ਇਸਲਾਮਾਬਾਦ (ਭਾਸ਼ਾ): ਪਾਕਿਸਤਾਨ ਦੇ ਪੰਜਾਬ ਸੂਬੇ ਵਿਚ ਸਰਕਾਰ ਨੇ ਪਾਕਿਸਤਾਨ ਮੁਸਲੀਮ ਲੀਗ-ਨਵਾਜ਼ (ਪੀ.ਐੱਮ.ਐੱਲ.-ਐੱਨ.) ਦੇ ਨੇਤਾ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਦੀ ਮੈਡੀਕਲ ਰਿਪੋਰਟ ਨੂੰ ਖਾਰਿਜ ਕਰ ਦਿੱਤਾ ਹੈ। ਦਾਅਵਾ ਕੀਤਾ ਗਿਆ ਹੈ ਕਿ ਇਸ ਰਿਪੋਰਟ ਨੂੰ ਲੰਡਨ ਵਿਚ ਕਿਸੇ ਇਕ ਨਿੱਜੀ ਡਾਕਟਰ ਵੱਲੋਂ ਤਿਆਰ ਕੀਤਾ ਗਿਆ ਹੈ। ਦੀ ਐਕਸਪ੍ਰੈੱਸ ਟ੍ਰਿਬਿਊਨ ਵੱਲੋਂ ਪ੍ਰਾਪਤ ਜਾਣਕਾਰੀ ਮੁਤਾਬਕ ਮੈਡੀਕਲ ਰਿਪੋਰਟ ਵਿਚ ਸ਼ਰੀਫ ਦੇ ਇਲਾਜ ਦੇ ਬਾਰੇ ਵਿਚ ਉਹਨਾਂ ਦੇ ਬਲੱਡ ਪਲੇਟਲੇਟ ਕਾਊਂਟ ਦੇ ਸੰਬੰਧ ਵਿਚ ਘੱਟ ਜਾਣਕਾਰੀ ਦਿੱਤੀ ਗਈ ਹੈ। ਇੱਥੇ ਦੱਸ ਦਈਏ ਕਿ ਜੇਲ ਦੀ ਸਜ਼ਾ ਕੱਟ ਰਹੇ ਨਵਾਜ਼ ਨੂੰ ਵਿਗੜਦੀ ਤਬੀਅਤ ਅਤੇ ਪਲੇਟਲੇਟ ਕਾਊਂਟ ਵਿਚ ਲਗਾਤਾਰ ਗਿਰਾਵਟ ਦੇ ਬਾਅਦ ਆਪਣੀ ਬੀਮਾਰੀ ਦੇ ਇਲਾਜ ਲਈ ਵਿਦੇਸ਼ ਜਾ ਕੇ ਇਲਾਜ ਕਰਾਉਣ ਦੀ ਇਜਾਜ਼ਤ ਦਿੱਤੀ ਗਈ ਸੀ।
ਸੂਤਰਾਂ ਨੇ ਦਾਅਵਾ ਕੀਤਾ ਹੈ ਕਿ ਨਵਾਜ਼ ਨੇ ਇਕ ਅਜਿਹੇ ਡਾਕਟਰ ਵੱਲੋਂ ਤਿਆਰ ਕੀਤੀ ਮੈਡੀਕਲ ਰਿਪੋਰਟ ਭੇਜੀ, ਜਿਸ ਨੇ ਲੰਡਨ ਵਿਚ ਉਹਨਾਂ ਦਾ ਚੈਕਅੱਪ ਹੀ ਨਹੀਂ ਕੀਤਾ। ਯੂਕੇ ਨਿਯਮਾਂ ਦੇ ਮੁਤਾਬਕ ਮਰੀਜ਼ ਦੀ ਮੈਡੀਕਲ ਰਿਪੋਰਟ ਉਹੀ ਡਾਕਟਰ ਤਿਆਰ ਕਰ ਸਕਦਾ ਹੈ ਜੋ ਨਿਯਮਿਤ ਰੂਪ ਨਾਲ ਚੈਕਅੱਪ ਕਰ ਰਿਹਾ ਹੋਵੇ ਅਤੇ ਨਾਲ ਹੀ ਉਸ ਨੂੰ ਮਰੀਜ਼ ਦੇ ਮੈਡੀਕਲ ਇਤਿਹਾਸ ਬਾਰੇ ਜਾਣਕਾਰੀ ਹੋਵੇ।
ਖਬਰਾਂ ਮੁਤਾਬਕ ਸ਼ਰੀਫ ਨੇ ਪਲੇਟਲੇਟ ਦੀ ਕਮੀ ਅਤੇ ਆਈ.ਟੀ.ਪੀ. ਬੀਮਾਰੀ ਲਈ ਚਾਰ ਕਾਰਡੀਯਕ ਚੈਕਅੱਪ ਕਰਵਾਏ ਹਨ ਜਦਕਿ ਇਕ ਕਾਰਡੀਓਲੋਜੀਸਟ ਨੇ ਕੁਝ ਟੈਸਟ ਕਰਵਾਉਣ ਲਈ ਕਿਹਾ ਹੈ। ਦਿਲ ਦੇ ਮਾਹਰ ਸਾਈਮਨ ਬ੍ਰੇਟ ਵੁਡ ਨੇ ਲੰਡਨ ਦੇ ਗਾਈ ਹਸਪਤਾਲ ਵਿਚ ਨਵਾਜ਼ ਦੇ ਤਿੰਨ ਚੈਕਅੱਪ ਕਰਾਉਣ ਦੇ ਬਾਅਦ ਐਂਜਿਓਪਲਾਸਟੀ ਕਰਾਉਣ ਲਈ ਕਿਹਾ। ਭਾਵੇਂਕਿ ਸੂਤਰਾਂ ਦਾ ਕਹਿਣਾ ਹੈ ਕਿ ਸਪੈਸ਼ਲਿਸਟ ਵੁਡ ਵੱਲੋਂ ਕੋਈ ਰਿਪੋਰਟ ਸਰਕਾਰ ਨੂੰ ਸੌਂਪੀ ਨਹੀਂ ਗਈ।
ਚਿਲੀ 'ਚ ਪੁਲਸ ਦੀ ਕਾਰਵਾਈ ਖਿਲਾਫ ਸੜਕਾਂ 'ਤੇ ਉਤਰੇ ਸੈਂਕੜੇ ਲੋਕ
NEXT STORY