਿਆਰੀ ਦਾ ਦਾਅਵਾ ਕਰਦਾ ਹੈ। ਤਾਈਵਾਨ ਚੀਨ ਦੇ ਦਾਅਵੇ ਨੂੰ ਰੱਦ ਕਰਦਾ ਆ ਰਿਹਾ ਹੈ। ਇਸਦੇ ਕਾਰਨ ਚੀਨ ਨੇ ਤਾਈਵਾਨ ਉੱਤੇ ਚੀਨੀ ਪ੍ਰਭੂਸੱਤਾ ਨੂੰ ਸਵੀਕਾਰ ਕਰਨ ਲਈ ਫੌਜ ਅਤੇ ਸਿਆਸੀ ਦਬਾਅ ਵਧਾ ਦਿੱਤਾ ਹੈ।
ਇਸ ਤੋਂ ਪਹਿਲਾਂ ਜੂਨ 'ਚ ਚੀਨ ਨੇ ਇਕੋ ਸਮੇਂ 28 ਲੜਾਕੂ ਜਹਾਜ਼ ਭੇਜ ਕੇ ਆਪਣੀ ਤਾਕਤ ਦਾ ਪ੍ਰਦਰਸ਼ਨ ਕੀਤਾ ਸੀ। ਚੀਨ ਨੇ ਕਿਹਾ ਸੀ ਕਿ ਇਹ ਉਡਾਣਾਂ ਦੇਸ਼ ਦੀ ਪ੍ਰਭੂਸੱਤਾ ਦੀ ਰੱਖਿਆ ਲਈ ਸਨ। ਚੀਨ ਦੇ ਇੰਟਰਨੈਟ ਮੀਡੀਆ ਪਲੇਟਫਾਰਮ ਵੀਬੋ ਦੀ ਰਿਪੋਰਟ ਅਨੁਸਾਰ, ਚੀਨ ਦੀ ਪੀਪਲਜ਼ ਲਿਬਰੇਸ਼ਨ ਆਰਮੀ (ਪੀਐਲਏ) ਨੇ ਅੰਤਰਰਾਸ਼ਟਰੀ ਨਿਯਮਾਂ ਦੀ ਉਲੰਘਣਾ ਕਰਦਿਆਂ ਸਤੰਬਰ ਵਿੱਚ ਤਾਈਵਾਨ ਦੀ ਸਰਹੱਦ ਵਿੱਚ 60 ਵਾਰ ਘੁਸਪੈਠ ਕੀਤੀ। ਚੀਨ ਨੇ ਨਾ ਸਿਰਫ ਤਾਇਵਾਨ ਦੇ ਹਵਾਈ ਖੇਤਰ ਵਿੱਚ ਘੁਸਪੈਠ ਕੀਤੀ ਹੈ, ਬਲਕਿ ਯੁੱਧ ਵਰਗਾ ਮਾਹੌਲ ਵੀ ਪੈਦਾ ਕੀਤਾ ਹੈ।
ਇਹ ਵੀ ਪੜ੍ਹੋ : Jeff Bezos 'ਤੇ ਲੱਗੇ ਗੰਭੀਰ ਦੋਸ਼, 21 ਸੀਨੀਅਰ ਅਧਿਕਾਰੀਆਂ ਨੇ ਦਿੱਤਾ ਇਹ ਬਿਆਨ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਪਾਕਿਸਤਾਨ 'ਚ ਕੋਰੋਨਾ ਦੇ 1,656 ਨਵੇਂ ਮਾਮਲੇ, ਜਾਣੋ ਤਾਜ਼ਾ ਹਾਲਾਤ
NEXT STORY 
