ਲੰਡਨ : ਸਿੱਖਿਆ ਦੇ ਖੇਤਰ ਵਿਚ ਮਹੱਤਵਪੂਰਨ ਯੋਗਦਾਨ ਪਾਉਣ ਵਾਲੇ ਅਤੇ ਲੀਡਰਸ਼ਿਪ ਸਮਰੱਥਾ ਦਾ ਪ੍ਰਦਰਸ਼ਨ ਕਰਨ ਵਾਲੇ ਵਿਅਕਤੀਆਂ ਨੂੰ ਸਨਮਾਨਿਤ ਕਰਨ ਦੇ ਮੰਤਵ ਨਾਲ ਸ਼ੁਰੂ ਕੀਤੇ ਗਏ ਪਹਿਲੇ ਏਸ਼ੀਆ ਐਜੂਕੇਸ਼ਨ ਮੈਡਲ ਲਈ ਅੰਤਿਮ 10 ਉਮੀਦਵਾਰਾਂ ਵਿਚ ਦੋ ਭਾਰਤੀ ਸ਼ਾਮਲ ਹਨ। ਇਹ ਐਵਾਰਡ ਬ੍ਰਿਟੇਨ ਦੀ ‘ਟੀ4 ਐਜੂਕੇਸ਼ਨ’ ਅਤੇ ਟੈਕਨਾਲੋਜੀ ਦਿੱਗਜ ਕੰਪਨੀ ‘ਐੱਚ.ਪੀ.’ ਵੱਲੋਂ ਸ਼ੁਰੂ ਕੀਤਾ ਗਿਆ ਹੈ।
ਅਕਤੂਬਰ ਵਿੱਚ ਦਿੱਤੇ ਜਾਣ ਵਾਲੇ ਪੁਰਸਕਾਰ ਲਈ 'ਸੈਂਟਰ ਸਕੁਏਅਰ ਫਾਊਂਡੇਸ਼ਨ' ਦੇ ਸੰਸਥਾਪਕ ਅਤੇ ਚੇਅਰਮੈਨ ਅਸ਼ੀਸ਼ ਧਵਨ ਅਤੇ ਐਜੂਕੇਸ਼ਨਲ ਇਨੀਸ਼ੀਏਟਿਵਜ਼ ਦੇ ਸੀ.ਈ.ਓ. ਪ੍ਰਣਬ ਕੋਠਾਰੀ ਦਾ ਮੁਕਾਬਲਾ ਸਿੰਗਾਪੁਰ, ਫਿਲੀਪੀਨਜ਼, ਬੰਗਲਾਦੇਸ਼, ਪਾਕਿਸਤਾਨ, ਜਾਪਾਨ ਅਤੇ ਮਲੇਸ਼ੀਆ ਦੇ ਉਮੀਦਵਾਰਾਂ ਨਾਲ ਹੋਵੇਗਾ। HP ਦੇ ਸੀਨੀਅਰ ਐਜੂਕੇਸ਼ਨ ਬਿਜ਼ਨਸ ਲੀਡਰ ਮਯੰਕ ਢੀਂਗਰਾ ਨੇ ਕਿਹਾ, 'ਏਸ਼ੀਆ ਐਜੂਕੇਸ਼ਨ ਮੈਡਲ ਉਨ੍ਹਾਂ ਲੋਕਾਂ ਨੂੰ ਇਕੱਠੇ ਕਰਦਾ ਹੈ ਜੋ ਏਸ਼ੀਆ ਵਿੱਚ ਸਿੱਖਿਆ ਨੂੰ ਬਦਲ ਰਹੇ ਹਨ।'
ਧਵਨ ਦੀ ਸੈਂਟਰਲ ਸਕੁਆਇਰ ਫਾਊਂਡੇਸ਼ਨ (CSF) ਭਾਰਤ ਵਿੱਚ ਸਭ ਤੋਂ ਮਹੱਤਵਪੂਰਨ ਸਮਕਾਲੀ ਸਿੱਖਿਆ ਪ੍ਰਦਾਨ ਕਰਨ ਵਾਲੀਆਂ ਚੈਰੀਟੇਬਲ ਸੰਸਥਾਵਾਂ ਵਿੱਚੋਂ ਇੱਕ ਹੈ। ਕੋਠਾਰੀ ਦੀ 'ਐਜੂਕੇਸ਼ਨਲ ਇਨੀਸ਼ੀਏਟਿਵਜ਼' (EI) ਇੱਕ ਸੰਸਥਾ ਹੈ ਜੋ ਵੱਖ-ਵੱਖ ਸਮਾਜਿਕ-ਆਰਥਿਕ ਪਿਛੋਕੜ ਵਾਲੇ ਵਿਦਿਆਰਥੀਆਂ ਨੂੰ ਸਮਝਦਾਰੀ ਨਾਲ ਸਿੱਖਣ ਵਿੱਚ ਮਦਦ ਕਰਨ ਲਈ ਅਤਿ-ਆਧੁਨਿਕ ਵਿਦਿਅਕ ਖੋਜ ਅਤੇ ਤਕਨਾਲੋਜੀ-ਅਧਾਰਿਤ ਹੱਲਾਂ ਦੀ ਵਰਤੋਂ ਕਰਦੀ ਹੈ। ਇਸ ਪੁਰਸਕਾਰ ਦੇ ਜੇਤੂ ਨੂੰ ਨਵੰਬਰ ਵਿੱਚ ਦੁਬਈ ਵਿੱਚ ਹੋਣ ਵਾਲੇ ‘ਵਰਲਡ ਸਕੂਲ ਸਮਿਟ’ ਵਿੱਚ ਹਿੱਸਾ ਲੈਣ ਲਈ ਸੱਦਾ ਦਿੱਤਾ ਜਾਵੇਗਾ।
UK 'ਚ ਦੰਗਿਆਂ ਨੂੰ ਲੈ ਕੇ ਕਾਰਵਾਈ : ਮਸਜਿਦ ਦੇ ਬਾਹਰ ਪੁਲਸ ਅਧਿਕਾਰੀ 'ਤੇ ਹਮਲਾ ਕਰਨ ਵਾਲੇ ਨੂੰ 3 ਸਾਲ ਕੈਦ
NEXT STORY 
