ਬੀਜਿੰਗ (ਬਿਊਰੋ): ਇਕ ਸਮਾਂ ਅਜਿਹਾ ਵੀ ਸੀ ਜਦੋਂ ਚੀਨ ਆਪਣੀ ਆਬਾਦੀ ਨੂੰ ਕੰਟਰੋਲ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਪਰ ਹੁਣ ਜਨਸੰਖਿਆ ਨੂੰ ਕੰਟਰੋਲ ਕਰਨ ਕਾਰਨ ਸਥਿਤੀ ਹੋਰ ਵਿਗੜ ਗਈ ਹੈ। ਚੀਨ 'ਚ ਹੁਣ ਅਧਿਕਾਰੀ ਨਵ-ਵਿਆਹੁਤਾ ਔਰਤਾਂ ਤੋਂ ਉਨ੍ਹਾਂ ਦੇ ਗਰਭ ਨਾਲ ਜੁੜੇ ਸਵਾਲ ਪੁੱਛ ਰਹੇ ਹਨ। ਚੀਨ ਵਿੱਚ ਇੱਕ ਨਵੇਂ ਵਿਆਹੇ ਜੋੜੇ ਨੇ ਇੱਕ ਆਨਲਾਈਨ ਪੋਸਟ ਵਿੱਚ ਕਿਹਾ ਕਿ ਉਨ੍ਹਾਂ ਦੀ ਸਥਾਨਕ ਸਰਕਾਰ ਉਨ੍ਹਾਂ ਨੂੰ ਪੁੱਛ ਰਹੀ ਹੈ ਕੀ ਉਹ ਗਰਭਵਤੀ ਹਨ। ਜਿਵੇਂ ਹੀ ਇਹ ਪੋਸਟ ਆਨਲਾਈਨ ਆਈ, ਹਜ਼ਾਰਾਂ ਲੋਕਾਂ ਨੇ ਇਸ 'ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ। ਕਈ ਲੋਕਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਵੀ ਅਜਿਹੇ ਫੋਨ ਆਏ ਹਨ। ਬਾਅਦ ਵਿੱਚ ਇਸ ਪੋਸਟ ਨੂੰ ਚੀਨ ਨੇ ਸੈਂਸਰਸ਼ਿਪ ਰਾਹੀਂ ਹਟਾ ਦਿੱਤਾ ਸੀ।
ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨੂੰ ਪਿਛਲੇ ਹਫ਼ਤੇ ਚੀਨ ਦੀ ਕਮਿਊਨਿਸਟ ਪਾਰਟੀ ਦੀ 20ਵੀਂ ਕਾਂਗਰਸ ਦੇ ਨੇਤਾ ਵਜੋਂ ਦੁਬਾਰਾ ਚੁਣਿਆ ਗਿਆ ਹੈ। ਇਸ ਕਾਂਗਰਸ ਵਿੱਚ ਜਿਨਪਿੰਗ ਨੇ ਐਲਾਨ ਕੀਤਾ ਕਿ ਉਹ ਜਨਮ ਦਰ ਨੂੰ ਵਧਾਉਣ ਅਤੇ ਦੇਸ਼ ਦੀ ਆਬਾਦੀ ਵਧਾਉਣ ਲਈ ਇੱਕ ਨੀਤੀ ਬਣਾਉਣਗੇ। 'ਲੌਸਟ ਸ਼ੁਯੂਸ਼ੌ' ਨਾਮ ਦੇ ਯੂਜ਼ਰ ਨੇ ਚੀਨ ਦੇ ਸੋਸ਼ਲ ਮੀਡੀਆ ਵੇਈਬੋ 'ਤੇ ਆਪਣੇ ਸਹਿਯੋਗੀ ਦਾ ਅਨੁਭਵ ਸਾਂਝਾ ਕੀਤਾ। ਇਸ ਵਿੱਚ ਉਸਨੇ ਲਿਖਿਆ ਕਿ ਨਾਨਜਿੰਗ ਸਿਟੀ ਸਰਕਾਰ ਦੀ ਮਹਿਲਾ ਸਿਹਤ ਸੇਵਾ ਨੇ ਕਾਲ ਕੀਤੀ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਕੈਨੇਡਾ 'ਚ ਮਾਂ ਬੋਲੀ 'ਪੰਜਾਬੀ' ਦੀ ਬੱਲੇ-ਬੱਲੇ, ਸਭ ਤੋਂ ਵੱਧ ਬੋਲੀ ਜਾਣ ਵਾਲੀ ਚੌਥੀ ਭਾਸ਼ਾ ਬਣੀ
ਕਾਲ ਵਿੱਚ ਕਹੀ ਗਈ ਇਹ ਗੱਲ
ਪੋਸਟ ਵਿੱਚ ਇੱਕ ਸਾਥੀ ਦੇ ਹਵਾਲੇ ਨਾਲ ਕਿਹਾ ਗਿਆ ਕਿ ਉਸ ਨਾਲ ਗੱਲ ਕਰਨ ਵਾਲੇ ਅਧਿਕਾਰੀ ਨੇ ਕਿਹਾ ਕਿ ਉਹ ਇੱਕ ਸਾਲ ਦੇ ਅੰਦਰ ਗਰਭਵਤੀ ਹੋ ਜਾਣੀ ਚਾਹੀਦੀ ਹੈ। ਉਸਦਾ ਟੀਚਾ ਹਰ ਤਿਮਾਹੀ ਵਿੱਚ ਫੋਨ ਕਾਲ ਕਰਨਾ ਹੋਵੇਗਾ। ਨਾਨਜਿੰਗ ਮਿਊਂਸੀਪਲ ਅਤੇ ਸਿਹਤ ਕਮਿਸ਼ਨ ਨੇ ਇਸ ਮਾਮਲੇ 'ਤੇ ਕੋਈ ਟਿੱਪਣੀ ਨਹੀਂ ਕੀਤੀ। ਵੇਈਬੋ 'ਤੇ ਦਿਖਾਈ ਦੇਣ ਤੋਂ ਕੁਝ ਘੰਟਿਆਂ ਬਾਅਦ ਪੋਸਟ ਨੂੰ ਮਿਟਾ ਦਿੱਤਾ ਗਿਆ ਸੀ। ਚੀਨ ਵਿੱਚ 1980 ਤੋਂ 2015 ਤੱਕ ਇੱਕ ਬੱਚੇ ਦੀ ਨੀਤੀ ਲਾਗੂ ਸੀ। ਚੀਨ ਨੇ ਬਾਅਦ ਵਿੱਚ ਮੰਨਿਆ ਕਿ ਉਨ੍ਹਾਂ ਦੀ ਆਬਾਦੀ ਘੱਟ ਰਹੀ ਹੈ। ਜੇਕਰ ਆਬਾਦੀ ਇਸੇ ਤਰ੍ਹਾਂ ਘੱਟਦੀ ਰਹੀ ਤਾਂ ਇਹ ਬਜ਼ੁਰਗਾਂ ਦੀ ਦੇਖਭਾਲ ਦਾ ਸੰਕਟ ਪੈਦਾ ਕਰੇਗਾ।
ਜਨਮ ਦਰ ਵਿੱਚ ਗਿਰਾਵਟ ਜਾਰੀ ਹੈ
ਚੀਨ ਵਿੱਚ ਜਨਮ ਦਰ ਲਗਾਤਾਰ ਘਟ ਰਹੀ ਹੈ। ਪਿਛਲੇ ਸਾਲ ਜਨਮ ਦਰ 1.06 ਕਰੋੜ ਸੀ, ਜੋ ਇਸ ਸਾਲ ਸਿਰਫ਼ ਇੱਕ ਕਰੋੜ ਰਹਿਣ ਦੀ ਉਮੀਦ ਹੈ। 2020 'ਚ ਜਨਮ ਦਰ 'ਚ 11.5 ਫੀਸਦੀ ਦੀ ਗਿਰਾਵਟ ਆਈ ਹੈ। ਇਕ ਵਿਅਕਤੀ ਨੇ ਪੋਸਟ 'ਤੇ ਲਿਖਿਆ, 'ਉਨ੍ਹਾਂ ਦਾ ਵਿਆਹ ਅਗਸਤ ਵਿਚ ਹੋਇਆ ਸੀ। ਉਦੋਂ ਤੋਂ ਅਧਿਕਾਰੀਆਂ ਨੇ ਉਸ ਨੂੰ ਦੋ ਵਾਰ ਬੁਲਾਇਆ ਹੈ। ਉਸ ਨੇ ਫੋਨ ਕਰਕੇ ਪੁੱਛਿਆ ਕਿ ਇਹ ਜੋੜਾ ਵਿਆਹ ਤੋਂ ਬਾਅਦ ਵੀ ਬੱਚੇ ਪੈਦਾ ਕਿਉਂ ਨਹੀਂ ਕਰਨਾ ਚਾਹੁੰਦਾ, ਉਨ੍ਹਾਂ ਨੂੰ ਇਸ ਲਈ ਸਮਾਂ ਕੱਢਣਾ ਚਾਹੀਦਾ ਹੈ।'
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸੰਯੁਕਤ ਰਾਸ਼ਟਰ ’ਚ ਹਿੰਦੀ ਨੂੰ ਅਧਿਕਾਰਤ ਭਾਸ਼ਾ ਵਜੋਂ ਸ਼ਾਮਲ ਕਰਨ ਲਈ ਯਤਨ ਜਾਰੀ : ਜੈਸ਼ੰਕਰ
NEXT STORY 
