ਵਾਸ਼ਿੰਗਟਨ (ਏਜੰਸੀ)- ਮਿਊਨਿਖ ਸੁਰੱਖਿਆ ਕਾਨਫਰੰਸ ਲਈ ਵਿਦੇਸ਼ ਮੰਤਰੀ ਮਾਰਕੋ ਰੂਬੀਓ ਅਤੇ ਅਮਰੀਕੀ ਸੈਨੇਟ ਦੀ ਵਿਦੇਸ਼ ਸਬੰਧ ਕਮੇਟੀ ਦੇ ਚੇਅਰਮੈਨ ਸੈਨੇਟਰ ਜਿਮ ਰਿਸ਼ ਨੂੰ ਜਰਮਨੀ ਲਿਜਾ ਰਹੇ ਹਵਾਈ ਸੈਨਾ ਦੇ ਜਹਾਜ਼ ਨੂੰ ਤਕਨੀਕੀ ਸਮੱਸਿਆ ਕਾਰਨ ਵੀਰਵਾਰ ਦੇਰ ਰਾਤ ਨੂੰ ਵਾਸ਼ਿੰਗਟਨ ਵਾਪਸ ਆਉਣ ਲਈ ਮਜਬੂਰ ਹੋਣਾ ਪਿਆ। ਵਿਦੇਸ਼ ਵਿਭਾਗ ਦੀ ਮਹਿਲਾ ਬੁਲਾਰਾ ਟੈਮੀ ਬਰੂਸ ਨੇ ਕਿਹਾ, "ਅੱਜ ਸ਼ਾਮ, ਸਕੱਤਰ ਰੂਬੀਓ ਨੂੰ ਲੈ ਕੇ ਜਾ ਰਹੇ ਜਹਾਜ਼ ਵਿੱਚ ਵਾਸ਼ਿੰਗਟਨ ਤੋਂ ਮਿਊਨਿਖ ਜਾਂਦੇ ਸਮੇਂ ਇੱਕ ਤਕਨੀਕੀ ਸਮੱਸਿਆ ਆ ਗਈ।"
ਉਨ੍ਹਾਂ ਕਿਹਾ ਕਿ ਜਹਾਜ਼ ਵਾਪਸ ਆ ਗਿਆ ਹੈ। ਹੁਣ ਰੂਬੀਓ ਦਾ ਇੱਕ ਵੱਖਰੇ ਜਹਾਜ਼ 'ਤੇ ਜਰਮਨੀ ਅਤੇ ਪੱਛਮੀ ਏਸ਼ੀਆ ਦੀ ਯਾਤਰਾ ਕਰਨ ਦਾ ਇਰਾਦਾ ਹੈ। ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਸੀ-32 ਦੇ 'ਕਾਕਪਿਟ ਵਿੰਡਸ਼ੀਲਡ' ਵਿੱਚ ਸਮੱਸਿਆ ਆਈ ਸੀ। ਇਹ ਸਮੱਸਿਆ ਵਾਸ਼ਿੰਗਟਨ ਦੇ ਬਾਹਰ ਜੁਆਇੰਟ ਬੇਸ ਐਂਡਰਿਊਜ਼ ਤੋਂ ਉਡਾਣ ਭਰਨ ਤੋਂ ਲਗਭਗ 90 ਮਿੰਟ ਬਾਅਦ ਆਈ।
ਡੌਂਕੀ ਲਾ ਵਿਦੇਸ਼ ਪਹੁੰਚੇ 260 ਹੋਰ ਲੋਕ ਆ ਰਹੇ ਵਾਪਸ, ਆ ਗਈ ਪੂਰੀ List
NEXT STORY 
