ਲਾਸ ਏਂਜਲਸ— ਨਿਊਯਾਰਕ ਅਤੇ ਸੈਨ ਫਰਾਂਸਿਸਕੋ 'ਚ ਸਤਰੰਗੀ ਕੱਪੜਿਆਂ 'ਚ ਗੇਅ, ਲੈਸੀਬੀਅਨ ਅਤੇ ਹੋਰ ਸਮਲਿੰਗੀ ਭਾਈਚਾਰੇ ਦੇ ਪ੍ਰਦਰਸ਼ਨਕਾਰੀਆਂ ਨੇ 30 ਜੂਨ ਦੀ ਇਤਿਹਾਸਕ ਪਰੇਡ 'ਚ ਹਿੱਸਾ ਲਿਆ। ਇਸ ਪਰੇਡ 'ਚ ਲਗਭਗ 1,50,000 ਲੋਕਾਂ ਨੇ ਹਿੱਸਾ ਲਿਆ। ਇਸ 'ਚ ਸਮਲਿੰਗੀ ਭਾਈਚਾਰੇ ਸਮੇਤ ਕਈ ਟੀ. ਵੀ. ਤੇ ਹਾਲੀਵੁੱਡ ਕਲਾਕਾਰ ਵੀ ਸ਼ਾਮਲ ਹੋਏ। 50 ਸਾਲ ਪਹਿਲਾਂ ਸੰਨ 1969 'ਚ ਸਟੇਨਵੇਲ ਨਾਂ ਦੇ ਗੇਅ ਵਿਅਕਤੀ ਨੂੰ ਪੁਲਸ ਨੇ ਕਈ ਤਸ਼ੱਦਦ ਦੇਣ ਮਗਰੋਂ ਮਾਰ ਦਿੱਤਾ ਸੀ ਤੇ ਇਸ ਤੋਂ ਬਾਅਦ ਹਰ ਸਾਲ ਪੁਲਸ ਦੇ ਤਸ਼ੱਦਦਾਂ ਦੇ ਵਿਰੋਧ 'ਚ ਦੁਨੀਆ ਭਰ 'ਚ ਪ੍ਰਾਈਡ ਪਰੇਡ ਹੁੰਦੀ ਹੈ।
ਐੱਲ. ਜੀ. ਬੀ. ਟੀ. ਭਾਈਚਾਰੇ ਦੇ ਹਰ ਉਮਰ ਦੇ ਪ੍ਰਦਰਸ਼ਨਕਾਰੀ ਨੇ ਹੱਥਾਂ 'ਚ ਝੰਡੇ ਫੜ ਕੇ ਨੱਚਦੇ-ਗਾਉਂਦੇ ਹੋਏ ਪਰੇਡ 'ਚ ਹਿੱਸਾ ਲਿਆ। ਬਹੁਤ ਸਾਰੇ ਲੋਕ ਮੋਟਰਸਾਈਕਲਾਂ 'ਤੇ ਸਵਾਰ ਸਨ। ਇਸ ਪਰੇਡ ਨੂੰ ਦੇਖਣ ਲਈ ਸੜਕ ਕਿਨਾਰੇ ਲੱਖਾਂ ਲੋਕ ਘੰਟਿਆਂ ਤਕ ਇੰਤਜ਼ਾਰ ਕਰਦੇ ਰਹੇ। ਇਹ ਪਰੇਡ ਜਿਸ ਵੀ ਰਾਹ 'ਚੋਂ ਨਿਕਲੀ, ਉੱਥੇ ਬੰਦੋਬਸਤ 'ਚ ਲੱਗੀ ਸਥਾਨਕ ਪੁਲਸ ਨੇ ਉਨ੍ਹਾਂ ਨੂੰ ਸੈਲਿਊਟ ਕੀਤਾ। ਇਸ ਵਾਰ ਨਿਊਯਾਰਕ ਪਰੇਡ 'ਚ ਦੁਨੀਆ ਦੇ ਵੱਖ-ਵੱਖ 150 ਸਥਾਨਾਂ ਤੋਂ ਆਏ ਗੇਅ ਪ੍ਰਦਰਸ਼ਨਕਾਰੀਆਂ ਨੇ ਹਿੱਸਾ ਲਿਆ।
ਇਸ ਪਰੇਡ 'ਚ ਪ੍ਰਦਰਸ਼ਨਕਾਰੀ ਹੱਥਾਂ 'ਚ ਬੈਨਰ ਅਤੇ ਤਖਤੀਆਂ ਰਾਹੀਂ ਇਕ ਸੰਦੇਸ਼ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਸਨ ਕਿ ਉਹ ਵੀ ਸਮਾਜ ਦੇ ਸਨਮਾਨਿਤ ਨਾਗਰਿਕ ਹਨ। ਉਨ੍ਹਾਂ ਨੂੰ ਬਿਨਾਂ ਵਿਰੋਧ ਦੇ ਆਮ ਨਾਗਰਿਕਾਂ ਵਾਂਗ ਸਨਮਾਨ ਦਿੱਤਾ ਜਾਵੇ। ਪੂਰਾ ਸ਼ਹਿਰ ਸਤਰੰਗੀ ਝੰਡਿਆਂ ਨਾਲ ਸਜਿਆ ਹੋਇਆ ਸੀ। ਬਹੁਤ ਸਾਰੇ ਦੇਸ਼ਾਂ ਨੇ ਸਮਲਿੰਗੀ ਭਾਈਚਾਰੇ ਨੂੰ ਖੁੱਲ੍ਹ ਕੇ ਜ਼ਿੰਦਗੀ ਜਿਊਣ ਦੀ ਆਜ਼ਾਦੀ ਦਿੱਤੀ ਹੈ, ਹਾਲਾਂਕਿ ਕਈ ਦੇਸ਼ਾਂ 'ਚ ਅਜਿਹਾ ਨਹੀਂ ਹੈ।
ਪ੍ਰਿੰਸ ਵਿਲੀਅਮ ਅਤੇ ਕੇਟ ਇਸ ਸਾਲ ਕਰਨਗੇ ਪਾਕਿਸਤਾਨ ਦਾ ਦੌਰਾ
NEXT STORY 
