ਇੰਟਰਨੈਸ਼ਨਲ ਡੈਸਕ (ਬਿਊਰੋ) :ਰੂਸ-ਯੂਕ੍ਰੇਨ ਵਿਚਾਲੇ ਅੱਜ ਯੁੱਧ ਦਾ ਚੌਥਾ ਦਿਨ ਹੈ। ਪਿਛਲੇ ਦਿਨਾਂ ਵਾਂਗ ਯੂਕ੍ਰੇਨ ਵਿਚ ਐਤਵਾਰ ਦੀ ਸਵੇਰ ਵੀ ਭਿਆਨਕ ਤਬਾਹੀ ਨਾਲ ਸ਼ੁਰੂ ਹੋਈ।ਸੂਰਜ ਨਿਕਲਣ ਦੇ ਬਾਅਦ ਤੋਂ ਹੀ ਸਾਇਰਨਾਂ ਦੀਆਂ ਆਵਾਜ਼ਾਂ ਸੁਣਾਈ ਦੇਣ ਲੱਗੀਆਂ। ਸੁੱਤੇ ਪਏ ਲੋਕਾਂ ਦੀ ਨੀਂਦ ਧਮਾਕਿਆਂ ਦੀ ਆਵਾਜ਼ ਨੇ ਤੋੜ ਦਿੱਤੀ। ਜਾਨ ਬਚਾਉਣ ਲਈ ਲੋਕ ਬੰਕਰਾਂ ਵੱਲ ਭੱਜੇ। ਅੱਜ ਯੂਕ੍ਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਨਸਕੀ ਨੇ ਕਿਹਾ ਕਿ ਉਨ੍ਹਾਂ ਦੇ ਦੇਸ਼ ‘ਤੇ ਹਮਲੇ ਲਈ ਰੂਸ ਨੂੰ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਤੋਂ ਬਾਹਰ ਕੱਢ ਦੇਣਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਯੂਕ੍ਰੇਨ ਨੇ ਆਈਸੀਜੇ ਮਤਲਬ ਅੰਤਰਰਾਸ਼ਟਰੀ ਕੋਰਟ ਆਫ ਜਸਟਿਸ ਨੂੰ ਰੂਸ ਖ਼ਿਲਾਫ਼ ਆਪਣੀ ਅਰਜ਼ੀ ਸੌਂਪ ਦਿੱਤੀ ਹੈ। ਇਸ ਅਰਜ਼ੀ ਵਿਚ ਕਿਹਾ ਗਿਆ ਹੈ ਕਿ ਹਮਲੇ ਨੂੰ ਜਾਇਜ਼ ਠਹਿਰਾਉਣ ਲਈ ਨਸਲਕੁਸ਼ੀ ਦੀ ਧਾਰਨਾ ਵਿਚ ਹੇਰਾਫੇਰੀ ਕਰਨ ਲਈ ਰੂਸ ਨੂੰ ਜਵਾਬਦੇਹ ਠਹਿਰਾਇਆ ਜਾਣਾ ਚਾਹੀਦਾ ਹੈ। ਇਸ ਸਭ ਦੇ ਇਲਾਵਾ ਅੱਜ ਹੋਏ ਯੁੱਧ ਦੀਆਂ 10 ਵੱਡੀਆਂ ਅਪਡੇਟ ਬਾਰੇ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ।
1. ਖਾਰਕੀਵ ਵਿਚ ਵੱਡਾ ਹਮਲਾ
