ਵਾਸ਼ਿੰਗਟਨ : ਅਮਰੀਕਾ ਦੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਬੁੱਧਵਾਰ ਨੂੰ ਸਪੇਸਐਕਸ ਦੇ ਮਾਲਕ ਅਤੇ ਅਰਬਪਤੀ ਕਾਰੋਬਾਰੀ ਐਲੋਨ ਮਸਕ ਦੇ ਕਰੀਬੀ ਜੈਰੇਡ ਇਸਾਕਮੈਨ ਨੂੰ ਨੈਸ਼ਨਲ ਐਰੋਨਾਟਿਕਸ ਐਂਡ ਸਪੇਸ ਐਡਮਿਨਿਸਟ੍ਰੇਸ਼ਨ (ਨਾਸਾ) ਦਾ ਮੁਖੀ ਨਿਯੁਕਤ ਕੀਤਾ ਹੈ। ਇਸਾਕਮੈਨ ਭੁਗਤਾਨ ਕੰਪਨੀ 'Shift4 Payments' ਦੇ ਸੀ. ਈ. ਓ. ਹਨ। ਉਹ ਉਸ ਪ੍ਰੋਗਰਾਮ ਦਾ ਵੀ ਹਿੱਸਾ ਹਨ ਜੋ ਨਿੱਜੀ ਪੁਲਾੜ ਯਾਤਰੀ ਮਿਸ਼ਨਾਂ ਨੂੰ ਚਲਾਉਣ ਲਈ ਸਪੇਸਐਕਸ ਵਾਹਨਾਂ ਦੀ ਵਰਤੋਂ ਕਰਦਾ ਹੈ।
ਟਰੰਪ ਨੇ ਬੁੱਧਵਾਰ ਨੂੰ ਇਕ ਸੋਸ਼ਲ ਮੀਡੀਆ ਪੋਸਟ ਵਿਚ ਜੈਰੇਡ ਦੀ ਨਾਸਾ ਮੁਖੀ ਵਜੋਂ ਨਿਯੁਕਤੀ ਦਾ ਐਲਾਨ ਕੀਤਾ। ਜੈਰੇਡ ਦੇ ਸਾਹਮਣੇ ਸਭ ਤੋਂ ਵੱਡੀ ਚੁਣੌਤੀ ਆਰਟੇਮਿਸ ਮਿਸ਼ਨ ਨੂੰ ਪੂਰਾ ਕਰਨਾ ਹੋਵੇਗਾ। ਇਸ ਮਿਸ਼ਨ ਤਹਿਤ ਮਨੁੱਖਾਂ ਨੂੰ ਚੰਦਰਮਾ 'ਤੇ ਭੇਜਣ ਅਤੇ ਉਨ੍ਹਾਂ ਨੂੰ ਵਾਪਸ ਲਿਆਉਣ ਦਾ ਕੰਮ ਕੀਤਾ ਜਾ ਰਿਹਾ ਹੈ। ਨਾਸਾ ਦਾ ਬਜਟ 25 ਬਿਲੀਅਨ ਡਾਲਰ ਹੈ। ਇਸ ਨੂੰ ਦੁਨੀਆ ਦੀ ਸਭ ਤੋਂ ਵੱਕਾਰੀ ਪੁਲਾੜ ਏਜੰਸੀ ਮੰਨਿਆ ਜਾਂਦਾ ਹੈ।
ਪੁਲਾੜ 'ਚ ਚਹਿਲਕਦਮੀ ਕਰਨ ਵਾਲੇ ਪਹਿਲੇ ਗ਼ੈਰ ਵਿਗਿਆਨੀ ਹਨ ਜੈਰੇਡ
ਜੈਰੇਡ ਇਸਾਕਮੈਨ, ਜਿਸ ਨੂੰ ਨਾਸਾ ਦਾ ਮੁਖੀ ਨਿਯੁਕਤ ਕੀਤਾ ਗਿਆ ਹੈ, ਪੁਲਾੜ ਵਿਚ ਸੈਰ ਕਰਨ ਵਾਲੇ ਪਹਿਲੇ ਨਾਗਰਿਕ ਹਨ। ਇਸ ਤੋਂ ਪਹਿਲਾਂ ਸਿਰਫ ਵਿਗਿਆਨੀ ਹੀ ਸਪੇਸਵਾਕ ਕਰਦੇ ਰਹੇ ਸਨ। ਜੈਰੇਡ ਨੇ ਸਤੰਬਰ ਵਿਚ ਸਪੇਸਐਕਸ ਦੇ ਪੋਲਾਰਿਸ ਡਾਨ ਮਿਸ਼ਨ ਦੌਰਾਨ ਪੁਲਾੜ ਵਿਚ ਸੈਰ ਕੀਤੀ ਸੀ। ਉਸਨੇ ਧਰਤੀ ਤੋਂ ਲਗਭਗ 740 ਕਿਲੋਮੀਟਰ ਉੱਪਰ ਪਹਿਲੀ ਨਿੱਜੀ ਸਪੇਸਵਾਕ ਕੀਤੀ ਸੀ। ਇਸਾਕਮੈਨ ਨੇ ਸਪੇਸਵਾਕ ਦੌਰਾਨ ਕਿਹਾ, "ਸਾਡੇ ਸਾਰਿਆਂ ਕੋਲ ਘਰ ਵਿਚ ਕਰਨ ਲਈ ਬਹੁਤ ਸਾਰਾ ਕੰਮ ਹੈ, ਪਰ ਧਰਤੀ ਨਿਸ਼ਚਿਤ ਤੌਰ 'ਤੇ ਇੱਥੋਂ ਇਕ ਆਦਰਸ਼ ਸੰਸਾਰ ਦੀ ਤਰ੍ਹਾਂ ਦਿਖਾਈ ਦਿੰਦੀ ਹੈ।" ਇਸਾਕਮੈਨ ਨੇ ਪੁਲਾੜ ਯਾਤਰਾ ਦੌਰਾਨ ਲਗਭਗ 15 ਮਿੰਟ ਬਿਤਾਏ ਸਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪੁਲਾੜ 'ਚ ਚੱਲ ਰਿਹਾ ਗਜ਼ਬ ਦਾ ਤਜਰਬਾ, ਇਨਸਾਨਾਂ ਦੇ ਜਵਾਨ ਰਹਿਣ ਦੇ ਰਾਜ਼ ਤੋਂ ਛੇਤੀ ਉੱਠੇਗਾ ਪਰਦਾ
NEXT STORY 
