ਵਾਸ਼ਿੰਗਟਨ - ਅਮਰੀਕਾ ਵਿਚ ਕੋਰੋਨਾਵਾਇਰਸ ਦੇ ਪਹਿਲੇ ਮਰੀਜ਼ ਦੀ ਪਛਾਣ ਹੋ ਚੁੱਕੀ ਹੈ। ਜ਼ਿਕਰਯੋਗ ਹੈ ਕਿ ਵਾਇਰਸ ਦੀ ਪਹਿਲੀ ਸ਼ਿਕਾਰ ਹੋਈ ਮਹਿਲਾ ਦੀ ਮੌਤ ਹੋ ਚੁੱਕੀ ਹੈ।ਵਾਇਰਸ ਕਾਰਨ ਮਹਿਲਾ ਨੂੰ ਹਾਰਟ ਅਟੈਕ ਆਇਆ ਅਤੇ ਉਸ ਦੀ ਮੌਤ ਹੋ ਗਈ। ਸੈਨ ਫ੍ਰਾਂਸੀਸਕੋ ਕ੍ਰਾਨੀਕਲ ਦੇ ਹਵਾਲੇ ਤੋਂ ਦੱਸਿਆ ਜਾ ਰਿਹਾ ਹੈ ਕਿ ਮਹਿਲਾ ਦੀ ਆਟਪਸੀ ਰਿਪੋਰਟ ਵਿਚ ਇਸ ਗੱਲ ਦੀ ਪੁਸ਼ਟੀ ਹੋਈ ਹੈ ਕਿ ਵਾਇਰਸ ਕਾਰਨ ਉਸ ਨੂੰ ਦਿਲ ਦਾ ਦੌਰਾ ਪਿਆ।
ਅਖਬਾਰ ਦੀ ਇਕ ਰਿਪੋਰਟ ਮੁਤਾਬਕ ਅਮਰੀਕੀ ਮਹਿਲਾ ਪੈਟ੍ਰੀਸੀਆ ਡਾਵਡ ਵਿਚ ਪਹਿਲੀ ਵਾਰ ਫਰਵਰੀ ਮਹੀਨੇ ਵਿਚ ਫਲੂ ਦੀ ਤਰ੍ਹਾਂ ਲੱਛਣ ਪਾਏ ਗਏ ਸਨ। 57 ਸਾਲਾ ਪੈਟ੍ਰੀਸੀਆ ਦੀ 6 ਫਰਵਰੀ ਨੂੰ ਮੌਤ ਹੋ ਗਈ ਸੀ। ਹੁਣ ਉਸ ਦੀ ਆਟਪਸੀ ਰਿਪੋਰਟ ਵਿਚ ਆਖਿਆ ਜਾ ਰਿਹਾ ਹੈ ਕਿ ਮਹਿਲਾ ਨੂੰ ਕੋਰੋਨਾਵਾਇਰਸ ਸੀ, ਜਿਸ ਕਾਰਨ ਉਸ ਨੂੰ ਦਿਲ ਦਾ ਦੌਰਾ ਪਿਆ ਸੀ।
ਦਿਲ ਤੋਂ ਲੈ ਕੇ ਫੇਫੜੇ ਤੱਕ ਫੈਲਿਆ ਸੀ ਕੋਰੋਨਾਵਾਇਰਸ
ਆਪਟਸੀ ਰਿਪੋਟ ਦੇਣ ਵਾਲੇ ਐਕਜ਼ਾਮਨਰ ਸੁਸਨ ਪਰਸਾਨ ਦਾ ਆਖਣਾ ਹੈ ਕਿ ਮਹਿਲਾ ਦੇ ਹਾਰਟ, ਫੇਫੜੇ ਅਤੇ ਇੰਟੇਸਟਾਈਨ ਤੱਕ ਕੋਰੋਨਾਵਾਇਰਸ ਪਹੁੰਚ ਚੁੱਕਿਆ ਸੀ। ਇਸ ਮਾਮਲੇ 'ਤੇ ਮਾਹਿਰਾਂ ਦਾ ਆਖਣਾ ਹੈ ਕਿ ਇਹ ਆਪਣੇ-ਆਪ ਵਿਚ ਅਲੱਗ ਮਾਮਲਾ ਹੈ।ਇਸ ਵਿਚ ਬਿਲਕੁਲ ਨਾਰਮਲ ਹਾਰਟ ਫੱਟ ਕੇ ਅਲੱਗ ਹੋ ਗਿਆ। ਆਮ ਤੌਰ 'ਤੇ ਹਾਰਟ ਫੱਟ ਕੇ ਅਲੱਗ ਨਹੀਂ ਹੁੰਦਾ। ਵਾਇਰਸ ਰੋਗਾਂ ਦੀ ਮਾਹਿਰ ਡਾਕਟਰ ਡ੍ਰੇਨਾ ਗ੍ਰੇਸਨ ਨੇ ਆਖਿਆ ਹੈ ਕਿ ਇਸ ਗੱਲ ਦੇ ਪੁਖਤਾ ਸਬੂਤਦ ਹਨ ਕਿ ਵਾਇਰਸ ਨੇ ਹਾਰਟ ਨੂੰ ਨੁਕਸਾਨ ਪਹੁੰਚਾਇਆ। ਇਸ ਕਾਰਨ ਮਹਿਲਾ ਨੂੰ ਹਾਕਟ ਅਟੈਕ ਆਇਆ।
ਅਮਰੀਕਾ ਵਿਚ 54 ਹਜ਼ਾਰ ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ
ਅਮਰੀਕਾ ਵਿਚ ਕੋਰੋਨਾਵਾਇਰਸ ਕਾਰਨ ਮਰਨ ਵਾਲਿਆਂ ਦਾ ਅੰਕੜਾ 54 ਹਜ਼ਾਰ ਤੋਂ ਪਾਰ ਚਲਾ ਗਿਆ ਹੈ। ਕੋਰੋਨਾਵਾਇਰਸ ਦੇ ਮਾਮਲੇ ਵਧ ਕੇ 10 ਲੱਖ ਦੇ ਕਰੀਬ ਪਹੁੰਚ ਗਏ ਹਨ। ਇਸ ਵਿਚਾਲੇ ਅਮਰੀਕਾ ਨੇ ਆਪਣੇ ਨਾਗਰਿਕਾਂ ਦੀ ਵਾਇਰਸ ਐਂਟੀਬਾਡੀ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਮਹਾਂਮਾਰੀ ਵੇਲੇ ਖੁਦ ਨੂੰ ਰੱਖੋ ਸਿਹਤਮੰਦ, ਜਾਣੋ ਡਾਕਟਰਾਂ ਦੀ ਸਲਾਹ
NEXT STORY 
