ਵੈੱਬ ਡੈਸਕ- ਸਰਦੀਆਂ ਦਾ ਮੌਸਮ ਆਉਂਦੇ ਹੀ ਫੈਸ਼ਨ ’ਚ ਗਰਮਾਹਟ ਅਤੇ ਸਟਾਈਲ ਦਾ ਅਨੋਖਾ ਕੰਬੀਨੇਸ਼ਨ ਸਭ ਤੋਂ ਜ਼ਿਆਦਾ ਮੰਗ ’ਚ ਰਹਿੰਦਾ ਹੈ। ਅੱਜਕਲ ਮੁਟਿਆਰਾਂ ਅਤੇ ਔਰਤਾਂ ਫਰ ਸਟੋਲ ਨੂੰ ਆਪਣੀ ਪਹਿਲੀ ਪਸੰਦ ਬਣਾ ਰਹੀਆਂ ਹਨ। ਇਹ ਨਾ ਸਿਰਫ਼ ਠੰਢ ਤੋਂ ਬਚਾਅ ਕਰਦਾ ਹੈ, ਸਗੋਂ ਕਿਸੇ ਵੀ ਆਊਟਫਿਟ ਨੂੰ ਇੰਸਟੈਂਟ ਗਲੈਮਰਸ ਅਤੇ ਲਗਜ਼ਰੀ ਲੁੱਕ ਦੇ ਦਿੰਦਾ ਹੈ। ਫਰ ਸਟੋਲ ਸਰਦੀਆਂ ’ਚ ਕਿਊਟ ਅਤੇ ਐਲੀਗੈਂਟ ਦੋਵੇਂ ਲੁੱਕ ਦਿੰਦਾ ਹੈ। ਖ਼ਾਸ ਕਰਕੇ ਜਦੋਂ ਇਸ ਨੂੰ ਵੈਸਟਰਨ ਜਾਂ ਇੰਡੋ-ਵੈਸਟਰਨ ਡਰੈੱਸ ਨਾਲ ਸਟਾਈਲ ਕੀਤਾ ਜਾਵੇ। ਫਰ ਸਟੋਲ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਸ ਦੀ ਸਾਫਟ ਅਤੇ ਲਗਜ਼ਰੀ ਫੈਬਰਿਕ ਹੈ। ਜ਼ਿਆਦਾਤਰ ਫਾਕਸ ਫਰ ਨਾਲ ਬਣੇ ਇਹ ਸਟੋਲ ਦਿਸਣ ’ਚ ਹੈਵੀ ਲੱਗਦੇ ਹਨ ਪਰ ਕਾਫ਼ੀ ਲਾਈਟਵੇਟ ਹੁੰਦੇ ਹਨ। ਇਸ ਨਾਲ ਇਨ੍ਹਾਂ ਨੂੰ ਪੂਰਾ ਦਿਨ ਆਸਾਨੀ ਨਾਲ ਪਹਿਨਿਆ ਜਾ ਸਕਦਾ ਹੈ। ਇਹ ਫੈਬਰਿਕ ਇਸ ਨੂੰ ਹੋਰ ਸਟੋਲਜ਼ ਜਿਵੇਂ ਵੂਲਨ, ਪਸ਼ਮੀਨਾ ਜਾਂ ਚੈੱਕ ਪੈਟਰਨ ਵਾਲਿਆਂ ਤੋਂ ਵੱਖਰਾ ਅਤੇ ਯੂਨੀਕ ਬਣਾਉਂਦਾ ਹੈ।
ਕਲਰ ਆਪਸ਼ਨਜ਼ ਦੀ ਗੱਲ ਕਰੀਏ ਤਾਂ ਡਾਰਕ ਸ਼ੇਡਸ ’ਚ ਬਲੈਕ ਸਭ ਤੋਂ ਜ਼ਿਆਦਾ ਪਾਪੂਲਰ ਹੈ, ਜੋ ਹਰ ਡਰੈੱਸ ਨਾਲ ਪਰਫੈਕਟ ਮੈਚ ਕਰਦਾ ਹੈ। ਮਹਿਰੂਨ, ਚਾਕਲੇਟ ਬ੍ਰਾਊਨ, ਡਾਰਕ ਬਲਿਊ ਵਰਗੇ ਕਲਰਜ਼ ਵੀ ਟ੍ਰੈਂਡੀ ਹਨ। ਲਾਈਟ ਸ਼ੇਡਸ ’ਚ ਵ੍ਹਾਈਟ, ਪਿੰਕ, ਪੀਚ ਕਲਰਜ਼ ਕਿਊਟ ਅਤੇ ਫੈਮੀਨਿਨ ਲੁੱਕ ਦਿੰਦੇ ਹਨ। ਕਈ ਮੁਟਿਆਰਾਂ ਡਰੈੱਸ ਨਾਲ ਮੈਚਿੰਗ ਫਰ ਸਟੋਲ ਚੁਣਦੀਆਂ ਹਨ, ਜਦਕਿ ਕੁਝ ਐਨੀਮਲ ਪ੍ਰਿੰਟ (ਜਿਵੇਂ ਲੈਪਰਡ ਜਾਂ ਜ਼ੈਬਰਾ) ਵਾਲੇ ਸਟੋਲ ਵੀ ਸਟਾਈਲ ਕੀਤੇ ਦੇਖੇ ਜਾ ਸਕਦੇ ਹਨ। ਸਟਾਈਲਿੰਗ ਦੇ ਮਾਮਲੇ ’ਚ ਫਰ ਸਟੋਲ ਕਾਫ਼ੀ ਵਰਸਟਾਈਲ ਹੈ। ਜੀਨਸ ਅਤੇ ਟਾਪ ਨਾਲ ਇਸ ਨੂੰ ਲੂਜ਼ਲੀ ਰੈਪ ਕਰਕੇ ਕੈਜ਼ੂਅਲ-ਚਿਕ ਲੁੱਕ ਬਣਦਾ ਹੈ। ਉਥੇ ਹੀ ਵਿੰਟਰ ਲਾਂਗ ਫਰਾਕ ਜਾਂ ਵਨ ਪੀਸ ਪਾਰਟੀ ਵੀਅਰ ਡਰੈੱਸ ਨਾਲ ਇਸ ਨੂੰ ਗਰਦਨ ਦੇ ਚਾਰੋਂ ਪਾਸੇ ਪਾ ਕੇ ਜਾਂ ਸ਼ੋਲਡਰ ’ਤੇ ਰੱਖ ਕੇ ਗਲੈਮਰਸ ਟੱਚ ਮਿਲਦਾ ਹੈ। ਇੰਡੀਅਨ, ਵੈਸਟਰਨ ਜਾਂ ਇੰਡੋ-ਵੈਸਟਰਨ ਕਿਸੇ ਵੀ ਡਰੈੱਸ ਨਾਲ ਇਹ ਖੂਬ ਜਚਦਾ ਹੈ ਪਰ ਵੈਸਟਰਨ ਪਾਰਟੀ ਵੀਅਰ ’ਚ ਇਹ ਸਭ ਤੋਂ ਜ਼ਿਆਦਾ ਖੂਬਸੂਰਤ ਲੱਗਦਾ ਹੈ।
ਬਾਲੀਵੁੱਡ ਅਭਿਨੇਤਰੀਆਂ ਅਤੇ ਮਾਡਲਸ ਵੀ ਫਰ ਸਟੋਲ ਨੂੰ ਖੂਬ ਸਟਾਈਲ ਕਰਦੀਆਂ ਦਿਸਦੀਆਂ ਹਨ। ਉਨ੍ਹਾਂ ਨੂੰ ਫਾਕਸ ਫਰ ਸਟੋਲ ਕੋਟ ਨੂੰ ਵਿੰਟਰ ਵੈਡਿੰਗਜ਼, ਈਵਨਿੰਗ ਪਾਰਟੀਜ਼ ਅਤੇ ਰੈੱਡ ਕਾਰਪੇਟ ’ਤੇ ਕੈਰੀ ਕੀਤੇ ਦੇਖਿਆ ਜਾ ਸਕਦਾ ਹੈ। ਫਰ ਸਟੋਲ ਥਿੱਕ ਅਤੇ ਥਿਨ ਦੋਵੇਂ ਲੇਅਰਜ਼ ’ਚ ਉਪਲਬਧ ਹਨ। ਥਿੱਕ ਵਾਲੇ ਵਿੰਟਰ ਲਈ ਬੈਸਟ ਹਨ, ਜਦਕਿ ਥਿਨ ਵਾਲੇ ਨਾਰਮਲ ਠੰਢ ਜਾਂ ਲੇਅਰਿੰਗ ਲਈ ਸਟਾਈਲ ਕੀਤੇ ਜਾ ਰਹੇ ਹਨ। ਮੁਟਿਆਰਾਂ ਅਤੇ ਔਰਤਾਂ ਹੋਰ ਐਕਸੈਸਰੀਜ਼ ਦੇ ਨਾਲ ਕੰਬੀਨੇਸ਼ਨ ’ਚ ਫਰ ਸਟੋਲ ਨੂੰ ਸਨਗਲਾਸਿਜ਼, ਹੈਂਡਬੈਗ, ਬੈਲਟ ਜਾਂ ਚੰਕੀ ਜਿਊਲਰੀ ਨਾਲ ਪੇਅਰ ਕਰਕੇ ਲੁੱਕ ਨੂੰ ਹੋਰ ਨਿਖਾਰ ਰਹੀਆਂ ਹਨ। ਫਰ ਸਟੋਲ ਸਰਦੀਆਂ ’ਚ ਗਰਮਾਹਟ, ਕਿਊਟਨੈੱਸ ਅਤੇ ਸਟਾਈਲ ਦਾ ਪਰਫੈਕਟ ਮਿਸ਼ਰਣ ਹੈ। ਇਹ ਨਾ ਸਿਰਫ਼ ਫੈਸ਼ਨ ਸਟੇਟਮੈਂਟ ਬਣਾਉਂਦਾ ਹੈ ਸਗੋਂ ਮੁਟਿਆਰਾਂ ਦਾ ਆਤਮ-ਵਿਸ਼ਵਾਸ ਵੀ ਵਧਾਉਂਦਾ ਹੈ।
ਬੱਚਿਆਂ ਦੀ ਇਮਿਊਨਿਟੀ ਵਧਾਉਣ ਲਈ ਵਰਦਾਨ ਹੈ ਇਹ 'healthy candy', ਹੁਣ ਘਰ ਬੈਠੇ ਮਿੰਟਾਂ 'ਚ ਕਰੋ ਤਿਆਰ
NEXT STORY 
