ਵੈੱਬ ਡੈਸਕ- ਇੰਡੀਅਨ ਡਰੈੱਸਾਂ ’ਚ ਸੂਟ ਹਮੇਸ਼ਾ ਤੋਂ ਮੁਟਿਆਰਾਂ ਅਤੇ ਔਰਤਾਂ ਦੀ ਪਹਿਲੀ ਪਸੰਦ ਰਹੇ ਹਨ। ਸੂਟ ਹੋਰ ਡਰੈੱਸਾਂ ਦੇ ਮੁਕਾਬਲੇ ਕਾਫ਼ੀ ਕੰਫਰਟੇਬਲ ਰਹਿੰਦੇ ਹਨ। ਇਹੀ ਕਾਰਨ ਹੈ ਕਿ ਔਰਤਾਂ ਇਨ੍ਹਾਂ ਨੂੰ ਕੈਜ਼ੂਅਲ ਤੋਂ ਲੈ ਕੇ ਖ਼ਾਸ ਮੌਕਿਆਂ ਤੱਕ ਪਹਿਨਣਾ ਪਸੰਦ ਕਰਦੀਆਂ ਹਨ। ਕੈਜ਼ੂਅਲ ’ਚ ਲਾਈਟਵੇਟ ਅਤੇ ਹਲਕੇ ਵਰਕ ਵਾਲੇ ਸੂਟ ਦਿਖਦੇ ਹਨ, ਉੱਥੇ ਹੀ ਖ਼ਾਸ ਮੌਕਿਆਂ ’ਤੇ ਹੈਵੀ ਵਰਕ ਅਤੇ ਡਿਜ਼ਾਈਨਰ ਸੂਟਾਂ ਦੀ ਧੁੰਮ ਰਹਿੰਦੀ ਹੈ। ਸੂਟਾਂ ’ਚ ਔਰਤਾਂ ਕੋਲ ਆਪਸ਼ਨਜ਼ ਦੀ ਕਮੀ ਨਹੀਂ ਹੁੰਦੀ ਹੈ।
ਸਿੰਪਲ ਸਲਵਾਰ ਸੂਟ ਤੋਂ ਲੈ ਕੇ ਪਟਿਆਲਾ, ਪੰਜਾਬੀ, ਡੋਗਰੀ, ਪਲਾਜ਼ੋ, ਸ਼ਰਾਰਾ, ਨਾਇਰਾ ਕੱਟ ਅਤੇ ਅਨਾਰਕਲੀ ਸੂਟ ਤੱਕ ਹਰ ਸਟਾਈਲ ਟਰੈਂਡ ’ਚ ਹੈ। ਇਨ੍ਹਾਂ ਡਿਜ਼ਾਈਨਾਂ ਦੇ ਨਾਲ-ਨਾਲ ਵਰਕ ’ਚ ਵੀ ਕਈ ਵਰਾਇਟੀਆਂ ਮਿਲਦੀਆਂ ਹਨ। ਕਿਸੇ ਨੂੰ ਕਢਾਈ ਪਸੰਦ ਹੈ ਤਾਂ ਕਿਸੇ ਨੂੰ ਲੈਸ ਵਰਕ, ਮਿਰਰ ਵਰਕ, ਸਟੋਨ ਵਰਕ ਜਾਂ ਜ਼ਰੀ ਵਰਕ। ਇਨ੍ਹਾਂ ’ਚੋਂ ਹੀ ਗੋਟਾ ਪੱਟੀ ਵਰਕ ਵਾਲੇ ਸੂਟ ਮੁਟਿਆਰਾਂ ਨੂੰ ਟਰੈਡੀਸ਼ਨਲ ਅਤੇ ਰਾਇਲ ਲੁੱਕ ਦਿੰਦੇ ਹਨ। ਇਹ ਸੂਟ ਖ਼ਾਸ ਤੌਰ ’ਤੇ ਵਿਆਹ, ਪਾਰਟੀ, ਐਨੀਵਰਸਰੀ, ਸਗਾਈ, ਮਹਿੰਦੀ, ਸੰਗੀਤ ਅਤੇ ਪੂਜਾ ਪ੍ਰੋਗਰਾਮਾਂ ਦੀ ਸ਼ਾਨ ਬਣਦੇ ਹਨ। ਸੱਭਿਆਚਾਰਕ ਪ੍ਰੋਗਰਾਮਾਂ ’ਚ ਵੀ ਔਰਤਾਂ ਗੋਟਾ ਪੱਟੀ ਸੂਟ ’ਚ ਨਜ਼ਰ ਆਉਂਦੀਆਂ ਹਨ। ਇਹ ਵਰਕ ਸੂਟ ਨੂੰ ਹੈਵੀ, ਟਰੈਡੀਸ਼ਨਲ ਅਤੇ ਬੇਹੱਦ ਖ਼ੂਬਸੂਰਤ ਬਣਾ ਦਿੰਦਾ ਹੈ, ਇਸ ਲਈ ਮੁਟਿਆਰਾਂ ਇਸ ਨੂੰ ਕਾਫ਼ੀ ਪਸੰਦ ਕਰ ਰਹੀਆਂ ਹਨ। ਗੋਟਾ ਪੱਟੀ ਕਈ ਤਰ੍ਹਾਂ ਦੀ ਹੁੰਦੀ ਹੈ। ਕੁਝ ’ਚ ਚੌੜੀ ਗੋਟਾ ਪੱਟੀ ਤੇ ਕੁਝ ’ਚ ਪਤਲੀ। ਰੰਗਾਂ ’ਚ ਗੋਲਡਨ ਅਤੇ ਸਿਲਵਰ ਸਭ ਤੋਂ ਜ਼ਿਆਦਾ ਰੁਝਾਨ ’ਚ ਹਨ। ਗੋਟਾ ਪੱਟੀ ਸੂਟ 3 ਪੀਸ ਦਾ ਹੁੰਦਾ ਹੈ-ਕੁੜਤੀ, ਬਾਟਮ ਅਤੇ ਦੁਪੱਟਾ।
ਕੁੜਤੀ ਦੀ ਨੈੱਕਲਾਈਨ, ਹੇਮਲਾਈਨ ਅਤੇ ਸਲੀਵਜ਼ ’ਤੇ ਗੋਟਾ ਪੱਟੀ ਦਾ ਕੰਮ ਖ਼ਾਸ ਖਿੱਚ ਦਿੰਦਾ ਹੈ। ਕਈ ਵਾਰ ਬਾਟਮ ’ਤੇ ਵੀ ਵਰਕ ਦਿਸਦਾ ਹੈ। ਦੁਪੱਟੇ ਦੇ ਚਾਰੇ ਪਾਸੇ ਲੱਗੀ ਗੋਟਾ ਪੱਟੀ ਇਸ ਨੂੰ ਹੋਰ ਵੀ ਗ੍ਰੇਸਫੁੱਲ ਬਣਾ ਦਿੰਦੀ ਹੈ। ਗੋਟਾ ਪੱਟੀ ਸੂਟ ਦਾ ਫੈਸ਼ਨ ਸਦਾਬਹਾਰ ਹੈ। ਇਹ ਕਦੇ ਪੁਰਾਣਾ ਨਹੀਂ ਹੁੰਦਾ। ਬਦਲਦੇ ਸਮੇਂ ਦੇ ਨਾਲ ਡਿਜ਼ਾਈਨ ’ਚ ਥੋੜ੍ਹਾ ਬਦਲਾਅ ਜ਼ਰੂਰ ਆਇਆ ਹੈ ਪਰ ਇਸ ਦੀ ਮੰਗ ਘੱਟ ਨਹੀਂ ਹੋਈ। ਮੁਟਿਆਰਾਂ ’ਚ ਇਸ ਦਾ ਕ੍ਰੇਜ਼ ਇੰਨਾ ਹੈ ਕਿ ਉਹ ਵੱਖਰੇ ਤੌਰ ’ਤੇ ਅਨਸਟਿੱਚਡ ਕੱਪੜਾ ਲੈ ਕੇ ਆਪਣੀ ਪਸੰਦ ਨਾਲ ਗੋਟਾ ਪੱਟੀ ਲਗਵਾ ਕੇ ਸੂਟ ਸਿਲਵਾ ਰਹੀਆਂ ਹਨ। ਮਾਰਕੀਟ ’ਚ ਪ੍ਰਿੰਟਿਡ ਤੋਂ ਲੈ ਕੇ ਪਲੇਨ ਗੋਟਾ ਪੱਟੀ ਸੂਟ ਮਿਲਦੇ ਹਨ। ਪਲੇਨ ਸੂਟ ਨੂੰ ਵੀ ਗੋਟਾ ਪੱਟੀ ਸ਼ਾਹੀ ਲੁੱਕ ਦੇ ਦਿੰਦੀ ਹੈ। ਇਸ ਦੇ ਨਾਲ ਜਿਊਲਰੀ ’ਚ ਲਾਈਟ ਤੋਂ ਲੈ ਕੇ ਹੈਵੀ ਕੁੰਦਨ, ਪੋਲਕੀ ਜਾਂ ਆਕਸੀਡਾਈਜ਼ਡ ਸੈੱਟ ਕੈਰੀ ਕੀਤੇ ਜਾਂਦੇ ਹਨ। ਹੇਅਰ ਸਟਾਈਲ ’ਚ ਓਪਨ ਹੇਅਰ, ਪਰਾਂਦਾ ਗੁੱਤ, ਜੂੜਾ ਪਸੰਦ ਕੀਤੇ ਜਾਂਦੇ ਹਨ। ਅਸੈਸਰੀਜ਼ ’ਚ ਕਲੱਚ, ਪਰਸ ਅਤੇ ਪੋਟਲੀ ਲੁੱਕ ਨੂੰ ਪੂਰਾ ਕਰਦੇ ਹਨ। ਫੁੱਟਵੀਅਰ ’ਚ ਜ਼ਿਆਦਾਤਰ ਮੁਟਿਆਰਾਂ ਪੰਜਾਬੀ ਜੁੱਤੀ ਪਹਿਨਦੀਆਂ ਹਨ, ਉੱਥੇ ਹੀ ਕੁਝ ਐਂਬ੍ਰਾਇਡਰੀ ਵਾਲੇ ਸੈਂਡਲ ਜਾਂ ਹੀਲਜ਼ ਵੀ ਚੁਣਦੀਆਂ ਹਨ। ਕੁਲ ਮਿਲਾ ਕੇ ਗੋਟਾ ਪੱਟੀ ਸੂਟ ਹਰ ਮੁਟਿਆਰ ਦੀ ਵਾਰਡਰੋਬ ਦਾ ਜ਼ਰੂਰੀ ਹਿੱਸਾ ਬਣ ਚੁੱਕਾ ਹੈ। ਇਹ ਮੁਟਿਆਰਾਂ ਨੂੰ ਟਰੈਡੀਸ਼ਨਲ ਦੇ ਨਾਲ-ਨਾਲ ਕਲਾਸਿਕ ਅਤੇ ਐਲੀਗੈਂਸ ਲੁੱਕ ਵੀ ਦਿੰਦਾ ਹੈ।
ਗਰਮੀਆਂ ’ਚ ਔਰਤਾਂ ਨੂੰ ਕੂਲ ਲੁੱਕ ਦੇ ਰਹੀਆਂ ਟਾਈ-ਡਾਈ ਸਾੜ੍ਹੀਆਂ
NEXT STORY 
