ਪੈਰਿਸ (ਭਾਸ਼ਾ)- ਫ੍ਰਾਂਸੀਸੀ ਸਰਕਾਰ ਵੱਲੋਂ ਕੋਵਿਡ-19 ਮਹਾਮਾਰੀ ਨਾਲ ਲੜਨ ਦੇ ਯਤਨਾਂ ਤਹਿਤ ਦੇਸ਼ ਦੇ ਤਕਰੀਬਨ 20 ਲੱਖ ਕਰਮਚਾਰੀਆਂ ਨੂੰ ਸੋਮਵਾਰ ਤੋਂ ਰੈਸਟੋਰੈਂਟਾਂ ਅਤੇ ਹੋਰ ਸੇਵਾਵਾਂ ਵਿਚ ਕੰਮ ਕਰਨ ਲਈ ਆਪਣਾ ਸਿਹਤ ਪਾਸ ਦਿਖਾਉਣਾ ਹੋਵੇਗਾ। ਫ੍ਰਾਂਸੀਸੀ ਰੈਸਟੋਰੈਂਟਾਂ, ਸੈਰ -ਸਪਾਟਾ ਸਥਾਨਾਂ ਅਤੇ ਹੋਰ ਜਨਤਕ ਸਥਾਨਾਂ 'ਤੇ ਜਾਣ ਲਈ ਜਨਤਾ ਲਈ ਸਿਹਤ ਪਾਸ ਪਹਿਲਾਂ ਹੀ ਪ੍ਰਦਾਨ ਕੀਤੇ ਜਾ ਚੁੱਕੇ ਹਨ। ਸਰਕਾਰ ਆਦੇਸ਼ ਦੇ ਅਨੁਸਾਰ, ਸੋਮਵਾਰ ਤੋਂ ਸਾਰੇ ਕਰਮਚਾਰੀਆਂ ਨੂੰ ਪਾਸ ਵੀ ਦਿਖਾਉਣਾ ਹੋਵੇਗਾ, ਜਿਸ ਵਿਚ ਟੀਕਾਕਰਣ ਦਾ ਸਬੂਤ, ਨਵੀਨਤਮ ਕੋਵਿਡ-19 ਟੈਸਟ ਰਿਪੋਰਟ ਜੋ ਨਕਾਰਾਤਮਕ ਹੋਵੇ ਅਤੇ ਕੋਵਿਡ -19 ਤੋਂ ਰਿਕਵਰੀ ਸਰਟੀਫਿਕੇਟ ਸ਼ਾਮਲ ਹੈ। ਜੋ ਲੋਕ ਅਤੇ ਕਾਰੋਬਾਰ ਇਨ੍ਹਾਂ ਨਿਯਮਾਂ ਦੀ ਪਾਲਣਾ ਨਹੀਂ ਕਰਨਗੇ, ਉਨ੍ਹਾਂ ਨੂੰ ਜੁਰਮਾਨਾ ਹੋ ਸਕਦਾ ਹੈ।
ਜ਼ਿਕਰਯੋਗ ਗੱਲ ਹੈ ਕਿ ਫਰਾਂਸ ਵਿਚ ਲਗਭਗ 72 ਫ਼ੀਸਦੀ ਬਾਲਗਾਂ ਨੂੰ ਵੈਕਸੀਨ ਦੀ ਘੱਟੋ-ਘੱਟ ਇਕ ਖ਼ੁਰਾਕ ਲੱਗ ਚੁੱਕੀ ਹੈ, ਜਦੋਂ ਕਿ 64 ਫ਼ੀਸਦੀ ਨੂੰ ਪੂਰੀ ਤਰ੍ਹਾਂ ਟੀਕਾ ਲਗਾਇਆ ਜਾ ਚੁੱਕਾ ਹੈ। ਹਾਲਾਂਕਿ, ਕੁਝ ਲੋਕ ਟੀਕਾਕਰਨ ਜਾਂ ਸਿਹਤ ਪਾਸ ਦੇ ਵਿਰੁੱਧ ਹਨ ਅਤੇ ਜੁਲਾਈ ਮਹੀਨੇ ਤੋਂ ਹਫ਼ਤਾਵਾਰੀ ਅਧਾਰ 'ਤੇ ਵਿਰੋਧ ਕਰ ਰਹੇ ਹਨ। ਫਰਾਂਸ ਯੂਰਪ ਵਿਚ ਕੋਰੋਨਾ ਵਾਇਰਸ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਦੂਜਾ ਦੇਸ਼ ਹੈ। ਕੋਵਿਡ -19 ਕਾਰਨ ਇੱਥੇ 1,14,000 ਤੋਂ ਵੱਧ ਲੋਕਾਂ ਦੀ ਜਾਨ ਚਲੀ ਗਈ ਹੈ।
ਕੋਵਿਡ-19 : EU ਅਮਰੀਕੀ ਯਾਤਰੀਆਂ 'ਤੇ ਪਾਬੰਦੀ ਲਗਾਉਣ ਦੀ ਕਰ ਸਕਦਾ ਹੈ ਸਿਫਾਰਿਸ਼
NEXT STORY 
