ਵੈਲਿੰਗਟਨ (ਬਿਊਰੋ): ਇਸ ਦੇਸ਼ ਨੇ ਨੌਜਵਾਨਾਂ ਨੂੰ 'ਬ੍ਰੇਕਅੱਪ' ਤੋਂ ਉਭਰਨ 'ਚ ਮਦਦ ਲਈ ਜਾਰੀ ਕੀਤਾ ਕਰੋੜਾਂ ਦਾ 'ਫੰਡ'ਕਈ ਵਾਰ ਡਿਪਰੈਸ਼ਨ ਇੰਨਾ ਵੱਧ ਜਾਂਦਾ ਹੈ ਕਿ ਬੱਚੇ ਖੁਦਕੁਸ਼ੀ ਤੱਕ ਕਰ ਲੈਂਦੇ ਹਨ। ਅਜਿਹੇ 'ਚ ਨਿਊਜ਼ੀਲੈਂਡ ਦੀ ਸਰਕਾਰ ਨੇ ਆਪਣੇ ਦੇਸ਼ ਦੇ ਨਾਬਾਲਗ ਬੱਚਿਆਂ ਦੇ ਬ੍ਰੇਕਅੱਪ ਤੋਂ ਉਭਰਨ ਲਈ ਕਰੋੜਾਂ ਦੇ ਫੰਡ ਦਾ ਐਲਾਨ ਕੀਤਾ ਹੈ। ਇਹ ਫੰਡ 'ਲਵ ਬੈਟਰ ਮੁਹਿੰਮ' ਤਹਿਤ ਖਰਚ ਕੀਤਾ ਜਾਵੇਗਾ। ਇਸ ਰਾਹੀਂ ਛੋਟੀ ਉਮਰ ਦੇ ਨੌਜਵਾਨਾਂ ਨੂੰ ਬ੍ਰੇਕਅੱਪ ਤੋਂ ਬਾਅਦ ਮਦਦ ਕੀਤੀ ਜਾਵੇਗੀ। ਇਸ ਰਾਹੀਂ ਉਨ੍ਹਾਂ ਨੂੰ ਜ਼ਿੰਦਗੀ ਵਿੱਚ ਅੱਗੇ ਵਧਣ ਦੀ ਪ੍ਰੇਰਣਾ, ਰਿਸ਼ਤਿਆਂ ਵਿੱਚ ਆਏ ਘਾਟੇ ਨੂੰ ਘੱਟ ਕਰਨ ਅਤੇ ਉਦਾਸੀ ਨੂੰ ਦੂਰ ਕਰਨ ਦੇ ਤਰੀਕੇ ਸਿਖਾਏ ਜਾਣਗੇ।
ਨਿਊਜ਼ੀਲੈਂਡ ਵਿੱਚ ਲਵ ਬੈਟਰ ਮੁਹਿੰਮ ਦੀ ਸ਼ੁਰੂਆਤ
ਨਿਊਜ਼ੀਲੈਂਡ ਦੇ ਸਮਾਜਿਕ ਵਿਕਾਸ ਮੰਤਰਾਲੇ ਨੇ ਬੁੱਧਵਾਰ ਨੂੰ ਲਵ ਬੈਟਰ ਮੁਹਿੰਮ ਦੀ ਸ਼ੁਰੂਆਤ ਕੀਤੀ। ਇਸ ਰਾਹੀਂ ਤਿੰਨ ਸਾਲਾਂ ਵਿੱਚ 4 ਮਿਲੀਅਨ ਡਾਲਰ ਦਾ ਬਜਟ ਖਰਚ ਕੀਤਾ ਜਾਵੇਗਾ। ਭਾਰਤੀ ਰੁਪਏ 'ਚ ਇਹ ਰਕਮ 33 ਕਰੋੜ ਦੇ ਕਰੀਬ ਬਣਦੀ ਹੈ। ਇਹ ਮੁਹਿੰਮ ਨਿਊਜ਼ੀਲੈਂਡ ਦੇ ਨੌਜਵਾਨਾਂ ਵੱਲੋਂ ਚਲਾਈ ਜਾਵੇਗੀ। ਹਾਲਾਂਕਿ ਉਹ ਸਰਕਾਰ ਦੇ ਸਮਾਜਿਕ ਵਿਕਾਸ ਮੰਤਰਾਲੇ ਤੋਂ ਫੰਡ ਪ੍ਰਾਪਤ ਕਰਨਗੇ। ਨਿਊਜ਼ੀਲੈਂਡ ਦੀ ਸਰਕਾਰ ਦਾ ਕਹਿਣਾ ਹੈ ਕਿ ਦੇਸ਼ ਵਿੱਚ ਨੌਜਵਾਨਾਂ ਦਾ ਟੁੱਟਣਾ ਇੱਕ ਗੰਭੀਰ ਸਮੱਸਿਆ ਬਣ ਰਿਹਾ ਹੈ। ਸਰਕਾਰ ਨੇ ਇਸ ਨੂੰ ਵੱਡਾ ਮੁੱਦਾ ਮੰਨਿਆ ਹੈ। ਅਜਿਹੀ ਸਥਿਤੀ ਵਿੱਚ ਇਸ ਦੇ ਨਿਦਾਨ ਲਈ ਕੁਝ ਫੰਡ ਜਾਰੀ ਕੀਤੇ ਜਾ ਰਹੇ ਹਨ।
ਬ੍ਰੇਕਅੱਪ ਕਾਰਨ ਨੌਜਵਾਨ ਹੋ ਰਹੇ ਬਰਬਾਦ
