ਲੰਡਨ (ਆਈ.ਏ.ਐੱਨ.ਐੱਸ.)- ਲੰਡਨ ਵਿਚ ਰਹਿੰਦੀ ਇਕ ਸਿੱਖ ਔਰਤ ਨੇ ਜਾਇਦਾਦ ਸਬੰਧੀ ਕਾਨੂੰਨੀ ਲੜਾਈ ਜਿੱਤ ਲਈ ਹੈ। ਇਕ 83 ਸਾਲਾ ਸਿੱਖ ਔਰਤ, ਜਿਸ ਦੇ 66 ਸਾਲਾਂ ਦੇ ਮਰਹੂਮ ਪਤੀ ਨੇ ਉਸ ਨੂੰ ਆਪਣੀ ਮਰਜ਼ੀ ਨਾਲ ਛੱਡ ਦਿੱਤਾ ਸੀ, ਨੇ 1 ਮਿਲੀਅਨ ਯੂਰੋ ਤੋਂ ਵੱਧ (9.8 ਕਰੋੜ ਰੁਪਏ) ਦੀ ਜਾਇਦਾਦ ਦੇ ਹਿੱਸੇ ਲਈ ਲੰਡਨ ਵਿਚ ਹਾਈ ਕੋਰਟ ਦੀ ਲੜਾਈ ਜਿੱਤ ਲਈ ਹੈ। ਗਾਰਡੀਅਨ ਦੀ ਰਿਪੋਰਟ ਅਨੁਸਾਰ ਕਰਨੈਲ ਸਿੰਘ, ਜਿਸ ਦੀ 2021 ਵਿੱਚ ਮੌਤ ਹੋ ਗਈ, ਨੇ ਪਤਨੀ ਹਰਬੰਸ ਕੌਰ ਅਤੇ ਚਾਰ ਧੀਆਂ ਲਈ ਕੁਝ ਨਹੀਂ ਛੱਡਿਆ, ਕਿਉਂਕਿ ਉਸ ਨੇ ਆਪਣੀ 1.2 ਮਿਲੀਅਨ ਯੂਰੋ ਦੀ ਸਾਰੀ ਜਾਇਦਾਦ ਆਪਣੇ ਦੋ ਪੁੱਤਰਾਂ ਨੂੰ ਸੌਂਪ ਦਿੱਤੀ ਸੀ।
ਜੱਜ ਨੇ ਕੌਰ ਦੇ ਹੱਕ 'ਚ ਸੁਣਾਇਆ ਫ਼ੈਸਲਾ
ਜਸਟਿਸ ਪੀਲ ਨੂੰ ਦੱਸਿਆ ਗਿਆ ਕਿ ਸਿੰਘ ਨੇ 2005 ਵਿੱਚ ਆਪਣੀ ਵਸੀਅਤ ਵਿੱਚ ਲਿਖਿਆ ਸੀ ਕਿ ਉਹ "ਆਪਣੀ ਜਾਇਦਾਦ ਨੂੰ ਸਿਰਫ਼ ਮਰਦ ਲਾਈਨ ਵਿੱਚ ਛੱਡਣਾ ਚਾਹੁੰਦਾ ਸੀ"। ਅਦਾਲਤ ਨੂੰ ਇਹ ਵੀ ਦੱਸਿਆ ਗਿਆ ਕਿ ਕੌਰ, ਜਿਸ ਨੇ 1955 ਵਿੱਚ ਸਿੰਘ ਨਾਲ ਵਿਆਹ ਕੀਤਾ ਸੀ, ਨੇ ਜਾਇਦਾਦ ਦੀ ਕੁੱਲ ਕੀਮਤ 19 ਲੱਖ ਯੂਰੋ ਦੱਸੀ ਸੀ ਪਰ ਉਸ ਦੇ ਇੱਕ ਪੁੱਤਰ ਨੇ ਇਸ ਦੀ ਕੀਮਤ 12 ਲੱਖ ਯੂਰੋ ਦੱਸੀ ਸੀ। ਫ਼ੈਸਲਾ ਸੁਣਾਉਂਦੇ ਹੋਏ ਜੱਜ ਨੇ ਕਿਹਾ ਕਿ ਕੌਰ ਨੂੰ ਜਾਇਦਾਦ ਦੇ ਕੁੱਲ ਮੁੱਲ ਦਾ 50 ਪ੍ਰਤੀਸ਼ਤ ਮਿਲਣਾ ਚਾਹੀਦਾ ਹੈ। ਜੱਜ ਨੇ ਕਿਹਾ ਕਿ ਇਹ ਸਪੱਸ਼ਟ ਹੈ ਕਿ ਵਿਧਵਾ ਲਈ "ਵਾਜਬ ਪ੍ਰਬੰਧ" ਨਹੀਂ ਕੀਤਾ ਗਿਆ ਸੀ, ਜਿਸਦੀ ਆਮਦਨ ਵਿੱਚ ਲਗਭਗ 12,000 ਯੂਰੋ ਦੇ ਰਾਜ ਲਾਭ ਸ਼ਾਮਲ ਸਨ।
ਪੜ੍ਹੋ ਇਹ ਅਹਿਮ ਖ਼ਬਰ- ਪਾਕਿਸਤਾਨ ਸਥਿਤ TTP ਅਤੇ ਹਿਜ਼ਬੁਲ ਮੁਜਾਹਿਦੀਨ ਦਾ ਅੱਤਵਾਦੀ ਦਰਜਾ ਰਹੇਗਾ ਕਾਇਮ : ਬਲਿੰਕਨ
ਹਾਈ ਕੋਰਟ ਦੇ ਲੰਡਨ ਦੇ ਪਰਿਵਾਰਕ ਡਿਵੀਜ਼ਨ ਵਿੱਚ ਕੇਸ ਦੀ ਸੁਣਵਾਈ ਕਰਦੇ ਹੋਏ ਪੀਲ ਨੇ ਕਿਹਾ ਕਿ ਸਬੂਤ ਦਿਖਾਉਂਦੇ ਹਨ ਕਿ ਕੌਰ ਨੇ ਵਿਆਹ ਮਗਰੋਂ ਪਤੀ ਦਾ ਸਾਥ ਨਿਭਾਇਆ ਸੀ ਅਤੇ ਪਰਿਵਾਰ ਦੇ ਕੱਪੜੇ ਦੇ ਕਾਰੋਬਾਰ ਵਿੱਚ ਕੰਮ ਕੀਤਾ ਸੀ। ਪੀਲ ਨੇ ਫ਼ੈਸਲਾ ਸੁਣਾਉਂਦੇ ਹੋਏ ਕਿਹਾ ਕਿ ਕੌਰ ਨੇ ਪੂਰਾ ਅਤੇ ਬਰਾਬਰ ਯੋਗਦਾਨ ਪਾਇਆ ਅਤੇ ਇਸ ਦੌਰਾਨ ਸਾਰੀ ਜਾਇਦਾਦ ਬਣੀ ਪਰ ਉਸ ਨੂੰ ਕੁਝ ਵੀ ਨਹੀਂ ਦਿੱਤਾ ਗਿਆ। ਲਾਅ ਫਰਮ ਸ਼ੇਕਸਪੀਅਰ ਮਾਰਟੀਨੇਊ ਦੇ ਇੱਕ ਸਾਥੀ ਹੈਲਡ ਵਿਨ ਨੇ ਕਿਹਾ ਕਿ "ਇਹ ਫ਼ੈਸਲਾ ਇਸ ਗੱਲ ਦਾ ਸਬੂਤ ਹੈ ਕਿ ਲੋਕਾਂ ਨੂੰ ਸਿਰਫ਼ ਵਸੀਅਤਾਂ ਤੋਂ ਨਹੀਂ ਕੱਟਿਆ ਜਾ ਸਕਦਾ, ਖਾਸ ਤੌਰ 'ਤੇ ਜੀਵਨਸਾਥੀ ਨੂ੍ੰ, ਜਿਸ ਨੇ ਕਾਫ਼ੀ ਸਾਲਾਂ ਤੱਕ ਸਾਥ ਨਿਭਾਇਆ ਹੋਵੇ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਪਾਕਿਸਤਾਨ ਸਥਿਤ TTP ਅਤੇ ਹਿਜ਼ਬੁਲ ਮੁਜਾਹਿਦੀਨ ਦਾ ਅੱਤਵਾਦੀ ਦਰਜਾ ਰਹੇਗਾ ਕਾਇਮ : ਬਲਿੰਕਨ
NEXT STORY 
