ਇੰਟਰਨੈਸ਼ਨਲ ਡੈਸਕ : ਭਾਰਤ ਸਮੇਤ ਦੁਨੀਆ ਦੇ ਕਈ ਦੇਸ਼ਾਂ 'ਚ ਮਾਲ ਦੇ ਬਾਥਰੂਮ 'ਚ ਕੈਮਰੇ ਲੁਕਾ ਕੇ ਔਰਤਾਂ ਦੀ ਨਿੱਜਤਾ ਦੀ ਉਲੰਘਣਾ ਕਰਨ ਦੀਆਂ ਘਟਨਾਵਾਂ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ, ਪਰ ਹਾਲ ਹੀ 'ਚ ਅਮਰੀਕਾ ਦੇ ਨਿਊ ਜਰਸੀ 'ਚ ਇਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਸਭ ਤੋਂ ਹੈਰਾਨੀ ਵਾਲੀ ਗੱਲ ਇਹ ਸੀ ਕਿ ਇਹ ਘਿਨਾਉਣੀ ਹਰਕਤ ਸਿਰਫ 18 ਸਾਲ ਦੇ ਲੜਕੇ ਨੇ ਕੀਤੀ। ਉਸ ਨੇ ਨਾ ਸਿਰਫ਼ ਮਾਲ ਦੇ ਬਾਥਰੂਮਾਂ 'ਚ ਲੁਕਵੇਂ ਕੈਮਰੇ ਲਗਾਏ ਸਨ, ਸਗੋਂ ਉਨ੍ਹਾਂ ਰਿਕਾਰਡਿੰਗਾਂ ਨੂੰ ਵੇਚ ਕੇ ਪੈਸੇ ਵੀ ਕਮਾਏ ਸਨ।
1 ਅਕਤੂਬਰ ਨੂੰ ਨਿਊ ਜਰਸੀ ਪੁਲਸ ਨੇ ਲੜਕੇ ਨੂੰ ਗ੍ਰਿਫਤਾਰ ਕਰ ਲਿਆ ਸੀ, ਪਰ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ 9 ਅਗਸਤ ਨੂੰ ਇਕ ਮਹਿਲਾ ਨੇ ਨਿਊ ਪੋਰਟ ਸੈਂਟਰ ਮਾਲ 'ਚ ਜੇਸੀ ਪੈਨੀ ਸਟੋਰ ਦੇ ਬਾਥਰੂਮ ਦੀ ਵਰਤੋਂ ਕੀਤੀ। ਸਭ ਕੁਝ ਸਾਧਾਰਨ ਲੱਗ ਰਿਹਾ ਸੀ, ਪਰ ਅਚਾਨਕ ਉਸ ਦੀ ਨਜ਼ਰ ਇਕ ਅਜੀਬ ਜਿਹੀ ਚੀਜ਼ 'ਤੇ ਪਈ। ਉਸ ਸਮੇਂ ਮਹਿਲਾ ਨੂੰ ਕੁਝ ਪਤਾ ਨਹੀਂ ਸੀ ਕਿ ਉਹ ਕੀ ਦੇਖਣ ਵਾਲੀ ਹੈ। ਉਸ ਨੇ ਧਿਆਨ ਨਾਲ ਦੇਖਿਆ ਤਾਂ ਉਸ ਦਾ ਦਿਲ ਧੜਕਣ ਲੱਗਾ। ਇਹ ਕੋਈ ਆਮ ਗੱਲ ਨਹੀਂ ਸੀ, ਸਗੋਂ ਇਕ ਗੁਪਤ ਕੈਮਰਾ ਸੀ। ਡਰ ਅਤੇ ਦਹਿਸ਼ਤ ਦੇ ਵਿਚਕਾਰ ਉਸਨੇ ਤੁਰੰਤ ਪੁਲਸ ਨੂੰ ਸੂਚਿਤ ਕੀਤਾ। ਪੁਲਸ ਨੇ ਜਿਵੇਂ ਹੀ ਮਾਲ ਦੀ ਤਲਾਸ਼ੀ ਲਈ ਤਾਂ ਉਨ੍ਹਾਂ ਨੂੰ ਬਾਥਰੂਮਾਂ 'ਚ ਹੋਰ ਗੁਪਤ ਕੈਮਰੇ ਮਿਲੇ ਪਰ ਗੱਲ ਇੱਥੇ ਹੀ ਖਤਮ ਨਹੀਂ ਹੋਈ।
ਇਹ ਵੀ ਪੜ੍ਹੋ : ਹੋਸਟਲ 'ਚ ਰਾਤ ਦੇ ਖਾਣੇ ਤੋਂ ਬਾਅਦ ਵਿਦਿਆਰਥਣਾਂ ਦੀ ਸਿਹਤ ਵਿਗੜੀ, 50 ਨੂੰ ਕਰਾਇਆ ਹਸਪਤਾਲ ਦਾਖ਼ਲ
ਹੌਲੀ-ਹੌਲੀ ਇਸ ਘਿਨਾਉਣੇ ਅਪਰਾਧ ਦੀਆਂ ਖੁੱਲ੍ਹਣ ਲੱਗੀਆਂ ਪਰਤਾਂ
