ਸੁਲਤਾਨਪੁਰ ਲੋਧੀ, (ਧੀਰ, ਸੋਢੀ, ਤਿਲਕਰਾਜ)- ਹਲਕਾ ਸੁਲਤਾਨਪੁਰ ਲੋਧੀ ਦੇ ਮੰਡ ਖੇਤਰ 'ਚ ਪੈਂਦੇ ਸਾਗਰਾਂ ਵਿਖੇ ਅੱਜ ਕੁਦਰਤੀ ਆਫਤ ਦੇ ਕਾਰਨ ਅੱਗ ਲੱਗਣ ਨਾਲ ਇਕ ਕਿਸਾਨ ਪਰਮਜੀਤ ਸਿੰਘ ਪੁੱਤਰ ਮਹਿਲ ਸਿੰਘ ਵਾਸੀ ਭੀਮ ਕਦੀਆਂ ਦਾ ਡੇਰਾ ਸੜ ਕੇ ਸੁਆਹ ਹੋ ਗਿਆ, ਜਿਸ ਨਾਲ ਉਸ ਨੂੰ ਕਾਫੀ ਆਰਥਿਕ ਨੁਕਸਾਨ ਹੋਇਆ। ਪ੍ਰਾਪਤ ਜਾਣਕਾਰੀ ਮਿਲਣ ਤੋਂ ਬਾਅਦ ਤੁਰੰਤ ਪ੍ਰਸ਼ਾਸਨਿਕ ਅਧਿਕਾਰੀ ਤੇ ਵਿਧਾਇਕ ਨਵਤੇਜ ਚੀਮਾ ਨੇ ਵੀ ਖੁਦ ਘਟਨਾ ਵਾਲੀ ਥਾਂ ਦਾ ਦੌਰਾ ਕੀਤਾ। ਕਿਸਾਨ ਪਰਮਜੀਤ ਸਿੰਘ ਨੇ ਦੱਸਿਆ ਦੁਪਹਿਰ ਕਰੀਬ 2 ਵਜੇ ਦਰਿਆ ਪਾਰ ਆਈ ਇਕ ਚਿੰਗਾਰੀ ਨੇ ਉਸਦੇ ਡੇਰੇ ਨੂੰ ਆਪਣੀ ਅੱਗ 'ਚ ਲਪੇਟ ਲਿਆ, ਜਿਸ ਤੋਂ ਭੜਕੀ ਅੱਗ ਨੇ ਘਰ ਦੇ ਕੀਮਤੀ ਸਾਮਾਨ ਨੂੰ ਨਸ਼ਟ ਕਰ ਦਿੱਤਾ।
ਅੱਗ ਨਾਲ ਘਰ ਦੀਆਂ ਛੱਤਾਂ ਵੀ ਢਹਿਢੇਰੀ ਹੋ ਗਈਆਂ ਤੇ ਪਸ਼ੂਆਂ ਦੇ ਚਾਰੇ ਵਾਸਤੇ ਰੱਖੀ ਤੂੜੀ ਵੀ ਅਗਨੀ ਦੀ ਭੇਟ ਚੜ੍ਹ ਗਈ। ਪਿੰਡ ਵਾਸੀਆਂ ਨੇ ਮਿਲ ਕੇ ਮੁਸ਼ਕਲ ਨਾਲ ਅੱਗ 'ਤੇ ਜਦੋਂ ਕਾਬੂ ਪਾਇਆ ਤਾਂ ਸਾਰਾ ਸਾਮਾਨ ਸੜ ਚੁੱਕਾ ਸੀ। ਵਿਧਾਇਕ ਚੀਮਾ ਨੇ ਕਿਸਾਨ ਨਾਲ ਉਸਦੇ ਹੋਏ ਨੁਕਸਾਨ ਤੇ ਦੁੱਖ ਦਰਦ ਸਾਂਝਾ ਕੀਤਾ ਤੇ ਤੁਰੰਤ ਆਪਣੀ ਜੇਬ ਵਿਚੋਂ ਉਸ ਨੂੰ ਨਕਦ ਆਰਥਿਕ ਮਦਦ ਵੀ ਦਿੱਤੀ। ਉਨ੍ਹਾਂ ਤੁਰੰਤ ਪ੍ਰਸ਼ਾਸਨ ਅਧਿਕਾਰੀਆਂ ਨੂੰ ਹਦਾਇਤ ਦਿੱਤੀ ਕਿ ਪੀੜਤ ਪਰਿਵਾਰ ਨੂੰ ਵੱਧ ਤੋਂ ਵੱਧ ਵਿੱਤੀ ਸਹਾਇਤਾ ਵੀ ਦਿੱਤੀ ਜਾਵੇ। ਇਸ ਮੌਕੇ ਪਿੰਡ ਵਾਸੀਆਂ ਨੇ ਵੀ ਵਿਧਾਇਕ ਚੀਮਾ ਨੂੰ ਕਿਹਾ ਕਿ ਪਹਿਲਾਂ ਕਿਸਾਨ ਨੂੰ ਜਲਦ ਤੋਂ ਜਲਦ ਸਹਾਇਤਾ ਦਿੱਤੀ ਜਾਵੇ। ਇਸ ਮੌਕੇ ਬਲਾਕ ਪ੍ਰਧਾਨ ਕਾਂਗਰਸ ਮੁਖਤਿਆਰ ਸਿੰਘ ਭਗਤਪੁਰ, ਜੌਨ ਇੰਚਾਰਜ ਜਗਜੀਤ ਸਿੰਘ ਚੰਦੀ, ਐੱਮ. ਐੱਚ. ਓ. ਕਬੀਰਪੁਰ ਜਸਮੇਲ ਕੌਰ, ਕਿਸਾਨ ਆਗੂ ਪਰਮਜੀਤ ਸਿੰਘ ਬਾਊਪੁਰ, ਹਰਚਰਨ ਸਿੰਘ ਬੱਗਾ, ਸੀ ਕਾਂਗਰਸ ਆਗੂ, ਅਮਰਜੀਤ ਸਿੰਘ ਸਾਂਗਰਾ, ਸਰਪੰਚ ਮਲਵਿੰਦਰ ਸਿੰਘ, ਕੁਲਦੀਪ ਸਿੰਘ ਸਾਂਘੜਾ ਆਦਿ ਵੀ ਹਾਜ਼ਰ ਸਨ।
ਖੂਹ 'ਚ ਦੱਬੇ ਜਾਣ ਨਾਲ 3 ਮਜ਼ਦੂਰ ਮਰੇ (ਵੀਡੀਓ)
NEXT STORY 
