ਵਾਸ਼ਿੰਗਟਨ: ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਇਡੇਨ ਦੇ ਪ੍ਰਸ਼ਾਸਕ ਨੇ ਤਾਇਵਾਨ ਦੇ ਦਰਜੇ ਨੂੰ ਲੈ ਕੇ ਚੀਨ ਦੇ ਨਾਲ ਤਣਾਅ ਵਧਣ ਦੇ ਵਿਚਕਾਰ ਟਾਪੂ ਦੇਸ਼ ਨੂੰ ਇੱਕ ਅਰਬ ਡਾਲਰ ਤੋਂ ਵੱਧ ਦੇ ਹਥਿਆਰ ਵੇਚਣ ਦੀ ਘੋਸ਼ਣਾ ਕੀਤੀ ਹੈ। ਵਿਦੇਸ਼ੀ ਵਿਭਾਗ ਨੇ ਦੱਸਿਆ ਕਿ 1.09 ਅਰਬ ਡਾਲਰ ਦੇ ਹਥਿਆਰਾਂ ਦੀ ਵਿਕਰੀ ਵਿੱਚ 35.5 ਕਰੋੜ ਡਾਲਰ ਦੀ ਹਵਾ ਤੋਂ ਸਮੁੰਦਰ ਵਿੱਚ ਮਾਰ ਕਰਨ ਵਾਲੀ ਹਾਰਪੂਨ ਮਿਜ਼ਾਈਲ ਅਤੇ 8.5 ਕਰੋੜ ਡਾਲਰ ਦੀ ਹਵਾ ਵਿੱਚ ਮਾਰ ਕਰਨ ਵਾਲੀ ਹਾਰਪੂਨ ਮਿਜ਼ਾਈਲ ਸ਼ਾਮਲ ਹੈ। ਬਹਿਰਹਾਲ, ਹਥਿਆਰਾਂ ਦਾ ਸਭ ਤੋਂ ਵੱਡਾ ਹਿੱਸਾ ਤਾਇਵਾਨ ਦੇ ਨਿਗਰਾਨੀ ਰਡਾਰ ਪ੍ਰੋਗਰਾਮ ਲਈ 65.5 ਕਰੋੜ ਡਾਲਰ ਦਾ ਸਾਜੋਸਾਮਾਨ ਪੈਕੇਜ ਹੈ।
ਇਹ ਰਡਾਰ ਪ੍ਰੋਗਰਾਮ ਹਵਾ ਵਿੱਚ ਰੱਖਿਆ ਦੀ ਚੇਤਾਵਨੀਆਂ ਦਿੰਦਾ ਹੈ। ਹਵਾ ਵਿੱਚ ਦੁਸ਼ਮਣ ਦੀਆਂ ਮਿਸਾਇਲਾਂ ਦੀ ਚੇਤਾਵਨੀ ਦੇਣਾ ਮਹੱਤਵਪੂਰਨ ਹੋ ਗਿਆ ਹੈ, ਕਿਉਂਕਿ ਚੀਨ ਨੇ ਤਾਇਵਾਨ ਦੇ ਕੋਲ ਫੌਜੀ ਅਭਿਆਸ ਤੇਜ਼ ਕਰ ਦਿੱਤਾ ਹੈ।ਇਸ ਸੌਦੇ 'ਤੇ ਚੀਨ ਨੇ ਤੁਰੰਤ ਪ੍ਰਤੀਕਿਰਿਆ ਦਿੰਦੇ ਹੋਏ ਵਾਸ਼ਿੰਗਟਨ ਨੂੰ ਚੇਤਾਵਨੀ ਦਿੱਤੀ ਕਿ ਜੋਅ ਬਾਇਡੇਨ ਪ੍ਰਸ਼ਾਸਨ ਨਾਲ ਇਹ ਸੌਦਾ ਰੱਦ ਕਰੇ ਜਾਂ 'ਨਤੀਜਿਆਂ' ਦਾ ਸਾਹਮਣਾ ਕਰਨ ਲਈ ਤਿਆਰ ਰਹੇ। ਦੂਤਾਵਾਸ ਦੇ ਬੁਲਾਰੇ ਲਿਊ ਪੇਂਗਯੂ ਨੇ ਕਿਹਾ ਕਿ ਇਹ ਸੌਦਾ ਚੀਨ-ਅਮਰੀਕਾ ਸਬੰਧਾਂ ਨੂੰ ਹੋਰ ਖ਼ਤਰੇ ਵਿਚ ਪਾਵੇਗਾ। ਉਨ੍ਹਾਂ ਕਿਹਾ ਕਿ ਇਸ ਦੇ ਜਵਾਬ ਵਿੱਚ ਚੀਨ ਜਾਇਜ਼ ਅਤੇ ਜ਼ਰੂਰੀ ਜਵਾਬੀ ਕਦਮ ਚੁੱਕੇਗਾ।'' ਚੀਨ ਦੇ ਡਰ ਦੇ ਬਾਵਜੂਦ ਤਾਈਵਾਨ ਪੱਖੀ ਅਮਰੀਕੀ ਕਾਂਗਰਸ ਵੱਲੋਂ ਸੌਦੇ ਨੂੰ ਮਨਜ਼ੂਰੀ ਦਿੱਤੇ ਜਾਣ ਦੀ ਸੰਭਾਵਨਾ ਹੈ।
ਇਸ ਦੌਰਾਨ ਅਮਰੀਕੀ ਵਿਦੇਸ਼ ਵਿਭਾਗ ਨੇ ਕਿਹਾ ਕਿ ਇਹ ਉਪਕਰਣ ਤਾਈਵਾਨ ਲਈ ਸਵੈ-ਰੱਖਿਆ ਦੀ ਢੁਕਵੀਂ ਸਮਰੱਥਾ ਬਣਾਈ ਰੱਖਣ ਲਈ ਜ਼ਰੂਰੀ ਹੈ। ਪ੍ਰਸ਼ਾਸਨ ਨੇ ਸ਼ੁੱਕਰਵਾਰ ਨੂੰ ਅਮਰੀਕੀ ਕਾਂਗਰਸ ਨੂੰ ਵਿਕਰੀ ਬਾਰੇ ਸੂਚਿਤ ਕੀਤਾ। ਬਾਈਡੇਨ ਪ੍ਰਸ਼ਾਸਨ ਨੇ ਕਿਹਾ ਕਿ ਇਹ ਸੌਦਾ ਅਮਰੀਕਾ ਦੀ ਇਕ-ਚੀਨ ਨੀਤੀ ਦੇ ਅਨੁਸਾਰ ਹੈ। ਨਾਲ ਹੀ ਉਸ ਨੇ ਬੀਜਿੰਗ ਨੂੰ "ਤਾਈਵਾਨ ਦੇ ਵਿਰੁੱਧ ਆਪਣੇ ਫੌਜੀ, ਕੂਟਨੀਤਕ ਅਤੇ ਆਰਥਿਕ ਦਬਾਅ ਨੂੰ ਖ਼ਤਮ ਕਰਨ ਅਤੇ ਇਸ ਦੀ ਬਜਾਏ ਤਾਈਵਾਨ ਨਾਲ ਸਾਰਥਕ ਗੱਲਬਾਤ ਕਰਨ" ਦੀ ਅਪੀਲ ਕੀਤੀ। ਪਿਛਲੇ ਮਹੀਨੇ ਅਮਰੀਕੀ ਪ੍ਰਤੀਨਿਧੀ ਸਭਾ ਦੀ ਸਪੀਕਰ ਨੈਨਸੀ ਪੇਲੋਸੀ ਦੇ ਤਾਈਵਾਨ ਦੇ ਦੌਰੇ ਤੋਂ ਬਾਅਦ ਅਮਰੀਕਾ ਅਤੇ ਚੀਨ ਵਿਚਾਲੇ ਤਣਾਅ ਵਧ ਗਿਆ ਹੈ। ਪੇਲੋਸੀ ਦੇ ਤਾਈਪੇ ਯਾਤਰਾਂ ਤੋਂ ਬਾਅਦ ਅਮਰੀਕੀ ਕਾਂਗਰਸ ਦੇ ਘੱਟੋ-ਘੱਟ ਦੋ ਹੋਰ ਵਫ਼ਦ ਵਲੋਂ ਵੀ ਤਾਈਪੇ ਦਾ ਦੌਰਾ ਕੀਤਾ ਗਿਆ।
ਮੈਕਸੀਕੋ 'ਚ ਫੁੱਟਬਾਲ ਮੈਚ ਦੌਰਾਨ ਗੋਲੀਬਾਰੀ, ਸਾਬਕਾ ਮੇਅਰ ਸਮੇਤ 4 ਲੋਕਾਂ ਦੀ ਮੌਤ
NEXT STORY 
