ਇੰਟਰਨੈਸ਼ਨਲ ਡੈਸਕ : ਸਭ ਤੋਂ ਵੱਧ ਖ਼ਤਰਨਾਕ ਜਾਨਵਰ ਪਾਣੀ ਵਿਚ ਪਾਏ ਜਾਂਦੇ ਹਨ। ਜਿਸ ਨਾਲ ਦੋਸਤੀ ਘਾਤਕ ਸਿੱਧ ਹੋ ਸਕਦੀ ਹੈ। ਪਰ ਇੱਕ ਵਾਇਰਲ ਤਸਵੀਰ ਵਿੱਚ ਕੁਝ ਅਜਿਹਾ ਹੋਇਆ ਜਿਸ ਨੇ ਹਰ ਕਿਸੇ ਨੂੰ ਹੈਰਾਨ ਕਰ ਦਿੱਤਾ ਹੈ। ਇੱਕ ਚਾਰ ਸਾਲ ਦੀ ਬੱਚੀ ਮਗਰਮੱਛਾਂ ਨਾਲ ਖੇਡਦੀ ਨਜ਼ਰ ਆ ਰਹੀ ਹੈ।
ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਮੁਤਾਬਕ, ਇਹ ਮਾਮਲਾ ਥਾਈਲੈਂਡ ਦਾ ਹੈ, ਜਿੱਥੋਂ ਦੀ ਇਹ ਲੜਕੀ ਹੈ। ਜਿਸ ਉਮਰ ਵਿੱਚ ਤੁਸੀਂ ਬੱਚਿਆਂ ਨੂੰ ਕੀੜੇ-ਮਕੌੜਿਆਂ ਤੋਂ ਬਚਾ ਰਹੇ ਹੋਵੋਗੇ, ਇੱਕ ਛੋਟੀ ਬੱਚੀ ਮਗਰਮੱਛਾਂ ਦੇ ਪੂਰੇ ਝੁੰਡ ਨਾਲ ਖੇਡਦੀ ਰਹਿੰਦੀ ਹੈ ਅਤੇ ਉਸਦੀ ਮਾਂ ਵੀ ਇਨਕਾਰ ਨਹੀਂ ਕਰਦੀ। ਉਲਟਾ ਉਹ ਉਸਦੀ ਵੀਡੀਓ ਸ਼ੂਟ ਕਰਦੀ ਰਹਿੰਦੀ ਹੈ।
ਸੋਸ਼ਲ ਮੀਡੀਆ 'ਤੇ ਵਾਇਰਲ ਵੀਡੀਓ ਤੋਂ ਲੋਕ ਹੈਰਾਨ ਹਨ। ਕਵਾਨਰੁਡੀ ਸਿਰੀਪ੍ਰੀਚਾ ਨਾਮ ਦੀ ਇੱਕ ਥਾਈ ਔਰਤ ਨੇ ਆਪਣੀ ਧੀ ਦੀਆਂ ਕੁਝ ਵੀਡੀਓਜ਼ ਅਪਲੋਡ ਕੀਤੀਆਂ ਹਨ। ਇਨ੍ਹਾਂ ਵੀਡੀਓਜ਼ 'ਚ 4 ਸਾਲ ਦੀ ਬੱਚੀ ਨੇ ਮਗਰਮੱਛ ਦੇ ਬੱਚੇ ਨੂੰ ਹੱਥ 'ਚ ਫੜਿਆ ਹੋਇਆ ਹੈ। ਬੱਚੀ ਨਿਡਰ ਹੋ ਕੇ ਸਵੀਮਿੰਗ ਪੂਲ 'ਚ ਕੁੱਲ 200 ਮਗਰਮੱਛਾਂ ਨਾਲ ਖੇਡ ਰਹੀ ਹੈ। ਉਸ ਨੇ ਇਨ੍ਹਾਂ ਵਿਚੋਂ ਕੁਝ ਨੂੰ ਆਪਣੇ ਹੱਥ ਵਿਚ ਵੀ ਲਿਆ ਹੈ। ਮਹਿਲਾ ਨੇ ਇਹ ਵੀਡੀਓ ਆਪਣੇ ਫੇਸਬੁੱਕ ਪ੍ਰੋਫਾਈਲ ਤੋਂ ਪੋਸਟ ਕੀਤਾ ਹੈ, ਜਿਸ ਨੂੰ ਦੇਖ ਕੇ ਲੋਕ ਦੰਗ ਰਹਿ ਗਏ। ਜਾਣਕਾਰੀ ਮੁਤਾਬਕ ਲੜਕੀ 2 ਸਾਲ ਦੀ ਉਮਰ ਤੋਂ ਹੀ ਮਗਰਮੱਛਾਂ ਪ੍ਰਤੀ ਇੰਨੀ ਆਕਰਸ਼ਿਤ ਹੋ ਗਈ ਸੀ ਅਤੇ ਉਨ੍ਹਾਂ ਨਾਲ ਦੋਸਤੀ ਕਰ ਲਈ ਸੀ।
ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਜਦੋਂ ਲੋਕਾਂ ਨੇ ਪੁੱਛਿਆ ਕਿ ਉਹ ਬੱਚੀ ਨਾਲ ਅਜਿਹੀ ਗੇਮ ਕਿਉਂ ਖੇਡ ਰਹੀ ਹੈ ਤਾਂ ਉਸ ਦੀ ਮਾਂ ਨੇ ਜਵਾਬ ਦਿੱਤਾ ਕਿ ਮਗਰਮੱਛ ਸਿਰਫ 15 ਦਿਨ ਦਾ ਹੈ ਅਤੇ ਉਸ ਦੇ ਦੰਦ ਵੀ ਨਹੀਂ ਬਣੇ ਹਨ। ਅਜਿਹੀ ਸਥਿਤੀ ਵਿੱਚ, ਉਹ ਲੜਕੀ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਾਉਣਗੇ। ਮਗਰਮੱਛ ਦਾ ਫਾਰਮ ਚਲਾਉਣ ਵਾਲੀ ਔਰਤ ਨੇ ਇਹ ਵੀ ਦੱਸਿਆ ਕਿ ਉਹ ਬੱਚੀ ਨੂੰ ਲਗਾਤਾਰ ਦੇਖਦੀ ਰਹਿੰਦੀ ਹੈ ਤਾਂ ਜੋ ਉਸ ਨੂੰ ਕੋਈ ਨੁਕਸਾਨ ਨਾ ਹੋਵੇ। ਜਦੋਂ ਮਗਰਮੱਛ ਵੱਡੇ ਹੋ ਜਾਣਗੇ ਤਾਂ ਧੀ ਉਨ੍ਹਾਂ ਨਾਲ ਨਹੀਂ ਖੇਡੇਗੀ।
ਬੰਗਲਾਦੇਸ਼ 'ਚ ਵਿਗੜੇ ਹਾਲਾਤ, ਭਾਰਤੀਆਂ ਲਈ ਐਡਵਾਈਜ਼ਰੀ ਜਾਰੀ
NEXT STORY 
