ਇਸਲਾਮਾਬਾਦ (ਭਾਸ਼ਾ) ਪਾਕਿਸਤਾਨ ਨੇ ਪੈਗੰਬਰ ਸਾਹਿਬ 'ਤੇ ਕਾਰਟੂਨ ਦੇ ਪ੍ਰਕਾਸ਼ਨ ਅਤੇ ਫ਼ਰਾਂਸ ਦੇ ਰਾਸ਼ਟਰਪਤੀ ਇਮੈਨੁਏਲ ਮੈਕਰੋਂ ਦੇ ਬਿਆਨ 'ਤੇ ਤਿੱਖਾ ਵਿਰੋਧ ਦਰਜ ਕਰਾਉਣ ਲਈ ਸੋਮਵਾਰ ਨੂੰ ਫਰਾਂਸੀਸੀ ਰਾਜਦੂਤ ਮਾਰਕ ਬਰੇਤੀ ਨੂੰ ਤਲਬ ਕੀਤਾ। ਉਥੇ ਹੀ ਦੇਸ਼ ਦੀ ਸੰਸਦ ਨੇ ਸਰਕਾਰ ਨੂੰ ਪੈਰਿਸ ਤੋਂ ਆਪਣਾ ਦੂਤ ਵਾਪਸ ਬੁਲਾਉਣ ਦੀ ਮੰਗ ਕੀਤੀ।ਵਿਦੇਸ਼ ਦਫ਼ਤਰ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਹ ਸੂਚੀਬੱਧ ਕੀਤਾ ਗਿਆ ਹੈ ਕਿ ਇਸ ਤਰ੍ਹਾਂ ਦੇ ਗੈਰ ਕਾਨੂੰਨੀ ਅਤੇ ਇਸਲਾਮ ਵਿਰੋਧੀ ਕਾਰਾ ਪਾਕਿਸਤਾਨ ਸਹਿਤ ਦੁਨੀਆ ਭਰ ਵਿੱਚ ਮੁਸਲਮਾਨਾਂ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਂਦੇ ਹਨ।
ਇਸ ਤਰ੍ਹਾਂ ਦੇ ਕਦਮ ਨੂੰ ਪਰਕਾਸ਼ਨ ਦੀ ਆਜ਼ਾਦੀ ਦੇ ਨਾਮ 'ਤੇ ਉਚਿਤ ਨਹੀਂ ਕਰਾਰ ਦਿੱਤਾ ਜਾ ਸਕਦਾ ਹੈ।ਬਿਆਨ 'ਚ ਕਿਹਾ ਗਿਆ ਹੈ ਕਿ ਪਾਕਿਸਤਾਨ ਨੇ ਦੁਹਰਾਇਆ ਕਿ ਜਨਤਕ ਭਾਵਨਾਵਾਂ ਜਾਂ ਧਾਰਮਿਕ ਆਸਥਾਵਾਂ ਨੂੰ ਠੇਸ ਪਹੁੰਚਾਉਣ ਅਤੇ ਧਾਰਮਿਕ-ਨਫਰਤ, ਕੜਵਾਹਟ ਅਤੇ ਟਕਰਾਓ ਨੂੰ ਹਵਾ ਦੇਣ ਲਈ ਪਰਕਾਸ਼ਨ ਦੀ ਆਜ਼ਾਦੀ ਦੀ ਦੁਰਵਰਤੋਂ ਨਹੀਂ ਹੋਣੀ ਚਾਹੀਦੀ ਹੈ।ਇਸਦੇ ਕੁਝ ਘੰਟੇ ਬਾਅਦ ਵਿਦੇਸ਼ ਮੰਤਰੀ ਸ਼ਾਹ ਮਹਿਮੂਦ ਕੁਰੈਸ਼ੀ ਨੇ ਨੈਸ਼ਨਲ ਅਸੈਂਬਲੀ 'ਚ ਇਕ ਪ੍ਰਸਤਾਵ ਰੱਖਿਆ, ਜਿਸ 'ਚ ਫ਼ਰਾਂਸ 'ਚ ਕਾਰਟੂਨ ਦੇ ਪ੍ਰਕਾਸ਼ਨ ਅਤੇ ਕੁਝ ਦੇਸ਼ਾਂ 'ਚ ਇਸਲਾਮ ਦੇ ਖਿਲਾਫ ਕੰਮਾਂ ਦੀ ਨਿੰਦਿਆ ਕੀਤੀ ਗਈ।ਇਸ ਪ੍ਰਸਤਾਵ ਨੂੰ ਸਰਬ ਸੰਮਤੀ ਨਾਲ ਪਾਸ ਕੀਤਾ ਗਿਆ।
ਸੀਰੀਆ 'ਚ ਹਵਾਈ ਹਮਲਿਆਂ ਦੌਰਾਨ 50 ਤੋਂ ਜ਼ਿਆਦਾ ਲੜਾਕਿਆਂ ਦੀ ਮੌਤ
NEXT STORY 