ਨਿਊਜ਼ੀਲੈਂਡ ਦੇ ਸਮਾਜਿਕ ਵਿਕਾਸ ਅਤੇ ਰੁਜ਼ਗਾਰ ਮੰਤਰੀ ਪ੍ਰਿਯੰਕਾ ਰਾਧਾਕ੍ਰਿਸ਼ਨਨ ਨੇ ਕਿਹਾ ਕਿ ਦੇਸ਼ ਵਿੱਚ 1,200 ਤੋਂ ਵੱਧ ਨੌਜਵਾਨਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਬ੍ਰੇਕਅੱਪ ਦੇ ਸ਼ੁਰੂਆਤੀ ਤਜ਼ਰਬਿਆਂ ਨਾਲ ਨਜਿੱਠਣ ਲਈ ਸਹਿਯੋਗ ਅਤੇ ਸਮਰਥਨ ਦੀ ਲੋੜ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਦੇਸ਼ ਵਿੱਚ ਬ੍ਰੇਕਅੱਪ ਨੂੰ ਇੱਕ ਸਾਂਝੀ ਚੁਣੌਤੀ ਵਜੋਂ ਪਛਾਣਿਆ ਹੈ। ਇਸ ਮੁਹਿੰਮ ਲਈ ਇਕ ਪ੍ਰਮੋਸ਼ਨਲ ਵੀਡੀਓ ਵੀ ਬਣਾਇਆ ਗਿਆ ਹੈ, ਜਿਸ 'ਚ ਲਿਖਿਆ ਹੈ ਕਿ 'ਬ੍ਰੇਕਅੱਪਸ ਸੱਕ'। ਇਸ ਵੀਡੀਓ ਵਿੱਚ ਨਿਊਜ਼ੀਲੈਂਡ ਦੇ ਨੌਜਵਾਨਾਂ ਨੂੰ ਦਿਖਾਇਆ ਗਿਆ ਹੈ ਕਿ ਕਿਵੇਂ ਉਹ ਆਪਣੇ ਐਕਸ ਨੂੰ ਬਲਾਕ ਕਰਨ ਅਤੇ ਆਪਣੇ ਪੁਰਾਣੇ ਸਬੰਧਾਂ ਤੋਂ ਅੱਗੇ ਵਧਣ ਦੀ ਲੋੜ ਬਾਰੇ ਗੱਲ ਕਰ ਸਕਦੇ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ-ਈਰਾਨ 'ਚ ਤਿੰਨ ਸਾਲਾਂ ਤੋਂ ਫਸੇ 5 ਭਾਰਤੀ ਅੱਜ ਪਰਤਣਗੇ ਵਤਨ, ਬਿਨਾਂ ਦੋਸ਼ 403 ਦਿਨ ਹਿਰਾਸਤ 'ਚ ਵੀ ਰਹੇ
ਹੈਲਪਲਾਈਨ ਨੰਬਰ ਵੀ ਸ਼ਾਮਲ
ਇਸ ਮੁਹਿੰਮ ਦੀ ਟੈਗਲਾਈਨ ''ਓਨ ਦਿ ਫੀਲਸ'' ਰੱਖੀ ਗਈ ਹੈ। ਇਸ ਵਿੱਚ ਬ੍ਰੇਕਅੱਪ ਨਾਲ ਜੂਝ ਰਹੇ ਨੌਜਵਾਨਾਂ ਲਈ ਇੱਕ ਸਮਰਪਿਤ ਫ਼ੋਨ, ਟੈਕਸਟ ਜਾਂ ਈਮੇਲ ਹੈਲਪਲਾਈਨ ਸ਼ਾਮਲ ਹੈ। ਇਸ ਨੂੰ ਯੂਥਲਾਈਨ ਨਾਮ ਦੇ ਨੌਜਵਾਨਾਂ ਦੇ ਸਮੂਹ ਦੁਆਰਾ ਚਲਾਇਆ ਜਾਵੇਗਾ। ਇਸ ਹੈਲਪਲਾਈਨ ਰਾਹੀਂ 12 ਤੋਂ 24 ਸਾਲ ਦੀ ਉਮਰ ਦੇ ਨੌਜਵਾਨਾਂ ਨੂੰ ਬ੍ਰੇਕਅੱਪ ਤੋਂ ਉਭਰਨ ਵਿੱਚ ਮਦਦ ਕੀਤੀ ਜਾਵੇਗੀ। ਇਸ ਹੈਲਪਲਾਈਨ ਨੂੰ ਚਲਾਉਣ ਲਈ ਸਰਕਾਰ ਨੇ 33 ਕਰੋੜ ਰੁਪਏ ਦੇ ਫੰਡ ਦਾ ਐਲਾਨ ਕੀਤਾ ਹੈ। ਮੰਤਰੀ ਰਾਧਾਕ੍ਰਿਸ਼ਨਨ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਹ ਦੂਜਿਆਂ ਨੂੰ ਆਪਣੀ ਤਾਕਤ, ਆਪਣੀ ਆਤਮਾ ਦੀ ਆਵਾਜ਼ ਅਤੇ ਆਪਣੇ ਮਜ਼ਬੂਤ ਸਵੈ ਨੂੰ ਦਿਖਾਉਣ ਦਾ ਇੱਕ ਪ੍ਰਮਾਣਿਕ ਤਰੀਕਾ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਹਾਂਗਕਾਂਗ 'ਚ 4 ਯਾਤਰੀ ਬੱਸਾਂ ਅਤੇ ਟਰੱਕ ਦੀ ਹੋਈ ਟੱਕਰ, ਬੱਚਿਆਂ ਸਣੇ 70 ਦੇ ਕਰੀਬ ਲੋਕ ਜ਼ਖ਼ਮੀ
NEXT STORY 
