ਮੁੰਬਈ- ਪੱਛਮੀ ਪਹਿਰਾਵਿਆਂ ਵਿਚ ਮੁਟਿਆਰਾਂ ਨੂੰ ਜੀਨਸ ਟਾਪ ਦੇ ਨਾਲ-ਨਾਲ ਵਨ ਪੀਸ ਡਰੈੱਸ ਵੀ ਬਹੁਤ ਪਸੰਦ ਆ ਰਹੇ ਹਨ। ਇਹੋ ਕਾਰਨ ਹੈ ਕਿ ਮੁਟਿਆਰਾਂ ਨੂੰ ਤਰ੍ਹਾਂ-ਤਰ੍ਹਾਂ ਦੇ ਡਿਜ਼ਾਈਨ ਅਤੇ ਪੈਟਰਨ ਦੇ ਵਨ ਪੀਸ ਡਰੈੱਸ ਪਹਿਨੇ ਦੇਖਿਆ ਜਾ ਸਕਦਾ ਹੈ। ਉਥੇ ਹੀ ਫਲੋਰਲ ਪ੍ਰਿੰਟ ਵਨ ਪੀਸ ਡਰੈੱਸ ਹਮੇਸ਼ਾ ਤੋਂ ਟਰੈਂਡ ਵਿਚ ਰਹਿੰਦੇ ਹਨ। ਇਹੋ ਕਾਰਨ ਹੈ ਕਿ ਮੁਟਿਆਰਾਂ ਨੂੰ ਆਊਟਿੰਗ, ਪਿਕਨਿਕ ਤੇ ਹੋਰ ਮੌਕਿਆਂ ਦੌਰਾਨ ਇਸ ਪ੍ਰਿੰਟ ਦੇ ਵਨ ਪੀਸ ਡਰੈੱਸ ਪਹਿਨੇ ਦੇਖਿਆ ਜਾ ਸਕਦਾ ਹੈ। ਵਨ ਪੀਸ ਡਰੈੱਸ ਵਿਚ ਮੁਟਿਆਰਾਂ ਨੂੰ ਲਾਂਗ ਡਰੈੱਸ, ਸ਼ਾਰਟ ਡਰੈੱਸ, ਫਰਾਕ ਟਾਈਪ, ਮਿਡੀ, ਬਾਡੀਕਾਨ ਡਰੈੱਸ ਅਤੇ ਹੋਰ ਕਈ ਡਿਜ਼ਾਈਨ ਅਤੇ ਪੈਟਰਨ ਦੇ ਡਰੈੱਸ ਪਹਿਨਣਾ ਪਸੰਦ ਹੁੰਦਾ ਹੈ। ਫਲੋਰਲ ਪ੍ਰਿੰਟਿਡ ਵਨ ਪੀਸ ਡਰੈੱਸ ਮੁਟਿਆਰਾਂ ਅਤੇ ਔਰਤਾਂ ਨੂੰ ਫਰੈੱਸ਼ ਲੁਕ ਦੇਣ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਬਹੁਤ ਮਾਡਰਨ ਲੁਕ ਦਿੰਦੇ ਹਨ। ਇਹ ਮੁਟਿਆਰਾਂ ਨੂੰ ਹਰ ਮੌਕਿਆਂ ’ਤੇ ਅਟ੍ਰੈਕਟਿਵ ਅਤੇ ਸਟਾਈਲਿਸ ਦਿਖਾਉਂਦੇ ਹਨ। ਇਹ ਡਰੈੱਸ ਮੁਟਿਆਰਾਂ ਨੂੰ ਬਹੁਤ ਕੰਫਰਟੇਬਲ ਫੀਲ ਕਰਵਾਉਂਦੇ ਹਨ ਜਿਸ ਕਾਰਨ ਉਹ ਇਨ੍ਹਾਂ ਨੂੰ ਦਿਨ ਭਰ ਅਤੇ ਕਿਸੇ ਵੀ ਮੌਕੇ ’ਤੇ ਆਸਾਨੀ ਨਾਲ ਪਹਿਨ ਸਕਦੀਆਂ ਹਨ। ਇਹ ਲਾਈਟ ਵੇਟ ਹੋਣ ਦੇ ਨਾਲ-ਨਾਲ ਉਨ੍ਹਾਂ ਦਾ ਆਤਮ-ਵਿਸ਼ਵਾਸ ਵਧਾਉਂਦੇ ਹਨ। ਇਨ੍ਹਾਂ ਵਿਚ ਫਲੋਰਲ ਪ੍ਰਿੰਟ ਹੋਣ ਕਾਰਨ ਲੁਕ ਬਹੁਤ ਖਿੜੀ-ਖਿੜੀ ਨਜ਼ਰ ਆਉਂਦੀ ਹੈ। ਇਹ ਵਾਈਬ੍ਰੇਂਟ ਹੋਣ ਦੇ ਨਾਲ ਹੀ ਆਈ ਕੈਂਚੀ ਪੈਟਰਨ ਨਾਲ ਭਰਪੂਰ ਹੁੰਦੇ ਹਨ ਜੋ ਮੁਟਿਆਰਾਂ ਤੇ ਔਰਤਾਂ ਨੂੰ ਗ੍ਰੇਸਫੁਲ ਅਤੇ ਐਲੀਗੇਂਟ ਲੁਕ ਦੀ ਰੀਪ੍ਰੈਜੈਂਟ ਕਰਦਾ ਹੈ।
ਸਭ ਤੋਂ ਖਾਸ ਗੱਲ ਹੈ ਕਿ ਇਨ੍ਹਾਂ ਫਲੋਰਲ ਪ੍ਰਿੰਟਿਡ ਵਨ ਪੀਸ ਡਰੈੱਸ ਨਾਲ ਮੁਟਿਆਰਾਂ ਅਤੇ ਔਰਤਾਂ ਓਪਨ ਹੇਅਰ ਤੋਂ ਲੈ ਕੇ ਆਪਣੇ ਪਸੰਦੀਦਾ ਕੋਈ ਵੀ ਹੇਅਰ ਸਟਾਈਲ ਕਰ ਸਕਦੀਆਂ ਹਨ। ਇਸ ਦੇ ਨਾਲ ਮੁਟਿਆਰਾਂ ਹਰ ਤਰ੍ਹਾਂ ਦੇ ਫੁਟਵੀਅਰ ਜਿਵੇਂ ਫਲੈਟ, ਸੈਂਡਰ, ਹਾਈ ਹੀਲਸ, ਲੇਸਅਪ ਹੀਲਸ, ਜੁੱਤੀ, ਬੇਲੀ, ਸਪੋਰਟਸ ਸ਼ੂਜ, ਲਾਂਗ ਸ਼ੂਜ ਐਂਕਲ ਲੈਂਥ ਬੂਟ ਆਦਿ ਨੂੰ ਟਰਾਈ ਕਰ ਸਕਦੀਆਂ ਹਨ। ਇਨ੍ਹਾਂ ਡਰੈਸਿਜ਼ ਨਾਲ ਹਰ ਤਰ੍ਹਾਂ ਦੇ ਫੁਟਵੀਅਰ ਜਚਦੇ ਹਨ। ਮੁਟਿਆਰਾਂ ਪ੍ਰੋਗਰਾਮ ਦੇ ਹਿਸਾਬ ਨਾਲ ਵੱਖ-ਵੱਖ ਤਰ੍ਹਾਂ ਦੇ ਫੁਟਵੀਅਰ ਨੂੰ ਟਰਾਈ ਕਰ ਰਹੀਆਂ ਹਨ। ਇਨ੍ਹਾਂ ਨਾਲ ਮੁਟਿਆਰਾਂ ਨੂੰ ਜ਼ਿਆਦਾਤਰ ਗੋਲਡਨ, ਸਿਲਵਰ ਅਤੇ ਫਲੋਰਲ ਡਿਜ਼ਾਈਨ ਦੀ ਲਾਈਟ ਜਿਊਲਰੀ ਕੈਰੀ ਕੀਤੇ ਦੇਖਿਆ ਜਾ ਸਕਦਾ ਹੈ ਜੋ ਕਿ ਉਨ੍ਹਾਂ ਦੀ ਲੁਕ ਨੂੰ ਕੰਪਲੀਟ ਕਰਨ ਦੇ ਨਾਲ-ਨਾਲ ਉਨ੍ਹਾਂ ਹੋਰ ਵੀ ਸੋਹਣੀ ਬਣਾਉਂਦੀ ਹੈ।
ਮਾਰਕੀਟ ਵਿਚ ਫਲੋਰਲ ਪ੍ਰਿੰਟਿਡ ਵਨ ਪੀਸ ਡਰੈੱਸ ਵਿਚ ਕਈ ਤਰ੍ਹਾਂ ਦੇ ਡਰੈੱਸ ਮਿਲ ਰਹੇ ਹਨ ਜਿਨ੍ਹਾਂ ਵਿਚ ਮੁਟਿਆਰਾਂ ਨੂੰ ਸਲੀਵਲੈੱਸ, ਫੁਲ ਸਲੀਵਸ, ਟ੍ਰਿਪ ਡਿਜ਼ਾਈਨ, ਤਰ੍ਹਾਂ-ਤਰ੍ਹਾਂ ਦੇ ਡਿਜ਼ਾਈਨਰ ਸਲੀਵਸ ਤੇ ਨੈੱਕ ਡਿਜ਼ਾਈਨ ਵਾਲੇ ਡਰੈੱਸ ਖਰੀਦਦੇ ਦੇਖਿਆ ਜਾ ਸਕਦਾ ਹੈ। ਕੁਝ ਮੁਟਿਆਰਾਂ ਨੂੰ ਬਾਟਮ ਵਿਚ ਫ੍ਰਿਲ ਡਿਜ਼ਾਈਨ ਵਾਲੇ ਡਰੈੱਸ ਵੀ ਬਹੁਤ ਪਸੰਦ ਆ ਰਹੇ ਹਨ। ਮੁਟਿਆਰਾਂ ਨੂੰ ਜ਼ਿਆਦਾਤਰ ਪਿੰਕ, ਪਰਪਲ, ਆਰੇਂਜ, ਪੀਚ, ਮੈਰੂਨ ਅਤੇ ਵ੍ਹਾਈਟ ਫਲੋਰਲ ਪ੍ਰਿੰਟ ਦੇ ਵਨ ਪੀਸ ਡਰੈੱਸ ਜ਼ਿਆਦਾ ਪਸੰਦ ਆ ਰਹੇ ਹਨ।
ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣੇ ਮਲਟੀ ਕਲਰ ਦੁਪੱਟੇ
NEXT STORY 
