ਲੰਡਨ (ਪੀ.ਟੀ.ਆਈ.)- ਦਿੱਲੀ ਦੇ ਇਕ ਉੱਦਮੀ ਵਿਦਯੁਤ ਮੋਹਨ ਨੂੰ ਫਸਲਾਂ ਦੀ ਰਹਿੰਦ-ਖੂੰਹਦ ਨੂੰ ਵਿਕਰੀ ਯੋਗ ਬਾਇਓ-ਉਤਪਾਦਾਂ ਵਿਚ ਤਬਦੀਲ ਕਰਨ ਦੇ ਪ੍ਰਾਜੈਕਟ ਲਈ ਐਤਵਾਰ ਸ਼ਾਮ ਨੂੰ ਲੰਡਨ ਵਿਖੇ ਇਕ ਸਮਾਰੋਹ ਦੌਰਾਨ ਪ੍ਰਿੰਸ ਵਿਲੀਅਮ ਦੁਆਰਾ ਸ਼ੁਰੂ ਕੀਤੇ ਪਹਿਲੇ ਵਾਤਾਵਰਣ 'Earthshot Prize' ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਪੁਰਸਕਾਰ ਨੂੰ 'Eco Oscar' ਵੀ ਕਿਹਾ ਜਾ ਰਿਹਾ ਹੈ।
ਵਿਦਯੁਤ ਮੋਹਨ ਦੀ ਅਗਵਾਈ ਵਾਲੇ 'Takachar' ਪ੍ਰਾਜੈਕਟ ਨੂੰ ਫਸਲਾਂ ਦੀ ਰਹਿੰਦ-ਖੂੰਹਦ ਨੂੰ ਵਿਕਰੀ ਯੋਗ ਬਾਇਓ-ਉਤਪਾਦਾਂ ਵਿੱਚ ਬਦਲਣ ਲਈ ਇਸ ਦੀ ਨਵੀਨਤਮ ਲਾਗਤ-ਪ੍ਰਭਾਵਸ਼ਾਲੀ ਤਕਨਾਲੋਜੀ ਲਈ "ਸਾਡੀ ਸਾਫ਼ ਹਵਾ" ਦੀ ਸ਼੍ਰੇਣੀ ਵਿੱਚ ਜੇਤੂ ਘੋਸ਼ਿਤ ਕੀਤਾ ਗਿਆ ਹੈ ਅਤੇ ਉਹਨਾਂ ਨੂੰ ਇਨਾਮ ਵਜੋਂ 1 ਮਿਲੀਅਨ ਬ੍ਰਿਟਿਸ਼ ਪੌਂਡ ਦਿੱਤੇ ਗਏ। ਡਿਊਕ ਆਫ਼ ਕੈਮਬ੍ਰਿਜ, ਵਿਲੀਅਮ ਨੇ ਇਹ ਪੁਰਸਕਾਰ ਉਨ੍ਹਾਂ ਲੋਕਾਂ ਦੇ ਸਨਮਾਨ ਲਈ ਸਥਾਪਿਤ ਕੀਤਾ ਹੈ ਜੋ ਧਰਤੀ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਵਿਦਯੁਤ ਮੋਹਨ ਵਿਸ਼ਵ ਭਰ ਵਿੱਚ ਇਸ ਪੁਰਸਕਾਰ ਦੇ ਪੰਜ ਜੇਤੂਆਂ ਵਿੱਚੋਂ ਇੱਕ ਹਨ।
