ਪੈਰਿਸ (ਵਾਰਤਾ): ਫਰਾਂਸ ਵਿਚ ਇਕ ਵਿਵਾਦਤ ਪੈਨਸ਼ਨ ਸੁਧਾਰ ਖ਼ਿਲਾਫ਼ ਪ੍ਰਦਰਸ਼ਨਾਂ ਦੌਰਾਨ ਹਿਰਾਸਤ ਵਿਚ ਲਏ ਗਏ ਲੋਕਾਂ ਦੀ ਗਿਣਤੀ ਵਧ ਕੇ 310 ਹੋ ਗਈ ਹੈ। ਫਰਾਂਸ ਦੇ ਗ੍ਰਹਿ ਮੰਤਰੀ ਗੇਰਾਲਡ ਡਰਮਨਿਨ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਡਰਮਨਿਨ ਨੇ ਆਰਟੀਐਲ ਪ੍ਰਸਾਰਕ ਨੂੰ ਦੱਸਿਆ ਕਿ "ਪੈਰਿਸ ਵਿੱਚ ਵੀਰਵਾਰ ਨੂੰ 258 ਅਤੇ ਦੇਸ਼ ਭਰ ਵਿੱਚ ਲਗਭਗ 310 ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਸੀ।" ਫਰਾਂਸ ਦੀ ਪ੍ਰਧਾਨ ਮੰਤਰੀ ਐਲੀਜ਼ਾਬੈਥ ਬੋਰਨ ਨੇ ਕਿਹਾ ਕਿ ਸਰਕਾਰ ਨੇ ਸੰਵਿਧਾਨ ਦੀ ਧਾਰਾ 49.3 ਨੂੰ ਲਾਗੂ ਕਰਕੇ ਸੇਵਾਮੁਕਤੀ ਦੀ ਉਮਰ 62 ਤੋਂ ਵਧਾ ਕੇ 62 ਸਾਲ ਕਰਨ 'ਤੇ ਕਾਨੂੰਨ ਅਪਨਾਇਆ ਸੀ, ਜਿਸ ਨੇ ਸਰਕਾਰ ਨੂੰ ਸੰਸਦੀ ਮਨਜ਼ੂਰੀ ਦੇ ਬਿਨਾਂ ਬਿੱਲ ਪਾਸ ਕਰਨ ਦੀ ਇਜਾਜ਼ਤ ਦਿੱਤੀ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਸਕਾਟਲੈਂਡ 'ਚ ਔਰਤ ਨੂੰ 48 ਸਾਲਾਂ ਬਾਅਦ ਹਸਪਤਾਲ ਤੋਂ ਮਿਲੇ ਪੁੱਤਰ ਦੇ 'ਅਵਸ਼ੇਸ਼'
ਇਸ ਫ਼ੈਸਲੇ 'ਤੇ ਜ਼ੋਰਦਾਰ ਪ੍ਰਤੀਕਿਰਿਆ ਹੋਈ, ਜਿਸ ਨੇ ਲੋਕਾਂ ਨੂੰ ਦੇਸ਼ ਭਰ ਵਿੱਚ ਸੜਕਾਂ 'ਤੇ ਆਉਣ ਲਈ ਪ੍ਰੇਰਿਆ। ਪਿਛਲੀਆਂ ਰਿਪੋਰਟਾਂ ਨੇ ਸੰਕੇਤ ਦਿੱਤਾ ਸੀ ਕਿ ਹਿੰਸਕ ਝੜਪਾਂ ਦੇ ਨਤੀਜੇ ਵਜੋਂ 217 ਲੋਕਾਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਸੀ। ਜਨਵਰੀ ਵਿੱਚ ਬੋਰਨ ਨੇ ਵਿਵਾਦਗ੍ਰਸਤ ਪੈਨਸ਼ਨ ਸੁਧਾਰ ਦਾ ਇੱਕ ਖਰੜਾ ਪੇਸ਼ ਕੀਤਾ ਜੋ ਸਰਕਾਰ 2023 ਵਿੱਚ ਅਪਣਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਸੁਧਾਰ ਪ੍ਰਾਜੈਕਟ ਦੇ ਤਹਿਤ ਫਰਾਂਸੀਸੀ ਅਧਿਕਾਰੀ 01 ਸਤੰਬਰ, 2023 ਤੋਂ ਹੌਲੀ-ਹੌਲੀ ਦੇਸ਼ ਵਿੱਚ ਸੇਵਾਮੁਕਤੀ ਦੀ ਉਮਰ ਨੂੰ ਤਿੰਨ ਮਹੀਨੇ ਪ੍ਰਤੀ ਸਾਲ ਵਧਾਉਣ ਦਾ ਇਰਾਦਾ ਰੱਖਦੇ ਹਨ। ਸਾਲ 2030 ਤੱਕ ਸੇਵਾਮੁਕਤੀ ਦੀ ਉਮਰ 64 ਸਾਲ ਹੋ ਜਾਵੇਗੀ। ਖਰੜਾ ਸੁਧਾਰ ਨੇ ਫਰਾਂਸੀਸੀ ਸਮਾਜ ਵਿੱਚ ਭਾਰੀ ਪ੍ਰਤੀਕਰਮ ਪੈਦਾ ਕੀਤਾ ਹੈ। ਫਰਾਂਸ ਵਿੱਚ ਪਿਛਲੇ ਦੋ ਮਹੀਨਿਆਂ ਵਿੱਚ ਪਹਿਲਾਂ ਹੀ ਸੱਤ ਆਮ ਹੜਤਾਲਾਂ ਅਤੇ ਸੈਂਕੜੇ ਪ੍ਰਦਰਸ਼ਨ ਹੋ ਚੁੱਕੇ ਹਨ, ਜਿਨ੍ਹਾਂ ਵਿੱਚੋਂ ਜ਼ਿਆਦਾਤਰ ਵਿੱਚ 10 ਲੱਖ ਤੋਂ ਵੱਧ ਲੋਕ ਸ਼ਾਮਲ ਹੋਏ। ਪ੍ਰਦਰਸ਼ਨ ਦੌਰਾਨ ਕਈ ਵਾਰ ਪੁਲਿਸ ਅਤੇ ਪ੍ਰਦਰਸ਼ਨਕਾਰੀਆਂ ਵਿਚਕਾਰ ਝੜਪਾਂ ਵੀ ਹੋਈਆਂ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸਕਾਟਲੈਂਡ 'ਚ ਔਰਤ ਨੂੰ 48 ਸਾਲਾਂ ਬਾਅਦ ਹਸਪਤਾਲ ਤੋਂ ਮਿਲੇ ਪੁੱਤਰ ਦੇ 'ਅਵਸ਼ੇਸ਼'
NEXT STORY 
