ਜਲੰਧਰ (ਬਿਊਰੋ)- ਇੰਡੀਅਨ ਆਊਟਫਿਟਸ ’ਚ ਸੂਟ ਪਹਿਨਣਾ ਹਰ ਔਰਤ ਅਤੇ ਮੁਟਿਆਰ ਨੂੰ ਪਸੰਦ ਹੁੰਦਾ ਹੈ। ਜੇ ਇਕ ਸਿੰਪਲ ਸੂਟ ਨੂੰ ਸਟਾਈਲ ਨਾਲ ਵੀਅਰ ਕੀਤਾ ਜਾਵੇ ਤਾਂ ਉਹ ਵੀ ਮੁਟਿਆਰਾਂ ਦੀ ਖੂਬਸੂਰਤੀ ’ਚ ਚਾਰ-ਚੰਨ ਲਾ ਸਕਦਾ ਹੈ। ਪਿਛਲੇ ਕੁਝ ਸਮੇਂ ਤੋਂ ਪਲੇਨ ਸੂਟ ਦੇ ਨਾਲ ਕੰਟ੍ਰਾਸਟ ਦੁਪੱਟੇ ਕਾਫ਼ੀ ਟ੍ਰੈਂਡ ’ਚ ਹਨ। ਸ਼ਾਨਦਾਰ ਕੰਟ੍ਰਾਸਟ ਦੁਪੱਟੇ ਕਿਸੇ ਵੀ ਸਾਦੇ ਸੂਟ ਨੂੰ ਸਟਾਈਲਿਸ਼ ਬਣਾ ਸਕਦੇ ਹਨ। ਬਾਜ਼ਾਰਾਂ ’ਚ ਕਈ ਕਲਰ ਅਤੇ ਡਿਜ਼ਾਈਨ ’ਚ ਕੰਟ੍ਰਾਸਟ ਦੁਪੱਟੇ ਉਪਲੱਬਧ ਹਨ। ਨਾਲ ਹੀ ਬਹੁਤ ਸਾਰੇ ਸੂਟ ਕੰਟ੍ਰਾਸਟ ਦੁਪੱਟੇ ਦੇ ਨਾਲ ਮਿਲ ਰਹੇ ਹਨ। ਕੰਟ੍ਰਾਸਟ ਦੁਪੱਟੇ ਸੂਟ ਦੀ ਖੂਬਸੂਰਤੀ ਵਧਾਉਣ ਦੇ ਨਾਲ-ਨਾਲ ਔਰਤਾਂ ਨੂੰ ਵੀ ਅਟ੍ਰੈਕਟਿਵ ਅਤੇ ਸਟਾਈਲਿਸ਼ ਲੁਕ ਦਿੰਦੇ ਹਨ। ਸਭ ਤੋਂ ਜ਼ਿਆਦਾ ਮੁਟਿਆਰਾਂ ਨੂੰ ਮਲਟੀਕਲਰ ਦੁਪੱਟੇ, ਗੋਟਾ ਜਾਂ ਲੈਸ ਵਾਲੇ ਦੁਪੱਟੇ, ਸਿਲਕ ਦੇ ਦੁਪੱਟੇ, ਫਲਾਵਰ ਪ੍ਰਿੰਟਿਡ ਦੁਪੱਟੇ, ਕਢਾਈ ਡਿਜ਼ਾਈਨ ਦੇ ਦੁਪੱਟੇ ਜਾਂ ਨੈੱਟ ਦੇ ਦੁਪੱਟੇ ਕੈਰੀ ਕੀਤੇ ਵੇਖਿਆ ਜਾ ਸਕਦਾ ਹੈ।
ਇਕ ਵ੍ਹਾਈਟ ਸਿੰਪਲ ਸੂਟ ਨੂੰ ਹੋਰ ਵੀ ਆਕਰਸ਼ਕ ਬਣਾਉਣ ਦਾ ਸਭ ਤੋਂ ਵਧੀਆ ਤਰੀਕਾ ਹੈ ਕਿ ਇਸ ਦੇ ਨਾਲ ਮਲਟੀਕਲਰ ਕੰਟ੍ਰਾਸਟ ਦੁਪੱਟੇ ਨੂੰ ਵੀਅਰ ਕੀਤਾ ਜਾਵੇ। ਕਈ ਮੁਟਿਆਰਾਂ ਨੂੰ ਵ੍ਹਾਈਟ ਪਲੇਨ ਸਿੰਪਲ ਸੂਟ, ਫਰਾਕ ਸੂਟ ਜਾਂ ਅਨਾਰਕਲੀ ਸੂਟ ਦੇ ਨਾਲ ਮਲਟੀਕਲਰ ਮਿਰਰ ਵਰਕ ਦੇ ਦੁਪੱਟੇ ਕੈਰੀ ਕੀਤੇ ਵੇਖਿਆ ਜਾ ਸਕਦਾ ਹੈ, ਜੋ ਕਿ ਉਨ੍ਹਾਂ ਨੂੰ ਕਾਫ਼ੀ ਸਿੰਪਲ, ਸੋਬਰ ਅਤੇ ਟ੍ਰੈਡੀਸ਼ਨਲ ਲੁਕ ਦਿੰਦੇ ਹਨ। ਕੋਈ ਵੀ ਸਾਫਟ ਪੇਸਟਲ ਰੰਗ ਦਾ ਪਲੇਨ ਸੂਟ ਫਲੋਰਲ ਪ੍ਰਿੰਟਿਡ ਕੰਟ੍ਰਾਸਟ ਦੁਪੱਟੇ ਨਾਲ ਕਾਫ਼ੀ ਖੂਬਸੂਰਤ ਲੱਗਦਾ ਹੈ।
ਕੰਟ੍ਰਾਸਟ ਦੁਪੱਟੇ ਇੰਨੇ ਟ੍ਰੈਂਡ ’ਚ ਹਨ ਕਿ ਦੁਲਹਨ ਨੂੰ ਵੀ ਵਿਆਹ ਵਾਲੇ ਦਿਨ ਲਹਿੰਗਾ-ਚੋਲੀ ਦੇ ਨਾਲ ਜ਼ਿਆਦਾਤਰ ਕੰਟ੍ਰਾਸਟ ਦੁਪੱਟਾ ਕੈਰੀ ਕੀਤੇ ਵੇਖਿਆ ਜਾ ਸਕਦਾ ਹੈ। ਜ਼ਿਆਦਾਤਰ ਮੁਟਿਆਰਾਂ ਵ੍ਹਾਈਟ ਸੂਟ ਦੇ ਨਾਲ ਰੈੱਡ, ਮੈਰੂਨ ਦਾ ਕੰਬੀਨੇਸ਼ਨ ਪਸੰਦ ਕਰ ਰਹੀਆਂ ਹਨ। ਉੱਥੇ ਹੀ, ਕਈ ਮੁਟਿਆਰਾਂ ਨੂੰ ਯੈਲੋ ਸੂਟ ਦੇ ਨਾਲ ਗ੍ਰੀਨ ਬਲਿਊ ਦਾ ਕੰਬੀਨੇਸ਼ਨ ਕੀਤੇ ਵੀ ਵੇਖਿਆ ਜਾ ਸਕਦਾ ਹੈ ਤੇ ਕੁਝ ਬਲਿਊ ਸੂਟ ਦੇ ਨਾਲ ਰੈੱਡ ਦੁਪੱਟੇ ਨੂੰ ਕੈਰੀ ਕਰ ਰਹੀਆਂ ਹਨ। ਕੰਟ੍ਰਾਸਟ ਦੁਪੱਟੇ ਸਿੰਪਲ ਸੂਟ ਤੋਂ ਲੈ ਕੇ ਹੈਵੀ ਸੂਟ ਤੱਕ ਮੁਟਿਆਰਾਂ ਨੂੰ ਹਰ ਮੌਕੇ ’ਤੇ ਡਿਫਰੈਂਟ ਅਤੇ ਰਾਇਲ ਲੁਕ ਦਿੰਦੇ ਹਨ।
ਵਾਸਤੂ ਸ਼ਾਸਤਰ : ਇਹ ਉਪਾਅ ਬਦਲ ਦੇਣਗੇ ਤੁਹਾਡੀ ‘ਕਿਸਮਤ’, ਘਰ ਆਵੇਗਾ ਧਨ ਤੇ ਜ਼ਿੰਦਗੀ 'ਚ ਰਹੇਗੀ ਸੁੱਖ-ਸ਼ਾਂਤੀ
NEXT STORY 