ਕੈਮਰਿਆਂ ਦੀ ਜਾਂਚ ਕਰਨ 'ਤੇ ਪੁਲਸ ਦੰਗ ਰਹਿ ਗਈ। ਦਰਜਨਾਂ ਔਰਤਾਂ ਅਤੇ ਮਰਦਾਂ ਦੇ ਸਭ ਤੋਂ ਨਿੱਜੀ ਪਲਾਂ ਨੂੰ ਉਨ੍ਹਾਂ ਗੁਪਤ ਕੈਮਰਿਆਂ ਵਿਚ ਕੈਦ ਕੀਤਾ ਗਿਆ ਸੀ। ਬਹੁਤ ਸਾਰੇ ਬੇਕਸੂਰ ਜਿਨ੍ਹਾਂ ਨੂੰ ਇਸ ਬਾਰੇ ਕੋਈ ਪਤਾ ਨਹੀਂ ਸੀ, ਉਸ ਘਿਨਾਉਣੇ ਅਪਰਾਧ ਦਾ ਸ਼ਿਕਾਰ ਹੋ ਗਏ ਸਨ। ਪਰ ਫਿਰ ਅਚਾਨਕ ਉਨ੍ਹਾਂ ਫੁਟੇਜ 'ਚ ਪੁਲਸ ਨੂੰ ਅਜਿਹੇ ਸਬੂਤ ਮਿਲੇ ਜੋ ਪੂਰੀ ਕਹਾਣੀ ਨੂੰ ਬਦਲ ਦੇਣ ਵਾਲੇ ਸਨ। ਇਕ ਕਲਿੱਪ 'ਚ ਲੜਕੇ ਦੀ ਝਲਕ ਸਾਫ ਦਿਖਾਈ ਦੇ ਰਹੀ ਸੀ, ਉਹ ਖੁਦ ਬਾਥਰੂਮ 'ਚ ਜਾ ਕੇ ਕੈਮਰਾ ਲਗਾ ਰਿਹਾ ਸੀ। ਇਹ ਉਹ ਅਹਿਮ ਸਬੂਤ ਸੀ ਜਿਸ ਦੀ ਪੁਲਸ ਨੂੰ ਭਾਲ ਸੀ।
ਕਿਵੇਂ ਫਸਿਆ ਅਪਰਾਧੀ?
ਜਿਵੇਂ ਹੀ ਇਹ ਸਬੂਤ ਹੱਥ ਲੱਗੇ ਤਾਂ ਪੁਲਸ ਨੇ ਤੁਰੰਤ ਲੜਕੇ ਦੀ ਪਛਾਣ ਕਰ ਲਈ। ਪਰ ਪੁਲਸ ਵਾਲਿਆਂ ਦੇ ਮਨ ਵਿਚ ਇਕ ਸਵਾਲ ਵਾਰ-ਵਾਰ ਗੂੰਜ ਰਿਹਾ ਸੀ ਕਿ ਇਹ ਮੁੰਡਾ ਕਦੋਂ ਤੋਂ ਇਹ ਜੁਰਮ ਕਰ ਰਿਹਾ ਸੀ? ਕਿਉਂਕਿ ਫੁਟੇਜ ਵਿਚ ਕੋਈ ਤਰੀਕ ਜਾਂ ਸਮਾਂ ਦਰਜ ਨਹੀਂ ਸੀ। ਇਹ ਲੜਕਾ ਪਿਛਲੇ ਕਾਫੀ ਸਮੇਂ ਤੋਂ ਆਪਣੀਆਂ ਗਤੀਵਿਧੀਆਂ ਰਾਹੀਂ ਭੋਲੇ-ਭਾਲੇ ਲੋਕਾਂ ਦੀ ਜ਼ਿੰਦਗੀ 'ਚ ਘੁਸਪੈਠ ਕਰ ਰਿਹਾ ਸੀ।
ਜਦੋਂ ਪੁਲਸ ਨੇ ਉਸ ਨੂੰ ਗ੍ਰਿਫਤਾਰ ਕੀਤਾ ਤਾਂ ਲੋਕ ਉਸ ਦੀ ਉਮਰ ਅਤੇ ਮਾਸੂਮ ਚਿਹਰੇ ਨੂੰ ਦੇਖ ਕੇ ਹੈਰਾਨ ਰਹਿ ਗਏ। ਕੌਣ ਸੋਚ ਸਕਦਾ ਸੀ ਕਿ ਇਹ ਨਾਬਾਲਗ ਦਿੱਖ ਵਾਲਾ ਲੜਕਾ ਇੰਨੇ ਵੱਡੇ ਅਤੇ ਗੰਭੀਰ ਅਪਰਾਧ ਦਾ ਮਾਸਟਰਮਾਈਂਡ ਹੋਵੇਗਾ? ਉਸ ਦੀਆਂ ਹਰਕਤਾਂ ਨੇ 35 ਤੋਂ ਵੱਧ ਔਰਤਾਂ ਦੇ ਜੀਵਨ ਵਿਚ ਤੂਫ਼ਾਨ ਲਿਆ ਦਿੱਤਾ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਬੇਰਹਿਮੀ ਦੀ ਹੱਦ! ਪਹਿਲਾਂ 15 ਸਾਲਾ ਲੜਕੇ ਨੂੰ 50 ਵਾਰ ਮਾਰਿਆ ਚਾਕੂ, ਫਿਰ ਸਾੜ ਦਿੱਤਾ ਜ਼ਿੰਦਾ
NEXT STORY 