ਵਿਲੀਅਮ ਨੇ ਸਮਾਰੋਹ ਵਿੱਚ ਪਹਿਲਾਂ ਤੋਂ ਦਰਜ ਕੀਤੇ ਸੰਦੇਸ਼ ਵਿੱਚ ਕਿਹਾ,“ਸਮਾਂ ਖ਼ਤਮ ਹੋ ਰਿਹਾ ਹੈ। ਇੱਕ ਦਹਾਕਾ ਬਹੁਤਾ ਲੰਬਾ ਨਹੀਂ ਜਾਪਦਾ ਪਰ ਮਨੁੱਖਜਾਤੀ ਕੋਲ ਉਨ੍ਹਾਂ ਸਮੱਸਿਆਵਾਂ ਨੂੰ ਸੁਲਝਾਉਣ ਦੀ ਸਮਰੱਥਾ ਦਾ ਸ਼ਾਨਦਾਰ ਰਿਕਾਰਡ ਹੈ, ਜਿਨ੍ਹਾਂ ਨੂੰ ਹੱਲ ਕਰਨਾ ਮੁਸ਼ਕਲ ਹੈ।” ਸਮਾਰੋਹ ਵਿੱਚ ਬਹੁਤ ਸਾਰੀਆਂ ਮਸ਼ਹੂਰ ਹਸਤੀਆਂ ਸ਼ਾਮਲ ਹੋਈਆਂ ਅਤੇ ਗਾਇਕ ਐਡ ਸ਼ੇਰਨ ਅਤੇ ਕੋਲਡਪਲੇ ਨੇ ਪੇਸ਼ਕਾਰੀ ਦਿੱਤੀ। ਟਾਕਾਚਾਰ ਨੂੰ ਉਸ ਤਕਨਾਲੋਜੀ ਲਈ ਸਨਮਾਨਿਤ ਕੀਤਾ ਗਿਆ ਹੈ ਜੋ ਧੂੰਏ ਦੇ ਨਿਕਾਸ ਨੂੰ 98 ਪ੍ਰਤੀਸ਼ਤ ਤੱਕ ਘਟਾਉਂਦੀ ਹੈ, ਜਿਸ ਦਾ ਉਦੇਸ਼ ਹਵਾ ਦੀ ਗੁਣਵੱਤਾ ਵਿੱਚ ਸੁਧਾਰ ਲਿਆਉਣਾ ਹੈ। ਜੇਕਰ ਇਸ ਤਕਨਾਲੋਜੀ ਦੀ ਵਰਤੋਂ ਕੀਤੀ ਜਾਂਦੀ ਹੈ ਤਾਂ ਇਹ ਇੱਕ ਸਾਲ ਵਿੱਚ ਕਾਰਬਨ ਡਾਈਆਕਸਾਈਡ ਨੂੰ ਇੱਕ ਅਰਬ ਟਨ ਘਟਾ ਸਕਦੀ ਹੈ ਅਤੇ ਇਸ ਨੂੰ ਜਲਵਾਯੂ ਪਰਿਵਰਤਨ ਦੇ ਵਿਰੁੱਧ ਲੜਾਈ ਵਿੱਚ ਭਾਰਤੀ ਕਿਸਾਨਾਂ ਦੀ ਜਿੱਤ ਮੰਨਿਆ ਜਾ ਰਿਹਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਆਸਟ੍ਰੇਲੀਆ ਨੇ ਅਪਣਾਏ 2 ਹੋਰ ਕੋਵਿਡ ਇਲਾਜ, ਨਿਊਜ਼ੀਲੈਂਡ ਲਈ ਜਲਦ ਸ਼ੁਰੂ ਕਰੇਗਾ ਉਡਾਣਾਂ
ਅਰਥ ਸ਼ਾਟ ਇਨਾਮ ਲਈ ਜੇਤੂ ਪ੍ਰਾਜੈਕਟ ਦਾ ਜ਼ਿਕਰ ਕਰਦਿਆਂ ਕਿਹਾ ਗਿਆ ਹੈ,“ਟਾਕਾਚਾਰ ਨੇ ਇੱਕ ਆਰਥਿਕ, ਛੋਟੇ ਪੈਮਾਨੇ 'ਤੇ ਲਿਜਾਈ ਜਾਣ ਵਾਲੀ ਆਸਾਨ ਤਕਨੀਕ ਵਿਕਸਿਤ ਕੀਤੀ ਹੈ ਜੋ ਦੂਰ-ਦੁਰਾਡੇ ਖੇਤਾਂ ਵਿੱਚ ਟਰੈਕਟਰਾਂ ਨਾਲ ਜੋੜੀ ਜਾਂਦੀ ਹੈ। ਇਹ ਮਸ਼ੀਨ ਫਸਲਾਂ ਦੀ ਰਹਿੰਦ-ਖੂੰਹਦ ਨੂੰ ਵਿਕਰੀ ਯੋਗ ਬਾਇਓ-ਉਤਪਾਦਾਂ ਜਿਵੇਂ ਬਾਲਣ ਅਤੇ ਖਾਦਾਂ ਵਿੱਚ ਬਦਲਦੀ ਹੈ।'' ਇਸ ਵਿਚ ਕਿਹਾ ਗਿਆ ਹੈ ਕਿ ਦੁਨੀਆਭਰ ਵਿਚ ਹਰੇਕ ਸਾਲ ਅਸੀਂ 120 ਅਰਬ ਡਾਲਰ ਦੀ ਖੇਤੀ ਰਹਿੰਦ-ਖੂੰਹਦ ਪੈਦਾ ਕਰਦੇ ਹਾਂ। ਕਿਸਾਨ, ਜੋ ਉਹ ਵੇਚ ਨਹੀਂ ਪਾਉਂਦੇ ਅਕਸਰ ਉਸ ਨੂੰ ਸਾੜ ਦਿੰਦੇ ਹਨ, ਜਿਸਦੇ ਮਨੁੱਖੀ ਸਿਹਤ ਅਤੇ ਵਾਤਾਵਰਣ ਤੇ ਵਿਨਾਸ਼ਕਾਰੀ ਨਤੀਜੇ ਹੁੰਦੇ ਹਨ। ਖੇਤੀਬਾੜੀ ਦੀ ਰਹਿੰਦ-ਖੂੰਹਦ ਨੂੰ ਸਾੜਨ ਨਾਲ ਹਵਾ ਪ੍ਰਦੂਸ਼ਣ ਹੁੰਦਾ ਹੈ, ਜੋ ਕਿ ਕੁਝ ਖੇਤਰਾਂ ਵਿੱਚ ਜੀਵਨ ਦੀ ਸੰਭਾਵਨਾ ਨੂੰ ਇੱਕ ਦਹਾਕੇ ਤੱਕ ਘਟਾਉਂਦਾ ਹੈ।
ਹਰ ਸਾਲ ਨਵੀਂ ਦਿੱਲੀ ਦੇ ਆਲੇ ਦੁਆਲੇ ਦੇ ਖੇਤਾਂ ਵਿੱਚ ਅਜਿਹਾ ਹੁੰਦਾ ਹੈ। ਮਨੁੱਖ ਦੁਆਰਾ ਬਣਾਇਆ ਧੂੰਆਂ ਹਵਾ ਵਿੱਚ ਫੈਲਦਾ ਹੈ ਜਿਸ ਦਾ ਸਥਾਨਕ ਲੋਕਾਂ ਦੀ ਸਿਹਤ 'ਤੇ ਗੰਭੀਰ ਪ੍ਰਭਾਵ ਪੈਂਦਾ ਹੈ। ਉਨ੍ਹਾਂ ਲੋਕਾਂ ਵਿੱਚੋਂ ਇੱਕ ਵਿਦਯੁਤ ਮੋਹਨ ਹਨ. ਉਹਨਾਂ ਦਾ ਸਮਾਜਿਕ ਉੱਦਮ ਟਾਕਾਚਾਰ ਇਸ ਧੂੰਏ ਨੂੰ ਘੱਟ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸ ਪੁਰਸਕਾਰ ਲਈ ਟਾਕਾਚਾਰ ਦੇ ਨਾਲ, ਇੱਕ ਹੋਰ ਭਾਰਤੀ ਨੇ ਫਾਈਨਲ ਵਿੱਚ ਜਗ੍ਹਾ ਬਣਾਈ। ਤਾਮਿਲਨਾਡੂ ਦੀ 14 ਸਾਲਾ ਸਕੂਲੀ ਵਿਦਿਆਰਥਣ ਵਿਨੀਸ਼ਾ ਉਮਾਸ਼ੰਕਰ ਨੇ ਸੌਰ ਊਰਜਾ ਨਾਲ ਚੱਲਣ ਵਾਲੇ ਪ੍ਰੈੱਸ ਬਣਾਈ ਹੈ।
ਚੀਨ 'ਚ ਚੱਲ ਰਹੀ ਅਸਲੀ Squid Game, ਇੰਝ ਵੇਚੇ ਜਾ ਰਹੇ ਹਨ ਕੈਦੀਆਂ ਦੇ ਅੰਗ
NEXT STORY 
