ਮੈਕਸੀਕੋ ਸਿਟੀ (ਏਜੰਸੀ)- ਮੈਕਸੀਕੋ ਦੇ ਪੱਛਮੀ ਮੱਧ ਇਲਾਕੇ ਵਿਚ ਸੋਮਵਾਰ ਨੂੰ ਭੂਚਾਲ ਦੇ ਜ਼ੋਰਦਾਰ ਝਟਕੇ ਮਹਿਸੂਸ ਕੀਤੇ ਗਏ, ਜਿਸ ਨਾਲ ਇਕ ਵਿਅਕਤੀ ਦੀ ਮੌਤ ਹੋ ਗਈ, ਜਦੋਂਕਿ ਕੁੱਝ ਢਾਂਚਾਗਤ ਨੁਕਸਾਨ ਹੋਇਆ। ਮੈਕਸੀਕਨ ਰਾਸ਼ਟਰਪਤੀ ਆਂਦਰੇਸ ਮੈਨੁਅਲ ਲੋਪੇਜ਼ ਓਬਰਾਡੋਰ ਨੇ ਜਲ ਸੈਨਾ ਮੰਤਰਾਲਾ ਤੋਂ ਇਕ ਰਿਪੋਰਟ ਪ੍ਰਾਪਤ ਕਰਨ ਦੇ ਬਾਅਦ ਕਿਹਾ ਕਿ ਪੱਛਮੀ ਕੋਲਿਮਾ ਸੂਬੇ ਵਿਚ ਇਕ ਸਮੁੰਦਰ ਤੱਟ ਰਿਜ਼ੋਰਟ, ਮੰਜ਼ਾਨਿਲੋ ਵਿਚ ਇਕ ਸ਼ਾਪਿੰਗ ਸੈਂਟਰ ਵਿਚ ਕੰਧ ਡਿੱਗਣ ਕਾਰਨ ਇਕ ਵਿਅਕਤੀ ਦੀ ਮੌਤ ਹੋ ਗਈ।
ਰਾਸ਼ਟਰਪਤੀ ਸੋਮਵਾਰ ਨੂੰ ਸਥਾਨਕ ਸਮੇਂ ਅਨੁਸਾਰ ਦੁਪਹਿਰ 1:05 ਵਜੇ ਆਏ ਭੂਚਾਲ ਕਾਰਨ ਸਭ ਤੋਂ ਵੱਧ ਪ੍ਰਭਾਵਤ ਸੂਬਿਆਂ ਖ਼ਾਸ ਕਰ ਕੋਲਿਮਾ ਅਤੇ ਮਿਚੋਆਕਨ ਦੇ ਰਾਜਪਾਲਾਂ ਦੇ ਸੰਪਰਕ ਵਿੱਚ ਸਨ। ਹਾਲਾਂਕਿ ਰਾਜਧਾਨੀ ਮੈਕਸੀਕੋ ਸਿਟੀ ਦੇ ਕੁਝ ਹਿੱਸੇ ਵੀ ਭੂਚਾਲ ਦੀ ਲਪੇਟ 'ਚ ਆਏ। ਫੈਡਰਲ ਇਲੈਕਟ੍ਰੀਸਿਟੀ ਕਮਿਸ਼ਨ (ਸੀ.ਐੱਫ.ਈ.) ਦੇ ਅਨੁਸਾਰ, ਮੈਕਸੀਕੋ ਸਿਟੀ, ਗੁਆਂਢੀ ਰਾਜ ਮੈਕਸੀਕੋ, ਮਿਚੋਆਕਨ, ਕੋਲਿਮਾ ਅਤੇ ਜਲਿਸਕੋ ਵਿੱਚ 12 ਲੱਖ ਲੋਕ ਬਿਜਲੀ ਤੋਂ ਬਿਨਾਂ ਰਹਿ ਗਏ ਸਨ।
ਪ੍ਰਭਾਵਿਤ ਲੋਕਾਂ ਵਿੱਚੋਂ 68 ਫ਼ੀਸਦੀ ਲੋਕਾਂ ਨੂੰ ਪਹਿਲਾਂ ਹੀ ਬਿਜਲੀ ਬਹਾਲ ਕਰ ਦਿੱਤੀ ਗਈ ਹੈ। ਰਾਸ਼ਟਰੀ ਭੂਚਾਲ ਸੇਵਾ (SSN) ਨੇ ਮੂਲ ਰੂਪ ਨਾਲ 7.4 ਦੀ ਸ਼ੁਰੂਆਤੀ ਤੀਬਰਤਾ ਨਾਲ ਭੂਚਾਲ ਦੀ ਸੂਚਨਾ ਦਿੱਤੀ ਸੀ, ਪਰ ਦੋ ਘੰਟੇ ਬਾਅਦ ਇਹ ਵਧ ਕੇ 7.7 ਹੋ ਗਈ। ਐੱਸ.ਐੱਸ.ਐੱਨ. ਦੇ ਅਨੁਸਾਰ, ਭੂਚਾਲ ਦਾ ਕੇਂਦਰ ਕੋਲਕੋਮਨ ਤੋਂ 63 ਕਿਲੋਮੀਟਰ ਦੱਖਣ ਵਿੱਚ ਮਿਚੋਆਕਨ ਵਿੱਚ 15 ਕਿਲੋਮੀਟਰ ਦੀ ਡੂੰਘਾਈ ਵਿੱਚ ਸਥਿਤ ਸੀ। ਸਥਾਨਕ ਸਮੇਂ ਅਨੁਸਾਰ ਦੁਪਹਿਰ 3:20 ਵਜੇ ਤੱਕ, ਭੂਚਾਲ ਸੰਬੰਧੀ ਸੇਵਾ ਨੇ 5.3 ਦੀ ਸਭ ਤੋਂ ਵੱਡੀ ਤੀਬਰਤਾ ਦੇ ਨਾਲ 168 ਝਟਕੇ ਦਰਜ ਕੀਤੇ ਸਨ।
ਅਮਰੀਕਾ 'ਚ ਮੰਕੀਪਾਕਸ ਦੇ 24,000 ਮਾਮਲੇ ਦਰਜ
NEXT STORY 