ਰੂਸ ਨੇ ਯੂਕ੍ਰੇਨ ਦੇ ਸਭ ਤੋਂ ਵੱਡੇ ਸ਼ਹਿਰ ਖਾਰਕੀਵ ਵਿਚ ਗੈਸ ਪਾਈਪਲਾਈਨ ਉੱਡਾ ਦਿੱਤੀ। ਇਸ ਨਾਲ ਚਾਰੇ ਪਾਸੇ ਧੂੰਆਂ ਫੈਲ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਧਮਾਕੇ ਨਾਲ ਆਲੇ-ਦੁਆਲੇ ਦਾ ਵਾਤਾਵਰਨ ਵਿਚ ਜ਼ਹਿਰੀਲੀ ਹਵਾ ਫੈਲ ਗਈ। ਸਰਕਾਰ ਨੇ ਲੋਕਾਂ ਨੂੰ ਖਿੜਕੀਆਂ ਬੰਦ ਰੱਖਣ, ਨੱਕ 'ਤੇ ਗਿੱਲਾ ਕੱਪੜਾ ਰੱਖਣ ਅਤੇ ਵੱਧ ਤੋਂ ਵੱਧ ਪਾਣੀ ਪੀਣ ਲਈ ਕਿਹਾ ਹੈ।
2. ਗ੍ਰੀਸ ਦੇ 10 ਲੋਕਾਂ ਦੀ ਮੌਤ, ਰਾਜਦੂਤ ਤਲਬ
ਯੂਕ੍ਰੇਨ-ਰੂਸ ਵਿਚਕਾਰ ਛਿੜੀ ਜੰਗ ਵਿਚ ਐਤਵਾਰ ਨੂੰ ਗ੍ਰੀਸ ਦੇ ਨਾਗਰਿਕ ਵੀ ਸ਼ਿਕਾਰ ਬਣੇ। ਯੂਕ੍ਰੇਨੀ ਸ਼ਹਿਰ ਮਾਰਉਪੋਲ ਨੇੜੇ ਰੂਸੀ ਬੰਬਾਰ ਨਾਲ ਗ੍ਰੀਸ ਦੇ 10 ਲੋਕਾਂ ਦੀ ਮੌਤ ਹੋ ਗਈ। ਜਦਕਿ 6 ਲੋਕ ਜ਼ਖਮੀ ਹੋ ਗਏ। ਏਜੰਸੀ ਮੁਤਾਬਕ ਗ੍ਰੀਸ ਨੇ ਰੂਸ ਦੇ ਰਾਜਦੂਤ ਨੂੰ ਤਲਬ ਕੀਤਾ ਹੈ। ਗ੍ਰੀਸ ਦੇ ਪ੍ਰਧਾਨ ਮੰਤਰੀ ਕਆਰੀਕੋਸ ਮਿਤਸੋਤਾਕਿਸ ਨੇ ਇਕ ਟਵੀਟ ਵਿਚ ਕਿਹਾ ਕਿ ਸਾਡੇ 10 ਬੇਕਸੂਰ ਲੋਕ ਮਾਰਿਆਪੋਲ ਨੇੜੇ ਹੋਏ ਰੂਸੀ ਹਮਲੇ ਵਿਚ ਮਾਰੇ ਗਏ ਹਨ। ਇਸ ਬੰਬਾਰੀ ਨੂੰ ਹੁਣ ਬੰਦ ਕਰ ਦੇਣਾ ਚਾਹੀਦਾ ਹੈ।
3. ਸੰਪੱਤੀ ਫ੍ਰੀਜ਼ ਕਰਨ 'ਤੇ ਰੂਸ ਦਾ ਪਲਟਵਾਰ
ਯੂਕ੍ਰੇਨ 'ਤੇ ਹਮਲੇ ਦੇ ਬਾਅਦ ਰੂਸ 'ਤੇ ਕਈ ਦੇਸ਼ਾਂ ਨੇ ਪਾਬੰਦੀਆਂ ਲਗਾਉਣੀਆਂਸ਼ੁਰੂ ਕਰ ਦਿੱਤੀਆਂ ਹਨ। ਲਿਹਾਜਾ ਅਮਰੀਕਾ ਨੇ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੀ ਸੰਪੱਤੀ ਫ੍ਰੀਜ਼ ਕਰਨ ਦਾ ਐਲਾਨ ਕਰ ਦਿੱਤਾ ਸੀ ਪਰ ਹੁਣ ਪੁਤਿਨ ਨੇ ਇਸ ਫ਼ੈਸਲੇ 'ਤੇ ਪਲਟਵਾਰ ਕੀਤਾ ਹੈ। ਪੁਤਿਨ ਨੇਕਿਹਾ ਹੈ ਕਿ ਉਹ ਵੀ ਵਿਦੇਸ਼ੀਆਂ ਤੇ ਵਿਦੇਸ਼ੀ ਕੰਪਨੀਆਂ ਦੀ ਸੰਪੱਤੀਫ੍ਰੀਜ਼ ਕਰ ਕੇ ਆਪਣੇ ਲੋਕਾਂ ਅਤੇ ਕੰਪਨੀਆਂ ਦੀ ਇੰਟਰਨੈਸ਼ਨ ਜ਼ਬਤੀ ਦਾ ਜਵਾਬ ਦੇਵੇਗਾ।
4. ਹਮਲੇ ਵਿਚ ਯੂਕ੍ਰੇਨ ਦੇ 6ਲੋਕਾਂ ਦੀ ਮੌਤ
ਰੂਸੀ ਫ਼ੌਜੀਆਂ ਨੇ ਯੂਕ੍ਰੇਨ ਦੇ ਪੂਰਬੀ ਇਲਾਕੇ ਵਿਚ ਵੱਡਾ ਹਮਲਾ ਕੀਤਾ ਹੈ। ਇੱਥੇ ਸੂਮੀ ਵਿਚ ਰਾਕੇਟ ਨਾਲ ਹਮਲਾ ਕੀਤਾ ਗਿਆ। ਇਸ ਵਿਚ ਯੂਕ੍ਰੇਨ ਦੇ 6 ਲੋਕਾਂ ਦੀ ਮੌਤ ਹੋ ਗਈ। ਸੂਮੀ ਵਿਚ ਹੋਏ ਧਮਾਕੇ ਵਿਚ ਇਕ 7 ਸਾਲ ਦੀ ਬੱਚੀ ਦੀ ਵੀ ਜਾਨ ਚਲੀ ਗਈ।
5. ਫਲਾਈਟ ਜ਼ਰੀਏ ਲੋਕਾਂ ਨੂੰ ਲਿਆਂਦਾ ਜਾ ਰਿਹਾ
ਯੂਕ੍ਰੇਨ ਵਿਚ ਫਸੇ ਲੋਕਾਂ ਨੂੰ ਕੱਢਣ ਲਈ ਭਾਰਤ ਸਰਕਾਰ ਦੀ ਮੁਹਿੰਮ ਜਾਰੀ ਹੈ। ਲਿਹਾਜਾ ਐਤਵਾਰ ਨੂੰ ਯੂਕ੍ਰੇਨ ਤੋਂ ਉੱਡਿਆ ਏਅਰ ਇੰਡੀਆ ਦਾ ਜਹਾਜ਼ ਭਾਰਤ ਪਹੁੰਚਿਆ। ਜਾਣਕਾਰੀ ਮੁਤਾਬਕ ਫਲਾਈਟ ਦਿੱਲੀ ਵਿਚ ਲੈਂਡ ਕਰ ਚੁੱਕੀ ਹੈ। ਇਸ ਫਲਾਈਟ ਵਿਚ 240 ਲੋਕਾਂ ਨੂੰ ਲਿਆਂਦਾ ਗਿਆ ਹੈ। ਇੱਥੇ ਦੱਸ ਦਈਏ ਕਿ ਹੁਣ ਤੱਕ ਯੂਕ੍ਰੇਨ ਤੋਂ ਕੁੱਲ 709 ਲੋਕਾਂ ਨੂੰ ਸੁਰੱਖਿਅਤ ਲਿਆਂਦਾ ਗਿਆ ਹੈ। ਇਹ ਫਲਾਈਟ ਹੰਗਰੀ ਦੇ ਰਸਤੇ ਭਾਰਤ ਪਹੁੰਚੀ ਹੈ।
6. ਮਿਜ਼ਾਈਲ ਨਾਲ ਕੀਵ 'ਤੇ ਬੰਬਾਰੀ
