ਕਾਹਿਰਾ (ਇੰਟ): ਮਿਸਰ ਵਿਚ ਇਕ ਵਿਅਕਤੀ ਨੇ ਆਪਣੀਆਂ ਤਿੰਨ ਬੇਟੀਆਂ ਦੇ ਕੋਰੋਨਾ ਵਾਇਰਸ ਦਾ ਟੀਕਾ ਲਗਵਾਉਣ ਦੇ ਨਾਂ 'ਤੇ ਗੁਪਤਅੰਗ (female genital mutilation) ਕੱਟਵਾ ਦਿੱਤੇ। ਪਿਤਾ 'ਤੇ ਦੋਸ਼ ਹੈ ਕਿ ਇਹ ਕੰਮ ਉਸ ਨੇ ਇਕ ਡਾਕਟਰ ਦੇ ਨਾਲ ਮਿਲ ਕੇ ਕੀਤਾ ਹੈ। ਇਸ ਬਾਰੇ ਲੜਕੀਆਂ ਦੇ ਵਕੀਲ ਨੇ ਕਿਹਾ ਕਿ ਪੀੜਕ ਲੜਕੀਆਂ ਦੇ ਪਿਤਾ ਨੇ ਉਨ੍ਹਾਂ ਨੂੰ ਕਿਹਾ ਕਿ ਉਨ੍ਹਾਂ ਨੂੰ ਕੋਰੋਨਾ ਵਾਇਰਸ ਦਾ ਟੀਕਾ ਲਗਾਇਆ ਜਾਵੇਗਾ। ਲੜਕੀਆਂ ਨੂੰ ਸਮਝਾਉਣ ਤੋਂ ਬਾਅਦ ਪਿਤਾ ਨੇ ਡਾਕਟਰ ਨੂੰ ਘਰੇ ਬੁਲਾਇਆ ਤੇ ਇਸ ਘਟਨਾ ਨੂੰ ਅੰਜਾਮ ਦਿੱਤਾ।
FMG ਨੂੰ 2008 ਵਿਚ ਹੀ ਗੈਰ-ਕਾਨੂੰਨੀ ਮੰਨ ਲਿਆ ਗਿਆ
ਪਿਤਾ ਤੇ ਡਾਕਟਰ 'ਤੇ ਇਹ ਦੋਸ਼ ਲੱਗਿਆ ਹੈ ਕਿ 18 ਸਾਲ ਤੋਂ ਘੱਟ ਦੀ ਉਮਰ ਦੀਆਂ ਲੜਕੀਆਂ ਨੂੰ ਡਰੱਗ ਦਿੱਤਾ ਗਿਆ ਤੇ ਉਨ੍ਹਾਂ ਦੇ ਗੁਪਤਅੰਗ ਕੱਟ ਦਿੱਤੇ ਗਏ। ਜ਼ਿਕਰਯੋਗ ਹੈ ਕਿ ਮਿਸਰ ਵਿਚ 2008 ਵਿਚ ਹੀ ਗੁਪਤ ਅੰਗ ਕੱਟਣ FGM ਨੂੰ ਗੈਰ-ਕਾਨੂੰਨੀ ਬਣਾ ਦਿੱਤਾ ਗਿਆ ਸੀ। ਇਸ ਦੇ ਬਾਵਜੂਦ ਉਥੇ ਇਹ ਸਭ ਅਜੇ ਵੀ ਚੱਲ ਰਿਹਾ ਹੈ। ਲੜਕੀਆਂ ਨੇ ਆਪਣੀ ਮਾਂ, ਜੋ ਆਪਣੇ ਪਤੀ ਤੋਂ ਤਲਾਕ ਲੈ ਚੁੱਕੀ ਹੈ, ਨੂੰ ਕਿਹਾ ਕਿ ਉਨ੍ਹਾਂ ਨੇ ਇਸ ਘਟਨਾ ਬਾਰੇ ਅਧਿਕਾਰੀਆਂ ਨੂੰ ਸੂਚਿਤ ਕਰ ਦਿੱਤਾ ਹੈ।
ਪੀੜਤਾ ਨੇ ਬਿਆਨ ਕੀਤਾ ਦਰਦ
ਦੁਨੀਆ ਵਿਚ ਅਜੇ ਕਿਸੇ ਵੀ ਦੇਸ਼ ਵਿਚ ਕੋਰੋਨਾ ਵਾਇਰਸ ਦਾ ਟੀਕਾ ਵਰਤਮਾਨ ਵਿਚ ਮੌਜੂਦ ਨਹੀਂ ਹੈ। ਹਾਲਾਂਕਿ ਇਸ ਟੀਕੇ ਨੂੰ ਵਿਕਸਿਤ ਕਰਨ ਲਈ ਗਲੋਬਲ ਪੱਧਰ 'ਤੇ ਪ੍ਰੀਖਣ ਚੱਲ ਰਹੇ ਹਨ। ਬੀਬੀਸੀ ਮੁਤਾਬਕ ਪੀੜਤਾ ਨੇ ਬਿਆਨ ਵਿਚ ਕਿਹਾ ਕਿ ਉਹ ਬੇਹੋਸ਼ ਹੋ ਗਈਆਂ ਤੇ ਜਦੋਂ ਉਹ ਹੋਸ਼ ਵਿਚ ਆਈਆਂ ਤਾਂ ਆਪਣੇ ਪੈਰਾਂ ਨੂੰ ਬੰਨ੍ਹੇ ਦੇਖ ਤੇ ਆਪਣੇ ਗੁਪਤਅੰਗ ਵਿਚ ਦਰਦ ਕਾਰਣ ਉਹ ਹੈਰਾਨ ਸਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇਚੀਨ ਖਿਲਾਫ ਅਮਰੀਕਾ ਸਮੇਤ 8 ਦੇਸ਼ਾਂ ਨੇ ਬਣਾਇਆ ਅਲਾਇੰਸ
NEXT STORY 
