ਵਾਸ਼ਿੰਗਟਨ (ਭਾਸ਼ਾ): ਬਾਇਓਟੈਕਨਾਲੋਜੀ ਉਦਯੋਗਪਤੀ ਤੋਂ ਸਿਆਸੀ ਨੇਤਾ ਬਣੇ ਭਾਰਤੀ-ਅਮਰੀਕੀ ਵਿਵੇਕ ਰਾਮਾਸਵਾਮੀ ਦਾ ਨਾਂ, ਉਨ੍ਹਾਂ ਨਾਵਾਂ ਵਿਚ ਸ਼ਾਮਲ ਹੈ, ਜਿਨ੍ਹਾਂ ਨੂੰ ਸਾਬਕਾ ਰਾਸ਼ਟਰਪਤੀ ਅਤੇ ਰਿਪਬਲਿਕਨ ਉਮੀਦਵਾਰ ਡੋਨਾਲਡ ਟਰੰਪ 2024 ਦੀਆਂ ਰਾਸ਼ਟਰਪਤੀ ਚੋਣਾਂ ਲਈ ਆਪਣੇ ਸੰਭਾਵਿਤ ਦੌੜਾਕ ਸਾਥੀ ਵਜੋਂ ਵਿਚਾਰ ਰਹੇ ਹਨ। Politico.com ਦੀ ਰਿਪੋਰਟ ਮੁਤਾਬਕ ਮੰਗਲਵਾਰ ਨੂੰ ਫੌਕਸ ਨਿਊਜ਼ 'ਟਾਊਨ ਹਾਲ' ਪ੍ਰੋਗਰਾਮ ਦੌਰਾਨ ਮੇਜ਼ਬਾਨ ਨੇ ਟਰੰਪ ਨੂੰ ਉਪ ਰਾਸ਼ਟਰਪਤੀ ਦੇ ਅਹੁਦੇ ਲਈ ਆਪਣੀ ਪਸੰਦ ਦੇ ਛੇ ਸੰਭਾਵਿਤ ਵਿਕਲਪਾਂ ਬਾਰੇ ਪੁੱਛਿਆ। ਇਸ 'ਤੇ ਟਰੰਪ ਨੇ ਸਾਊਥ ਕੈਰੋਲੀਨਾ ਦੇ ਸੈਨੇਟਰ ਟਿਮ ਸਕਾਟ, ਫਲੋਰਿਡਾ ਦੇ ਗਵਰਨਰ ਰੌਨ ਡੀਸੈਂਟਿਸ, ਹਵਾਈ ਦੇ ਸਾਬਕਾ ਸੰਸਦ ਮੈਂਬਰ ਤੁਲਸੀ ਗਬਾਰਡ, ਵਿਵੇਕ ਰਾਮਾਸਵਾਮੀ, ਫਲੋਰਿਡਾ ਦੇ ਪ੍ਰਤੀਨਿਧੀ ਬਾਇਰਨ ਡੋਨਾਲਡਸ ਅਤੇ ਸਾਊਥ ਡਕੋਟਾ ਦੀ ਗਵਰਨਰ ਕ੍ਰਿਸਟੀ ਨੋਏਮ ਦਾ ਨਾਂ ਲਿਆ।
ਪੜ੍ਹੋ ਇਹ ਅਹਿਮ ਖ਼ਬਰ-ਸਰਵੇ 'ਚ ਖੁਲਾਸਾ, ਟਰੰਪ ਰਹੇ ਅਮਰੀਕਾ ਦੇ ਸਭ ਤੋਂ ਖਰਾਬ ਰਾਸ਼ਟਰਪਤੀ, ਜਾਣੋ ਬਾਈਡੇਨ ਦੀ ਰੈਂਕਿੰਗ
77 ਸਾਲਾ ਟਰੰਪ ਨੇ ਇੱਕ ਹੋਰ ਭਾਰਤੀ-ਅਮਰੀਕੀ ਨਿੱਕੀ ਹੈਲੀ ਦਾ ਨਾਮ ਨਹੀਂ ਲਿਆ ਜੋ ਅਜੇ ਵੀ ਦੌੜ ਵਿੱਚ ਹੈ। ਰਾਮਾਸਵਾਮੀ (38) ਜਨਵਰੀ ਦੇ ਅੱਧ ਵਿੱਚ ਆਇਓਵਾ ਕਾਕਸ ਵਿੱਚ ਆਪਣੇ ਮਾੜੇ ਪ੍ਰਦਰਸ਼ਨ ਤੋਂ ਬਾਅਦ ਨਾ ਸਿਰਫ ਰਿਪਬਲਿਕਨ ਰਾਸ਼ਟਰਪਤੀ ਅਹੁਦੇ ਦੇ ਉਮੀਦਵਾਰ ਵਜੋਂ ਪਿੱਛੇ ਹਟ ਗਏ, ਬਲਕਿ ਇਸ ਦੇ ਜੇਤੂ ਟਰੰਪ ਦਾ ਸਮਰਥਨ ਵੀ ਕੀਤਾ। ਜਦੋਂ ਫੌਕਸ ਨਿਊਜ਼ ਟਾਊਨ ਹਾਲ ਈਵੈਂਟ ਦੀ ਮੇਜ਼ਬਾਨ ਲੌਰਾ ਇੰਗ੍ਰਹਾਮ ਨੇ ਉਸਨੂੰ ਪੁੱਛਿਆ, "ਕੀ ਉਹ ਸਾਰੇ ਤੁਹਾਡੀ ਸੂਚੀ ਵਿੱਚ ਹਨ?" ਤਾਂ ਟਰੰਪ ਨੇ ਕਿਹਾ, "ਉਹ ਸਾਰੇ ਸੂਚੀ ਵਿੱਚ ਹਨ। ਉਹ ਸਾਰੇ ਮੁੰਡੇ ਚੰਗੇ ਹਨ। ਉਹ ਸਾਰੇ ਚੰਗੇ ਅਤੇ ਮਜ਼ਬੂਤ ਹਨ।'' ਰਾਮਾਸਵਾਮੀ ਨੇ ਇਸ ਤੋਂ ਪਹਿਲਾਂ ਟਰੰਪ ਨੂੰ ਅਗਸਤ 2023 'ਚ ਰਿਪਬਲਿਕਨ ਨਾਮਜ਼ਦਗੀ ਨਾ ਮਿਲਣ 'ਤੇ ਉਪ ਰਾਸ਼ਟਰਪਤੀ ਅਹੁਦੇ ਦੀ ਦੌੜ 'ਚ ਸ਼ਾਮਲ ਹੋਣ ਦਾ ਸੰਕੇਤ ਦਿੱਤਾ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਜ਼ਰਾਇਲੀ ਬਲਾਂ ਨੇ ਹੁਣ ਤੱਕ ਫੜੇ 3,200 ਲੋੜੀਂਦੇ ਅੱਤਵਾਦੀ
NEXT STORY 