ਯੂਕ੍ਰੇਨ ਨੇ ਕਿਹਾ ਕਿ ਰੂਸ ਨੇ ਪਰਮਾਣੂ ਕਚਰੇ 'ਤੇ ਹਮਲਾ ਕਰ ਦਿੱਤਾ ਹੈ। ਹਾਲਾਂਕਿ ਇਸ ਤੋਂ ਕੋਈ ਵੱਡਾ ਖਤਰਾ ਨਹੀਂ ਹੈ। ਇੱਥੇ ਦੱਸ ਦਈਏ ਕਿ ਕੀਵ ਦੀਆਂ ਸੜਕਾਂ 'ਤੇ ਲੜਾਈ ਜਾਰੀ ਹੈ। ਰੂਸ ਨੇ ਮਿਜ਼ਾਈਲ ਨਾਲ ਕੀਵ 'ਤੇ ਬੰਬਾਰੀ ਕੀਤੀ ਹੈ। ਵਰਤਮਾਨ ਵਿਚ ਤਬਾਹੀ ਦਾ ਮੁਲਾਂਕਣ ਕਰਨਾ ਸੰਭਵ ਨਹੀਂ ਹੈ।
7. ਰੂਸ ਖ਼ਿਲਾਫ਼ ਗੋਲਬੰਦੀ ਦੀ ਕੋਸ਼ਿਸ਼
ਯੂਕ੍ਰੇਨ 'ਤੇ ਰੂਸ ਦੇ ਹਮਲੇ ਦੇ ਬਾਅਦ ਸੰਯੁਕਤ ਰਾਸ਼ਟਰ ਲਗਾਤਾਰ ਸ਼ਾਂਤੀ ਬਹਾਲੀ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸੇ ਸਿਲਸਿਲੇ ਵਿਚ ਅੱਜ ਇਕ ਵਾਰ ਫਿਰ ਸੁਰੱਖਿਆ ਪਰੀਸ਼ਦ ਦੀ ਬੈਠਕ ਬੁਲਾਈ ਗਈ ਹੈ। ਇਸ ਬੈਠਕ ਵਿਚ ਸੰਯਕੁਤ ਰਾਸ਼ਟਰ ਮਹਾਸਭਾ ਦੀ ਐਮਰਜੈਂਸੀ ਬੈਠਕ ਬੁਲਾਏ ਜਾਣ ਦਾ ਪ੍ਰਸਤਾਵ 'ਤੇ ਵੋਟਿੰਗ ਹੋਵੇਗੀ। ਜੇਕਰ ਇਹ ਪ੍ਰਸਤਾਵ ਪਾਸ ਹੁੰਦਾ ਹੈ ਤਾਂ ਸੋਮਵਾਰ ਨੂੰ 193 ਮੈਂਬਰੀ ਦੇਸ਼ਾਂ ਵਾਲੇ ਸੰਯੁਕਤ ਰਾਸ਼ਟਰ ਮਹਾਸਭਾ ਦੀ ਬੈਠਕ ਹੋਵੇਗੀ।
8. ਖਾਰਕੀਵ ਵਿਚ ਗੋਲੀਬਾਰੀ ਕਰਦੇ ਦਾਖਲ ਹੋਏ ਰੂਸੀ ਫ਼ੌਜੀ
ਯੂਕ੍ਰੇਨ ਵਿਚ ਰੂਸ ਦੀ ਫ਼ੌਜ ਅੰਦਰ ਤੱਕ ਦਾਖਲ ਹੋ ਚੁੱਕੀ ਹੈ।ਰੂਸੀ ਫ਼ੌਜੀ ਯੂਕ੍ਰੇਨ ਦੇ ਖਾਰਕੀਵ ਤੱਕ ਪਹੁੰਚ ਚੁੱਕੇ ਹਨ। ਜਾਣਕਾਰੀ ਮੁਤਾਬਕ ਰੂਸ ਦੀ ਫ਼ੌਜ ਨੇ ਖਾਰਕੀਵ ਵਿਚ ਦਾਖਲ ਹੋਣ ਦੌਰਾਨ ਜ਼ਬਰਦਸਤ ਗੋਲੀਬਾਰੀ ਕੀਤੀ। ਹਾਲਾਂਕਿ ਯੂਕ੍ਰੇਨੀ ਫ਼ੌਜਾਂ ਨਾਲ ਰੂਸੀ ਫ਼ੌਜ ਦੀ ਝੜਪ ਵੀ ਹੋਈ। ਉੱਥੇ ਸੂਮੀ ਵਿਚ ਵੀ ਫ਼ੌਜੀ ਦਾਖਲ ਹੋ ਰਹੇ ਹਨ। ਜਾਣਕਾਰੀ ਮੁਤਾਬਕ ਯੂਕ੍ਰੇਨ ਦੇ ਚੇਰਨਿਹਾਈਵ ਇਲਾਕੇ ਵਿਚ ਰੂਸੀ ਟੈਂਕਾਂ ਦਾ ਕਾਫਿਲਾ ਪੁਲਸ ਨੇ ਰੋਕ ਦਿੱਤਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਰੂਸੀ ਫ਼ੌਜ ਵੱਲੋਂ ਯੂਕ੍ਰੇਨ 'ਚ ਦੋ ਵੱਡੇ ਧਮਾਕੇ, ਜਾਣੋ ਪਲ-ਪਲ ਦੀ ਖ਼ਬਰ
9. ਫਰਾਂਸ ਨੇ ਕਿਹਾ, ਰੂਸ ਦੀ ਮਦਦ ਨਾ ਕਰੇ ਬੇਲਾਰੂਸ
ਯੂਕ੍ਰੇਨ-ਰੂਸ ਵਿਚਕਾਰ ਵੱਡੀ ਜਾਣਕਾਰੀ ਸਾਹਮਣੇ ਆਈ ਹੈ। ਅਸਲ ਵਿਚ ਕ੍ਰੇਮਲਿਨ ਹੁਣ ਯੂਕ੍ਰੇਨ ਨਾਲ ਗੱਲਬਾਤ ਲਈ ਤਿਆਰ ਹੋ ਗਿਆ ਹੈ। ਰੂਸੀ ਨਿਊਜ਼ ਏਜੰਸੀ ਮੁਤਾਬਕ ਕ੍ਰੇਮਲਿਨ ਵੱਲੋਂ ਕਿਹਾ ਗਿਆ ਹੈ ਕਿ ਉਹ ਬੇਲਾਰੂਸ ਵਿਚ ਯੂਕ੍ਰੇਨ ਨਾਲ ਗੱਲਬਾਤ ਲਈ ਤਿਆਰ ਹੈ। ਉੱਥੇ ਫਰਾਂਸ ਦੇ ਰਾਸ਼ਟਰਪਤੀ ਨੇ ਬੇਲਾਰੂਸ ਦੇ ਰਾਸ਼ਟਰਪਤੀ ਨਾਲ ਫੋਨ 'ਤੇ ਕੀਤੀ ਗੱਲਬਾਤ ਵਿਚ ਕਿਹਾ ਕਿ ਉਹ ਰੂਸ ਦੀ ਮਦਦ ਨਾ ਕਰੇ।
10. ਯੂਕ੍ਰੇਨ ਦੀ ਜਨਤਾ ਨੇ ਚੁੱਕੇ ਹਥਿਆਰ, ਗੁਰੀਲਾ ਯੁੱਧ ਦੀ ਤਿਆਰੀ
ਯੂਕ੍ਰੇਨ ਦੀ ਜਨਤਾ ਨੇ ਹੁਣ ਰੂਸੀ ਫ਼ੌਜ ਖ਼ਿਲਾਫ਼ ਹਥਿਆਰ ਚੁੱਕ ਲਏ ਹਨ। ਇੱਥੋਂ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਆਪਣਾ ਸ਼ਹਿਰ ਰੂਸੀ ਫੌ਼ਜ ਦੇ ਹੱਥ ਨਹੀਂ ਜਾਣ ਦੇਣਗੇ।ਲਿਹਾਜਾ ਹੁਣ ਇਹ ਸਾਫ ਹੋ ਚੁੱਕਾ ਹੈ ਕਿ ਯੂਕ੍ਰੇਨ ਵਿਚ ਗੁਰੀਲਾ ਯੁੱਧ ਦੀ ਤਿਆਰੀ ਹੋ ਚੁੱਕੀ ਹੈ।ਆਮ ਲੋਕਾਂ ਨੇ ਰੂਸ ਦੇ ਹਮਲੇ ਦਾ ਜਵਾਬ ਦੇਣ ਦੀ ਤਿਆਰੀ ਕਰ ਲਈ ਹੈ।
ਰੂਸ ਦੇ ਭਿਆਨਕ ਹਮਲਿਆਂ ਦਰਮਿਆਨ ਯੂਕ੍ਰੇਨ ਨੇ ICJ ਦਾ ਕੀਤਾ ਰੁਖ਼
NEXT STORY 
