ਇਸਲਾਮਾਬਾਦ (ਬਿਊਰੋ)— ਪਾਕਿਸਤਾਨ ਭਾਰਤ ਦੀ ਅਰਥਵਿਵਸਥਾ ਨੂੰ ਅਸਥਿਰ ਕਰਨਾ ਚਾਹੁੰਦਾ ਹੈ। ਨੋਟਬੰਦੀ ਦੇ ਲੱਗਭਗ 3 ਸਾਲ ਬਾਅਦ ਪਾਕਿਸਤਾਨ ਹੁਣ ਨਵੇਂ ਨਕਲੀ ਨੋਟਾਂ ਜ਼ਰੀਏ ਭਾਰਤ ਨੂੰ ਨੁਕਸਾਨ ਪਹੁੰਚਾ ਰਿਹਾ ਹੈ। ਸੀਨੀਅਰ ਅਧਿਕਾਰੀਆਂ ਨੇ ਦੱਸਿਆ ਕਿ 2016 ਤੋਂ ਪਹਿਲਾਂ ਪਾਕਿਸਤਾਨ ਤੋਂ ਨਕਲੀ ਕਰੰਸੀ ਦੀ ਇਕ ਵੱਡੀ ਮਾਤਰਾ ਜਿਸ ਤਰ੍ਹਾਂ ਆਪਣੇ ਗਿਰੋਹ, ਸਿੰਡੀਕੇਟਾਂ, ਚੈਨਲਾਂ ਅਤੇ ਰਸਤਿਆਂ ਜ਼ਰੀਏ ਭਾਰਤ ਪਹੁੰਚਾਈ ਜਾਂਦੀ ਸੀ ਉਨ੍ਹਾਂ ਰਸਤਿਆਂ ਦੀ ਵਰਤੋਂ ਕਰ ਕੇ ਪਾਕਿਸਤਾਨ ਇਕ ਵਾਰ ਫਿਰ ਵੱਡੀ ਮਾਤਰਾ ਵਿਚ ਨਕਲੀ ਨੋਟਾਂ ਨੂੰ ਭਾਰਤ ਭੇਜ ਰਿਹਾ ਹੈ।
ਹੈਰਾਨੀ ਦੀ ਗੱਲ ਇਹ ਹੈ ਕਿ ਪਾਕਿਸਤਾਨ, ਨੇਪਾਲ , ਬੰਗਲਾਦੇਸ਼ ਅਤੇ ਹੋਰ ਦੇਸ਼ਾਂ ਵਿਚ ਨਕਲੀ ਭਾਰਤੀ ਨੋਟਾਂ ਦੀ ਖੇਪ ਲਿਆਉਣ ਅਤੇ ਵੰਡਣ ਲਈ ਡਿਪਲੋਮੈਟਿਕ ਚੈਨਲਾਂ ਦੀ ਦੁਰਵਰਤੋਂ ਕਰਦਾ ਰਿਹਾ ਹੈ। ਸੂਤਰਾਂ ਮੁਤਾਬਕ ਪਾਕਿਸਤਾਨ ਦੀ ਖੁਫੀਆ ਏਜੰਸੀ ਆਈ.ਐੱਸ.ਆਈ. ਨੇ ਪਹਿਲਾਂ ਦੇ ਨਕਲੀ ਨੋਟਾਂ ਦੀਆਂ ਕਾਪੀਆਂ ਦੇ ਮੁਕਾਬਲੇ ਹੁਣ ਬਿਹਤਰ ਤਰੀਕੇ ਨਾਲ ਛਾਪਣ ਦੀ ਕਲਾ ਲੱਭ ਲਈ ਹੈ, ਤਾਂ ਜੋ ਭਾਰਤ ਵਿਚ ਬਿਹਤਰ ਗੁਣਵੱਤਾ ਵਾਲੇ ਨਕਲੀ ਨੋਟਾਂ ਦੀ ਖੇਪ ਭੇਜੀ ਜਾ ਸਕੇ। ਸੂਤਰਾਂ ਨੇ ਦੱਸਿਆ ਕਿ ਪਾਕਿਸਤਾਨ ਭਾਰਤ ਵਿਚ ਚੱਲਣ ਵਾਲੇ ਨਵੇਂ ਨੋਟ ਦੀ ਹੂਬਹੂ ਨਕਲ ਤਿਆਰ ਕਰ ਕੇ ਲਸ਼ਕਰ-ਏ-ਤੋਇਬਾ ਅਤੇ ਜੈਸ਼-ਏ-ਮੁਹੰਮਦ ਜਿਹੇ ਅੱਤਵਾਦੀ ਸੰਗਠਨਾਂ ਨੂੰ ਮੁੱਹਈਆ ਕਰਵਾ ਰਿਹਾ ਹੈ।
ਜਾਂਚ ਵਿਚ ਪਾਇਆ ਗਿਆ ਕਿ ਕਰਾਚੀ ਦੇ 'ਮਲੀਰ-ਹਾਲਟ' ਇਲਾਕੇ ਦੇ ਪਾਕਿਸਤਾਨ ਦੇ ਸਿਕਓਰਿਟੀ ਪ੍ਰੈੱਸ ਵਿਚ ਛਾਪੇ ਜਾ ਰਹੇ ਨਕਲੀ ਨੋਟ ਵਿਚ ਪਹਿਲੀ ਵਾਰ 'ਆਪਟੀਕਲ ਵੇਰੀਏਬਲ ਇੰਕ' ਦੀ ਵਰਤੋਂ ਹੋ ਰਹੀ ਹੈ ਜੋ 2000 ਦੇ ਨੋਟ ਦੇ ਧਾਗੇ 'ਤੇ ਵਰਤੀ ਜਾਂਦੀ ਹੈ। ਇਸ ਰੰਗ ਦੀ ਖਾਸੀਅਤ ਹੁੰਦੀ ਹੈ ਕਿ ਨੋਟ 'ਤੇ ਇਹ ਹਰੇ ਰੰਗ ਦੀ ਨਜ਼ਰ ਆਉਂਦੀ ਹੈ। ਜਦਕਿ ਨੋਟ ਦੀ ਦਿਸ਼ਾ ਬਦਲਣ 'ਤੇ ਇਸ ਦਾ ਰੰਗ ਬਦਲ ਕੇ ਨੀਲਾ ਹੋ ਜਾਂਦਾ ਹੈ। ਨਕਲੀ ਨੋਟਾਂ ਨੂੰ ਭਾਰਤ ਵਿਚ ਪਹੁੰਚਾਉਣ ਲਈ ਪਾਕਿਸਤਾਨ ਵੱਖ-ਵੱਖ ਧੜਿਆਂ ਦੀ ਵਰਤੋਂ ਕਰ ਰਿਹਾ ਹੈ।
22 ਸਤੰਬਰ ਨੂੰ ਖਾਲਿਸਤਾਨ ਸਮਰਥਕ ਖਾਲਿਸਤਾਨ ਜ਼ਿੰਦਾਬਾਦ ਫੋਰਸ ਕੋਲੋਂ 1 ਕਰੋੜ ਦੇ ਨਕਲੀ ਨੋਟ ਬਰਾਮਦ ਕੀਤੇ ਗਏ ਸਨ। ਇਸ ਗਰੁੱਪ ਕੋਲੋਂ ਪੁਲਸ ਨੇ 5ਏਕੇ-47 ਰਾਈਫਲਜ਼, 30 ਬੋਰ ਪਿਸਤੌਲ, 9 ਹੈਂਡ ਗ੍ਰੇਨੇਡ, 5 ਸੈਟੇਲਾਈਟ ਫੋਨ, 2 ਮੋਬਾਈਲ ਫੋਨ ਵੀ ਬਰਾਮਦ ਕੀਤੇ ਸਨ। ਇਹ ਸਾਰਾ ਸਾਮਾਨ ਪਾਕਿਸਤਾਨੀ ਡਰੋਨਜ਼ ਜ਼ਰੀਏ ਪਹੁੰਚਾਇਆ ਗਿਆ ਸੀ। 25 ਸਤੰਬਰ ਨੂੰ ਢਾਕਾ ਤੋਂ ਪੁਲਸ ਨੇ ਨਕਲੀ ਨੋਟ ਬਰਾਮਦ ਕੀਤੇ ਸਨ। ਦੁਬਈ ਦੇ ਰਹਿਣ ਵਾਲੇ ਸਲਮਾਨ ਸ਼ੇਰਾ ਨੇ ਇਹ ਪਾਰਸਲ ਬੰਗਲਾਦੇਸ਼ ਵਿਚ ਭੇਜਿਆ ਸੀ। ਜਾਂਚ ਵਿਚ ਪਤਾ ਚੱਲਿਆ ਕਿ ਪਾਰਸਲ ਸਿਲਹਟ ਤੋਂ ਸ਼੍ਰੀਨਗਰ ਦੇ ਉਪ ਜ਼ਿਲਾ ਵਿਚ ਪਹੁੰਚਾਇਆ ਜਾਣਾ ਸੀ।
ਇਸ ਗੱਲ ਦਾ ਵੀ ਖੁਲਾਸਾ ਹੋਇਆ ਕਿ ਸਲਮਾਨ ਸ਼ੇਰਾ ਪਾਕਿਸਤਾਨ ਦੇ ਆਈ.ਐੱਸ.ਆਈ. ਨਾਲ ਜੁੜੇ ਬਦਨਾਮ ਅਸਲਮ ਸ਼ੇਰਾ ਦਾ ਬੇਟਾ ਹੈ। ਅਸਲਮ 90 ਦੇ ਦਹਾਕੇ ਤੋਂ ਨਕਲੀ ਕਰੰਸੀ ਦੇ ਕਾਰੋਬਾਰ ਵਿਚ ਹੈ। ਮਈ 2019 ਵਿਚ ਨੇਪਾਲ ਦੀ ਰਾਜਧਾਨੀ ਕਾਠਮੰਡੂ ਦੇ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਡੀ-ਕੰਪਨੀ ਦੇ ਸਹਿਯੋਗੀ ਯੂਨਸ ਅੰਸਾਰੀ ਨੂੰ ਤਿੰਨ ਪਾਕਿਸਤਾਨੀ ਨਾਗਰਿਕਾਂ ਦੇ ਨਾਲ 8 ਕਰੋੜ ਦੀ ਭਾਰਤੀ ਨਕਲੀ ਕਰੰਸੀ ਦੀ ਵੱਡੀ ਖੇਪ ਨਾਲ ਗ੍ਰਿਫਤਾਰ ਕੀਤਾ ਗਿਆ ਸੀ।
'ਲਾਦੇਨ' ਨੂੰ ਢੇਰ ਕਰਨ 'ਚ ਇਸ ਡਾਕਟਰ ਨੇ ਕੀਤੀ ਸੀ ਮਦਦ, ਪਕਿ ਕੋਰਟ 'ਚ ਹੋਵੇਗੀ ਸੁਣਵਾਈ
NEXT STORY